牛壹台食 (Closed)

夜左放工唔知食乜好, 係公司附近見到呢間新新地既台灣野, 入面都唔少食客, 就知無伏啦!!叫左1個牛肉麵, 1個滷肉飯, 加左份台灣香腸, 食物5分鐘左右就上枱, 岩晒打工仔!!牛肉麵係用上刀削麵, 口感彈牙, 又夠粗, 所以好好食! 湯底唔會太咸, 但牛味都好濃, 感覺無咩味精, 相當好吃!而且牛肉都好淋滑, 肉味濃, 仲食到有層次既香料味道, 相當高質!另外滷肉飯個醬汁唔會太咸, 撈埋一齊食好好食, 小香腸外皮好脆, 推介!!九龍區朋友都可以試下九龍灣分店!

好食嘅餐廳我都會食過番轉頭，呢間牛壹台食，我是第二次來食啦，有麵線、湯麵、拌麵、飯類等等，平時Lunch、Dinner time 經過都是客似雲來的。滷牛肉麵線，麵線滑嘟嘟，配滷牛肉好有口感，加上莞茜、蔥一齊食特別香。黑蒜紅燒金沙骨飯，紅噹噹的顏色看似好辣，其實並不是，蒜香十足，紅燒金沙骨有嚼口，配白飯食好開胃。甜不辣，Q彈口感，配甜不辣醬汁好味。滷牛肉拌飯，牛肉份量好足，而且好入味，可以撈埋蔥、蘿蔔粒、酸菜一齊食，而且每個麵飯都配有爽口的涼拌雲耳。手作冬瓜茶、紅枣茶，滋潤喉嚨，好啱乾燥天氣，的確古早的味道令人有種好懷念台灣的感覺啊！最近九龍灣都開了新分店，地址：九龍灣宏照道6號鴻力工業中心B座地下B4A舖，多個選擇方便更多啦。

📍灣仔 台灣菜🥩🍚滷牛肉飯 $62 第一次食 用牛肉做緊滷肉飯！岩曬唔鍾意食豬嘅人🐖拌飯一流，無豬肉咁油膩 ！🍅🐮🍜蕃茄牛健心刀削麵 $78牛：厚肉炆得好林，無筋，濃肉味 刀削麵： 薄身 小小煙靭（唔會黐埋一舊）口感幾好 💯 小食： 🍟甜番薯薯條 配金梅粉（酸酸甜甜好開胃）$28涼拌雲耳 🌶小小辣 $0🧋🍵： 大量台式飲品1. 紅棗茶 $02.金橘檸檬茶 $4 店員都好nice, 可以慢慢坐同傾偈Lunch set 都幾抵食 *份量夠大份💪🏻

呢間都幾有驚喜係同朋友行行下街上網search既本來都無咩太大期望 不過又不錯wo ⭐️麻辣雞腎💲3️⃣0️⃣（套餐價）麻辣係台灣好出名 呢到都近台灣既麻辣味而且雞腎又爽又脆 正🔥⭐️特濃鮮茄牛腱心牛肉麵💲7️⃣8️⃣呢個價錢絕對良心‼️蕃茄湯好濃 而且牛肉都厚切又”蚊”得入味 麵我揀左關廟麵😄超有咬口⭐️古早味滷肉飯💲5️⃣8️⃣滷肉好入味🍖個飯都好多汁有滷水蛋、酸蘿蔔做配菜，更顯台味🇹🇼🇹🇼

牛壹台食自從疫症之後都好耐冇食過台灣野都好懷念台灣嘅風味招牌牛肉牛腱心牛肉麵依個牛肉麵絕對係精彩，因為佢哋嘅牛腱心真係好軟林林，可以講簡直係同牛腩有得比，而且佢哋嘅牛肉湯底非常之濃郁，絕對係精彩之選金梅地瓜條地瓜條又係另一個必點嘅選擇，新鮮炸起嘅地瓜條，再加上今回嘅酸酸十分開胃卥大腸麵線另外朋友叫咗個滷大腸麵線，佢哋嘅麵線都好有地道嘅風味香芋珍珠鮮奶適當當然係要叫杯嘢飲啦，佢哋嘅珍珠鮮奶，珍珠滑滑有硬口紅棗茶另外朋友叫咗個紅棗茶，滋潤又好飲整體來講呢一餐台灣餐絕對係一解相思之苦，絕對抵

前排見呢間鋪頭係OPENRICE度榜上有名，但未上排行前其實我已經有食過幾次，所以特登黎打返個食評先。入面既裝修都係簡簡單單啦，餐單都係常見的台灣料理。但最特別既係佢有「魯牛飯」，但我無影到相，佢既外相同魯肉飯係大同小異既，但就係多左陣牛味囉，都幾好食架，大家可以黎試食下咁我多數去呢度食都係叫返台式魯肉飯SET（包餐飲）HK$58 呢個我已經食左好多野，有時好好食，有時一般般，但建議肉可以用返多D半肥瘦，咁口感會更佳另外仲叫左個招牌紅燒牛腱心牛肉面SET（包餐飲）HK$78 呢個有得揀粗面定幼面食，我就揀左幼黎食，但覺得好似有D唔係咁夾，下次會試下粗面會唔會好D個味道真係各花入各眼，我就一般般啦，覺得D牛都一般般，唔算特別冧同入味。最後亦有加碼，叫左個紅油抄手 HK$28 黎食，因為友人話好辣，我就無食野（怕辣）

