Oggi (Closed)

今日去到天后呢間意式餐廳 oggi食飯🙈裝修唔錯 價錢唔算太貴 食左香烤豬鞍配紅豆汁套餐有餐湯 麵包 作為前菜黎講麵ok 水準正常而香烤豬鞍就十分出色 首先 一上台已經聞到好香豬油味🤩🤩🤩切開發現仲有好多肉汁 食落一啲都唔乾身 而且豬肉好厚身🙈🙈 好有口感 但就比較油 可能唔係好岩減緊肥啲女仔食 但對於食肉獸黎講 啲油脂真係好滿足🤤🤤🤤而且跟餐薯蓉都好好食 唔乾身 食得出有牛油香味跟餐叫左凍奶茶 糖水自己控制 可以搵個岩自己嘅甜度

1️⃣黑松露牛肝菌意大利飯一上菜勁吸引 賣相唔錯唔錯🙈比起一啲非常之傳統嘅意大利飯我更加鍾意煮到無咁生既而依間餐廳煮到啲米七成熟岩岩好 保持到米粒既粒粒分明亦唔會食落咬唔到💪🏻蘑菇嘅份量亦都夠多唔會食食下得返飯咁單調但係唯一我覺得可以改善嘅係黑松露味可以多番啲同埋sauce 可以再creamy d 就更好啦2️⃣慢煮牛背骨餐廳聲稱係經過慢煮20小時🤯經過慢煮之後 果然肉質非常之淋又不失佢嘅牛肉味👍🏻雖然rib size比較細份但佢哋會配上時蔬同薯蓉食落都尚算會飽肚😆價錢比較相宜西餐黎講百零蚊餐一個人真係超值啊🤯

同朋友仔食生日飯, 想食高檔少少又唔想傷荷包, 所以揀左位於天后嘅西餐 - Oggi, 食完仲可以落銅鑼灣行陣街。Set Lunch 包含－份沙律/餐湯、餐飽, －份主食, －杯咖啡/茶, 仲有甜品。連加－, 埋單每人$150有找, 算係幾抵食。<Margherita Pizza$98> (好味: 4.5/5) (抵食: 4.2/5)因為朋友仔想食pizza, 所以嗌咗份雞肉pizza share。餅底係脆片, 食落唔會太heavy。最令人出乎意料嘅係中心放左粒流心蛋, 大大增加左大食妺嘅食欲呀。<香煎龍脷柳配蜜糖芥末汁$108> (好味: 4.2/5) (抵食: 4/5)香煎龍脷柳就比較standard, 但配菜好新鮮, 有蘆筍、小粟米同薯仔, 好加分最後, 連餐送左粒小小嘅朱古力蛋糕仔。整體黎講, Oggi嘅性價比都算係幾唔錯嘅

今天在炮台山上課，決定四圍搵食。見呢間食評不錯，決定試試。今次試了香蒜煙肉意粉。上菜時已經被那濃濃的蒜香吸引！果然不出所料，味道很好。蒜香濃，煙肉不會太油亦不會太乾身。意粉的粉量亦很足。再說説餐湯。是日餐湯是南瓜湯。熱騰騰的南瓜濃湯很香滑，也很足料。湯夠熱，便不膩。藉得一提的是餐包亦什有質素。烘過的麵包保持了濕潤，分南瓜湯是絕佳的配搭。餐廳的環境亦十分舒服，主要以植物為裝飾，很美。由於用膳的時間是六點，不用等候便有位。總括而言，無論環境及食物都十分出色！

聽朋友講呢間餐廳D菜式都幾好味，所以放工黎呢道品嘗一下。餐廳環境挺優雅的，裝修精緻，座位也比較寬敞。香烤豬鞍配紅酒汁：豬鞍香烤至微微金黃，內裡仍然保持肉汁，肉質鮮美咬口鬆化，肉味非常濃厚。 單吃豬鞍已經是非常好食，如果配埋紅酒汁，更加突顯到濃郁嘅豬味，極力推薦！芝士肉醬長通粉 呢個菜式賣相好精緻，整個菜式做得相當唔錯，長通粉嘅軟硬程度啱啱好，亦食得出醬汁用咗大量蕃茄去整，整體配搭都好好。餐湯是甘荀湯，甘荀味突出，入口細滑，感覺忌廉不多，頗健康有開胃！味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

