御品·千之味 (大全街) (Closed)

大角嘴近奧運個帶正在轉形，但大同新村附近有好多好味特色的小店！今次我就發現左一間抵食日本嘢！當晚係平日來，7點都已經有人排隊，但幸好餐廳都多位，所以等左一陣就入得！雖然小店，但空間並唔太迫，坐得舒服亦有一定私隱度，起碼隔離位未必聽到你講咩🤣打開餐牌，發現其實都好多種類！見到樣樣都好想試！🌟蟹子沙律（胡麻）$38份量十足！青瓜新鮮！合格！🌟路端燒牛舌心（3片）$35燒的火喉剛剛好！唔會太「un」亦不會苦！跟住落黎係一系列壽司：🍣 三文魚腩壽司x2 （$20）🍣 墨魚壽司x2 （$15）🍣 左口魚壽司x2 （$20）🍣 劍魚腩壽司x2 （$28）🍣 帶子壽司x2 （$35）🍣 藍鯨吞拿魚中拖羅壽司x1（$76）🍣 海膽軍艦x2 （$48）🍣 火炙左口魚變壽司（$28）🍣 蟹肉蟹膏軍艦x2 （$28）🍣 鯛魚壽司x2 （$28）🚥🚥🚥🚥🚥🚥🚥🚥🚥🚥🚥🚥🚥總體來說，價錢非常可取！質素亦很不錯！一定好過爭鮮！比得上genki例如海膽新鮮份量足！拖羅雖然還好，但都唔差！服務也好好！非常殷勤地幫添茶收碟！

一向知道千之味嘅魚生好出名 今次就叫左個外賣試下🍣雙色三文魚丼 ($45)有4條火灸三文魚同4條三文魚 全部都係厚切嘅 加上大量蟹籽 新鮮又抵食🤩跟餐送埋盒裝烏龍茶添😛

喺附近隨意搵間餐廳叫外賣食，見到呢間日本餐廳，見佢係小店，看似都幾好食，叫咗一個三文魚冷麵套餐，店員態度同禮貌都幾好，但惡夢即將來臨......個三文魚冷麵味道好一般，冷麵用料亦唔太好，係啲平價麵，本來食食吓都冇乜嘢，直到夜晚，肚痛到好似腸胃炎咁樣，想嘔又想屙，痛左一個鐘，屙到人都虛脫（由於我下午係屋企到食午餐，所以我都幾肯定唔關個午餐時，而係個晚餐出事......）我以後都唔會亂咁食日本嘢了.....

今日又開P, 今次無食旺角壽司🍣，試新野，呢間都幾多分店，300蚊送貨，我早一日online order , 一落單就收倒司機whatsapp confirm , 非常有效率💪，不過美中不足係唔收credit card , 主要收pay me 同銀行過數，另外送貨係唔送上門，係送屋苑樓下。《火炙盛盒》 HKD284有左囗魚，三文魚，鰻魚……，大概有25件，好滿足。《三文魚帶子炒飯》HKD188除咗有三文魚，帶子，仲有蟹子，送到我地手時仲熱㗎❣，炒得幾乾身👍，份量都大，有成5,6碗飯。

之前一直都幾鍾意呢間餐廳，無疫情之前都成日黎幫襯，仲推薦俾其他朋友。堂食lunch同Dinner定食都好好味，又唔貴，D魚生又唔差。但呢次外賣自取55蚊既照燒雞扒飯套餐真係有D失望呀外賣呢個價錢大角咀其實選擇好多Wor...日本野，台灣野，東南亞野成條街齊晒..明白宜家飲食業好難頂，但打開呢盒得幾塊雞扒同飯 加埋一盒解茶既外賣確實好失望...希望店家可以看到改善下啦，有少少沙律 配菜都好呀，外賣都想食得健康開心D。

同朋友抗疫開始就好少食壽司見到千之味可以送到上門就一次過叫左好多壽司黎一個壽司派對最最最好味同最快食曬就係火灸盛盒火灸真係我地all time favourite 款款都好好食三文魚刺身亦非常厚口感極好👍🏻👍🏻而且送貨師傅亦好好禮貌聯絡同交收都十分滿意亦會有冰袋同乾冰裝住壽司黎到都仲凍冰冰令人食得放心朋友都十分滿意之後已經幫襯多好多次每次都好滿意！極度推薦比喜歡食壽司既大家買滿一定金額就可以免費送上門！

日本餐外賣🍣🥗🍱已經食過好幾次既一間💛店每次質素都keep，新鮮好味👍🏻今次有叫Set，但大部份都係單點Special推介❤❤❤牡丹蝦、帶子、三文魚腩、海膽當然因為呢幾樣都系我平日既最愛🤭全部都好肥美，鮮甜😍🔎帶子點小小豉油，落小小wasabi，再加兩片海膽係上面，一啖放入口，簡直系幸福到要笑出黎🤣🤣另外一提個蟹子沙律既青瓜係非常爽脆👍🏻食左咁多刺身，配返個清爽沙律順便解膩✔✔

某日lunch 無意中發現左呢間良心食店，味道都唔錯😁— — — — — — — — — — — — — — — — — — — — — — — —【滑蛋牛肉飯定食】定食包埋沙津🥗、前菜、味噌湯🥣最難忘係滑蛋，真係好滑，重有d蛋汁咁，牛肉本身有少少乾身，但撈埋蛋汁就啱啱好喇！配埋d紫菜，份量都幾多，充滿日式風味😋而前菜同沙津都係好食嘅，味噌湯就正正常常！

