Nutmad (Moved) New Location

煙燻豬豬卡邦尼($110)同平時嘅卡邦尼唔同有啲驚喜醬汁係芝士加蛋汁唔係一向既忌廉蛋汁彈牙嘅意粉吸晒蛋汁嘅香味煙肉有經過煙燻再加埋楓糖面頭嘅芝士脆脆帶出多重口感同埋味道慢煮西班牙伊比利亞黑毛豬($198)慢煮出嚟嘅黑毛豬好冧身再拎去煎香入面仲係好Juicy外層有烤肉嘅味道陪碟既啡色粉沫係咖啡嘅香料本來以為會格格不入點知同煎香既肉味出奇地夾整體兩樣食物都值得推介呢間餐廳可以再訪溫馨提示記得去之前一定要book定位

而家觀塘工廈愈黎愈多餐廳，但質素好參差都遇過唔同既伏呢日好開心去到間好高質既小店！小店裝修以白色為主，配以開放式廚房座位唔算多，每枱之間唔會太近，坐得幾舒服慢煮西班牙伊比利亞黑毛豬。咖啡香料有認真擺盤，好適合打卡（但可惜我唔識影靚相）塊扒好厚身好多肉！塊扒外面煎得好香脆，但入面既肉依然唔會鞋口，而且仲有好多肉汁！旁邊灑左啲咖啡香料，黑毛豬點左香料個味好特別，係意想不到既配搭！薯仔配菜都煎得好香，調味好好，好味道！個人認為價錢偏貴，但質素同份量絕對對得住個價錢！其實正確黎講佢唔貴，只係二百蚊食個Lunch黎講會豪左少少但而家佢只係開到六點，冇晚市，唔知會唔會因為咁而combine左午市晚市menu唔洗安心出行唔洗寫紙仔，淨係呢份骨氣，好值得用呢個價錢黎食個Lunch！其實佢午市仲有其他選擇，有D意粉類都係一百左右，豐儉由人^^題外話，我見每枱都有叫個法式多士望落幾靚，但我唔喜歡食呢類野就冇叫大家有興趣可以試下！

觀塘工廈有唔少良心cafeNutmad 就係其中一間人氣cafe小編未開門去到已經排緊隊一試之後就發現真係幾有誠意餐廳唔算好大open kitchen 可以睇到晒廚房煮食感覺都幾有趣#煙燻豬豬卡邦尼同出面食開既卡邦尼好唔同佢既醬汁並非忌廉 而係芝士蛋汁食晒去冇咁漏煙肉方面同樣驚喜有幾種唔同煙肉，分別係意大利煙肉、豬面肉同煙腩片有甜既有脆既有咸既加埋芝士脆片口感豐富有層次#焦糖香蕉雪糕法式多士必點item超大份 幾個人一齊share岩岩好多士用蛋漿浸過 口感綿密濕潤 蛋香濃郁配埋外層烤得香脆既焦糖香蕉仲有冰冷既雪糕食落去係陣陣既滿足感#啡常朱古力咖啡 泰國單品特濃咖啡 𝕩 泰國單品70%黑朱古力 𝕩 Movenpick朱古力雪糕價錢絕非便宜 要$78一杯飲落去好重朱古力味 咖啡味不突出小編會期待咖啡味同朱古力味均衡啲

𝓝𝓾𝓽𝓶𝓪𝓭 𓎍觀塘覓食⋆⌣̈ 一食再食宮保雞丁• 辣椒 意大利卷粉al dente 感· 煙煙韌韌非常之惹味 * 四川風味慢煮雞胸配牛油果自家製focaccia 雞胸是用花椒紅油慢煮不會好辣·香氣十足French toast 𓇥勁大份加埋雲呢拿雪糕焦糖香蕉很香脆配埋士多啤梨很満足𐃆 ˒˒咖啡dirty 其實Dirty是指下面用凍奶加上espresso 形成分層狀態外表就像一杯髒髒咖啡當你喝第一口時會感受到咖啡的風味

週末早上，打開自選cafe list 看一看，記起我這間舖頭的甜品好吸引，所以，二話不說，同老公倒屎咁早，特來朝聖！記起上次下午茶時段，沒有book 位，人家已經full晒啦！今次我哋同樣冇book位，但就係鋪頭開門前30分鐘等候，仲唔比我試到！其實佢個餐牌選擇唔多，我哋目標好清晰，好快就叫咗一個主食-豬鞍，肉質好厚實， 但一點都不韌，唔會癡牙，仲幾Juice添！🐖🐖第二樣嘢，當然就係佢的主打，係我嚟試食的目的，登登登登，法式西多士，🍞賣相真係超吸引，有成兩大舊，我哋兩公婆都食唔晒，其實都適合三至四人share！真心好味，唔會太甜太漏，香蕉熟嘅程度剛剛好，面頭仲有一層脆脆口嘅焦糖，整體味道唔錯，不過配搭士多啤梨肉（制過）我就麻麻哋，好似有少少藥水味咁！但真係值得試！搞到我都心郁郁想返屋企試整！🤪🥰

