New York Cafe & Bar (Closed)

元朗西餐一向多選擇而且價錢比市區便宜得多，所以以前好中意同屋企人係weekends入去搵食，而new York cafe 係當年睇到鄧達智係專欄介紹而得知既餐廳，主打平靚正。咁耐冇食，唔知水準如何？一黎到見到有越菜menu都嚇一跳，因為明明new York cafe 係食西餐...所以我同媽咪都揀返食開既燒雞，而老豆就好勇敢咁揀左laksa試試同以往一樣會送上餐前面包條，今次隻醬有d偏酸，而餐湯就唔得啦，我覺得連金寶湯都好味過佢果個雞蓉忌廉湯，好稀又冇味成餐最好既係依個雞肉burrito,個皮好脆口，而入面既雞肉都好juicy又惹味,加埋大量芝士好掂驚唔夠既底下仲有用忌廉煮既米型意粉tim媽就次次都食燒雞配Caesar salad啦，嫌佢太多sauce，不過燒雞仲係咁好味，啖啖肉咁最特別既laksa又點呢？本身對海鮮都冇咩期望嫁啦，都係大路蟹柳果d但係青口都幾大隻同新鮮既...但實在太多面太少料同埋個湯都係太重椰漿味唔夠香辣最後加錢要多個拼盤，比較中意蝦餅都幾彈牙

去到元朗一定要試吓呢間cafe, 一來抵食，兩來位置方便 ！ 就是在新元朗中心對出， 步行不用10分鐘 ！ 餅乾棒棒， 香脆可口， 配湯一流什菜忌廉湯： 味道不錯而香美式水煮龍利魚柳香脆， 配上特制醬汁， 簡直係錦上添花有薯蓉放底， 配上番茄醬， 特別清新！烤雞肉配意粉 雞肉外脆， 肉質柔嫩， 而且雞件大大件！蕃茄醬汁： 味道適中，不會太酸， 啱我口味！ Mocha ： 十分出色， 味道香濃， 好香好滑 ！ 境幽雅而寧靜. 嘆番杯咖啡， 簡直係人生一大樂事 ！

豬手份量一隻，都有肉食😍 牛柳細細件，係一人份量，要求五成熟，都煮到達標，個 pizza 就差d ，唔係有發酵過嘅薄餅底，只係牛油搓麵粉碌到好薄嘅餅底，好重牛油，食落好滯 ，回家好口渴，下次會試意粉 😂加$35 可轉餐，有一個 drink , 價錢都好合理，環境都好舒適，朋友暢敍都ok

本人對洋蔥湯同凍朱古力係有極高要求 而黎一間餐廳就滿足到我嘅要求每次到無論點乜野都好 洋蔥湯同凍朱古力一定係我嘅must item加上黎到係冇+10%service charge但係service都唔錯一睇碗邊同碗面就知道啲芝士係真材實料加上炒到軟林林嘅洋蔥同濃烈牛味嘅湯底 飲極都唔厭我Order 左一次紐約漢堡包 賣相就.....的確係有少少麻麻哋嘅 中間嘅牛肉都有少少乾 而朋友order嘅係all day breakfast 相反我就好滿意 根本上佢份餐比我食左七成當然仲有最愛嘅凍朱古力 為我地兩個嘅晚餐作一個美麗嘅收尾 (不過又係冇相)食到攬住個肚咁走都只係25x左右

成日搭車經過呢間嘢, 見裏面都冇乜人, 以為係好普通嘅西餐廳。點知見到食評好似唔錯就走咗入去試。一入到去服務好好, 幫你拉櫈仲話你聽啲枱有鈎比你掛袋。 麵包條前菜加沙律醬好好食。前菜有餐湯或凱撒沙律 , 個沙律好大份好似出面要六七十蚊一份嗰啲! 味道都不錯。叫咗t-bone steak 嘅dinner set, $178我未見過咁大塊嘅t-bone steak!! 叫咗五成熟啱啱好!亦都未食過咁好食嘅t-bone steak! 佢外脆內軟, 外表嘅味feel到係用猛火烤, 個味調得啱啱好, 內裏肉質都超juicy!!另外叫咗個海鮮餐。其實比起佢嘅其他餐 有啲貴, $298。有虎蝦同埋羊架。同樣係超級好食!! 羊架得一塊, 叫咗七成熟啱啱好。同樣外脆內軟肉質juicy不過比起t-bone steak餐就冇咁抵啦。值得一提, 成餐飯佢會確保你食完個前菜佢先會上主菜。 好少可會有啲咁留意顧客嘅服務! 但重點係咁好嘅服務竟然免收加一!!!! 一定會回頭