好耐冇食台灣嘢，經過見到餐廳搶眼「台灣牛肉麵專門店」招牌，所以入去試吓。晚市套餐包涼拌小菜、主食及飲品。.🍜 招牌紅燒牛腱心牛肉麵 $78麵餐可揀關廟麵/刀削麵，試咗粗身嘅刀削麵，麵質偏軟。紅燒湯底溫和順口，加入酸菜更提鮮。牛腱心軟腍入味，牛肉就比較有嚼勁！跟餐涼伴小木耳爽辣開胃。.🍛 台式滷牛拌飯 $62滷肉飯一般都係用豬肉，滷牛都係第一次食，肉燥富牛味，滷得入味而不油膩。白飯拌以滷牛後依然粒粒分明，再配上滷蛋及酸菜，送飯一流！.🧋皇牌珍珠鮮奶茶 (跟餐+$8)珍珠Q彈，茶味奶味適中。.🍍金鳳梨綠茶(跟餐)鳳梨果甜+綠茶，味道清新。.總括而言：餐廳地方唔算大但幾有台灣特色！主打牛肉麵滷肉飯，台式小食選擇都幾多，亦有台式飲品及甜品。如喺灣仔附近想簡簡單單食餐台灣嘢，可以試試！

朋友偏愛食台灣牛肉麵，所以就試吓喱間台灣風味餐廳，一坐低，個中年女侍應就催人落單，我哋話未選擇到，過幾秒，個女侍應又再催，又話自己等震會好忙，咁都得？好無禮貌，隔離枱個食客話想加麵底，個女侍應又話，唔可以！中途唔可以加！真係眼界大開。講到食物質素，雖然牛肉份最多，肉質好淋，不過個湯底好重味精，好一般，餐廳坐位又勁窄，以喱個價錢，食物同服務質素，真係無下次，係咁先。

懷念台灣旅行的日子，經過灣仔見到一間好地道嘅台灣菜，裝修都好企理，價錢合理決定一試！😋………………………………………………………………………………食台灣野，當然唔少得牛肉麵，招牌紅燒牛腱心牛肉麵（$78）好特別，使用了關廟麵，幼身而且彈牙，牛肉湯汁比較甜，牛肉肉質鮮嫩，陣陣牛香，這個價錢跟質素來講，算是10分不錯了！都推薦大家試吓！😍之後我哋仲叫咗台式滷肉拌飯（$58），呢個拌飯真係令人好飽，好大份，滷肉夠碎，夠入味，甜香甜香，多汁又夠多，拌飯能夠讓每粒飯沾上滷肉味，仲有隻糖心蛋添，實在是很滿足！✔️台灣野梗係唔少得珍珠奶茶，跟餐只係加$8，一定要加！呢杯珍珠奶茶珍珠炒得香糯，奶茶奶香味十足，入口順滑，不錯！…..............................………………………………………………除咗灣仔之外，估唔到喺九龍灣都開咗分店，地址：九龍灣宏照道6號鴻力工業中心B座地下B4A舖，九龍嘅朋友仔唔使過海都可以食到好西啦！

今晚放工想食台灣嘢，見到呢間「牛壹台食」，入面都差不多坐滿，一於試試。招牌紅燒牛腱心牛肉麵 (關廟麵）$78先嚐一口湯，是很濃郁的牛骨湯底。呢個招牌牛肉麵用的是牛腱心，是大腿根部最精華的部分，肉質軟嫰帶筋，炆燉得很入味，我選取的關廟麵是天然手工麵，入口幼滑。皇牌珍珠鮮奶茶（凍）(跟餐+$8）要點一杯台灣最具代表性嘅飲品之一當然要選「珍珠奶茶」啦。呢度嘅茶底香濃，入口幼滑，珍珠都幾有嚼勁，坊間的珍珠奶茶是超甜，這裏的鮮奶茶除了是用鮮奶，最欣賞是它只是微甜（點餐時忘了叫走甜）實在是零負擔的健康選擇👍黑蒜紅燒金沙骨飯 $68金沙骨絕對是我的至愛。一上枱已黑蒜香十足，輕輕一咬開已骨肉分離，肉質細嫩超腍，飽滿多汁😋洛神花蜜（熱）（跟餐）洛神花帶有天然果香，內已加入少許蜜糖可以均衡番佢本身嘅酸味。金梅地瓜條 $28地瓜是指番薯，外面炸得金金黃黃很酥脆，味道甜而不膩，面頭撒上少許酸的金梅粉，甜甜酸酸的很醒胃！這間台食，性價比高，侍應服務態度好，超讚！

