日の苑西日式外賣專門店

Open Now

Now Closed

一直見日之苑在港島區，今日行過見到原來佐敦地鐵站都開左間，所以午餐一定要食呢間啦!我order 了一個蔥吞海膽刺身飯。很大的一碗，很多料，蔥吞厚厚的一層鋪滿了飯面，唔驚唔夠配飯食。海膽就OK 啦，又未到好甜既，但都新鮮。我另外買多一盒三文魚壽司，塊三文魚堅好食好厚好大塊，好有口感。我覺得似係食刺身咁正，新鮮肥美，下次一定要再order。我見鋪入面仲有沙律系列，好大碗，好新鮮。咁樣係雪櫃度自己揀野食，就可以😌揀啲靚野賣單。

從外賣平台叫左壽司、刺身、卷物等做晚餐喺呢間「自稱」高質壽司花費近$300竟然買左一堆垃圾返黎警告❗️警告‼️千萬不要幫襯呢間垃圾1. (臭)海膽吞拿魚腩蓉飯魚蓉淡而無味，唔知食緊乜海膽臭到放唔到入口睇顏色都見到，黑色最恐怖呢個飯要$1002. 刺身三款(三文魚、(膠)吞拿魚、(膠)帶子)又係睇相都知舊吞拿魚灰色食落同舊膠差唔多，有啲啫喱feel懷疑係化學物質合成，完全唔係魚既口感帶子食落都差不多成舊膠咁只有三文魚叫正常3. 壽司/卷物大家都見到，飯就勁大舊料就細，牛油果全生，咬落硬既最慘佢真係一啲都唔平俾佢「自稱」高質欺騙了呢一餐已經向食環署投訴日之苑銷售不能食用之垃圾品質食物再一次呼籲大家，切勿中伏！保障身體健康！

係佐敦店買咗一份三文魚牛油果卷返到屋企食第一舊嘅時候發現有”異物”，直接吐返出嚟，原來嗰舊”異物”正正就係一嚿超生 超硬嘅牛油果（同擦膠無分別)，而且全份6件嘅牛油果都係一樣。對於因為鍾意食牛油果而買呢一款壽司嘅人真係好失望，再者壽司飯亦十分鬆散。個人認為壽司師傅冇可能唔知牛油果係呢個情況，但係仍然出售比顧客覺得不可思議，甚至覺得有被騙嘅感覺，最後一舊嘅牛油果三文魚卷入邊嘅牛油果，更加過分係得一角仔。呢個已經唔單只係食物品質嘅問題….對於呢一間首次光顧嘅外賣壽司店失去信心，係IG 亦都有向該店反映今次問題，但不獲回覆。希望大家係光顧此店前好好三思。

又到#草根食飯唔洗碗系列 🙌🏻今次食壽司🍣呢間@ninoen_92733330 之前介紹過，係間間日式外賣專門店.提供多款壽司拼盤、刺身、日式小食、便當同到會👨🏻父節親仲會有個6-9人嘅到會套餐（$1598）.📍六品巨人壽司盛 12件（$238）呢款巨人壽司盛有6款壽司一共12件🍣包括花之戀/油甘魚/鰻魚/三文魚腩/芝士蝦同帶子刺身全部新鮮柔軟好厚切😍壽司飯醋味啱啱好.

「日の苑」為日式外賣專門店‼️🎏 終於由港島開分店到九龍區了‼️🥳 店內的食材很新鮮，有各式的刺身、壽司、小吃，還有不少的日式便當可選擇‼️👏🏻👏🏻 ▫️❥$𝟮𝟯𝟴 六品巨人壽司盛🍣～～～～～～～～～～～～～～～～▰巨人三文魚腩壽司▰黑松露油甘魚壽司▰芝士燒赤海蝦壽司▰巨人蒲燒鰻魚壽司▰帶子吞拿魚腩魚籽戀▰三文魚籽花之戀👆🏻壽司用料都很新鮮‼️✨ 最喜歡油脂豐溢的三文魚腩，口感肥嫩香潤，充滿油脂香‼️🤤 蒲燒鰻魚也很喜歡呀🤩 它那甜甜的醬汁無人不歡，鰻魚切得厚實的一片，很有口感‼️👍🏻

今次食壽司🍣之前都食過呢間佢係一間日式外賣專門店提供多款壽司拼盤、刺身、日式小食、便當同到會價錢唔貴就食到好味又方便快捷嘅日式料理今次去買仲見父節親有個6-9人嘅到會套餐（$1598）.📍六品巨人壽司盛 12件（$238）呢款巨人壽司盛有6款壽司一共12件🍣包括花之戀/油甘魚/鰻魚/三文魚腩/芝士蝦同帶子刺身全部新鮮柔軟好厚切😍壽司飯醋味啱啱好.

👩🏻‍❤️‍👨🏻冇晚市堂食都想過下口癮食壽司🍣。今次試咗佐敦地鐵站附近嘅新店。便當份量多，每份仲可以揀兩款小食。性價比頗高。🥢和風牛肉便當 $68經典日式醬油+味醂醬汁，味道偏甜。洋蔥🧅青味唔算重。肥牛索晒醬汁餸飯一流。🔸配小食：南瓜薯餅 炸餃子🥢天婦羅便當 $68兩隻炸蝦、兩件軟殼蟹、加埋兩件蔬菜餅。一人份量算係豐富🤤。油溫同時間都控制得唔錯，麵衣炸得香脆。炸蝦、軟殼蟹都好鮮甜。🔸配小食：芥辣八爪魚（+$12） 天婦羅軟殼蟹 （+$20）🥢玉子壽司 $30玉子軟嫩帶點濕潤，舍利醋味恰好。📍日の苑西日式外賣專門店 (佐敦)佐敦寶靈街41號地下C號舖

又嚟$200食到飽系列～日之苑唔覺唔覺都開咗好多分店而家連九龍區都有喇～一出地鐵站就係～勁方便性價比高係呢度嘅優勢～乾淨企理味道又唔錯喎😉最重要係出品有效率可以快快脆脆買完就走🍱龍蝦🦞沙律壽司🍣滿滿嘅龍蝦🦞沙律雖然買一件但裝得靚靚咁好有驚喜火炙燒三文魚、火炙燒蟹柳壽司陣陣嘅焦香味配埋沙律醬勁香口牛油果🥑軟殼蟹圈係我最愛一啖一件～～豬軟骨飯～～軟骨炆到好腍仲有椰菜絲同滷水蛋添朝鮮雞扒飯本身仲諗咗好耐係咩嚟原來係泡菜雞排飯～～好惹味可以食晒成個飯

去開佐敦買野，見到附近有日の苑西，原來係九龍區都開咗分店了～有齊刺身飯、便當、刺身、壽司、手卷、飯團、沙律等，便當、刺身仲要係即叫即切，夠哂新鮮！最後買咗兩款刺身同一盒花之戀返屋企慢慢歎～花之戀三文魚油脂豐盈，入口滑嫩肥美，配上海量既飛魚子，彈牙又爽口，加埋沙律醬，口感相當豐富，大大件，份量慷慨，夠哂抵食～油甘魚刺身厚切口感極佳，味道甘甜清爽，油分高，入口充斥魚油香，正。劍魚腩刺身嫩滑厚實得黎好鮮甜，魚腩部位非常肥美。

原來當一個人習慣咗每日叫外賣食的時候，大部份時間都會食外賣，其實都想出外吃，但是又恐防疫情的嚴峻。真是矛盾😅，所以今日又食外賣😂：——————————-呢間外賣飯盒平日都有食開，原來佐敦都開咗間新店👏👏，而且仲多咗好多款式🍝冷盤拼麵：材料豐富，有蛋絲．青瓜絲、蟹籽、蟹柳：熟蝦🦐，配上日式沙律醬，味道配搭惹味、冷麵爽滑彈牙，價錢亦相當便宜，認真抵食、天氣熱熟地，食反D冷盤，清新怡人😋———————————🥗蟹子沙律：抵食大碗，生菜🥬、滿滿的青瓜絲、足料的蟹柳和蟹籽，配上兩款日式沙律醬，吃落味道更特別😋———————-🍣火炙三文魚壽司：大大件又夠厚身的三文魚，火炙吃來較香，飯有口感，配上沙律醬吃更覺惹味😋———————-生薑豚肉便當🍱：好抵食，配上紫菜湯和飯，又有兩款小食配搭👍😋生薑豚肉：爽口又有口感的豚肉，配上蔬菜🥬、吃得健康————————小食：南瓜薯餅🍠：外皮脆卜卜，入面豐富南瓜🎃餡料，香脆熱辣辣😋——————-炸餃子🥟：炸得甘香皮脆，配上醬汁更惹味😋——————————小吃：帶子裙邊：一向都喜歡吃爽口的食物，帶子裙邊又爽又彈牙，好吃😋——————————日式便當🍱新配搭，有埋壽司🍣

🤩九龍區第一間日之苑🤓尋日經過佐敦，見到有間壽司鋪🍣，驟眼睇以為係「爭咩」啲朋友，但入去後發現，原來唔簡單！🤨除左壽司之後，仲有魚生便當、沙律🥗、刺身、飯團🍙等各式各樣！而且除左生野，佢仲有新鮮即製熟食便當🍱、飯類🍚同手卷！估唔到佢鋪頭細細，可以有咁多野揀！👍🏻除左多選擇，佢仲要唔貴，😙以熟身便當為例，大約$70，有主菜有飯，仲搭多兩款小食，🥟🍢小食都好多款，你仲可以選擇加錢食啲靚啲特別啲嘅都得。😃我今次就先試佢哋嘅壽司🍣，一打開個盒，真係嘩😲左出聲，咁大件嘅！🤭🤩以佢同「爭咩」差不多價錢，但但佢大嚿好多，而且質素都幾好，啲肉質都新鮮😋。想試平靚正壽司嘅朋友仔，可以去試吓啦！😉

