大久保日本料理 (Closed)

今晚兩個人試一試大久保，由於之前睇過食評俾個喊，所以對佢冇期望。一坐低拿拿聲點左好多刺身、壽司等等，都要等一段時間先出到。刺身除左三文魚似新鮮外，其他都雪到幾凍，冇乜味。天婦羅南瓜、生蠔勁多油同厚粉，南瓜又係冇味，個色都唔似南瓜既..鐵板燒羊肉粒有點"蘇"還可以，牛肉粒好"un"好多款炸物都係非常多油，要印好多下落張紙都先掂點左個野菜豆腐鍋，等左好耐都冇~ 再問經理check下係咪冇入紙，如果係再點過~ 點知冇耐食完一個又黎一個...(好懷疑佢地係咪冇個吉鍋左所以出唔到貨)味道普通，紹菜、小唐菜、冬菇同豆腐...佢應該係全部整定哂，d 野微暖又唔熱，唔知點解仲要等咁耐~侍應服務還好~~你唔叫佢都總有一個不時走埋你張檯望下...其實係為左收碟...可乘機叫佢添茶收紙唔駛自己嗌人

本身一開始看落間房仔，感覺都幾好。不過，細左dd，冷氣又勁，所以搞到多人坐落唔太舒服。房門口同座仔太近la，上菜，好易撞到我地lor...服務麻麻，好難叫到服務員或經理得閒應你，不過，來到時，態度又ok，唔算太差。只係他們都不懂禮貌地關上房門，次次都要我們專登關門，有待改善...不過講到食，d食品款已經唔多，又唔好食wor，雖則話係自助餐\，但我都揀唔落手，(因為質素太不濟了.....)不太值.....有種不想再次光顧的感覺......

我大多數食lunch。食物都唔叫好得去邊。如果要食日本野，又要平，又係自助餐，唔計什麼只求食飽! 果到都仲ok既!不過講到服務啦，真係令人氣憤。叫野又唔齊又遲! 服務態度全完唔得!下次都係去過第二間吧啦!

坐位十分迫....坐位令人覺得好唔方便.....食物方面麻麻地....總之一句......好差......

話就話係ｂｕｆｆｅｔ，叫十樣野，都只係會比一兩樣你．貴既野，例如刺身等，永遠都唔到．．壽司，湯面就即叫即有，好明確係搵丁，我唔好去食元ｘ既回轉壽司？？又唔係平，百幾蚊，壽司又凍，仲要一夾即散．同老婆去食完，仲要去ｋｆｃ買幾件雞食．錢無左唔緊要，食完之後一肚氣，真係補都補唔番．呢度真係，呢世都唔會再去．不知所謂．

大家如果想知道咩叫一夾即散一定要黎試啦...D飯都唔知係咪白飯黎...夠膽死我寫十張單先黎2,3張... 有無搞錯D魚生好似就黎壞就黎壞咁...最緊要係日式餐廳服務應該要比較好...點知個個待應都黑口黑面...食野食成咁我食大快活好過埋單時找一大堆零錢比我, 我故意1蚊都唔比貼士以後打死都唔去!!!

叫既唔黎，冇叫既就一路黎，一味想用壽司“質”飽你！生意手法好有問題！請都冇下次！

真係好難食..果次同個FD去食...D壽司...正到..舊飯散既..魚生結冰..仲要腥腥地..雖然算平...埋單每人六十幾蚊..但係真係叫唔落手= =\'\'

食物質素差勁,得個平字,d waiter又不知所謂,一句講晒,無下次,打死都唔會再幫襯.

親戚飯聚book左呢間，心知不妙，但他們堅持要試，唯有硬著頭皮應約，開始了為時1 hr 15 min既恐怖經歷：1) 同其他食家一樣，0的侍應經常拎0的我地冇叫既食物入黎，我地好聲好氣解釋，佢地卻堅持係我地tick左該食物(eg. 牛仔骨...)．完全摸不著頭腦！其實拎錯左咪拎錯左囉，點解係都要屈客人叫錯？2) 食物質素.....可以講係仲差過街頭小食．3) 提早半小時就話last order, 冇所謂，反正此地不宜久留，但佢地就特登開大冷氣迫人走．對於呢間野既management, 可以用"莫名其妙"4個字形容，上至經理下至侍應都不樣咁不知所謂，你冇禮貌都算啦，仲過份到要屈客，想倒米都唔使咁落力嘛??(可以的話我想畀負分)

平安夜果日去食,等位都算很快,可能無咩人食掛,一入到去有位黑口黑面的女侍應帶我地,冷言冷語,都唔緊要,我地四個坐個位後面有道門,d侍應行出行入都好大力關門,每次都嚇到我地心都跳出黎,關門d風吹出來又凍,又大風,我個頭用左定形水都吹到散曬,食物都算ok,不過我地叫左個飯要9個字先比到我地,魚生都麻麻地,侍應又冷言冷語,我個頭又吹散曬(凸燈整個型頭出來架)....簡直好似由北極食返去南極既感覺一樣

唔得ar~d野叫左order 10幾次都冇黎wo.....黎親果d都係d冇咁抵食既....等到佢要趕人走d野食都未到......有d騙人既感覺仲有...日本餐食過咁多間,佢呢間真係最唔掂lo~

差this is the only restaurant i will not go again in hk. even if other people pay for me.

我都去過幾次,我上次去個度慶祝生日, 都ok, 有cake同香檳送,野食都ok, 但d冷氣就真係凍左d, 尤其食完杯ice-cream后,同埋d速度又真係幾慢, 一係好多野來, 一係就等好耐,呢幾點要改善一下!!!

其實野食一般咖喇一定係"如果要懷住好好食既心態去食就唔會去呢到啦~仲要任食TIM"係咪先""我地３個人去食"每次都寫１０個人/５個人．甘樣佢先會比多Ｄ份量你～Ｄ服務其實ＯＫ啦．買左便利仲有得平．最衰就係果到冷氣超超超超超爆凍．你諗下夏天．你下晏去行街都唔會帶件褸啦．我地著長就都凍到頂唔順．好似凍走ｄ客甘．最後仲有雪糕食．感覺．係北極食壽司～