同親戚一起訂好枱吃飯, 人多正好可以試多幾款菜式這裡出名吃扒, 當然要點扒類先點了幾份晚餐再散叫一些食物, 套餐配有餐湯及餐飲, 味道正常雞胸肉賣相不錯, 煎得很香, 下面是薯蓉炸魚很嫩滑, 配有惹味的炸薯角, 份量偏小,  這樣要$168太貴半熟吞拿魚意大利飯也好吃, 同樣份量偏小...大食一點的人應該也不會吃飽, 還是建議叫扒類較好!三文魚PIZZA 好吃, 是餅乾底T-骨扒才有份量. 整件扒很有炭香, 真的不錯!因為人多, 所以也點了$788的 2磅肉眼扒, 是一整舊肉燒的, 外層燒得很香脆,切開裡面還是粉紅色的肉, 咬下去外脆內軟, 十分推薦, 家人都吃得很開心! 試過肉眼真的返唔到轉頭吃T-骨下次來會再叫扒類, 性價比不錯!

This restaurant is one of my favourites! I have tried many dishes on the menu and they never fail to please. Every meal looks presentable and delicious. I would highly recommend the bbq chicken burger. The wedges and salad accompany this dish very well. This is great value for money and also very filling. The chicken is succulent and tender and not like I have found in other restaurants in HK. Best drink: Iced ChocolateBest Meal: BBQ Chicken Burger Staff are fantastic and always polite and helpf

今日初6入元朗，成日聽人講New York Cafe & Bar好味，所以就試下食午餐睇下係咪真係咁正，12點9左右去到，一邊餐廳已經full左，於是被帶位去左隔離，但都有3成滿，坐左一陣都full埋。原來2點前得西餐lunch set, 2點後就得越式lunch set什菜忌廉湯好快就黎左，湯都幾香忌廉味，但係餅乾條就唔記得比，要我地問先比(水都要問佢先比我地)，點餅乾條既醬汁都幾好味。飲完湯等左好耐都冇主菜上，後尾佢問我地飲乜野，話一次過連主菜上，但都要等左超過3，4個字先有得食，唔知當時廚房係咪出現左d咩問題呢，而且今日服務麻麻地。我地3個人都叫左燒雞意粉，燒雞係雞扒黎，有d乾乾地，有d就ok夠juicy。意粉唔會太淋，有少少硬硬地，中間有點白，時間啱啱好，賣相幾靚，只係覺得個汁有些甜同埋稀。咖啡係最唔得嗰樣，唔夠濃唔夠香，有d似奶水。

每逢到左11月，就代表呢個月係幸福嘅月份，可以肆無忌憚以本人生日嘅名義周圍食好嘢。近呢一年，New York Cafe除左提供扒類和西餐，更有越式河粉供應，迎合一眾輕食嘅食客。因此怕肥嘅老婆也被說服，肯同我一起再食。來到餐廳，二話不說就點了性價比最高嘅T骨扒。一如以往，New York Cafe 很重視食品嘅賣相，牛扒與配菜都配置得好有條理，睇見都令人食指帶動。食物都是新鮮現煮，可能要耐心等候一會。T骨扒有超過手掌般的大，牛扒剛好8成熟，不太生也不會過熟，肉汁鮮嫩，非常美味，不消一會已把成塊牛扒吃完，果然冇令我失望。

與中學同學吃生日晚餐，於是選擇了「中學時期好評的西餐廳」。抱持有好東西吃的喜悅，進入意外有點清靜的ＮＥＷ　ＹＯＲＫ。可能已經有六年沒有光顧，環境、人物、餐單有點陌生。我們二人點了二道小食（烤雞墨西哥薄餅＋水牛雞翼）一碟飯（莎樂美腸意大利飯）和湯飲（是日雜菌忌廉湯＋凍朱古力）待應首先附上四條餅乾，這是必定送來的小食。立刻萬分確定是ＮＥＷ　ＹＯＲＫ了：）首先來到的是水牛雞翼，其實我們是第一次吃這款菜式……入口是酸得有點過份，五管立即聚集一起：）有想吃白飯的衝動，不會再點此菜。墨西哥薄餅　正常，沒有特別的感覺。凍朱古力　同學失望地「以前更濃郁朱古力味是必點……依加冇味」最後送上莎樂美腸意大利飯，挺好吃的。飯的軟硬度過適中唔錯：）打食評途中突然想起自己點了凱撒沙律沒有來……好吧：）環境就不錯，比較清靜乾淨舒服。與以前舊店ＮＥＷ　ＹＯＲＫ相比，食物質素感覺不再以往，難道擴建後有影響了嗎？還是午餐比較好吃點，晚餐讓中學好評之稱有點幻滅