上星期去connect.card 度做左個小小既訪問，之前去左nutmad 度試左個慢煮黑毛豬.，但肉味係夠，肉質出奇地有D乾既感覺，慢煮通常可以保留肉質同肉汁既鮮味先岩（有待改進）我估應該係慢煮完之後煎香表面既時間過長，um..冰滴咖啡好好飲，南瓜湯都幾好

我哋約咗上年嘅飯局，終於可以食啦！朋友仔話想來呢間食好耐，所以今次我哋一行三人一齊試啦，我哋叫咗三個午餐：1）黑松露野菌燉飯味道鹹咗少少，分量十足，但係賣相就唔太吸引2）宮保雞丁辣椒意大利粉辣道啱啱好，在這炎熱夏天，食少少辣可以醒胃！而且幾有心機擺碟！3）慢煮伊比利亞黑毛豬做得幾入味，但係配菜不太新鮮及太少了！叫咗兩杯檸檬特飲同埋一杯白咖啡，飲品做得不錯，這裡沒有加一，午餐來講，都比一般地方貴好多，都值得試一次嘅！至於服務員方面有啲凌亂。

幸好當天我們比較早度，剛坐下不久，餐廳便開始多人。地方雖小，但感覺10分溫馨。我們坐在高枱，窗口位置， 十分適合和朋友聊天食飯的環境。我們我們叫了兩個餐，分別是煙燻豬豬卡幫你，鮮蝦檸檬香料辣椒長通粉。意粉十分彈牙，餐牌寫着不含忌廉，但食落完全不發現沒有忌廉，可能因為沒有忌廉的緣故，完全不會覺得膩，意粉上面還有些脆片、炸豬肉粒，口感十分豐富。蝦仁大粒而且彈牙，通粉滿佈香料、醬汁，加上檸檬汁，又酸又辣。

好欣賞佢呢度嘅創意，我叫咗宮保雞丁捲粉，超級有創意，佢將中式嘅宮保雞丁同西式嘅pasta融合一齊，非常之夾，個廚師仲好細心咁樣同我解釋佢嗰個設計嘅創意，話宮保雞丁最重要係有啲麻辣，所以都有加到麻辣配料，食落酸酸辣辣咁覺得佢好有誠意，因為係開放式廚房，全程都可以望住個廚師煮，即叫即整非常新鮮好食。另外仲食過黑毛豬，覺得肉汁非常正，質地又鮮嫩，佢仲用咗少少咖啡粉，作調味，覺得新奇又好夾。佢係我暫時最鍾意食嘅西餐。

唔介紹了，呢間應該無人未聽過啦，只係提提大家要食記住提早book位呀呀呀呀ᕕ( •̀ ỏ•́)ᕗ。；焦糖香蕉 雪糕 法式多士 $82擺明係為咗個多士而嚟，佢上檯嘅時候我嘩咗一聲，大到呢！！個多士超厚，口感有啲似bread pudding，外脆內軟，非常特別，蛋香特濃，（個麵包邊原來係最好食嘅），賞心悅目。配埋焦糖香蕉、士多啤梨+雲呢拿雪糕，好睇又好食，飽到上喉嚨！；煙燻豬豬卡邦尼 $108呢個carbonara無任何忌廉，反而用生雞蛋同埋芝士去調配出新鮮嘅醬汁🥚，加上煙腩片、意大利煙肉同芝士脆片；意粉軟硬適中，蛋香濃郁，食到後期有少少膩，不過呢個特別嘅配搭呢種味道出面比較難搵到，所以好值得叫～；americano一直都無咩聽人講過佢嘅嘢飲，點知出奇地好飲，提神一流，驚喜之作。

Hi我又食包啦！今日食Nutmad嘅法式多士呢間有勁多好評 係高質良心cafe😍😍💟焦糖香蕉雪糕法式多士[$82]呢個直頭可以當主食咁食 因為好大份好好食呀😆😆😆😆😆😆😆😆😆😆咬落好似食緊雞蛋布丁嘅多士ver. 好有空氣感同好濃好濃蛋香味 加埋香蕉同雲呢拿雪糕嚟個冰火交融 BAMBAMBAM好滿足嘅甜品！好彩佢無落cream剩係放左雪糕 令佢完全無死甜/好膩嘅感覺碟嘅周邊有放士多啤梨粒 落咗確實再解膩多啲 不過我懷疑佢用左檸檬汁嚟整熱左啲士多啤梨令佢稔啲 但同時令佢有陣假假地嘅檸檬香薰味🤣🤣撇除嗰幾粒🍓搞笑嘅味道 呢個多士真係好推薦大家去食😍😍聽講啲意粉都好好味可以去食lunchy😙😙

