蠔站 (將軍澳中心) (Closed)

我一向都係Oyster station嘅老客戶，差唔多間間分店都去過，將軍澳分店近我屋企所以久唔久都會去，早幾個月前去佢嘅服務已經差咗好多，但係食物都仲ok，兩三個禮拜之前去，佢服務同食物水準都再大大下降，落order侍應唔多理你，我覺得個店經理態度都唔好，當時我有小朋友一齊去，佢本來畀我嗰張枱天花滴水咁我哋要求換去另外一張，但係佢好唔願意畀我換，我覺得個owner可以考慮執咗呢間分店，呢間分店嘅食物同服務質素會大大影響曬你OS畀人嘅觀感。

香煎帶子柏士圖意大利飯$188幾粒大帶子，香草味既醬帶出意大利飯既味道，份量剛好脆炸薯角$58薯角比較口，有啲比較硬身有啲比較遠24隻生蠔$240平均$10.1隻生蠔都算幾新鮮，雖然啲豪比較細但都有檸檬汁和類似茄汁黎調味扇貝刺身一隻優惠價$80幾新鮮既扇貝，切到一粒粒俾你食幾爽口幾凍翡翠螺四隻優惠價$50幾有咬頭惠顧兩款才有優惠價

今日第一次去呢間餐廳食dinner，叫左蒜香蜆肉意粉同手撕豚肉pizza. 一見到個pizza, 已經好失望。😭😭😭第一次食Pizza係見到肉鬆做topping ，好嚇人。 肉鬆同有茄醬既薄餅底完全唔夾。最大問題係個豬肉鬆pizza都唔係我期望既手撕豚肉pizza （我本身期望有d焗過既手撕豬肉加一d醬汁） ，食到我懷疑人生，完全唔值$158。當時我覺得Pizza Hut 既pizza 應該比佢好。如果用$158 食一個小pizza, 係將南有好多更好既選擇。如果要試特別風味既pizza , 可以去呢間。

已經幫襯咗5次以上，由樂富，奧運站到將軍澳oyster station都食過，每間質素都好平均。Oyster station一向做開嘅$10蠔質素唔錯，細隻得嚟好fresh每次起碼叫一打以上，今次食咗兩打都好好味，之前叫左前菜肉醬nachos,幾香口開胃。主菜叫咗rib eyes 5成熟都唔錯，係略嫌肥左少少。值得推介係白桃梳打，甜度剛剛好，唔太甜好夠氣之後都會再幫襯餐廳侍應服務好好，好友善預早用openrice訂位有9折免加一，一去到見full咗，好彩有book位

同老婆lunch，第三次幫襯，之前第二次已經覺得唔對路，但附近餐廳要等位，諗住俾多次機會，點知今次都係中伏。叫咗一打生蠔,黎得11隻，叫佢加返一隻，唔知嚟個隻又細又冇肉，叫個女侍應幫我換，佢幫我拎返去水吧，點知聽到水吧開蠔嗰個位置個男侍應講晒粗口，話無X 嘢嘛，係咁嫁冇得換，唔換唔緊要但係唔使講曬粗口嘅。叫杯凍奶茶少甜少冰，仲甜過平時😂。叫咗個pizza 同滑蛋豬扒lunch set，個滑蛋豬扒，啲滑蛋係接近乾晒，個豬扒又鞋又干，好難想像一個咁普通嘅滑蛋豬扒飯可以整得咁難食😂總括嚟講，服務同質素都好差🍌我發誓，就算唔食嘢都唔會再嚟。

10蚊1隻生蠔，6隻60蚊好抵呀～石頭上的美國西冷,呢個叫咗medium well. 本來想點赤貝刺身，可以冇貨，要不然都幾抵食，50幾蚊一隻(點兩樣才有這優惠價)。

已經幫襯過好多次，今次真係好失望，我和姐姐兩個人，叫了兩份lunch餐，1打半生蠔，1份香芒牛油果沙律，1杯白酒，1杯檸茶，1杯大啤，我哋問個男侍應，我哋嗌咁多嘢食可唔可以換張大D嘅枱俾我哋，因為我見到全場得幾台客，其他枱冇人坐，冇乜客，又唔係爆場，全場只係得三四台客，佢竟然答我話唔可以，我和姐姐已經黑晒面，真係覺得好奇怪，明明大把枱冇人坐，點解唔可以俾我哋坐呢！！！我哋就坐咗張二人台，好迫咁樣食咗個午餐

