聚源粉麵茶餐廳 (Closed)

是日路經此地，唔想去大快活或者麥當勞，於是同老婆來這裡唯一的一間茶餐廳食下午茶。見餐牌有葡式豬扒包食，於是同老婆一人叫左一個豬扒包下午茶餐。個包都幾大個，塊豬扒就有大有細，不過質感略嫌乾硬，沙律醬亦唔係幾夠，而且個包身唔夠熱同脆，整體感覺水準不太高！唔知係咪因為獨家同假期關係，呢度好生意得很，兩個人都幾乎無位，真係誇張！好在呢度好日都唔會來一次，都無乜所謂！

兩個人黎食下午茶.....食左:焗芝士鹹牛肉豬仔包 - 聽個名就好聽....但一送上黎...當堂 O 咀....原來係個飽...中間夾塊芝士..加少少鹹牛肉咁咋.....一D焗左既痕跡都冇......完全被騙....仲要唔好味果下弊....魚旦河 - 出奇地D魚旦好好味....好有魚味....又夠彈牙....價錢偏貴....而且人手又好似唔係好夠咁.....自從太興出左果隻柜桶檯之後....好多茶記都爭相仿效....但係有冇諗過加左柜桶....檯面又唔升高.....客人會頂腳架????以為坐得唔舒服D客就會食完即走.....

其實都好耐冇去茶餐廳食飯啦 一來唔係太鍾意 二來覺得好貴今晚食厭咗大快活 爸爸又唔鍾意食吉野家 所以又落聚源食飯干炒牛河$35呢碟係家姐既 即叩即炒 都幾夠鑊氣 河粉唔會炒到痴埋一舊 都叫唔錯粟米斑腩飯$35我就要咗我最愛既斑腩飯 粟米汁夠多 唔會冇汁送飯粟米食得"嗦嗦"聲 唔係爽甜 反而係狼少少唔熟既感覺不過最失望既係佢既斑腩我記得佢重係叫彩明個陣 佢既斑腩好好食 大大舊 粉又唔厚 魚都好新鮮但係今次食 雖然食得出係新鮮炸起 但係粉厚咗好多 同大快活有得揮不過好過大快活既係 都會食到魚味 而且好多舊 起碼有成8至9舊而且總括黎講 味道都唔太差豆腐斑腩炒米$35媽媽同我一樣 都好鍾意食斑腩 我食咗佢既斑腩 結果都係一樣 厚粉不過米粉有焦香 我鍾意 不過媽媽嫌佢太油 我就覺得接受到干炒豬扒河$39呢個係爸爸既 亦都係最遲黎既一碟 我冇試到 爸爸睇落唔差講真 我寧願食大快活 起碼平少少先啦!

其實聚源即係以前0既彩明茶餐廳~繼續貫以一向態度差0既作風!!叫外賣...就如下面的朋友所說凍晒!! 叫左個下午茶餐迷你炒烏冬 $29 得平時0既一半咁多唔係特別好食 貴左d囉獨市左0既聚源, 一個海鮮飯要成$50....真是貴左d..服務又唔好~

我前晚和男友在家中, 大家又不想煮飯, 叫壽司和pizze又叫我太多,食到無野好食, 所以我地就叫左聚源, 我地都恨左有茶記好耐架啦,又多野食又平o的嘛!!睇到張外賣紙,又真係好多野食喎, 多過之前執左o個間,咁我就叫左個炒牛河仲有三文治試下啦,點知等左差唔多個幾鐘先上到o黎,都算啦,我打開盒野原來都凍哂囉,仲要係勁難食呀....真係想死呀,所以我食左兩啖都唔食lu, 寧願去煮麵, 仲發誓以後都唔叫呢間呀........

今日同媽媽去咗屋企附近既聚源食Lunch我地叫咗兩個午餐 兩個都係$26媽媽要餐肉通跟火腿豬扒飲熱好立克不過佢好憎食火腿 所以比埋我我咁鍾意食火腿 梗係義不容辭啦我要煙肉意粉都係跟火腿豬扒(另有火腿漢堡扒選擇)飲熱華田 煙肉夠肥 而且略略炸過 好香口 好味意粉唔會煮得過淋 唔錯唔知點解我塊豬扒好似細件好多咁鬆肉粉既幫忙 豬扒好淋身 冇肉味但好香香料味 而且有少少肥膏 都唔錯熱華田 唔知係咪幫我落埋糖 好甜

已經好耐無寫食評, 突然有返動力去寫全拜依間餐廳嘅惡劣質素所賜與同事嚟食下午茶, 見依度都幾乾淨企理,於是嚟呢度試吓望一望餐牌,比一般茶餐廳貴。唉...九成九都係因為領匯..我叫了一個葡式豬仔包,同事叫你一個芝士鹹牛肉豬仔包一送上來, 一看, 包內竟然只得半塊豬扒! 駛唔駛咁慳呀?算...我體諒你要捱貴租但同事個份真係無得忍, 竟然變咗沙爹牛豬仔包!餐牌上無呢隻包wor...唔好係牛就攞嚟夾包wor...同侍應講, 佢竟然回以一句"沙爹牛都好好味丫, 唔駛換la~", 而依句說話係以黑面悔氣講出嚟.....呆咗至於食物質素....食咗唔少氣, 受主觀因素影響下, 梗係難食la

今日Lunch同咗媽媽 家姐去咗新開既聚源粉麵茶餐廳到食不過其實未食之前已經知道 聚源即係彩明 只不過轉咗鋪位呢間茶餐廳之前已經勁貴同勁加價 轉咗名之後 又加價我叫咗黑椒汁龍脷柳煎蛋飯$31呢個飯我之前已經食過 不過一向食開洋蔥汁 今日試下黑椒汁 味道都唔錯最鍾意就係整穿蛋黃撈飯食 真係一流今日隻蛋煎得剛好 蛋白脆而蛋黃生 最愛呀!!龍脷柳反而冇平時咁好味 今日粉厚咗D 不過魚肉都重幾滑午餐包既熱華田就太甜啦媽媽叫豆腐斑腩炒麵$35斑腩保持一向水準 粉唔厚 豆腐亦都唔錯麵炸得脆卜卜 就算有汁既地方都唔會淋 好味家姐就叫咗干炒牛河 不過冇影到相 佢話味道好淡 冇咩味