無邊 (和富道)

Open Now

Now Closed

點左波菜risotto 賣相麻麻，食落texture ok. 但味道好淡但好漏。食完3小時仲少少反胃感覺。可能係個人問題。偏貴 2個食lunch 埋單$218。不是太抵。

外面门口贴在墙上的菜单不说明周末饮品不能用套餐价，进来点餐才知道，都进来了那就算了点餐吧。点了，All day breakfast vegeterian很油，里面每一样东西都倒油里翻炒一下，吃完盘子里都是油。都是外籍服务员，吃饭的时候她们在闲聊叽叽喳喳还说粗口。没有服务，还要收10%服务费。不会再来了，体验真的不好，大周末的影响心情

放假食番份豐富嘅早餐心情都好啲☺️⁣⁣Royal Breakfast望落未至於好大份，但食食下都幾飽肚。最鍾意佢嘅楓糖煙肉，煎到少許脆口，有淡淡楓糖獨有嘅甜味；大啡菇非常juicy、牛乳炒蛋滑溜；茄汁焗豆亦有心思，加洋蔥粒輕輕炒香，食落冇咁單調。想再升一級嘅話仲有Noble Breakfast，會有埋虎蝦同青口添！⁣⁣Parma Ham Benedict賣相好靚，切開水波蛋後蛋汁同香濃嘅Hollandaise Sauce混合埋一齊好吸引，鹹香嘅Parma Ham令依份Eggs Benedict嘅味道更豐富。之前喺屋企試過跟Gordon Ramsay嘅煮法將Parma Ham煎香到crispy嘅口感，又係另一個層次呢！餐廳特別用咗意式Ciabatta拖鞋麵包，我就比較鍾意傳統嘅English Muffin，感覺鬆軟啲。⁣⁣經典嘅早餐用六角形雲石碟配襯，presentation有加分又啱打卡，但食起上嚟就有少少論盡lu😛⁣

比佢$48吸引左入黎，但見到加沙律菜都要$28有啲貴，最後咩都無加。但個蛋真係好好食！好似食緊好軟林林嘅包咁，又唔咸有少少牛奶味，有啲以前澳牛嘅水準上枱啲野食仲好熱辣辣，比條腸仔辣親個口。最出色都係個蛋，粟米好乾、腸仔有啲un、杯Americano都正！個蛋好食到唔捨得一次食哂🤣

在附近聚會後，與幾位後生仔搵食，見到呢度裝修格調舒服，便入內一試。因為今日星期六，平日嘅抵食套餐不適用，只好叫左幾份 all day breakfast. 我叫嘅係 Knight All Day Breakfast, 比較似英式嘅 breakfast, 價錢屬於中等。比較平嘅 all day breakfast, 就好似普通茶餐廳早餐，或者素食早餐。在櫃一個層次的，好像只有加了三文魚，沒有什麼特別，於是決定中價的「騎士早餐」。店內嘅裝飾特別，格調高尚，有點兒像日式與西式嘅 fusion。店員大多像外籍後生女，要以英語對話，態度親切，但服務一般。

最近去了一間以純白色為主色調的多國菜咖啡店吃晚飯，有我喜歡的全日早餐 (All Day Breakfast)，材料很豐富，炒蛋也夠新鮮滾熱，而其他意粉和飯也不錯，值得一提是菠菜汁雜菌意大利飯 (Spinach Mushroom Risotto with Portobello Mushroom)，比想像中更美味 😋 另外，還點了忌廉汁煙肉野菌卡邦尼意粉 (Mushroom Creamy Carbonara with Bacon)，和蕃茄汁肉醬煎蛋意大利飯 (Tomato Passata Minced Beef Risotto with Egg)，都不錯吃，我特別欣賞那杯凍檸檬蜜 (Iced Lemonade)，很好喝 🍋 而且用了燈泡型的玻璃樽來盛載，十分漂亮 🤩💡