今日唔洗返工，落左樓下間蠔站 (OS Plus Oyster & Steakhouse Plus Cafe) 嘆下生蠔。這裡的生蠔按價錢有3款可選擇，最平的$10隻的指定生蠔，其次是$20隻的，最後是自選的，按種都有不同價位。我地今日平平地點了一打$10/隻的生蠔，用冰震住，夠晒凍，生蠔都幾新鮮，帶有海水味，size適中，甜就唔算好甜，但都OK的，好食過酒店自助餐果D生蠔，唔點汁醬食都無問題，以$10/隻的價位來講非常超值，下次會再幫襯。不過這裡的主菜就比較一般，點了BBQ豬骨，味道較淡，不夠香，希望下次再來會有進步。

食蠔，其他野唔好諗，唔好望，唔好想。服務… 普通，只係得一個服務員特別差。環境O K，商場裡面但係靠邊有室外平台景觀。啲啤酒價錢合理，特別係happy hour買一送一黎飲個happy hour，食生蠔，OK記得… 其他野…. 唔 …. 好 ……諗！

☆ 𝙊 𝙎 𝙋𝙡𝙪𝙨蠔站將軍澳唐德街9號將軍澳中心1樓163B舖一路都知蠔站有$10隻蠔優惠，不過就一直都未得閒去試下，最近終於試左٩(˃̶͈̀௰˂̶͈́)و當日$10隻係法國蠔，size同味道都絕對對得住佢個價錢，一定唔會話係勁鮮甜個d質數架啦，但真心好ok！抵食！٩(๑❛ᴗ❛๑)۶但令我驚喜嘅係佢個豬手都好好食！好香脆，肉質好嫩滑，真係好好食！我平時好少主動食豬手，但佢好食到我不停食(*´∀｀*)

好耐冇一齊聚會Book左夜晚大家係近將軍澳中心呢間食因為佢地都想食生蠔呢間啲生蠔真係好平叫左兩碟，10蚊一個真係超抵食完全唔記得影相！已經比佢哋食晒😂另外我哋仲叫咗支白酒牛排 意粉 豬手同pizza好正 傾吓計飲下酒食下野餐廳仲有外面，如果天氣唔係太熱可以試吓坐外面😏

星期二見有199有8國生蠔送白酒一杯優惠就去食，叫咗軟殼蟹意粉，卡拜娜意粉、炸豬手同一份Pizza。所有食物除生蠔勝價比低，牛排味道叫做得好少少，但價錢貴、份量又少，意粉好乾無汁食到乾喉想嘔、10元蠔紙咁薄，絕對薄過街邊蠔餅；薄餅真係好薄，一份切6件，大少如2隻麻雀但得5mm厚，晚餐一個人食晒成份都肯定唔夠飽，但賣168一份。不過最最最嚴重係發現佢墊蠔嘅冰兜、cocktail sauce 嘅兜仔、8國蠔嘅牙籤國期整兜都是重用的，侍應只係掉走客人食完嘅蠔殼，連兜入面溶咗嘅雪水都唔倒，只移好啲旗仔牙簽就放下一個 order 嘅蠔上去再比第二枱客，我觀察咗成晚，侍應好快會收走個蠔兜，可能係怕啲冰治溶晒，今時今日嘅疫情年代仲咁唔衛生、真係免費都唔敢再食。我真係鍾意食蠔，但見到咁真係好失望，唔知其他分店係咪咁樣。

The restaurant is not recommend at all. The service is really poor, may be the worst that we visited. The waitress may not be trained at all, she did not even know the menu. We were arranged to sit in the worst possible table even the place was virtually empty and we booked many days ago. The restaurant was nearly empty during the entire time period we have the lunch. The food was poor too. Can not imagine how the place can survive with such qualities of food and service! Will not visit it in t

真係好耐無食過生蠔今次生日飯朋友請我食呢間餐廳佢地夜晚有時食推出優惠有特價生蠔雖然是特價但亦甚有水準肉不算肥美但就一定新鮮帶點點海水味的生蠔最好味意大利飯好creamy蝦肉亦爽口彈牙炭燒澳洲羊架夠惹味有肉汁又夠嫩唔會太濃羊騷味之後叫甜品不得不讚餐廳不單環境有情調而且細心又有心思知道是生日飯特意寫上生日字句開心窩心

🇭🇰蠔站·我哋復活節去咗西貢玩 之後發現多人到不得了 係所有地方都要排隊 係咁等待😂😂而且好多餐廳都fully booked所以我哋最後就出返將軍澳食嘢😂😂·精選生蠔$120一打其實我一開始有少少卻步嘅 因為我好驚會肚痾 但係難得見到佢有優惠 所以我哋都嗌左🤣我覺得佢都OK嘅 就係$10一隻嘅水準 不過我覺得佢開得有少少唔係太乾淨 有少少蠔殼 所以大家食嘅時候要小心啲🦪·#rbyeat#rby西餐#rby將軍澳·📍將軍澳唐德街9號將軍澳中心1樓163B舖