越北牛肉粉專門店

Open Now

Now Closed

好耐冇食越南嘢，經過大角咀呢間閱畢牛肉粉專門店，就入去試吓。由於午餐時間要，好多人，全場爆座，不過等咗一陣就已經有位。今次點咗雞絲扎肉撈檬，成碗超多扎肉，而且又有好多蔬菜，成碗粉又少少涼涼地，加埋汁甜甜的，又健康又適合夏天～

大角咀選擇多，都有唔少麵店進駐入嚟其中呢間越南餐廳，趁未到晚市，拿拿臨入去搞掂晚餐先佢地選擇都幾多吓，唔知食咩，咁啱有二人餐揀，感覺幾抵食包兩碟小食、兩個主食同兩杯嘢飲第一款小食係牙車快，即係椰菜雞絲沙律，口感幾爽口，醬汁酸酸地好消暑第二款係芝心蝦多士，有四件咁多，認真抵玩。仲要係流心，芝士滴到成檯都係，蝦肉都幾多越北綜合牛肉湯粉啱晒牛肉控，生牛好大塊，又夠嫩滑牛胸肉肉質好綿，肥瘦有序，超回味。牛丸幾彈牙，唔會好頂胃會安雞絲扎肉湯河都唔錯，雞絲份量幾多，食極仲有扎肉有幾片，都算香口河粉質感ok，唔會散颼颼荔枝洛神梳打顏值幾高分，有cafe嘅級數，飲落甜甜的幾開胃

今日心血來潮想食越南嘢，咁啱喺大角咀附近搵到呢間叫越北嘅餐廳，喺門口見到佢位置都寬鬆，枱枱之間唔會好近。入到去職員態度都好好，好快就安排到座位，因為我六點幾入嚟餐廳仲未有好多人，但係食食吓其實餐廳已經滿座，相信生意好好。我叫咗一個set dinner，有一個煮主食，一個小食同一杯飲品，價錢都係80幾蚊至90幾，非常花算。我叫咗個蝦頭膏海鮮湯檬，入邊有好多種海鮮，有墨魚仔，蜆肉同埋青口等，全部都幾有鮮味。小食叫咗個海蜇沙律，海蜇係新鮮海蜇，非常爽滑。下次有機會再過嚟食。

呢間係第n次幫襯🤣🤣唔知係冇留意，定太耐冇黎…多咗野飲喎食物海防蕃茄蟹檬呢個真係招牌野👍🏻keep住都係咁好食！原本老公想食個酸辣檬，但一陣仲要返工，驚肚痛🤣🤣🤣留待下次放假試！個蝦丸超彈牙！仲有蟹肉好有蟹味❤️啲檬粉好爽口！正順化香茅雞翼原本係嗌三寶架😵‍💫點知自己嗌錯左，不過都好彩…因為真係好大碗，飽到呢🤣🤣🤣如果仲有豬扒實食唔晒個慢熬牛骨湯超好飲！雞翼好似燒烤咁香口❤️峴港炸蝦餅呢個係老公至愛😋🤭超彈牙蝦餅配泰式辣醬❤️超好食越式烤豬頸肉呢個都必定要食😋👍🏻越南椰子冰咖啡之前都唔見有呢個😋都係加$8，就不如試呢個～好濃咖啡味，有淡淡嘅椰汁😁水晶芒果沙冰呢個沙冰正到暈🤣🤣🤣超好飲！加$8都唔過份！夏天解暑一流….服務 大家都超好禮貌，啲人食完好快清潔好先入第2張。今日都好多學生食lunch，等都唔算等好耐👍🏻整個流程都好快環境有廁所…經過廚房都見到好乾淨企整👍🏻

越北綜合牛肉河粉，肥牛同埋牛腩都好淋，好有牛味。就連蘿蔔都好清甜。原本冇食lunch諗住會唔夠食，但係佢下午茶份量都係好足。蒸粉包餡料好味，外皮好滑好薄，餐廳對食物有要求，好抵食。滴漏咖啡香濃，雖然未去到好出眾，但飲得出唔係比啲平價咖啡豆沖既咖啡。下午茶用呢個價錢當可以食一餐高質素嘅越南菜絕對係超抵，整體來講食物水準出乎意料地好。店員亦都好有禮貌，主動提供服務。呢一個價錢有呢個水準既用餐體驗絕對係超值，性價比十足。