環境好靚好適合打卡5:50pm入坐侍應俾左幾份menu 但就係冇抵食既all day breakfast menu 要要求要先有冷氣一樣， 都係要要求先開冷氣….大佬…..今日天氣35度呀痴線….自決all day breakfast $48有4樣野都已經算幾好嫁啦….但因為中意食菇所以加多左個$28既菠特菇…依個係一個錯誤既決定….因為隻菇唔大….$28一隻細菇真係好唔抵…D粟米好唔新鮮….蛋好油下…牛角包🥐佢地真係好勁居然俾佢地搵到d咁細隻既牛角包…相信d食物係叮出黎既…..實在微波爐既聲音太明顯啦…而且Menu上寫話包湯/飲品…但原來所謂既包野飲只係飲品連餐價而唔係真係包一杯免費既奶茶咖啡等…咁既價錢都唔好預會幾好食啦…一分錢一分貨…但d貨又真係幾差下…..

久唔久都要有女朋友去打吓卡食啲靚嘢食嘅，唔係真係好容易地位不保（而家佢多咗12個老公）呢條街本身都好多餐廳，所以每次經過見到都想試吓，今日趁星期日終於可以嚟試吓經理BLT潛艇叫得blt ，一定知係穩陣嘢，煙肉煎得香口又唔會乾爭爭，蕃茄同生菜夠爽嫩，配埋沙律醬，清新隱陣之選。國王全天早餐係囉，唔知點解女人真係特別鐘意食全日早餐，佢都一樣，仲要係國王食量，呢個啱晒，咩都有，煙三文魚，牛角包，炒蛋，大啡菇，沙律菜…最緊要佢打卡打得開心，覺得好味個陣又會賞我食兩啖，一雞兩味，唔錯唔錯跟餐飲品自己揀咗咖啡，嗯，無下次。下次都加錢轉特飲啦。而女朋友就睇相揀咗杯焦糖朱古力，嘩，一嚟到靚到佢已經心心眼影咗一輪，飲落係好飲兼大杯嘅，好抵飲，佢飲唔晒都分咗幾啖畀小弟包尾。最緊要女朋友影得高興，我又食得開心，帶佢嚟啲又靚又💛嘅小店，大家夠晒高興。

本身佢餐牌冇寫星期六沒有套餐（+$12 for a drink)，於是個唔識講中文嘅女人waitress推介我add combo set (+$38) ，點知最後埋單又要加$12，我就話乜唔係加咗combo就OK咩, 又話冇得加$12嗰種?! 跟住個女人好差語氣地話佢一早已經解釋咗俾我聽，我相信佢嘅解釋並冇強調過combo都係唔包嘢飲，同埋我叫飲品個刻佢亦都冇再強調要另外再加$12！佢不斷同我講I have explained to you! 仲要黑面！然後我投訴佢態度好差, 同埋佢哋個餐牌首先已經誤導性，所以佢有責任好聲氣地再解釋一次而不是黑面或者將所有責任推落個客身上話我哋唔理解佢嘅收費要求！我奉勸普羅大眾不要再受哩間店嘅門面裝修影響而去幫襯，因為佢哋個服務係完全唔掂，我見周邊啲客落單時都一臉疑惑點解叫飲品要收正價，因為佢餐牌明明係有寫加$12價錢！千祈千祈唔好幫襯！我亦考慮去投訴佢不誠實銷售手法！

之前幫襯過銅鑼灣分店，印象唔錯，今次第一次幫襯北角分店，用餐感覺都唔錯，可以encore~德國豬手。 8/10蜜糖豬手原隻咁上，套餐係預兩個人食，但三四個人食都可以啊！兩個人食太飽啦豬手肉好滑好易切，不過有啲鹹，點啲芥末醬好味啲南瓜湯。 8/10好飲既餐湯，香甜又濃郁，仲要幾大杯👍🏻煙三文魚沙律。 8/10又係份量好多既沙律有三文魚、燕麥乾果、芝麻醬👍🏻蔬菜都好新鮮～lemonade. 6/10跟餐唔使錢但有啲甜，唔啱配豬手餐，會愈食愈滯薄荷柚子梳打。 6.5/10薄荷味同柚子味都幾夾，唔會好甜，但個色素顏色都幾嚇人

約了朋友到餐廳，一進去就望朋友到左未，因為啲隔板遮住，我同個女待應用廣東話講：我有兩個朋友黎左講左兩次，無反應⋯⋯佢： english （連please 都無，真係好少人講英文咁無禮貌）我：i got two friends here 佢： see! No one here （笑著串）事實是有一至兩個客人在。最後走了，跟未到的朋友到了附近餐廳。自居講英文高級啲，真係好嘔！一啲禮貌都無。再者，真心唔相信咁簡單廣東話會聽唔明！ Its disappointed by the terribly poor service of this cafe. So rude and looking down on people.

放大假，一個人出街周圍閒遊。正所謂一日之計在於晨，就搵間坐得舒服餐廳一邊食早餐，一邊plan吓行程。之前已留意這間餐廳，假期常常爆滿。睇見食客食到津津有味，好似幾吸引。因為係閒日兼早上關係，只有我一個食客，服務員雖不算得殷勤，但態度是令人舒服的。早晨餐牌有幾款all day breakfast,但我一個人似乎點最basic嘅較穩陣。$68一份all day breakfast,，比坊間的都要平，雖然飲品另計，但係加$12就有杯拉花咖啡，感覺自己賺到了。😆餐具都好靚，經典早餐好大份，好在本人食量都唔細，不浪費地將佢地一網打盡。炒滑蛋好多，我懷疑有三隻蛋，茄汁豆入口暖暖地，有洋蔥，香草味，應該唔係就咁係罐頭倒出黎。楓糖煙肉兩塊，如果可以轉腸仔式火腿就好啦！不過都ok嘅。因為仲有麻醬沙律菜平衡吓口味。牛油香草粟米都好香。小牛角就普普通通。再加杯咁靚嘅咖啡，一百蚊有找，有咁舒適環境，豐富有質素早餐，性價比極高。一個人清靜享受一陣子，都可算叉了電吧！

人生最差的一次ADB睇相覺得好似啲嘢都唔差，都知道服務唔會好好。諗住經開附近特登試吓，始終叫做支持小店。我哋兩個人，嗌左騎士全日早餐，嚟到除咗個蛋食得其他真心擺唔落口：1）兩條腸仔唔知煎咗幾耐，質感又霉又乾2）啲茄汁豆質地好差3）牛角包超冇誠意，焗下佢都好，直頭係華潤一Pat 12粒嗰啲4）啲蘑菇有臭草味5）煙肉乾到一個點

近來成日喺北角覓食，發覺呢條街都幾多好嘢食，不過呢一間係少數係呢條街令我失望嘅餐廳。外觀望落去好似幾好，亦都見好似幾多人，諗住應該唔會中伏掛。點知真係好失望，中環價錢，但食物質素非常普通，性價比真係唔高。而最大個問題就係服務態度非常差，入到去發現啲夥計似乎大部份係菲律賓籍，當然國籍對我來講冇乜影響，最緊要服務態度好，但係招待我們的是一位滿手紋身的女孩 （不是對紋身有偏見只是比較容易留意到），佢全程黑口黑面好似我哋得罪咗佢咁，十問九唔應，跟住上菜嘅時候仲要好大力咁樣劈落嚟⋯所以食完之後我同老公就決定一定唔會再幫襯

行經此街發現呢間純白色西式小館，主打輕食，價錢大眾化，適合四人組合開餐德國豬手餐 (二人份/$258)，可以優惠價另加特定沙律/意大利飯/意粉套餐包是日餐湯，今晚係南瓜湯，超夠熱度，幾香南瓜甜味，份量成個熱水杯咁多，食埋個香脆多士，都半飽左!主角出場，霸氣德國豬手進場，以木板奉上，配有酸青瓜代替酸椰菜絲，另有芥末及BBQ醬汁比你點豬手食呢度嘅豬手係走柔軟路線，唔係皮脆版，用刀叉都可以輕易切開!  豬皮味道帶點甜味，好柔軟，食緊成舊膠質落肚; 而肉質帶點黏口，唔乾好易被消化，個人比較歡喜點芥末食!份量果真夠二人食，加多份沙律應該仲會好D，可以中和一下肉類嘅膩感套餐包2杯飲品，轉其他特飲可以用優惠價，試杯凍Latte，份量比想像中少，無甜，咖啡味偏淡，用金屬飲管夠環保!