佐敦寶寧街街口新開左日之苑外帶壽司專門店啊～壽司刺身，定係一人熟食丼，開心party壽司拼盤都有得揀，攞去九龍公園野餐，大人細路定情侶都開心。-三文魚壽司一望就知新鮮 ，三文魚肉厚肥嫩，色澤鮮明，入口即溶😚, 而且仲好大件，arm 晒想飽肚的你你你。-京蔥吞拿魚腩刺身飯現場即刴超新鮮，吞拿魚有魚香，撈飯食魚香滿滿，仲要粉量多鋪滿整個飯面，抵食。-呢到款款便當丼飯都配麵豉湯，咸香夠暖胃。-和風牛肉便當配小食小食超多款，仲可以揀upgrade版刺身手卷都得。青欣蟹柳沙律新鮮, 加州卷色澤誘人，而且仲有4大件， 蟹籽青瓜夠爽脆。-和風牛肉便當超大一盒，洋蔥牛肉煮得多汁，超過癮，牛肉同米飯份量都多，最重要係白飯食晒牛肉都未食晒啊～-野菜燒雞扒飯雞扒燒得金黃， 一打開蓋香氣 滿滿。燒過的雞扒微焦多汁 ，一口一件啖啖肉，，配搭煙韌有米香的 日本米飯，四十多元一大盒，如此價位我無投訴。

放工之後冇哂堂食外賣選擇都少得可憐🥺咁啱見到有間賣壽司好似幾正就試左先講下我哋係嗌一個便當🍱加錢加兩個配菜（唔加錢都得）另外再叫左啲壽司🍣但太多喇介紹幾款必食既！-🥢海膽壽司 （$25/1）海膽非常鮮甜，份量超級足🥰基本上我放到落口唔係好feel到d飯😂 我覺得我滿口都係海膽，真係好正😍🥢蔥吞拿魚腩海膽（$25/1）一件壽司食到兩個口味吞拿魚腩嘅口感 海膽嘅味道好特別 再加上蔥既香🥰🥢炸蠔壽司 （$10）炸粉超級厚 蠔就唔係好大隻不過$10都算係咁 😞🥢鹽燒鯖魚便當（$68）鯖魚近尾部超級硬！另外有個粟米濃湯汁浸住啲蔬菜同半隻醬油蛋🥚個人覺得呢個配搭怪怪地🥲另外加咗$20加咗5片三文魚刺身三文魚都好大塊😍😍另外加咗個芥末八爪魚份量有啲小反而好多青瓜絲🥒不過勝在夠辣同脆口👍🏻-整體來講呢個價錢都算唔錯不過佢另外送咗個湯就超級淡經開附近都可以買來試吓

佐敦開咗新嘅日之苑，之前都係佢嘅分店食過錯，所以就決定喺到買外賣午餐！ 雖然唔太鐘意食魚生，但係熟嘅壽司款式好多，所以一氣過叫咗好多款🤣 最好食係炙燒鰻魚壽司，大大件，冇咩細骨，平均$9件好抵食 😍 玉子壽司嘅蛋好滑，夠厚身！😍辣味螺肉壽司夠晒惹味又唔會太辣！🥰火炙蟹柳拼三文魚壽司都好抵食， $38就有五件， 火炙壽司好香，大大塊三文魚夠新鮮！雙色火龍卷入面有炸蝦，青瓜及蟹柳！ 共有六大件，夠飽肚！ 👍🏻新開好多人放lunch買，服務態度好又唔洗等好耐 🤩

日之苑向來以價廉物美見稱，但過往幾間分店均位於西環及上環等港島地區，最近終於進軍九龍，鄰近佐敦地鐵站C2出口相當方便。除了店內現貨可供選購之外，其實亦有各式各樣壽司、手卷、刺身飯、便當等，即點即製更加新鮮。辣味三文魚刺身飯 ($58) 舖滿三文魚粒份量十足，粒粒三文魚肥美厚切再拌入辣油及沙律醬口感豐潤，但個人認為辣度較低如再加強會更加惹味。火炙三文魚壽司 ($45) 配上沙律醬及燒汁，經炙燒後三文魚呈半熟狀態，逼出魚油突顯油香。軟殼蟹卷 ($38) 外賣回家後軟殼蟹仍保持微脆，加上沙律醬及蟹籽簡簡單單但從不會令人失望。彩蝦卷 ($50) 餡料包括吉列蝦及青瓜絲，壽司飯外再舖上吞拿魚及三文魚片，色彩繽紛而且口感豐富。