上周六到此餐廳吃午餐，餐廳位於炮台山及天后地鐵站之間，位置交通都算方便。餐廳的裝修，簡潔明亮，裝飾上加上不少綠油油的裝飾品。座位多是卡位，播放著柔和的音樂，可以輕輕鬆鬆的享受一下。當天因爲在12點左右便到餐廳，不算太多人，不過客人就愈來愈多，如果訂座會比較方便呢。是日叫左燒法式羊架配燒汁。佢午餐會有一個餐湯式沙律。主食。甜品及餐飲的。蕃茄湯 ：酸酸甜甜的，有濃濃的蕃茄味，唔錯。配有一塊麵包，幾鬆軟。燒羊架。 我叫左7成熟，肉質好嫰，易切，配菜唔錯，我比較喜歡烤薯仔。餐飲叫了凍檸茶。因為糖水會與檸茶分開上的，甜度可以自行調較。最後加上一份甜點。不會過份的甜。

假期去左中央圖書館借書，午餐決定喺銅鑼灣呢頭食，行到去天后方向有好多餐廳，今次見到呢間感覺清新嘅餐廳，入左去試試。我哋每人叫咗一個set lunch，分別係鮮蜆香辣意粉，燒野雞配rosemary sauce。每個set lunch都有沙律或者餐湯，嘢飲同埋甜品。沙律係金梨沙律配檸檬油醋汁，餐湯就係蕃茄湯。金梨沙律幾特別，平時出面都好少有梨做材料，酸酸甜甜非常開胃。番茄湯就正正常常，感覺好fresh。嘢飲方面我哋叫咗熱latte，同埋一杯蘋果汁，其中以熱latte比較出色，仲有埋拉花添。鮮蜆香辣意粉醬汁雖然唔多，但係味道足夠，而且蜆十分肥美，配上乾蔥蒜蓉等食材一齊炒，值得一試！另外燒野雞配rosemary sauce都唔錯，雞嘅外皮有用香料醃過，烤過之後又香又脆，裏面嘅雞肉亦都保持鮮嫩，咬落多汁，配埋rosemary sauce香氣撲鼻。最後嘅甜品係柚子愛玉，一解油脂，正！呢間坐得舒服，服務態度好，食物質素高嘅餐廳絕對適合為假日午餐之選！

今晚有朋友推薦來天后呢間cafe食飯 我地7點鐘到坐低 個陣間餐廳已經差唔多滿左 食完之後完全明白點解啦😝我地嗌左兩個set dinner 跟餐有麵包,餐湯同埋飲品餐包烘得香脆 食既時候仲熱辣辣 搽埋牛油真係冇得頂👍🏻而餐湯就係好creamy既甘荀湯 主食方面我地嗌左一個鮮蝦芥末意大利飯同燒春雞意大利飯既醬汁煮得非常濃郁同creamy 而加左芥末就令成個醬冇咁膩👍🏻個燒雞都好令人驚喜!! 個皮非常香脆而入面仲係非常juicy同嫩滑🤤好耐冇食過咁好食既燒雞啦!! 佢地既服務亦都係一流 招呼非常有禮貌👍🏻👍🏻 佢地每個set都係百令蚊左右 食到咁樣既質素同有咁樣既服務真係好有驚喜 下次一定會再來呀!!

