Okashi Galleria x Calbee Plus (Closed)

This set was in promotion. Buy Honey Chips with ice cream, free a small box of potato stick. The chips were full of honey, and vanllia ice cream is softy and having 3.6 Japanese milk, taste good. While that potato stick taste is a bit strange, very oil and salty.

經常經過利東街見到人食,今次終於買左黎試啦,有4款口味,叫了CREMIA軟雪糕$38,白雪雪,好靚呀~好濃的牛奶味,好滑,但雪糕真係好快溶,要急食~個曲奇雪糕筒,好脆,但係有D甜

夏日炎炎最好就係食雪糕架喇😍喺灣仔利東街呢度影完靚相, 周圍行完行到個人熱辣辣, 緊係想食d 凍野啦黎到calbee 門口見到竟然有得食creamia雪糕😮就緊係狗利入去啦😂價錢同喺日本食咁上下部creamia雪糕機好新架, 應該係今年最近引入的🤔香滑creamia雪糕就係夏天首選之一, 係就係好香好滑, 不過正正因為咁..... 佢溶得特別快😨當然要喺度食埋即炸薯條薯片啦😍😚🤤建議食番原味啦, 其他味會影響左個香脆口感

去日本旅行時常見CREMIA軟雪糕，但因旅行時掛住食其他野太飽冇機會試...不久就進駐香港了，放工經過利東街，見到有得食，天氣又咁熱，一於試下呀。 有4款口味，第2杯CREMIA軟雪糕有半價優惠，同友人一齊食，有著數了。 CREMIA軟雪糕，原味，$38，店員提示雪糕好易溶，快食好點，雪糕造成是波浪形曲線條，好特別，牛奶味濃厚香甜，口感軟滑，入口即化，好味呀，曲奇脆筒口感鬆化好有牛油香，好食呀。 Okashi Galleria x Calbee Plus

今天路過Calbee plus, 以前都知佢有新鮮炸的薯片賣, 但今次見到佢有ice cream賣, 所以入去一試!雪糕有4種味道, 包括金枕頭榴槤，抹茶, 原味和朱古力!首2種味道自己沒有太大興趣，所以試了原味和朱古力!朱古力是人手落朱古力粉, 做出來都幾靚!雪糕最特別之處是雪糕有很重的奶味, 若喜歡奶味濃的人應該會喜歡! 另外, 雪糕的質感亦算滑!不過,原味雪糕要$38元, 而朱古力雪糕更$45元, 值不值得就見仁見智!

2016年初, 由四洲集團首度引入香港的Calbee Plus於灣仔利東街開設概念零食店。店舖除售賣各種集團旗下品牌零食外, 更設有小食部, 提供即點即炸、各種口味的炸薯條、薯片。炸薯條、炸薯片, 被眾多營養學家評定為「連細菌都唔稀罕既垃圾食物」。據美國一實驗指出, 炸薯條經過長時間室溫存放後, 外貌依舊金香酥脆, 毫無任何腐爛跡象。由始證明, 炸薯條毫無營養價值。縱使如此亦吸引一眾粉絲們紛紛而至。Poterico芝士味炸薯條店舖人氣No. 1小食, 售價極貴且份量極少。口感非常普通, 味道就有如旗下集團出品「經過加熱的蔬菜脆條」。回頭率低於零。

吃飽拉麵行經利東街甜胃忽然甦醒！OK OK吃雪糕好嗎？？ 就是被Okashi Galleria x Calbee Plus的Cremia軟雪糕吸引著！店內除了有牛奶、宇治抹茶、朱古力三款口味外，更同時推出限定金枕頭榴槤味很切合我的重口味啊！款式為香港獨有去日本也吃不到喔！ 金枕頭榴槤味CREMIA＄45，買第二支有半價可惜這夜毒食！外表跟原味不大分別，但灑上泰國金枕頭榴槤粉末，味道天然不過只限第一啖感受到！不過25%北海道鮮奶油做的軟雪糕確香滑口感特佳，而且香而不油膩又不過甜，最正是配上的曲奇脆筒香脆迷人非常，如大家有吃過白之戀人便知道那口感跟味道！ Btw利東街放滿這些紫色擺設好美呢！有你陪我食雪糕又多點浪漫氣氛呢！！

🦐蝦哈笑感謝袋（$168）Calbee又出新些品為左慶祝 Clbee+香港店2周年🎉今次好大堆頭今次係成個Toots Bag啊!你問草根入面有d咩？又想睇下岩唔岩心水先？知你地多要求😌自己睇下啦👀📌酥皮龍蝦味薯條🍟（鐵罐禮盒裝）📌沙拉味薯條🥗📌堅薯片輕鹽味📌卡樂B圖案鉛筆✏️📌卡樂B圖案杯蓋沙拉味薯條比平日calbee嘅薯條幼好多，口感較硬，但就愈食愈出味，不過草根姐姐都係中意佢地平日嘅薯條🍟多d😋而「堅薯片輕鹽味」（嗰名想點？😂)就好薄好脆，堅。有薯味。酥皮龍蝦味薯條鐵罐禮盒裝（$79）2周年紀念袋入面有呢盒新出嘅龍蝦味其實係有得單買嘅🤞🏻鐵罐內一有6小包薯條🍟同以往d味一樣係幾好食嘅但你問草根食唔食得出龍蝦味🦐😂😂😂😂唔好講笑啦答你食得出都嘅呃你🎁禮盒裝果然就係豪華版草根都係留番d錢買多幾包薯條lu想買嘅留意啦，得Calbee+有得買嫁炸🤩‼️