今日經過大角咀，原先打算去一間小店食嘅，點知無開，隨意就食呢間越南粉啦。。環境都幾舒服，半梳化位為主，又有tea set揀。。。而且選擇好多生牛肉湯檬粉哇。其實都幾大碗，湯都好多，生牛肉大概有4片左右。仲有青檸辣椒可以自行添加。試下個湯先，個人覺得偏咸，唔夠濃味。檬粉份量都算好多，唔會煮到太碎。最欣賞係個湯夠哂熱！有時候食越南粉個湯會係微暖唔夠熱，呢點讚讚！生牛肉牛腩片湯檬粉呢碗粉係多左牛腩片，份量大概係2片生牛肉，3片牛腩，牛腩煮到好淋，無哂牛味㗎啦。我覺得一般啦，未算話好好食。。。熱咸吉水呢杯好飲，餐廳已經整到粒咸桔仔爛哂㗎啦，唔洗自己再篤，味道岩岩好！凍越南濃咖啡都真係幾濃味！又香。有陣陣烘焙味，值得一試！我見佢啲廚房員工係越南人，所以食物質素都應該正宗嘅。餐廳啲員工都好友善又貼心，一入座會俾濕紙巾同口罩紙袋，幾好😊

首先一入門口方面，店員主動提供暖水，濕紙巾，口罩套，真心好貼心👍而座位與座位之間有一定距離，唔會好逼，凳幾舒服好坐😙🌸🌸🌸🌸🌸🌸🌸🌸🌸🌸🌸🌸🍀海蜇呢個小食好爽口，唔會太濃味，好開胃。🍀蝦餅啖啖蝦肉！蔥油香氣滿溢，仲有泰式辣醬令味道豐富！🍀蝦頭膏酸辣海鮮湯檬粉 好大碗，細食人仕記得扣底😂入面有蜆，青口，龍蝦丸，墨魚仔，辣度都足夠🔥青口大大隻，好新鮮！🍀生牛肉牛丸湯湯粉河粉完整，唔碎，同時好咬口，即使浸咗陣都唔會發漲！😙湯偏淡唔鹹，味道適中，唔似味精湯！幾天然！牛丸較細粒，彈牙。生牛肉生熟程度適中，唔錯！🍀三色鹹檸七幾正！咸酸中和，啱啱好！🍀玫瑰花果檸檬好飲，好有驚喜呀！玫瑰味出，唔會太甜！

忍不住要分享一下.........我由新開張一直幫襯到現在, 大大話話都有四/五年, 近呢三年仲平均每星期幫襯一次. 食物水準其實不過不失. 我一向外出用膳都很少有額外要求, 例如少甜, 走青, 走油, 加底扣底, 多汁, 碎上等等…..不過自從呢兩年日日帶口罩令呼吸道過敏, 醫生建議少飲凍野, 以免經常咳嗽. 但我又一向唔習慣飲熱飲, 所以唯有每次都要叫少冰. 我明白大部份餐廳/茶餐廳水吧都未必次次理會, 不過係呢度, 我每周都幫襯一次, 每次都叫少冰, 而仲可以有七成機會送來正常或"多"冰的, 即係叫四次才會中一次少冰. 同樓面經理反映過無數咁多次, 人都換咗五六個, 依然一樣.  如是者都兩年幾, 我依家都費事出聲了, 叫定個碗自己隔開好了.(我明白"少"嘅定義係因人而異, 不過平均裝滿大半碗, 夏天有時仲裝滿一碗, 咁都仲算少）

今日返去舊公司探同事，一齊落去食個快lunch!好彩佢放飯係2點，又可以唔洗咁多人🤣🤣食物綜合生牛肉湯河呢個係一上枱未熟嘅牛肉👇🏻有牛丸(我覺得似牛筋碗，實的的！但好爽口👍🏻大概哥爾夫球咁大粒)👇🏻呢個係熟左之後嘅牛肉，勁嫩滑！😋用熱湯浸熟，個牛肉就啱啱好！👍🏻烤雞扒湯河湯河擺碗勁靚❤️我都唔捨得搞散🥺🥺🥺🤣個湯好好味！好清甜，又有生洋蔥嘅味！仲有種葉好香！但識食唔識講🤣係咪就叫香葉？個雞扒皮烤到卜卜脆！又可以保持到雞肉嫩滑🙈海哲沙律佢唔同市面上一包包個啲軟冧冧，滑lulu個啲，呢個好爽口！最正係佢下面有芹菜、蘿蔔絲、紫洋蔥！同埋佢酸酸的…勁開胃晶凝通透架🤣🤣🤣蝦餅 - 必食！啖啖蝦滑食落去❤️點泰式辣醬勁好食！個醬點烤雞扒都好食呀！呢個仲有葱油味，送飯食都好味呀！綠豆沙冰椰青 - 加$22真係原個椰青咁劈開俾你食！點解加22蚊都走去叫呢？🤣🤣🤣事源係呢排太熱氣，有人俾左枝100%pure coconut water我飲，我又覺得幾好飲喎🤣但肯定有加糖啦。佢就叫我加黎試下有咩分別原來…原來…原來….真係好清甜架！🤪岀面買個椰青都係咁嘅價錢，依家仲有人同你開埋💪🏻抵啦服務個個都好好服務，即使

