NOC Coffee Co.

Open Now

Now Closed

❀┈┈┈┈┈┈┈┈┈┈┈┈┈┈有多間分店的純白色簡約cafe✨自從Noc愈開愈多分店之後 要光顧也變得更容易了假日的晚餐就選址了荃灣廣場 晚上到訪人流不多可直接入座┈┈┈┈┈┈┈┈┈┈┈┈┈┈𐂐 ⠜麥芽糖烤雞碗 $138 (8/10)食材顏色豐富的健康碗除了烤雞 還有牛油果 南瓜 車厘茄 無花果 吐司等營養很均衡🤍男友表示雞肉好嫩滑 而我比較喜歡爽脆的南瓜𐂐 ⠜墨西哥雞肉餡餅 $118 (7.5/10)餡餅會額外加配yogurt bowl一次滿足2個願意 性價比真心不錯😻雞肉餡餅加入了芝士 入口唔會太乾柴又帶點鹹香而yogurt bowl就正常味道啦 總係覺得好食過自己整😂我仲加配左炒蛋要$25 係價值不菲的蛋𐂐 ⠜Ice white $45 𐂐 ⠜Hot matcha $50整體唔差 好適合關注健康人士 只係我地都認為定價過於進取🤔┈┈┈┈┈┈┈┈┈┈┈┈┈┈

朋友推介加bookmark左好耐既NOC Coffee Shop🤍一直鍾意佢純白既裝修🤍🤎今次去荃灣既分店試左佢既牛肉沙律bowl/燒雞沙律bowl色彩繽紛加排列整齊既salad bowl真係好岩打卡😋😋有齊牛油果、蕃茄仔、南瓜粒、無花果、溫泉蛋配燒牛/燒雞肉配沙律菜 鋪滿一個碗上 😍😍配料揀燒雞有麥芽糖汁 相對地燒牛揀左medium都比較靭但佢既配菜同沙律醬汁係我鍾意既口味酸酸甜甜夠開胃又飽肚😆另有兩塊sourdough toast係唔想食得heavy時既好選擇😍😍😍可惜既係性價比唔高🥲🥲咖啡要杯Flat White另外加錢$40-$60 無套餐～埋單要$200😳如果價錢平好多都會想再食呢個價位可以食下其他～🤧🤧🤧而且荃灣分店比較細 唔似其他分店咁想影下相😵‍💫📍 NOC Coffee Co. (荃灣)荃灣大壩街4-30號荃灣廣場L1樓128-130號舖

本身bookmake左一段時間，行過都好長條龍，所以一直未有時間去試，今日出開荃灣，心血來潮去睇吓長唔長龍，結果5分鐘入得終於明白明白點解咁多人排隊，個意粉好好味，帶子好大粒，意粉加酸種麵包，咖啡一啲都唔苦，好回甘，下次我都會去排隊再食

之前一直以為僅是一間咖啡店，可能搭配簡單快餐三明治甜點類，來過很多次商場都沒有試過，沒想到裡面的餐點非常豐富，且健康美味！沙拉很好吃，搭配醬汁雖簡單但不會衝突，水波蛋又嫩又香，搭配麵包好好吃，咖啡都很不錯，食物質素完全超出期待，可納入往後brunch餐廳清單

平時見間間NOC都排哂隊，但其實一啲都唔平，仲要收加一添，不過想食健康啲又坐得舒服，呢到環境又真係唔錯。新出的蟹肉蛋白多士，中間墊左啲菠菜同黑醋，但始終蛋白水分比較多，都係會整到塊酸種包淋哂，不費力就可以切開。蟹肉蛋白的份量好豐富，應該至少有4隻蛋白，調味好輕手，帶點蟹肉嘅鮮甜味，自己加左好多黑椒。我會話呢個價錢，有一半係比犧牲左的蛋黃。呢到嘅酸種包冇咩特別，冇口感唔煙韌，冇咩香氣，唔會有麵粉香。

我去了荃灣NOC咖啡店，試了他們的抹茶拿鐵和葡撻，感覺非常棒。首先是抹茶拿鐵，這杯咖啡非常特別，加入了抹茶粉和牛奶，味道非常濃郁，有著濃厚的抹茶香氣和微妙的奶香。咖啡本身的苦味和抹茶的甜味完美交融，口感十分豐富，讓人回味無窮。接下來是葡撻，外層酥脆，內裡鬆軟，加上香濃的蛋奶味，讓人感到非常滿足。抹茶拿鐵和葡撻的味道都非常精緻. 此外，咖啡店的環境也非常舒適，裝潢簡單卻不失雅致，讓人感到放鬆和愉悅~~

放假去咗noc 食tea，見佢環境夠光猛開揚，感覺良好。假期呢間cafe都坐滿要排隊等位。入到去睇完餐牌揀好食物，就要自己出去落單。出面可以睇有咩麵包、甜品賣。最後揀咗杏仁牛角包$26同蛋撻$18，另外點咗2杯飲品，分別係凍朱古力同熱matcha latte。飲品正正常常，夠大杯嘅。不過食物嚟講，貌相望落去幾好，不過一咬入口….凍嘅…我except佢會整返熱先再比客人…至少用微波爐叮熱返都好…凍咗個包好硬…希望佢地會改善下，不過我都無下次…