呢間黃色小店空間唔大，去親都幾乎滿座，而佢嘅法式西士係會人念念不忘焦糖香蕉雪糕法式西多士西多士沾滿蛋香，咬落去好軟熟，邊邊煎到脆脆地，好香口。雲呢拿雪糕絕對唔係求其搵嚿平雪糕就咁擺上枱，一啖多士配上一啖雪糕相當完美

Nutmad @ 觀塘平時好少去工廠大廈食嘢，所以上到去以為自己行錯🤣間鋪唔算大，11:30半開，因為驚冇位，所以好準時去到🤣不過都建議大家book咗位先，因為都幾full吓餐廳環境乾淨企理，開放式廚房，大家都好忙咁準備緊啲菜👍🏻lunch選擇唔算多，不過都係我鍾意食嘅嘢，所以又選擇困難症🤣套餐都係配搭湯同嘢飲，湯係薯仔湯，味道都幾唔錯。主食我最後揀咗意大利粉，好好味呀，有一片片嘅cheese，脆脆地，咸咸地，好香，配搭嘅煙肉又甜甜地，所以好夾好好味😍😍朋友就揀咗open sandwich ，朋友都好滿意，份量都幾足。最後加咗個法式多士做甜品，好大份好好味，加上呍呢拿雪糕，真係好滿足🤣🤣唯一覺得一般嘅係杯美式咖啡，酸咗少少。

朋友推薦呢間黃店 係觀塘嘅工廈入面事前check google map 好似覺得有啲遠但事實上喺APM出落行一陣就搵到啦☺️Piggy Carbonara $108比平時食開嘅Carbonara 有更濃嘅蛋香味😋煙肉好香仲好足料！好食嘅但會有少少漏🤭但值得一試！French Toast $82多士煎到金黃色 夠哂鬆軟😍配埋雪糕一齊食 口感一流！整體食物好高質 價錢少貴 但值嘅👍🏻下次想嚟試吓佢哋嘅咖啡☺️唯一少少唔開心既係食完之後覺得頭髮有少少油煙味🙈

/ ʙᴇ ᴍᴀᴅ ᴛᴏ ᴍᴀᴋᴇ ᴀ ᴅɪғғᴇʀᴇɴᴄᴇ /꧁𝗡𝘂𝘁𝗺𝗮𝗱💛꧂人氣爆燈好評不斷的樓上黃店對喔又是fusion菜式呢記得提早電話預訂啊 週末一般都full book 摸門釘會十分掃興的☘︎︎ 𝙿𝚒𝚐𝚐𝚢 𝚌𝚊𝚛𝚋𝚘𝚗𝚊𝚛𝚊 煙薰豬豬卡邦尼 $𝟙𝟙𝟘是正宗無cream的carbonara做法比有cream的light得多 味更濃連非常抗拒生蛋的🦦都話好味有三種不同的豬豬 鹹香惹味炒得乾身 不過我就prefer濕少少☘︎︎ 𝙺𝚞𝚗𝚐 𝙿𝚊𝚘 𝚌𝚑𝚒𝚌𝚔𝚎𝚗, 𝚌𝚑𝚒𝚕𝚕𝚒, 𝚌𝚊𝚜𝚊𝚛𝚎𝚌𝚌𝚒𝚊 宮保雞丁辣椒意大利卷粉 $𝟙𝟛𝟘我覺得Fusion得不錯好夠麻 食到條脷都麻麻地🤪估唔到意粉配中式葱爆風味都幾夾不過🦦就覺得fusion得麻麻☘︎︎ 𝙳𝚒𝚛𝚝𝚢 $𝟜𝟘☘︎︎ 𝙰𝚖𝚎𝚛𝚒𝚌𝚊𝚗𝚘 $𝟛𝟞咖啡不特別出色 dirty的漸層做得不太好 而且比較細杯💬 開放式廚房油煙不算大 可以望到食物整個製作過程 真.安心出行整體食物質素不錯 咖啡有進步空間 甜品望落吸引下次可以一試ⓄⓋⒺⓇⒶⓁⓁ: 🦦 7.3/10 👱🏻‍♀️ 7.5/10♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎📍