御品·千之味 (振萬廣場)

Open Now

Now Closed

嚟到觀塘，成日都心思思都嚟千之味。貪佢價錢親民，質素又唔錯。外賣嘅話餐廳門口有qr code自助落單，之後入去俾錢就得。今日唔太肚餓，所以淨係叫咗啲刺身。可能下午時間，等咗大約5分鐘左右就ok 。三文魚刺身$188 （20片)：每片都切得厚薄相同，份量都好多。三文魚口感綿軟，魚油香味充滿口腔。帶子刺身$71 （6件）：質感彈牙爽口，帶點鮮甜。海膽 $238：味道甘甜，質感細膩，入口即溶，果然係我最愛！大滿足呀！

今日就去左抵食既良心壽司店千之味觀塘分店買外賣返屋企食💛💛我地買左壽司餐同刺身set返去😋另外我仲order左火炙左口魚邊壽司左口魚邊火炙過之後油脂感提升左🤤令到成件壽司嘅層次昇華左刺身set我就試左五品刺身個set有三文魚、甜蝦、油甘魚、帶子同墨魚(各三塊)刺身都好新鮮同好厚身甜蝦D肉食落好爽口個蝦頭都好甜😋油甘魚油脂都好平衡好香口仲好貼心咁準備左充足嘅青瓜絲食完每一款再食青瓜絲就可以清返個口再食下一款刺身個壽司餐真係好抵食🥳包左2件三文魚、油甘魚、白身魚、赤蝦、吞拿魚、蟹籽、熟蝦、玉子同鰻魚仲包埋飲品D壽司都同樣係好新鮮份量亦都好足料味道方便都係令人回味無窮油甘魚今次夾埋飯食同樣都好出色油脂加埋D飯食得好香口好有層次蟹籽多到爆出黎口感一流白身魚新鮮爽口唔油膩真係性價比超高既一個餐👏🏻

呢間御品·千之味係觀塘碼頭附近，好近觀塘海濱長廊。如果由地鐵站來，就一條直路行到底，轉少少彎過對面，即到振萬。御品·千之味係角落位置，不過離遠就見到Mirror 係佢門口同你打招呼。因為佢地有Mirror代言的飲品。相比其他壽司店，佢地裝潢一般但比較年輕。漫畫掛畫，年輕小姐姐侍應，讓人感覺有活力。不過我沒有堂食，我今晚買外賣返屋企同屋企人食。囡囡係三文魚控。不但愛食三文魚壽司，連三文魚籽也中意。千之味呢個三文魚親子壽司盤真係一次過滿足三個願望。三文魚壽司肥美，三文魚腩壽司仲肥美，仲香滑。三文魚籽壽司入口即爆，滿腔清香。吾够喉仲有抵食套餐。有剌身加海膽三文魚粒迷你飯加五枚壽司。呢個餐超值!佢地仲有好多外賣套餐，衹要過三百蚊，港九新界都可送。遲D萬聖節搞party, 諗得過!

去到振萬廣場，原來其他門口都封咗，記得喺向住公園、Foodpanda mart隔離嗰個商場門口入去。一入去見到個門口就好開心啦！因為有阿jer同anson人形紙牌係度🤣😂呢排唔食得太多生冷嘢，於是又試下佢d炸物熟食。外賣返去食，佢地服務好貼心，生熟會分開袋裝。叫咗好少刺身咋嘛，但係佢都有畀個冰袋我，唔怕天氣熱，拎返去會變壞，勁好！吉列炸蠔(4件)$58吉列炸蝦(3隻)$38第一次食佢既炸物，原來都不錯！外賣拎到返屋企都仲脆卜卜，入面既蠔肥美鮮甜juicy，蝦又彈牙爽甜！兒童餐A$68有沙律菜、中華沙律、青瓜絲蟹柳絲飛魚子沙律、兩粒八爪魚丸、兩條吉列蝦腐皮壽司、蟹柳壽司、玉子壽司、青瓜小卷、蟹柳小卷、啫喱。有好多野，好抵食呀！雪花三文魚腩刺身(5件)$75刺身勁肥美厚身，每塊都有拇指手指甲咁長既厚度！絕對足料！甜蝦刺身(5件)$61每隻又係肥美大隻、鮮甜彈牙，蝦頭都鮮味多汁！原來千之味除左壽司之外，其他野食都出色！最突出既係性價比真係好高！良心！好味！抵食！👍👍👍

單日陽性個案再度破萬，窩夫與蝦子餅近日要減少外出堂食和飯聚。窩夫某天心血來潮想吃壽司刺身，便去觀塘御品·千之味買外賣。原本想試迷你三文魚粒粒海膽丼套餐，可惜光顧時海膽已售罄，只好作其他選擇。御品·千之味的包裝十分專業，將熱的食物和冰的食物分成兩袋，而壽司刺身之類會附上冰包保溫。熱食方面，點了一串燒帆立貝($38)，塗上燒汁更加惹味，也不會燒得過乾。五品刺身($185)是窩夫最期待的，五款刺身分別是三文魚、甜蝦、油甘魚、帶子和墨魚，款款新鮮，切得夠厚夠大塊，甜蝦亦大大隻，非常鮮甜，叫窩夫吃得很滿足。窩夫愛吃墨魚，另外點了兩件墨魚壽司($15)，墨魚很爽脆。芥辣八爪魚軍艦($22)的芥辣八爪魚多得要滿瀉了。軟殼蟹反卷($48)水準依舊。

咁啱買開千之味壽司嗰陣見到佢第一次出月餅價錢又唔太貴所以就買黎試吓💛💛不過幾好奇究竟壽司店出月餅會唔會伏呢$258蚊一盒有6個有三個流心奶黃酥皮月餅同三個伯爵茶奶黃酥皮月餅月餅係由前米芝蓮甜品師傅主理全部香港製造💛💛有食用建議最好味係用焗爐或者微波爐叮翻熱佢我今次就試吓用微波爐叮熱20秒都唔使就見到佢啲流心爆出嚟啦😋口水都流晒啊流心奶黃一叮完就聞到好香嘅奶黃味同酥皮味食落好重奶香味仲好鬆化伯爵茶奶黃一叮完就好有伯爵茶味食落唔會好甜同奶黃味好夾食完一個簡直唔夠喉即刻要食多個😆月餅係出乎意料之外好味道而且我覺得個包裝好可愛食完之後個盒可以用黎裝野🤣

千之味都出月餅😍仲要係流心奶黃月餅同伯爵茶奶黃月餅口味🤤對奶黃月餅真係無抵抗力 一年一次 減肥行埋一邊先😂千之味以前返工成日食 出咗月餅即刻試吓味先！打開入邊有教學😁180℃焗8分鐘Omg焗緊嘅時候已經勁香🤤流心奶黃月餅 外層酥脆 一切就即刻流心 重點唔會好甜 好滿意😝❤️伯爵茶奶黃月餅就無流心效果 btw伯爵茶香都幾突出🤩mix埋奶黃香 呢隻口味會膩過流心奶黃🤣不過同樣都唔會好甜👍🏻依家月尾前拎貨有VIP優惠價 $232盒(6件)每隻味3個 (原價$258)

講到壽司，應該無乜人唔認識<千之味>套餐超抵食，幾十蚊已經跟埋飲品，款式夠多選擇。觀塘呢間外賣好方便，門口有QR code可以自助落單即叫即製，唔洗一陣就有得拎喇。✨角切魚生飯大大碗丼飯，份量好足。角切嘅魚生令口感口更豐富，甜蝦好新鮮✨火炙壽司 10件壽司有齊咁多款，如果一個人，又食唔到咁多碟，呢set就最啱✨燒鯖魚飯定食鯖魚燒完唔乾身，加上醬汁好惹味✨黃瓜小卷爽甜嘅黃瓜，一口一件如果怕天氣熱．路程較遠嘅話，店員仲會貼心加個冰袋，保持溫度保持食物質數

呢間壽司店好出名，原來不知不覺已經開到第8間分店，有日收工去左觀塘分店買外賣，果然名不虛傳，好高質阿！ 🍴人氣壽司拼盤A $108入面有14件壽司，鰻魚、玉子、蟹棒、腐皮、吉列炸蝦卷，件件size都唔細，就算係熟食，都食得出d料係靚既，壽司飯既調味都好好。 🍴壽司冷麵餐$78 加配 螺肉＆沙律$8壽司有三文魚、白身魚、北寄貝、蟹籽、芥辣八爪魚，全部都好新鮮好有光澤，軍艦既料滿到瀉晒，加配既沙律菜同螺肉都好味。 🍴壽司手打烏冬餐$88呢個d壽司同上面個餐一樣，只係轉左烏冬，佢係扁身烏冬，唔會煮得好腍，湯係分開上，所以食落仲係有咬口同彈牙架👍。 🍴蟹子沙律 (沙律醬)$35呢個真係冇叫錯，份量多不特止，d青瓜絲勁新鮮，爽脆又多水份，蟹籽勁卜卜脆，帶有少少海鮮既鹹味，超正👍👍！ Menu上仲有好多唔同既壽司組合，party size 小食等等，好適合成班人開party食，一定會再encore阿！❤❤

