莉苑 (德輔道西) (Closed)

今日和他來了這裡食晚飯..食左..豬扒雲吞湯麵--好味..冇乜味精..又大碗鎮江排骨菜飯--個排骨ok多油..不過味道都ok..豆漿--好味好大杯可惜冇晒ci飯..食到飽飽兩人都係四十蚊..好扺啊

我好同意前一位朋友所寫, 只想提一提此店的蔥油餅真的很香及好味..此店在上西環有三分店...有二間有糖水食,....但老實說.....不要試.. 你會後悔

一睇店名就知道呢度的鍋貼一定係有D 野o既...... 冇錯! 的確係與別不同! 每一天店員都會新鮮泡製數大盤，煮鍋貼的過程由放鍋貼到煮熟，你都可以一眼睇晒! 只要一盤鍋貼煮熟後，食客就會不停落order, 堂食加埋外賣，不過十多分鐘就會賣晒! 鍋貼的size 比起一般的大! 而且有肉汁... 底部亦不會太焦。奇怪的就係只賣$2 一隻，買五仲要送一，其他食物亦好平! 大大碗的雲吞湯麵+ 香脆的炸豬排只賣$15, 粢飯$7, 呢間野仲賣大包，我的意思係佢地賣的包比起市面上的大得多，有煎豬肉包、奶黃包、全麥包... 等都係$2 一大個，還有其他基本上海美食及甜品等... 其實只要拿$20 入去一定食得飽。 估唔到呢間咁細又冇咩裝修的店原來係咁抵食，今次真係要多謝友人的好介紹!

食物幾出色, 雲吞, 鍋貼, 炸排骨, 炸雞翼, 菜飯...等都好正. 環境okay, 但店較細, lunch 很多時很逼, 坐得較辛苦.很多時, 一班人O.T.時會買些小食頂肚.服務okay, 不過不失.價錢便宜, 十幾廿蚊, 很抵食.

第一次坐係度食lunch，同男友食左雞翼菜肉雲吞麵，好食呀，好鍾意d雲吞，成碗麵唔覺有味精，所以好有住家feel．．仲食左個榨菜肉絲飯，但脆異地竟然係用叮叮盒裝住然係叮比我地食，不過o甘平都算啦．．兩個人夾咪食左三十幾蚊，超扺=)！仲有呢度ｄ鍋貼同ci飯都好好食架，有時媽媽行過都會買番黎比我食．．

我覺得呢度o既鍋貼好正~~個底又脆卜卜!! $2 個真抵食~不過都幾油下...

利宛在西營盤區至少有三間，以平價抵食得招徠，食物水準不失禮，所以長期都好多人幫襯，堂食固然多人等位，外賣都有時要排長龍。呢度舖面不太大，坐十多人已經覺得迫，但又周不時都坐滿人。來過幾次都係食炸排骨麵，排骨即叫即炸熱辣辣，同都係分開上，不會浸腍了炸排骨。排骨唔算厚，但唔韌，當然受過鬆肉粉的催殘，但都算入味，通常一塊斬開六、七小件，唔使成塊咬；麵是粗身的上海麵，舖面還有不少的冬菜、炸蒜粒、蔥花等，亦通常搭兩三條菜，雖然賣得平但一點也不馬虎；湯底當然不過爾爾，但以份量計係一定食得飽。排骨麵賣12蚊，平得沒話可說。還不夠飽可以再叫鍋貼、豬肉包及饅頭等，統統都只賣兩蚊，所以通常在這裡食到飽都不用廿蚊。實在係經濟抵食的選擇！

見到佢o係西環都開咗幾間分店, 於是就入去試下, 12點咁上下去到, 都唔算好多人. 我order咗鍋貼, 担担面同埋蔥油餅, d鍋貼最快o黎到...因為應該唔係最新鮮整起個批. 雖然唔係好夠熱但係味道唔錯, 佢唔算油膩, 都幾大隻, 買五送一, 都係十蚊, 真係幾抵食, 個担担就要等十分鐘咁上下, 一o黎見到佢個面有辣椒油, 仲以為佢俾錯咗酸辣面我, 點知原來佢o既担担面唔係一般既担担面(可能我攪錯担担面既定義la), 佢仲有少少碎豬肉係面, 味道唔錯, 都無乜辣味, 不過個湯應該落咗味精, 唔係話好好飲, 不過overall都ok. 最後o黎o既係蔥油餅, 初初仲以為佢唔記得攞o黎, 但原來佢好似見我就o黎食完d面同鍋貼先攞俾我, 佢個蔥油餅應該係啱啱整起, 幾脆又唔油, 又鬆化, 幾有口感, $4一個仲同你切開六小份, 確實幾細心總括而言, d食物質素唔錯, 但係等o既間就耐咗少少, 如果可以快d, 佢應該可以做多好多生意.