1:30到去食午餐，好好彩唔駛等位🥰都有10幾個午市套餐揀👍🏻選擇多，午餐時段唔駛加一有問過職員午市VIP 卡有無折，佢話有，我仲特登落完order番屋企拎番張卡😑點知最後發現set lunch 無優惠😭當然佢張海報都寫得唔清楚啦，算！海鮮烏冬餐$98🎈2隻蝦，2粒mini 帶子，幾隻蜆，再加烏冬🎈2件卷物，正常🎈仲有沙律，帶子裙邊🎈汽水🎈雪米糍分量好夠，味道一般四色丼 $78無影相，但老公話👍🏻抵食嘅

午餐外賣自取燒汁牛肉飯定食沙律：冇切過咁滯 手撕原塊生菜再pat啲汁上去小食：疑似螺肉+粉絲 咸到一個點😑 食咗一啖唔想再食配菜：揀左厚燒玉子 除白飯以外最正常嘅dish牛肉：汁略鹹 牛肉片「鞋」又厚 厚得黎仲要韌...係要比啲力去咬開嘅嗰種靭甜品：一粒啫喱....寧願佢唔好比 平多一蚊仲好見大部份嘅食評都係話佢啲壽司刺身ok可能熟食呢方面唔係佢哋嘅專長啦但食完呢個set之後都冇興趣再試佢其他嘢啦呢個午餐定食盛惠$75 大家自己衡量抵唔抵食啦

支持小店系列之好想食日本嘢好彩有Book位，如果唔係都應該入唔到同朋友各自叫咗一個定食，再外加其他食物御品，半熟牛扒定食 -108個帶子裙邊好好食😋牛扒一嚟到都幾靚，但可能因為等埋朋友個定食嚟先食，變到有少少乾，同埋有少少鞋口溫泉蛋用嚟撈飯👍🏼朋友叫嘅燒鯖魚定食 -88唔好俾佢個外表呃到以為好乾好鞋又燒得唔錯，幾juicy，又有陣碳香味油甘魚壽司 -35/2件有啲失望，唔好食特大赤蝦壽司 -32/2件肥美鮮甜火炙三文魚腩壽司 -28/2件有入口即熔嘅感覺，而且魚油香好重劍魚腩刺身 -78/5件好耐無食過啲咁好食嘅劍魚腩了好甜好新鮮海膽三文魚卷 -68海膽鮮甜，呢個配撘又幾夾芝麻雞翼 -38爐端燒牛舌芯 -35南瓜天婦羅 -58最尾先追加，但真係好好味南瓜鬆化，唔會太油

我經常光顧大圍，因今晚請同事食晚飯，所以帶佢地去大角咀堂食。👉職員好好，服務又好（特別係有位職員叫「阿強」，不知有冇聽錯，佢非常很好，好有耐性地介紹食物講比我們聽，佢介紹得非常好味。👉食物又好味又抵食，值得我新界人山長水遠去九龍食😁千之味刺身盛盒$688～好豐富好新鮮火龍卷$78~必食黑松露三文魚帶子炒飯$98~飯炒得好香好入味鯛魚薄切刺身$138~好有鮮甜我們會再去光顧大角咀堂食，支持你們。

每次行奧海城，都會不期然地在附近的大角咀選擇餐廳享用晚餐，因為比較多小店可選擇。☺️如果要我選擇最喜歡的國家菜式，我一定會答你是日·本·菜！🇯🇵哈哈🤪這天，我又突然很想吃壽司，所以選擇了千之味。.「刺身壽司餐」$158🍽：一共有十件壽司，還有刺身及前菜，附送一包紙包飲品/罐裝汽水/麵豉湯。刺身及壽司用料新鮮，味道不錯。不過我認為價錢略貴，男士們可能未必夠飽。.「御品·半熟牛扒定食」$108.「每一個餐都可再給$10/$20追加小食，只限一次。我們選擇了追加兩碟各$10兩件三文魚刺身，味道鮮甜。」💁🏻‍♀️值得一讚的是職員態度很好，為不停為你添茶，以及提醒你哪一瓶是壽司醬油、哪一瓶是刺身醬油。

知你哋掛住日本喇🤪 今次又為大家介紹日本嘅味道，最少買滿300蚊就免運費送上你屋企！佢哋係搵Call4Van司機送單㗎，仲用咗個大冰袋裝住啲壽司刺身，確保新鮮。想食壽司刺身就快啲落單啦😚😋 特上壽司刺身盛盒A（65件壽司 + 30件三文魚刺身）$888😋 千之味壽司盛盒D（48件）$478😋 火灸盛盒（25件）$258叫咗幾個set，撈埋一齊食所以都唔知邊個打邊個，整體嚟講都幾新鮮，三文魚刺身好厚切好肥美，帶子勁大粒勁滿足😆 甜蝦蝦尾唔會痴住個殼，好新鮮！火炙壽司啲芝士都好濃味，火灸完嘅魚生入口即溶😝 質素屬於中上！大家唔使再學Yeesa夜晚10點去爭壽司喇，上網落個單就有得食😙

星期日出開大角咀下午茶時間搵食食野梗係揀有良心架啦佢冇落場時間又幾方便人客喎 叫左8件火炙壽司，包括三文魚腩、三文魚脂、三文魚、芝士帶子其實就一般既，唔算香又唔算厚身但係平心而論價錢亦唔貴8件夾埋$105 坐得ok、有杯茶、每枱有酒精搓手液、晚市以外冇加一，都算係咁 食完都坐左陣，天氣很熱同場仲有另一位人客都坐得好遠，堂食得放心 有樣野想讚下千の味既我之前一個人食深水埗荔枝角道果間分店果陣係疫情前佢地唔會要你搭枱可以自己坐二人枱我感覺係幾舒服既但就會辛苦等位既人客