越北牛肉粉專門店

Open Now

Now Closed

今日無煑午餐，又和媽媽去太安樓越北牛肉粉專門店吃下午茶。下午茶抵食好食，星期一至五由下午二時至六時供應，星期六，日及公眾假期，則由下午三時至六時供應。下午茶套餐選擇多，共有20款，日日食都有排才試哂。每個套餐配熱飲一杯，可以加錢轉特飲。每個套餐可以優惠價追加一份輕盈地道小食。我們今天叫了越北生牛肉湯粉($48)和越北三寶湯粉($60)。越北生牛肉湯粉是每次來都會選的，好味輕盈。湯鮮甜，河粉滑，牛肉薄片浸入熱湯剛熟便吃，又甜又有肉味，配菜的白蘿蔔和芽菜洋䓤也美味。越北三寶湯粉很豐富，扎肉，香芧雞翼，香芧豬扒都好好食，可轉飯或撈檬。豬扒厚身肥瘦適中甜甜地好味。雞翼香脆，扎肉不咸。小食不錯。酸辣無骨鳳爪(+$28)開胃。蜆港炸蝦餅(+$28)彈牙夾味，配菜正。吃完美味的湯粉和小食，最好加$22將飲品升級做椰清。椰清大個又鮮甜，連香軟的椰肉也吃埋，大滿足。下午茶不用加一。兩個人吃到又飽又滿意只需$208，抵食。

去左附近食越南菜，叫左兩個主食加兩個小食～越式生牛肉湯檬、咖喱雜菜飯、香茅雞翼、炸春卷～～～•💓生牛肉湯檬生牛肉湯檬好好食，重點係真係夠晒熱辣辣～佢個面底可以揀檬粉、河粉嗰啲，湯底都好夠味道～！•••💓咖喱雜菜飯雖然係咖喱雜菜飯，不過其實感覺上都好健康，有唔同嘅菜，但係佢嘅咖喱又唔似一般咁油膩～👍🏻•••💓炸春卷呢個係我近排食過覺得幾好食嘅一個小食，佢個皮炸得好香好脆，食落口覺得好正～呢個係有少少驚喜嘅！

湯既味道吾算突出  味精吾算太多 都可以接受始終都系譚仔左右既價錢小食越南河既我 d牛肉今次好似生左小小食過錦麗都無咁生 火侯空間可以提升服務無咩特別 最好你要野既一次講哂吾好分開講  見到有位大大份著白色t恤的肥哥哥 講野都幾大聱又有粗口吾知系吾系員工黎 見d員工都有同佢打下招呼

今日放工好想食越南野，諗起西灣河附近有一間越南餐廳，入去試吓先！晚餐18:00-22:00 都有set ⭐️越北綜合牛肉湯粉⭐️（生牛肉，牛丸，牛腩片）牛丸超彈牙，可以攞嚟打乒乓波🤣🤣牛腩片爽淋，咬口唔錯生牛肉，個人覺得有d 偏肥個湯底超濃牛肉味，加埋爽淋湯粉，絕配👍🏻⭐️越北炸春卷⭐️熱辣辣即叫即整，外脆內軟，d涵多到一口咬唔哂😋😋⭐️會安蓮藕炸蝦餅⭐️爆汁，蓮藕同蝦都撈埋一體，蓮藕好有口感😊📍 越北牛肉粉專門店 (西灣河)西灣河筲箕灣道57-87號太安樓地下G23號舖📍22034699

職員態度惡劣，叫佢哋俾兩杯水，最尾俾得一杯。碗麵有漂白水味，換過一碗之後就變左喺匙羹有漂白水味。換左三隻匙羹都仲係好大陣味，最尾要用外賣羹食。疫情期間清潔餐具係真確，但如果搞到咁大陣漂白水味，都唔知自己係咪食緊漂白水，都唔會想繼續喺度食。食野都唔安心。加上職員態度差，換個碗麵同比過隻外賣匙羹都係大力擺落黎，好似覺得我緊佢地，係咁話啲餐具同碗有漂白水味。但的確喺櫃桶裏面嗰啲匙羹都一樣有漂白水味，要注意下囉。極度不推薦，不會再食！