-🔸五色丼 $98🔸三文魚冷麵 $68🔸迷你魚生飯組合 $118🔸赤蝦刺身2件 +$20-夏天熱辣辣成日想食壽司，當然幫襯又好味又抵食嘅千之味，多間分店都幾就腳，收工買外賣返屋企食都好方便🥰揀咗三文魚冷麵，角切三文肥美有魚油香，冷麵配日式胡麻醬超夾，超適合夏天食啊😋迷你魚生飯組合揀咗一份迷你火炙三文魚腩丼同火炙壽司5件，仲有刺身，非常抵食呀！五色丼有齊三文魚、吞拿魚赤身、赤蝦、油甘魚同三文魚籽，一次過滿足晒😛

夜晚收工懶得煮，就去千之味買外賣。外賣自取可以直接掃QR code落單，方便快捷。款式又多，價錢亦唔貴。叫咗個自選set，有厚切鰻魚飯、刺身同壽司，另外加咗$8要多份螺肉同沙律。鰻魚雖然得兩塊但好大舊同厚身，啖啖肉好好食。刺身有四款共六件，味道好鮮甜。而火炙壽司有五款，件件都好正！最鍾意燒完嗰浸魚香味！燒鯖魚飯定食跟餐有螺肉同沙律。鯖魚外皮燒得香脆，又唔會太燶，配埋醬汁同檸檬汁好啱送飯。壽司冷麵餐跟五款壽司，冷麵就冇咩特別，有蟹柳絲同青瓜絲，不過有大量蟹子，有口感。間唔中食呢間外賣都幾開心，好滿足。

我真係好鍾意食千之味🤣價錢親民，分店又多，滿$300仲可以免費外送👍今日收工唔想煮飯，就嚟咗觀塘分店買外賣，叫咗個炸餃子🥟手打烏冬，即叫即炸熱辣辣，拎到返屋企食都仲脆卜卜，另一個係豬軟骨手打烏冬，豬軟骨口感軟腍而且夠晒入味，最重要係湯會分開裝，做湯麵外賣分湯係好緊要，如果唔係，返到屋企只會變成垃圾🤪鰻魚飯定食，鰻魚大大件仲好肥美，加埋鰻魚汁好正👍辣味雞翼，辣辣地好開胃，味道唔錯，沙律同螺肉都整得好好食🔹🔹🔹🔹🔹🔹🔹🔹🔹🔹🥟🍜炸餃子手打烏冬$75🍜豬軟骨手打烏冬$88🍱鰻魚飯定食（配沙律&螺肉）$105跟餐會包埋飲品🧃，另可加錢配沙律＆螺肉+$8辣味雞翼3件+$20🔹🔹🔹🔹🔹🔹🔹🔹🔹🔹

💛 #觀塘 #千之味 #御品千之味收工想外賣啲嘢返屋企食，最好就係嚟御品千之味買壽司喇😚 今次就揀咗兩個壽司餐再加個牛肉飯返去同爸媽食😚 其實呢度都好闊落好多堂食座位㗎😋🔥 火炙壽司餐(10件）（$105）🍣 壽司餐(10件）（$103）壽司件件都脹卜卜好大件🤩 啲魚都好肥美又夠新鮮，我鍾意火炙多啲，特別係鰻魚，夠香口😆！ 普通壽司餐就最鍾意三文魚，好大件好肥美😋🐮 燒汁牛肉飯定食 （$78）咁平嘅晚餐竟然都有咁多牛肉，而且感覺好鮮美，唔會好多味精嘅感覺💓 珍珠米飯都好好味🥰

每次嚟食lunch都係叫角切魚生飯，千之味刺身一般都好新鮮，用得新鮮食材製作就有保證！魚如果不新鮮，就好影響成碗飯味道。魚生飯都好足料，有各種魚生食到，而且有適量脂肪，個人喜歡可以用蘿蔔、青菜等作為配菜！

超鍾意呢個品牌 食過唔同分店🥳🥳觀塘外賣就第1次(其實有堂食位)😝即時用手機落單&即時製作 坐係度涼著冷氣等外賣 超方便👏鰻魚飯定食 ($105) + 三文魚刺身(3件) (+$20)豐富清爽既蟹籽玉米沙律&多甜少辣既螺肉小食 非常開胃🫶厚切既蒲燒醬鰻魚 甜甜地又彈牙 加埋煙韌嘅珍珠米 食得好滿足😋仲附有1罐教主代言既0糖0卡0脂既荔枝乳酸味汽水😍加20蚊可以試埋又厚又潤滑既三文魚刺身😙雪花三文魚腩刺身(10件) ($130)雪白亮麗既花紋 厚切啖啖肉又非常新鮮 肥而不膩 必食推薦💋吞拿魚蓉軍艦(兩件) ($30) & 蟹子軍艦(兩件) ($16)喚醒味蕾既吞拿魚蓉 香滑新鮮 入口即溶😘滿滿既蟹子 口感十足 撈壽司飯一流👏