平安夜想吃大餐又不想到旺區同人迫, 所以卜左呢度食飯, 元朗應該會好過出尖咀我們比預定時間早到, 餐廳剛好又有枱所以比我地入去先已有一段時間沒有來過這裡食飯,原來多左越泰式菜選擇不過平安夜始終有食西餐的情意結, 加上我地好中意食呢度的牛扒, 所以都係點返西餐侍應先送上麵包條, 可以沾醬或沾湯食餐湯是南瓜湯, 加錢轉了一個洋蔥湯試試南瓜湯太重忌廉味, 喝不出有南瓜味洋蔥湯反而幾好, 夠香濃~散叫左一個頭盤  - 炸蟹餅炸得夠香脆, 蟹肉唔多 , 可能食過其他貴價餐廳的蟹餅, 真係啖啖蟹肉 (當然價錢也貴一倍有多!) , 這個就顯得遜色了因為有頭盤, 叫2 個牛扒餐一定食唔晒, 所以今次叫左個NEW YORK BURGER 裡面是芝士配牛肉, 還有大大個麵包, 配菜的炸薯角都大大舊塊牛肉唔錯, 反而令人有驚喜的是那堆沙律菜食落先知原來上面的是黑松露黑醋, 即刻令個味道昇華左T-BONE STEAK 係我們每次必點的 , 好大件, 燒得好香!點的是7 成, 切開像5 成, 還好我地都可以食得比較生牛扒很有質素, 肉唔會鞋, 一份真係可以2 個人SHARE 食!平安夜只設最低消費每人HK$20

今日同老公一齊放假，book咗食晚飯，早到咗，但場內都係得兩三台客，未算多！場內環境唔錯，台同台之間唔算闊落，但坐得都算舒服。點咗一個前菜，再加兩個set dinner，戀括都算ok！依個係餐湯，好香滑，加上少少黑椒，味道更特出！好多牛肉，多到覺得好抵食，當然味道不太差，牛肉算滑，沙律加埋青檸，食落好清新！食完前菜，場內已full..羊架，算係我至愛之一，價錢唔平，叫咗七成熟，刀落有唔少血水，扣咗少少分，但咬落好so，點上薄荷醬，味道唔錯，同埋夠肥，岩哂我嘅口味！鐘意羊架，同埋鐘意so肥嘅人可試下！牛柳，叫咗五成熟，一個字，「鞋」，鐘意食「鞋」野嘅人岩哂口味，我就影真一般！總體來講唔錯，會食下次，但唔會叫牛柳！

又黎食NEW YORK CAFE，竟然做埋越泰菜。當然要試吓啦，叫左越泰海鮮喇沙配鹹青檸梳打$58先睇調味料都幾PRO咁:個海鮮喇沙一上枱賣相幾靚，正~先飲啖湯，好淡  有少少鮮味，但食唔出有椰汁味，好失望! 海鮮配料只有兩隻青口同一隻蝦，更失望。青口好大隻，好肥美，確係好食; 而蝦就細隻啲，又冇乜鮮味。鹹青檸梳打，好奇怪，零甜味，唯有另外要個糖漿。都係叫返西餐好啲，始終質素有保證。叫左美式水煮龍脷餐$67蕃茄忌薕湯，好美味，又濃又有清甜蕃茄味，個人認為係今餐最好味既。美式水煮龍脷，食過好多次，感覺既清淡又健康。MOCHA都係每次必飲之選，CREAM好豐厚，咖啡濃香加朱古力甜味，大愛

親民之選首要環境很好夠安靜好舒適而且餐廳用餐有2邊，一邊係越南菜另一邊係西餐己今次選餐為越南菜到店內服務相當棒，店員會介紹菜式比我地參選點完菜到上菜真係好快對我5算食辣之人黎講越南菜又價錢又親民又抵食，味道又5差住係元朗天水圍同屯門既你要試一試住得無咁近既，可以約埋三五知己聚餐環境又佳地點都好近，係元朗西鐵站，行過去交通廣場就到仲可以簡西餐同越南菜

咁之前男朋友係果邊食過，唔係特別好但附近買唔到沙律外賣，諗住問下有冇得淨係買1個沙律攞走。好啦，咁個姐姐話等一等，佢要問下人。咁ok 左話無問題，我就要個田園沙律48加煙三文魚加68，總共116。我俾左120蚊唔洗找。咁個姐姐又叫我等一陣，因為廚房係後面要等大概10分鐘。好啦，之後又有一個男侍應攞個外賣岀黎，我就滿意咁攞住走，結果路上一看！咁就值116？咁嘅價錢已經可以係一間高級餐廳食到唔錯嘅沙律！咁嘅沙律4塊生菜就已經佔左個外賣盒嘅8成，上面加2條青瓜一啲洋蔥同pinenut就48！都算，三片細到好似花之戀咁嘅三文魚就要68，會唔會太貴左啲！重點係唔係特別好食，都唔明點解仲有咁多好評