今晚餐想食粉麵，家人選了附近這家越南館👇👇按餐牌指引，order 了三份套餐，每個套餐可選配一份小食，一種飲品或甜品：1）香茅牛肉飯+海哲沙律+西洋菜蜜👇👇香茅味與牛肉都極搭，炸乾蔥也酥脆，配一塊龍蝦片，主食可以給85分！海蜇沙律里的西芹和洋蔥絲非常清新爽口，不錯！2）香茅雞扒湯河粉+青木瓜沙律+椰子冰☝️香茅雞扒都極入味，雞皮也脆卜卜，唔錯👍青木瓜沙律有彈牙的感覺，酸酸甜甜的...3）生牛肉河粉+炸春卷+薄荷青檸蘇打水👇這裡的生牛肉河粉就是普通的肥牛河粉，冇咩可讚。而蘇打水，喝到樽底有些甜味，感覺OK喔👌三個自選搭配的套餐同價@HKD82.-，如果花HKD246.-食3份粉麵餐，感覺還是貴了小小

呢間一向都係穩陣嘅越南菜今次嗌咗海防蕃茄蟹湯檬，入面有蝦丸，蟹，同埋扎肉，蝦丸彈牙，蟹就無乜用，不過有鮮味，扎肉食到有胡椒粒同埋好似軟骨嘅口感，而個蕃茄湯底有好多肉碎，雖然蕃茄味唔係好濃，但可能因為有肉碎同蟹，個湯底好鮮甜屋企人就嗌左越北綜合牛肉湯河，入面有生牛肉，牛腩片同埋牛丸，因為外賣關係，嚟到嘅時候生牛肉已經全熟，牛腩片就正常，牛丸係比較細粒，實肉但重牛味，都不錯另外嗌咗個小食拼盤($118) 有蝦餅，魚餅，墨魚餅，煎扎肉，扎肉，雞肉串，同埋胡椒豬肉串，雞肉串同豬肉串都好大串同入味，魚餅比較辣，而其他餅類就唔係好彈牙，普普通通，但係咁嘅價錢就可以食到咁多款小食，都幾抵

又係時候諗下lunch食乜好🤔 ，好耐無食越南嘢，一於食呢間。越南海蜇沙律有海蜇、青瓜、紅蘿蔔絲、芹菜、花生🥜，份量大又清新爽脆，酸甜有致， 好開胃，馬上食慾大增！ 蝦餅春卷金邊粉套餐$66。炸春卷、炸蝦餅即叫即製，熱騰騰，香噴噴。春卷十分酥脆，裏面有好多爽口甘筍絲🥕，蝦肉彈牙爽口，沾上越式甜酸汁，更是一流惹味。素扎肉金邊粉套餐$55。素扎肉無論外表及味道跟真正扎肉無異，湯底鮮甜又不肥膩，金邊粉口感幼身滑溜。

平日下午五時多，將近六時，沒有太多餐廳仍有下午茶。自己一人經過西灣河地鐵附近惠康，沿路有數間餐廳，看到這間的價錢合宜又有飲品，而且人流不多，進去後侍應都讓我自由選擇位置，期間不少人買外賣自取。餐廳環境光猛，有一些越南的裝飾，有部分卡位。下午茶時間可以安靜吃一餐很好。下午茶有不同款式，餐飲都多款，我選了越北生牛肉湯粉加熱柑桔（$48）。等候時間不長，份量沒有因為下午茶而減少，牛肉份量多！期間見服務員主動幫忙顧客移防疫板，讓顧客有更多位置，十分細心。

越北牛肉粉專門店 (西灣河)西灣河筲箕灣道57-87號太安樓地下G23號舖.🍜河內香茅烤雞扒湯金邊粉 $58雞扒份量比想像中多，金邊粉唔會煮得太淋，個湯好清，香料味完全出晒嚟。不過雞扒開頭以為係尖煎，似乎係炸，希望唔會太熱氣，哈哈。

