新森林焗之專門店

Open Now

Now Closed

第三次黎食，之前都打左篇關於佢既焗飯好廢。今次食都係想飲佢杯咖啡，同埋卡位幾好坐。但為免中第三次伏，所以叫左個日式咖哩吉列豬排飯。估唔到個飯仲熱過前兩次焗飯，真係比佢吹脹。日式咖哩味道一般，唔夠甜，但唔難入口。但我無撈均哂d飯。個飯唔係珍珠米，無期待無失望既。但稍微有點硬。吉列豬排上台時個面仲炸炸聲。面果層炸漿好味。但都係果句，用塊靚小小既豬排啦。經過今次，更加肯定唔好叫焗飯。下次都會為左杯凍咖啡再黎既。

溫泉蛋芝麻醬雜菜沙律 - $16即炸脆薯角 - $14炸單骨雞翼(孜然味) -$22吉列豬扒 - $18焗肉醬意粉焗白汁雞皇飯小小肚餓，喺灣仔經過見到呢間野個餐牌就俾佢吸引咗入嚟食下午茶: 每樣野細細份，一個下午茶餐包一個前菜迷你焗粉/飯同小食先係四十幾五十蚊，再加杯嘢飲真係好抵又可以食多幾樣野。應該有好多人都俾佢吸引咗所以下午茶時段都有好多人。佢啲小食係真係唔錯，焗飯同埋個芝士焗肉醬意大利粉就麻麻哋。可能個人對於主食嘅要求比較高，炸野就冇乜技巧，所以都可以做到出面乾身入面Juicy, 不過因為平個豬扒雖然望落去好大塊但係好似一張紙咁薄xd 孜然單骨雞翼就少少辣。最加分係呢間野好似新生餐廳咁有招募義工同埋請啲更新人士(?) not sure didn’t fact check不過就應該同救世軍有聯繫嘅！當支持下做個善事囉😛

依家多數買外賣番屋企食，今晚去灣仔買外賣。大盛豚王拉麵牛腩好大嚿，炆得好腍。豬肉半肥瘦，食落甜甜地。拉麵麵質煙韌，軟硬適中。配菜有清甜嘅粟米粒同爽脆嘅木耳絲，有菜有肉，係你嘅健康之選。黑椒美國牛仔骨芝士焗飯黑椒汁多過芝士，芝士味被黑椒蓋過。飯稍微硬了點。牛仔骨配黑椒好入味，真係冇得輸！蜂蜜喺依家新冠肺炎疫情下飲更覺清甜潤喉。

足份量的芝士鮮茄焗牛脷飯，粒粒充滿蛋香炒飯底，加入芝士鮮茄焗製，配上肉厚的牛脷豐腴軟腍，啖啖刺激味蕾。可加$18 order小食，小食款式都算多選擇，我點選鮮菌芝士焗西蘭花，味道濃郁。😋😋😋

～ 早餐輕盈之選頂級餐肉煎蛋公仔麵煎蛋改咗做炒蛋，午餐肉有2片味道合格。呢度係用大光麵做底、師傅煮麵煮到味淡兼滑潺潺，真心唔懂得欣賞。。。 ～ 早餐輕盈之選2煎豬扒公仔麵除咗食得飽之外無乜嘢好講。。。跟餐奶茶入口味澀。留意到奶茶係用即棄紙杯同膠條做調羹，明白到今時今日香港地租貴人工貴，請個洗碗伙記非常之難，但咁做非常之唔環保。。。綜合嚟講係一間港式連鎖茶記。。。除咗價錢合理抵食（$29蚊個早餐）之外冇其他嘢想發表了。。。

今日ot咗幾個鐘去到成9點幾，本來都無咩期望食啲咩，但呢間餐廳竟然未關，我即刻9秒9入去食啦。本身鍾意食焗飯，呢間嘢啱晒我口味。我叫咗個鴛鴦焗飯，一邊係白汁海鮮一邊係黑椒汁雞扒。海鮮算多，雞扒大舊又juicy。加多杯凍檸茶都係60蚊，區內算係抵食。

今日難得經過灣仔就入去試吓新森林焗飯唔可以話中伏但係只係一般水準食咗一個牛魔王飯原來牛魔王焗飯係一個mix 飯係咖喱牛腩飯加芝士焗黑椒牛飯兩溝成兜飯好多汁個人較為鍾意食黑椒汁多啲因為牛柳跟黑椒汁較為夾 牛柳都幾大塊不過咖喱牛腩就一般牛腩有啲難咬同埋好容易癡牙 雖然大塊但係唔好味唔夠外面的湯麵鋪水準好 只是不過不失眼看以為飯好多 其實得好少相反咖喱汁同黑椒汁就過多到最後覺得好膩 同埋無菜食不過呢個水準對得起呢個價錢

好耐無食啦！一坐低見鐵板扒餐第二客半價，仲要包埋餐飲！ 另加5蚊可配餐湯，加8蚊配餐湯及蒜蓉包，仲要唔使加一，以現今經濟黎講，真係一大驚喜🤩🤩質數不會因價錢而细左，份量大件！味道都唔錯

今日經過新森林餐廳，俾佢個menu 買一份西冷牛扒，第二份半價吸引左😃原來唔只得個牛扒咖，佢仲有個焗飯跟埋，即係話一個西冷牛扒加一個焗飯只需98蚊😂牛扒方便，我特登唔落佢附送嘅黑椒汁，想睇下原本牛扒嘅味道。 點知都幾有驚喜，牛扒難得唔會煎到好熟，肉味都好濃，所以最後我係完全冇用過個黑椒汁。唯一唔好嘅地方，就係佢嘅飲品全部都係用即棄膠杯，十分唔環保♻️總括嚟講，如果下次經過我都會再嚟😃

公司附近實在有太多選擇了！今天就來到新森林吃焗飯。除了焗飯外，他們還有很多選擇啊！例如焗意粉、拉麵、扒餐等等。款式很多，而且常常有新產品推出，不會怕悶喔今天就試了他們的新產品 - 溫泉溜心蛋焗咖喱雞飯焗飯一上枱，立即搵匙羹拮穿溫泉溜心蛋！啊！很失望呢可能因為飯太熱的關係，蛋都焗熟了！不過驚喜的是芝味尚算十足啊熱的時候可以拉到絲呢！至於咖喱方面，個人覺得有點咸，如果可以再淡一點就好啦～以港島區的午餐來說，$52連餐飲算是正常價錢了。

同男友行街，打算由灣仔行落銅鑼灣望下沿路有咩食，見到呢間扒餐第二客半價就吸引左入去食啦 入面坐得幾舒服，有好多卡位。餐牌十分多選擇，但今次我要食扒餐！原來餐牌任何扒餐叫2客，平果份就半價，套餐仲包飯同飲品，另外仲可以加小食同湯。😶羅宋湯加蒜蓉包:湯吾夠濃味較稀 ，包好香，剛剛焗好熱辣辣。250克西冷扒:鐵板上熱辣辣，我點左蒜蓉汁，所以有蒜係牛扒上面。西冷好un，根位好多，其實舊肉吾多又難切，雖然吾係全熟，但切落去同食入口同全熟無分別。完全無牛味👎🏻牛柳：呢個反而有驚喜！又淋又香又易切。。呢個質素正常又好食！咖哩飯，茄汁飯：炒飯底，份量好多，只淋汁上面加芝士，無特別酸辣鳳爪:只有白醋酸味，有5隻鳯爪其實都算抵食咖！菜底吾生銹吾差的。。紅豆冰淡到不得了，紅豆又吾淋。乳酸益力多飲品好假既乳酸味，完全飲吾到益力多味既☹️呢度叫侍應哥哥落單，我都未講完人已經行走。講慢少少都西面。我落一次單叫左佢行番轉2次，話仲有我未落完！真係好需要甘快行開？甘阻佢時間？🤔🤔

有時食LUNCH真係會食到唔知食咩好，見今日新森林唔算太多人，就走左入去試下。午餐推介都算多，扒類如: 雞扒、豬扒、西冷牛扒、牛肩扒。更有焗飯，全日早餐(肉丁片頭、炸菜肉絲等等.....)都係睇圖片最吸引，芝士溜心安格斯牛肉漢堡焗飯$53、芝士蕃茄焗珍寶大胃王飯$51，真係睇到價錢先發現咁抵食，當中仲有餐飲跟，抵!!其實都真係幾貼心，荼餐廳都做埋素食系列，芝士焗吉列素豬扒、芝士黑椒素牛扒仔焗飯，令素食的朋友有更多的選擇，而且更唔需要擔心當中的配料，因為全部都會以豆乾所制成，令素食者安心享用。亦有拉麵類，大盛豚王可作自選配料選擇，選自己喜歡的配搭。如果唔夠飽，更可以追加小食，最重要的是價錢一點都不貴，$20內便有交易。飲品方面，都有其特飲之選，青蘋果梳打，巨峰提子粒粒梳打、荔枝粒粒梳打、香芒戀人等等...皇牌蕃茄芝士焗咸牛脷飯 - $47賣相相當吸引，來到時已聞到牛脷和蕃茄的陣陣香味。牛脷軟腍，輕輕的咬便可將其咬開，而又不失其口感。

諗住來食個正常早餐，點知大失所望。沙嗲牛肉麵麵煮得好淋，明顯煮得太耐。牛肉不够滑，份量好少，沙嗲味其實冇乜，個人覺得都算幾失敗之作。炸菜肉絲出前一丁轉左出前一丁，稍微好少少，煮嘅時間啱啱好。但炸菜肉絲好明顯份量極少，而肉絲接近失去蹤影，差！煮蛋就正常，冇乜特別。但多士係接近凍嘅，應該擺左好耐。食物質素唔算好之外，其實服務態度可以有更大的進步空間。當天應該有2黑衫1綠衫嘅職員，綠衫職員服務態度尚好，但兩名黑衫職員，似乎客人都得罪左佢地咁，無論入座定係點餐，態度都極不友善。食物質素唔算好，服務態度都唔好，經營一間餐廳最需要嘅兩個元素，極度缺乏。

下午茶供應到1800,對於早食晚飯既人黎講多一個選擇，因為份量唔算小，好多選擇，有卡位，坐得舒服。全日免收加一，呢樣抵讚！碟飯即叫即炒，好普通既一碟炒飯，不過不失，所以下次都係試焗飯，價錢$35,包埋熱飲，隔離譚仔都無野飲啦，所以抵食之選！

搵食途中，行經很多食店，俾門口焗之專門店口號吸引，想試下有幾出色。下午茶三十幾蚊起一個焗飯，還有飲品，已經不覺得是灣仔價錢，隔離街呢個價食緊薯條餐咋。個餐牌都很多款式，整得好靚，很多加配，價錢合理，飲品都有一大頁介紹。我們一大一小，加了$6有湯有蒜蓉包，真的夠吃。但其他追加小食都好高性價比。太多選擇，問下店員都會講兩句介紹，選了芝士焗咖喱雞伴鮮茄豬扒飯，一次試兩種味道。本想食多點芝士，但店員話碟碟都有芝士所以試雙併。點了好快到，賣相不錯，滿滿的肉及醬料，滿滿的芝士，不是求其亂堆，看上已和以前吃的焗飯很大分別。咖哩有辣及香、咖喱雞啖啖肉冇雪味、豬扒軟稔香甜,同都幾多芝士.羅宋湯香濃多蔬菜，算高質，不是水稀稀的，仲食到牛肉絲。蒜蓉包原來是皇牌之一，豬仔包蒜蓉包，由於飯先來，吃包的時候都凍了，但都吃都香脆，不過熱食應更好味。飲品都係有誠意的，荔枝粒粒梳打,有奇亞籽，成杯靚哂!整體食物都算高質，性價比亦高，原來有其他分店，認識多了一間餐廳品牌焗之專門店，好滿意。不過坐入面卡位，收網絡不太好。