與妹妹去開荃灣，選擇了這間餐廳，只幫襯過將軍澳店，環境比較細，難得公眾假期人流不多，而且不用等就可以坐低，食物質素一樣好，本來想食牛扒沙律，但已售完，選擇了雞沙律和椰菜花沙律，味道也不錯

突然好想食墨西哥餡餅，諗到noc有，就嚟咗荃灣呢間分店。分店光猛，裝修簡約，坐落幾舒服。兩個人都唔肚餓，就叫咗墨西哥餅，英式鬆餅同一杯咖啡，一齊食。墨西哥餅有三件，入面有芝士同雞肉，附送嘅沙律菜好好味😋。但我發現更好味嘅係附送的yogurt 😊。有啲類似穀物嘅脆脆，有啲香蕉同藍莓🫐，好味！嗰英式鬆餅都好好食，入面有少少果醬，唔會太甜，幾香咖啡都幾好，不過對咖啡冇咩研究🧐，只講得出幾好味，不會太苦😆

Hello 大家好👋🏻！今日我又嚟到位於荃灣廣場嘅「NOC Coffee Co.」。 話說上次飲完佢地杯Dirty+小葡撻之後，我竟然念念不忘😭。 成日心思思想再去嘆杯啡🤭。今次同大家分享一下佢哋嘅早餐， 適逢果日假期，小弟又早起無嘢做… 對自己好啲！嘆個靚早餐開開心心過一日。美食攻略：原本想試下佢地個All Day Breakfast, 但係又想食件多士，因為All Day Breakfast無多士，所以放棄咗😅。 最後選擇咗「Maltose Chicken Bowl」。呢個選擇我覺得自己做得好啱😝， 營養豐富啲又健康啲，份量仲好好，有飽足感之餘又唔會太過份。 當中有麥芽糖香煎雞扒，甜度唔會過頭，就好似蜜汁雞扒一樣。 配搭上無花果、牛油果、羅馬生菜、小番薯及南瓜粒，無論味道或營養價值一樣咁高。 不過隻水煮多就真係欠咗少少蛋味不過不失啦。 當然唔少得件多士，可能果日好想食多士，所以覺得特別好食，多士炕得剛剛好，外脆內軟，配搭一杯hot latte ， 一個字… 「夾」。遲啲我會再試埋佢哋其他早餐bowl, 到時再同大家分享。美食指數：5🌝最高味道：🌝🌝🌝🌝🌚環境：🌝🌝🌝🌝🌚服務：🌝🌝🌝

本人和丈夫今天去了荃灣廣場，行累了想坐低飲杯咖啡。去了NOC門口排隊，排本人前面有四位客人，而本人和丈夫兩位跟排在後面。當時店內有三張兩人枱空著，我們足足等了半小時，那三張兩人枱一直空著，沒有叫我兩進入。直至前面那四位客人有枱入了，我們兩人才可進入。這樣的編排座位也太不靈活了，真是趕客，以後也不敢幫襯。

Hello 大家好👋🏻！今日我嚟到有好多分店嘅荃灣廣場內嘅 「NOC Coffee co.」Dirty咖啡 + 小葡撻美食攻略：依家名牌咖啡店都唔使點介紹個，坐位舒服又可以坐好耐，今次嚟主要都係因為行完街想搵個地方飲杯咖啡，NOC一定係首算。Dirty咖啡香濃撞個凍奶啱啱好，小葡撻蛋香甜味適中，蛋撻皮香脆。美食指數：5🌝最高味道：🌝🌝🌝🌝🌚環境：🌝🌝🌝🌝🌚服務：🌝🌝🌝🌜🌚賣相：🌝🌝🌝🌝🌚

又係全職媽媽周圍搵早餐食嘅時候😁今次又去荃灣約咗朋友食早餐，熟悉的店舖，原來上一次去過黃埔食NOC，兩間唔同風格😊今次試呢個牛油果吐司（配藜麥沙律）👍🏻👍🏻MOCHA 、MATCHA

📍NOC Coffee Co.荃灣大壩街4-30號荃灣廣場1樓128-130號舖試過好幾問noc，呢間餐廳採用簡約風裝修，木材質料令人有種温暖感覺。一日之計在於晨，食一個豐富早餐迎接新一天開始。😁🍞炒蛋多士伴牛油果($74-HKD)，今次第一次叫呢款，厚切牛油麵包好鬆化，配上炒蛋同牛油果又真不錯🤤叫咗杯熱拿鐵咖啡($45-HKD)，好滿足呀。🥚noc班尼蛋多士($138-HKD)，食過呢款多士好幾次了，賣相吸引都提升食慾，餐廳流心蛋做得不錯呀，配上沙律菜，感覺相當健康。另外叫咗杯熱朱古力($60-HKD)，大滿足。😋

約左朋友聚會，這裏地方較少，但裝修簡潔有日式感覺。點了一個全日早餐，由於之前食得太多肉，所以揀一個素食早餐，原來素食早餐都可以好好味，食物非常豐富，食材新鮮，乳酪很好味，菇味濃，南瓜甜，牛油果亦香滑，食完都飽飽。點了一杯咖啡，感覺全日早餐夠吸引。朋友點了杯抺茶， 賣相吸引。由於是下午茶時段，所以人流不太多，可以慢慢坐傾偈。