呢間越南餐廳應該好多人都見過，香港都多過10間🤣今次去咗大角咀嗰間，首先想讚下staff ，因為服務真係好好☺️ 好顧及每一個客，走之前都會提一提我哋記住攞齊嘢。跟餐好抵食, 主菜,side dish 同埋嘢飲八十幾蚊👏🏻好抵食 越北綜合牛肉湯粉細細粒牛丸好爽彈，河粉好滑！配菜多，湯好濃，仲有牛肉，整體上都有啲似我之前喺越南食果啲！ 順化湯檬酸酸地，鍾意食辣嘅朋友都可以嗌，肉嘅份量又啱啱好！我自己本身好鍾意食辣，所以呢樣嘢真係啱晒我胃口，同埋個湯好好飲呢度啲炸春卷好好食，入面好多料😍🤤好奇試咗個軟殼蟹米紙卷。外皮薄軟柔韌，裏面清新爽脆，非常開胃，完全唔會覺得漏。值得嘗試👍🏻☺️

越北喺我經常幫襯嘅越南餐廳，由于工作關係需要周圍去，所以佢哋好多分店，北角，西環水街都有去過，但今次就去左大角嘴果間。越北嘅特色店舖裝修簡潔舒適，餐牌食品價錢公道，而食物出品真係值得一讚。越北嘅越南湯粉，個人認為絕對吾錯，之前由於工作關係經常要去胡志明市，越南果度大街小巷的越南湯粉真係食吾小。在香港，越南餐廳雖然很多，但要揾一間口味接近越南地道的湯粉餐廳，其實都吾容易。越北嘅湯底夠熱有豐富嘅濃湯味道，牛肉份量亦足夠。唯一跟地道越南不同喺吾會有大兜嘅香葉芽菜比你自己加落去。另外叫咗大頭蝦膏通菜同海蜇沙律都好好味👍👍

生熟牛肉湯河:生熟牛肉夠滑，牛腩口感剛剛好易咬口牛肉片份量都多，不會食到雪味，值得一讚。金邊粉軟硬度適中，。最鍾意都係湯底都夠牛味，好濃厚，無咩味精味，可以飲湯底都飲完。小食都好出色:酸辣鳳爪:鳳爪酸酸辣辣好開胃，爽口彈牙。蒜香牛油雞翼: 雞翼都夠大隻，食入口好夠蒜香同牛油味。熱度好夠。仲炸到黃金色香脆。肉質滑滑。(大推)上菜速度都好快滿分5粒星🌟—————————————-環境：🌟🌟🌟味道：🌟🌟🌟🌟服務：🌟🌟🌟CP值：🌟🌟🌟🌟

第一次光顧這家餐廳，河粉可口，牛肉味足，環境也清雅。只是我和朋友共三人已入內坐了幾分鐘，部長才過來要我們讓位給四個食客，朋友順得人，我便順其意，搬去一張不方不正的L型枱。但平心而論，部長真的需要為多賺一個客的錢，而要勞動先來的三個客人讓位嗎？難道不可以讓他們守秩序，稍等下一張枱嗎？錢，你是賺到了，但我不肯定還會再來，儘管部長提出要求時有禮貎，但這種待客的方向真不大體。

當取外賣時希望食品多加辣椒絲，而當時員工稱只可加些少，不可以多加，之後我再次要求員工增加多點，然而對方沒有回應便進入廚房位置，惠顧以來堂食及外賣也沒有聲稱不可以增加辣椒，而對方是一位年紀較大的新員工，不久前堂食時已曾向這一位員工詢問增加辣椒而沒有發生這樣問題的。這是什麼公司的不穩定態度呢！

係附近番工，成日都黎呢間餐廳食，覺得幾抵食，味道又幾好。🥰同事們好鍾意黎呢間食，值得推介！我平時就叫開三寶撈檬，D撈檬多到好似食極都食唔完。🤣仲要d豬扒煎得好香口，好好食！😳今日心血來潮就想試下佢嗰咖哩腩飯，一上枱已經覺得咖哩味好香，個椰汁味都好重，佢個咖哩我係超鍾意，小小辣幾過癮。👍咖哩腩都唔差，不過稍為難咬咗少少，如果炆得淋少少就會比較易入口，會更上一層樓！不過56蚊呢個價錢嚟講已經可以接受。另外我仲叫咗杯椰汁紅豆冰，非常好飲🥰🥰👍👍