🥘🥘《牛壹台食》修頓打完波🏀，好肚餓呀🤤！即刻在軒尼詩街頭搵食醫肚😆！灣仔區食店出名以茶餐廳🍴為主，但小編又唔想食茶記喎😆！行行吓，咦😳！有間台灣菜館🤩喎！依家唔係食飯時間都有唔少人食緊🧐，推門入去啦🪟！🔻🔺🔻🔺🔻🔺🔻🔺🔻🔺🔻🔺🔻⚫️ 黑蒜紅燒金沙骨刀削麵 HK$68🟢配洛神花茶(熱)♾♾♾♾♾♾♾♾♾♾♾♾♾眾所皆知，黑蒜🧄係普通大蒜發酵糖化之後而變成的🤓，糖化之後會變得軟綿，並帶甜味😋。所以用黑蒜🧄嚟做的金沙骨🐷會特別清甜☘️，亦會令金沙骨更易入味和鬆軟！加埋索湯的刀削麵🐲，最佳拍檔！⚫️ 台式滷牛拌飯 HK$62🟢配手作冬瓜茶(冷)♾♾♾♾♾♾♾♾♾♾♾♾♾滷牛肉🐂，碎而不散爛😙！份量不少，味道調得剛好到位！加上酸菜黃蘿蔔互相補位，拌飯一流👍🏻😋！冬瓜茶出奇地帶點清香氣味🦜，又不會過甜，解渴掂☺️！⚫️ 追加：特式煎蛋餃 +HK$28⚫️ 追加：滷水雞腎 HK$32♾♾♾♾♾♾♾♾♾♾♾♾♾蛋餃有6⃣️隻，豬絞肉做餡料😋；滷水雞腎爽口惹味😙。兩份小食都配合台式醬油，錦上添花🌼！🔻🔺🔻🔺🔻🔺🔻🔺🔻🔺🔻🔺🔻後記：天氣真的開始轉涼了❄️，大家記得加件外衣🧤，好好保暖身體，好好照顧自己呀🤗！🥘：牛壹台食📮

在灣仔發現咗一間食台式料理嘅小店非常有風味 價錢親民#滷大腸麵線大腸處理得好好乾淨 軟淋 好入味幼身麵線同湯底融為一體味道不濃不淡 恰到好處鐘意重口味些的朋友可試#黑蒜紅燒金沙骨飯金沙骨份量足料 火喉剛剛好 輕咬就離骨肉質有咬口 又惹味#紅油抄手 有六粒鮮肉餛飩煮熟後盛入以辣油為主的醬料中食用皮薄餡靚 唔算好辛辣整體黎講 環境舒服食物有質素 份量足料而且價錢非常抵店員話有*新分店係 #九龍灣宏照道九龍區嘅朋友都可以去試下

我真心不明白為什麼會有114個好評然後一個劣評都沒有。還以為找到好味餐廳。真的，從未試過牛肉可以這麼羶，以為自己在食羊肉。刀削麵軟趴趴的全無彈性。湯底亦味道很普通。完全沒有那種想一口一口勺來喝的慾望。只有酸菜還可以。鹽酥雞我已經放棄拍照。鹹，粉厚，雞沒味道。服務亦要提一提，目無表情，冬瓜茶來了，不會問一句請問哪位要冬瓜茶，一言不發用杯推開我餐盤內的小食，放下就走，我喝了一口，甜的，把冬瓜茶給我老公，說，你的，我的是烏龍茶。唯一可以讚的是牛肉份量不欺場。飯後評價: 絕不回頭

✨滷大腸麵線 $62大腸有滷水香，口感有嚼勁，一啲臭味腥味都冇👍🏻麵線份量幾多，口感同喺台灣食嘅都幾相似😛麵線湯底幾夠味，整體食落唔會太鹹！🤓✨黑蒜紅燒金沙骨飯 $68金沙骨煮得好入味，紅燒味突出，個汁甜甜地，帶點蒜香🧄而且肉質唔會鞋。用黎送飯一流😋✨麻辣雞腎$32 (跟餐)雞腎份量都幾多，而且夠爽口，係我鍾意嘅口感🤪🤪～麻辣醬幾特別，夠辣得來又有少少甜甜地，食完呢個前菜開曬胃！🤩✨手作冬瓜茶 (跟餐)✨熱洛神花蜜(跟餐)-除左灣仔分店，依家仲開左間新嘅分店，九龍嘅朋友都可以去試下😛地址：九龍灣宏照道6號鴻力工業中心B座地下B4A舖

放工約6點半，行去了呢間係灣仔嘅台式餐廳，5成滿客人也沒有，同平日中午食飯時間比較，客人數目真係差好多。我哋食到7點多都係得好少人。我叫咗一個set，包涼拌小菜一份，係芽菜，主食要咗特濃鮮茄牛腱心牛肉麵，另外叫了一份醬油膏時菜。有4大件牛肉，望落件件牛肥瘦適中，又好夠淋，牛肉味都濃。湯色水望落比較淡，三舊蕃茄鮮甜，不過茄味就真係淡，但夠味嘅。另叫嘅菜份量大。仲包埋一杯飲品。唔駛一百蚊，係豐富又抵食嘅晚餐