朋友約我去食越北，對上一次黎已經係大約一年前。好記得當時個生牛肉湯河既湯底頗出色，甚有越南本土食既味道，湯底清甜又清澈。但今次黎到令我十分失望，湯底唔算十分清，有少許渾濁（唔係污糟）；味道尚濃，只能稱為牛肉湯而唔係牛清湯。牛油雞翼亦失望，以前食果陣，咬落去既時侯，牛油香味同雞油脂香味一齊爆發，十分香濃。但依家感覺只係加左薄粉漿黎炸嘅雞翼，牛油味幾乎消失，脆口程度亦不及以前。海蜇小食，海蜇爽口嘅，但醬汁略少，整體感覺淡口。越式滴漏咖啡☕️上菜個刻已經聞唔到以前既咖啡香，印象中以前滴完有杯一半以上既份量。但今日一試，只有半杯唔夠既量。（圖中顯示已經係就滴完既時候）順帶一提，飲個下都仍然聞唔到太多咖啡味。蝦頭膏海鮮湯河，湯底似海鮮湯酸辣版多於蝦膏湯底，味道還好。店家如果想以蝦頭膏既味做湯底既膽，感覺如果配有一兩隻蝦，可能湯既味道會「蝦」啲？最後，全程食飯都有隻烏蠅飛黎飛去陪伴住，員工望住都當睇唔到。我明白員工係果一刻可能無咩可以做到，但換檯應該係可行既（當時仲有好多空檯），點解唔埋黎問下我地呢。。。

越北在各區也有分店，今次試的是在西灣河太安樓的那一間店舖位於太安樓地下，向鯉景灣的那一面方向心想如果是連鎖店，應該沒有什麼驚喜通常食越式餐廳，一定試他的生牛河，嘗試他的湯底，湯底是越南湯河的靈魂，此店湯頭清新，牛味不算太濃，也不會過鹹，整碗湯飲完也可以另外點了香茅豬扒撈檬，呢樣就普普通通啦，檬粉有點過諗另外點了春卷及柚子沙律，春卷即炸夠熱，柚子沙律則放了太多生洋蔥不太喜歡☹️食物可以說是中規中矩，以連鎖店來說可以叫保持到水準😊

午餐飲品叫熱檸水, 飲用之前拿起檸檬, 發現杯內有牙籤, 已經飲了幾口, 雖然不是小強那麼過分, 但是都想記錄一下, 等大家小心, 以免再發生類似經歷, 而且價錢亦不便宜, 又有多間分店, 衛生應該做得好一點🗣🗣🗣

過返嚟呢邊做嘢，就記起呢度有一間分店，之前成日幫襯沙田果一間，所以今日再去食，因為每一次我都要食馬拉盞秋葵，平時出去食飯都好難得有秋葵，仲要用馬拉盞造成嘅一味，真係好少何有地方有，重點係秋葵係一樣好健康嘅降血糖食品，平時飲食難以平衡之下，幫身體做吓保養，另外再叫多一個撈檬，炸雞翼外皮非常香脆嘅，入面爆汁好juicy, 香茅豬扒係招牌菜式，焦香味濃香脆集於一身，真係好滿足，完全可以滿足食肉獸既要求，正

食物評分 (最高5⭐️): 下午茶餐: 番茄蟹膏蝦丸扎肉湯檬包熱飲 $50 ⭐️⭐️⭐️⭐️⭐️下午茶餐也有兩版選擇，有湯粉、撈檬、飯類等。店名有牛肉二字，其實除了牛肉還有很多其他的，而且更有素扎肉，素食朋友也有選擇，讚👍😊下午茶餐平日由2:05pm至5:55pm，星期六日及假期則由3:05pm至5:55pm。另亦有兩節早鳥優惠，分別是11:30am-12:30pm 及6pm至7pm。連飲品由$48至$52，都好抵。正餐還有其他選擇下午茶餐: 海防番茄蟹膏蝦丸扎肉湯檬包熱飲 $50 ⭐️⭐️⭐️⭐️⭐️好大個碗內的確有足料的👍😊除了有兩粒彈牙蝦丸和兩塊爽口美味扎肉外，還有一隻小蟹鉗，怪不得個湯夠濃又香甜。我問侍應有無鉗用來鉗開個蟹鉗，答案是無，無鉗食不到，雖然可用牙咬，但琺瑯質如破壞了是修補不了，所以只用筷子頭嘗試撩蟹肉出來，好甜，但實在太難，只有放棄。湯底還有很多蕃茄蓉和肉碎，個湯所以好好飲，我欣賞肉碎不是肥豬肉，所以個湯不油膩👍😋跟餐轉椰青只需+$22，一般餐廳如跟餐轉都要加$30，所以都抵叫椰青，好甜😊😊店內墻上有架單車，不錯的越南感覺😊😊總結:性價比頗好，味道、份量、質素各樣都滿意😊👍