牛記茶室 (Closed)

雖然大部份點心與市面大同小異，但明顯地，沒有太多味精，吃完過後沒有很口渴的感覺。春卷呈長形狀，感覺似breadstick，有驚喜。蝦餃鮮蝦爽嫩，燒賣係巨size，正！腸粉唔會好黏稠，爽口！桂花糕，滿口清香桂花和杞子香氣，值得推介。所有waiter, waitress服務態度好，有禮貌！一定會再嚟！

牛記一個好街坊又親切嘅名字...當然吧！我都算係一個小小粉絲，話晒由歌賦街食到而家有啲吊腳嘅新店，算了吧當探探我啲老朋友（蒸水蛋、蘿蔔牛腩煲、蓮藕餅。。）哈哈！今晚食有驚喜又有失望！我先講失望啦...竟然無我honey蘿蔔牛腩煲呀（因為新舖剛開張好多野未準備好而且今日牛腩煮衰咗所以唔賣得出街）、蓮藕餅都無呀... 好彩有蒸水蛋但係唔知點解無見一排啲水蛋可能無做facial 老咗仲表面無咗以前嘅光滑！算了算了！再揀其他新野反而驚喜來了！超級必食推介：菠蘿串香雞（唔係好記得個名）用咗泰式辣醬黑椒汁煮嘅雞翼，個汁超惹味又唔太辣！大人細路個個讚！！哈哈！牛記煮嘅雞確係有一手！另外點咗魚露雞、玫瑰（豉油）雞各半隻，哇！第一次食魚露雞（凍食）以為會好咸魚露味，點知入口就淨係feel到好滑少少咸，正！玫瑰（豉油）雞（熱食）又係超滑又甜甜地，啲汁可以撈一碗飯！潮式乾煎茄子，簡直係又一惹味王！茄子軟硬度同個汁嘅濃郁度剛剛好，其他店煮嘅茄子一般會好油或者過火喉變得淋淋身，而家剛剛好！其他餸仲有：土魷肉餅、琵琶豆腐、豉油王炒麵、椒鹽鮮魷、羅漢齋腐卷。

新開張來試試午市。剛好唔駛等位。蒸點要自取，款式不算多。鮮竹牛肉正常。腸粉皮厚，有啲粉唔熟。雞扎新鮮，不重味精。炸點要叫同等。春卷即炸，新鮮香脆。值得再試其他點心。炒粉麵唔平，都要68起。冇叫。走的時候好多人等位。