工作繁忙 ， 放假當然要獎勵下自己 。 前陣子無意中發現了一間裝修精緻的餐廳， 門外的招牌十分吸睛， 店內外都佈滿綠色植物🍀🌿🌱，明亮的燈光配上木質傢具，環境舒適，實在是個傾計好地方🤗。 可惜當時趕著去銅鑼灣， 所以無緣一試。今日放假，終於可以約埋朋友一齊去享受悠閒假期😍😍。Oggi星期六也有提供set lunch, 價錢由七十幾到百幾蚊不等。價錢十分大眾化。包括：沙拉/餐湯+主菜+甜品+飲品沙拉🥗：嫩綠的沙拉菜，鮮紅色小蕃茄🍅，配上日式沙拉醬汁，非常醒胃餐湯： 蕃茄湯🍅🍅🍅餐包🍞🥐：香草蕃茄面包，鬆軟有口感，內裹夾著酸酸甜甜的蕃茄乾。西班牙式藏紅花雞肉意大利飯：醬汁香濃creamy 配上番茄、嫩滑雞肉、爽口本菇、洋蔥。意大利飯做到al dental，軟硬適中。香烤豬鞍配紅酒汁：極力推薦😋😋😋， 豬鞍香烤至微微金黃， 內裡仍然保持肉汁 ， 肉質鬆化而且肉味濃厚。 沒有過多的調味，只是用鹽和胡椒粉，肉味已經非常突出。 單吃豬鞍已經是非常好食，如果配埋紅酒汁 更加突顯到濃郁嘅豬味。甜品🍧：柚子蒟蒻，微甜清新😋😋😋Oggi 是很適合和朋友聚舊和傾計的餐廳。價位唔算高， 店員服務十分有禮貌，

今日就同女朋友出咗天后啦，係炮台山嗰頭周圍行下啦，跟住女朋友肚餓，我地又想食西餐，就見到呢間oggi啦就入咗去食呢間意大利菜佢有嗰set lunch啦，我地就叫咗A餐同D餐，係墨西哥鮮蝦意粉配辣椒茄汁同香煎立魚配蕃茄銀魚柳汁，佢會有餐包同餐湯，餐湯係甘筍湯，幾甜幾好飲，墨西哥鮮蝦意粉配辣椒茄汁，酸酸辣辣嘅味道都幾增添食欲，鮮蝦份量都多再黎就係香煎立魚配蕃茄銀魚柳汁，煎得香脆，但又唔會搶走魚肉嘅滑，再一點蕃茄銀魚柳汁，味道一流最後有一個甜品係柚子蒟蒻，呢嗰甜品我都幾鐘意，可以再食多次呢間餐廳

朝早嚟咗港島區返工，放飯時間想喺附近搵啲嘢食，見到呢一間西餐環境幾好，食物質素都好似唔錯咁，就決定入去用膳。芝士肉醬長通粉— 依個菜式聽落簡單，但係出邊其實唔係好多餐廳做得好食，就算好食都可能好貴。今日依間就做得相當唔錯，長通粉嘅軟硬程度啱啱好，亦食得出醬汁用咗大量蕃茄去整，整體配搭都好好。Chicken and poached egg pizza— 餅底係屬於薄脆口感，上面塗上一層蕃茄醬、芝士、雞肉同埋一隻溫泉蛋。有拉絲效果，而且溫泉蛋令成份pizza 唔太dry。食到尾聲餅底keep到依然脆身，唔錯。最後再送咗個柚子蒟蒻，而家差唔多夏天，食呢個甜品非常清新，味道唔太甜，啱晒我口味！食物比起同區西餐廳嚟講唔算太貴，而且食物味道唔錯，推介喺附近返工嘅朋友嚟食啊！

今日黎左天后同炮台山附近買d野，就黎左附近餐廳🍴醫下肚先，見到呢間好綠化既餐廳，店內已經有好多食客，咁我就揀左呢間餐廳食，環境好舒適！我就叫左個set C $98 salami pizza (因為curry beef+peach賣晒），可選salad 或 soup , 我就選左soup （蕃茄湯）： 好香濃既蕃茄湯再配埋蕃茄菜包（加d fresh 牛油！）,好香脆，口感好match，主菜上檯啦，Salami pizza舖上新鮮既salad菜，salami 味道比較溫和沒有特別咸，pizza係薄既餅底好脆口，夾埋溶左既芝士絲一齊食好美味！餐後叫埋杯凍檸水，消一消飽，最後黎埋甜品：柚子蒟蒻，柚子味道好fresh, 蒟蒻好Q彈既感覺！😋😋😋區內小店做得好有heart, 感受到佢地對食物質素既要求，要多多支持一下！😊+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今日見一個好耐冇見既朋友, 諗住放工靜靜地食個晚飯, 佢介紹左我去呢間係炮台山既西餐廳, 平時真係好少會去呢個位置, 原來呢度都有隱世好味餐廳, 廚師真係唔錯啊!!!有機會一定會再黎!!重點係職員既服務大好!! 店子雖然小小, 但都有成10枱客人, 但職員都係得2個, 但佢地既服務業同態度都值滿分, 呢點比食物質數更重要, 所以今晚食得好舒適滿意。我地叫左2個SET DINNER SGARE食, 是日餐湯係甘荀湯, 超好味, 湯很濃, 感覺好健康, 不過佢唔講我以為自己飲緊南瓜湯, 好味好味!!香烤豬鞍配紅酒汁 $148呢個豬鞍比我想像中好味好多好多, 除左大大塊之外, 佢一D都唔UN, 好易切, 味道甜甜地, 再配埋佢個紅酒汁真係絕配, 仲要我好中意佢個烤薯仔, 好綿, 我自己屋企整極都整唔到呢個口感!! 煙三文魚薄餅 $118另外叫左個PIZZA, 煙三文魚PIZZA好似只係普通野, 但佢都做得好好, 係薄PIZZA黎, 又薄又脆!! 佢入面加入左蕃茄溶同埋無敵多既CHEESE, 令到成個PIZZA昇華左, 欣賞!!!

天后水星街有間意大利餐廳位置於橫街內地方比較幽靜門面有綠色嘅植物☘️所以感覺都好Fresh ！餐廳內更加有以綠色植物裝飾的牆！超鍾意！🌿🌿🌿一路望住一路食，食物味道都會提升！另一方面，很喜歡餐廳內嘅音樂聲量啱啱好，歌曲比較悠閒如果想relax啲食嘢傾計呢間餐廳fit晒👍🏻假日嘅lunch Menu價錢都好大眾化4 course : 沙律/湯+主菜+甜品+飲品頭盤可以揀沙律和菜一定要讚下個沙律非常colorful同新鮮🎉亦都有焗過嘅麵包同牛油依間小店其實都好注重細節都希望做到精緻fine dining 👍🏻香煎龍脷柳配芥末忌廉汁擺盤賣相都有花心思龍脷柳煎得香脆，冇腥味！另最喜歡就係焗原隻薯仔和蘆筍嘅配搭👍🏻這都是我最喜歡嘅配菜！😊美國西冷配紅酒汁賣相亦都好靚，有燒烤紋都有七成熟，牛肉都滑嫩配菜係薯蓉加蘆筍薯蓉係原味，分外好味！☘️☘️餐廳整體質素都好好，招呼有禮貌！

Oggi一到假期，想搵間舒適的西餐廳食下意粉飲下咖啡。眼見屋企附近呢間oggi 一到晏晝就滿座， 決定落嚟試一試。餐廳用咗好多花草的裝飾做主題，而牆的另一邊就掛滿左畫，座位都坐得幾舒服。侍應好有禮遞上午市餐牌，選擇有意粉丶煎魚丶牛扒等等。假日黎講有套餐都算幸福，包左沙律/湯丶主菜丶飲品丶甜品，相信食完一定會好飽。首先上枱的係蜜桃沙律和南瓜湯估吾到兩款賣相都好好睇。南瓜湯亦都夠幼滑和甜。主菜分別叫左鮮硯香辣意粉 和香煎立魚配牛油檸檬汁。鮮硯香辣意粉硯的數量幾多，意粉硬度適中，我覺得幾新鮮，微微的香辣味更有食慾！香煎立魚配牛油檸檬汁呢碟立魚最特別係牛油混合左檸檬汁，清新左牛油本身的油膩感，再搽埋上熱哄哄的立魚，味道更加豐富！條立魚的外邊煎得幾香脆，裡面就嫩滑！最後的甜品係布朗尼，大滿足！Oggi天后水星街9號地下B舖