見到即點即做calbee薯片當然要試下啦，點了個限定避風塘試下～等五分鐘到就有得取了整體薯片好脆好香，避風塘味帶點微辣刺激味覺～正。份量都好足～會要來光顧試其他款式。鋪內還有好多盒裝，小型包裝的calbee小食喜歡零食的朋友入到鋪會好開心，當賀年禮品送給親友一定好受歡迎

日本食過calbee即炸薯片，食幾多次都咁好食。香港終於有一間，見到香港限定避風塘辣味當然要試試。可能人流唔多，員工都唔需要不停炸，所以買完唔使等已經有得食。唔係即炸關係，薯片唔係熱辣，但總算暖既。質地都好香脆，辣味都唔算重，有少少蒜香味，可以一試。

黎得呢到當然要食即製卡樂B 薯片。我前前後後都食過幾次，試過薯條，其他唔同味既薯片，最後都係返璞歸真，原味最好食。佢薯片個特點係厚切，比袋裝既卡樂B厚身，而且即製有個好處係冇咁油，薯片放耐左會標油，有大朕油膱味。而佢炸完出黎個薯片仲係好乾身，波浪型個表面冇油份。然而齋薯片好寡，個雪糕先係點題既部分。用薯片做匙去筆雪糕食，又咸又脆既薯片令雪糕個甜味更突出，而且係雲呢拿味先咁配合到，換左朱古力或者其他濃味既雪糕都做唔到呢個配搭。

卡樂Ｂ香港店，在２０１６年初開業，作為薯片達人的我，當時為了朝聖，在開業僅２個月已急不及待花1.5小時排隊入內參觀，當時人太多並且很擠迫，所以沒有吃得太多！相隔一年後的今天人數少了，反而比一年前行得更自在鬆容！　　即炸的避風塘味波浪薯片配雪糕是香港專門店特有的產品，味道不俗啊! 炸的避風塘薯片，真的有濃郁的避風塘味道，配以雪糕，一冷一熱的口感，使人滋味無窮，  加多 $10 仲有多杯熱辣辣薯條呀！在 Calbee Plus 可以觀賞到薯片的製作過程！油炸薯片 ing 加鹽到薯片中！之前到日本都未能到 Calbee 專門店一遊，今次可以在灣仔利東街的 Calbee Plus 朝聖，好興奮啊！作為薯片達人的我，當然要和 Calbee Plus 嘅 icon 薯片影張相喇！

今日帶小魔怪去食佢想食好耐既calbee 呢間聽講係海外既第一間，有即炸既薯片，難怪小魔怪想試！由於開左都有一段時間，都唔係多人⋯⋯叫左個避風塘波浪薯片配雪糕，加多10蚊有杯薯條，兩樣夾埋好似都要60蚊，唔平⋯⋯等左5分鐘，終於有得食 薯條熱辣辣，食落粉粉地，咸咸地，唔識形容，總之岩岩出爐就係唔同 而避風塘薯片加雪糕就更正，兩樣野撈埋一齊簡直perfect!!薯片好香口，辣辣地，真係有避風塘風味！而雪糕一D都唔HEA，超重奶味，所以兩樣野加埋就係超乎想像的正！下次要再帶小魔怪黎！

之前走過這間薯片專門店多次，都因為太長的人龍而卻步。趁著熱潮稍退，就來一嘗。店子內賣的薯片是現場即炸的，而且可以襯上不同的口味。小人的薯片就配了朱古力醬，這樣的配搭倒很新奇。盛載的紙杯很淺，一份的薯片著實不多。不過熱辣辣的鮮炸薯片確實很脆很香，油膩是難免的，不過比起袋裝的差天共地。沾了朱古力醬又是另一種食法，朱古力醬甜度稍高，但與薯片一起食又剛剛好，美中不足之處是朱古力醬太少了，不夠蘸點整客薯片。除了薯片之外，陳列架上還有各種各類的卡樂B薯品零食，小人吃完更買了不少回家呢～~

Calbee相信各位一定由細食到大，由一包包零食做到實體店面，更開到黎香港，即炸香噴噴 熱辣辣，真係吸引到一大班卡樂B迷去朝聖。話明香港店，一定要有返個香港區限定既口味。香港特色口味避風塘香辣味。今次我就揀左波浪大切。因為人比較多，所以見到都有薯片炸定放左係度。當落左單之後先會去調味，唔好睇好似細細碗，但份量都好多，而且每塊都好完整好大塊，調味粉岩岩好，夠辣又唔會死咸。而且薯片好新鮮好脆，又唔會好油膩。食到lamlam脷，但2個人share就岩岩好啦，如果1個人可能會有點兒多。即炸原味薯條，呢個簡直係世界第一既薯條，新鮮炸起外脆內軟，薯蓉夾雜左小小雜菜粒。一筒有大約超過20條，份量都唔少。真係未有試過比它更好食既薯條，覺得薯條比薯片更出色。