隨您鍾意

Open Now

Now Closed

呢間嘢啲員工服務態度勁差。平時都冇寫開食評，但今次真係忍唔住。呢間舖幫襯過幾次都前後見過三，四個員工，但個個員工啲態度都一樣咁差，特別有兩個男嘅。事緣昨晚我去幫襯咗佢地買咗一客(兩件)手卷加一盒味付螺肉，佢問我堂食定外賣，我話堂食，之後有一段咁嘅對話內容:我:唔該，請問堂食盒螺肉係咪有筷子？店員: (唔岀聲用手指"督"個牌)個牌寫住:小食及特價食品不跟芥辣我睇完個牌啲字我成頭問號...我係要餐具喎，又唔係要芥辣...之後我見佢忙緊都等佢忙完先我再問:請問可唔可以要對筷子食盒螺肉？店員:$5蚊！我:吓？冇筷子我點食？同埋你個牌係寫住唔跟芥辣，冇話唔跟筷子(嗰下都已經燥燥地)店員:哦，呢個係我地公司嘅規定，唔關我事！我:咁唔該我想退錢！之後佢好唔耐煩咁將啲錢用力咁拍落張枱度而我都成肚氣咁食完兩個手卷就走咗一間鋪頭啲員工態度差成咁都真係第一次見，俾錢買難受真係可一不可再又要問係咪堂食但又唔比餐具，自己舖頭又唔寫清楚，問多你兩句又要比你窒發誓以後唔會再去幫襯啲態度根本就趕客

同男人都係夜鬼，成日食宵夜今次想介紹下一個夜鬼精選—隨你鐘意大大話話都買過十次以上，因為佢收得晏，所以成日放工經過都會買黎做宵夜。夜媽媽仲有咁新鮮既壽司，我諗都沒有之一啦～而且去親都係好多人買緊（十二點左右去啦）見親都最少有兩個師傅係到密密包男人話由佢當年３蚊食到依家加價到５蚊件，但質素都無點變雖然好多人話收錢哥哥態度好差，不過咁既價錢咁既時間咁既質素再加外賣黎講，可以暫時忽視既自選壽司＄４—１４件哈哈每人成１８件最鐘意蟹籽壽司，咬落去卜卜聲勁爽

本身好少寫食評，不過今次去完隨你鍾意真係要寫啦，諗住上完堂買啲野食，點知食到一肚氣，呢位男，我唔知佢係咪太子啦，態度差到無論，好似啲客得罪佢全家，我買左2個手卷，一盒壽司，只係問佢拎個膠袋外賣壽司，態度即刻就勁串，我都唔知點解佢要咁，唔通生意真係太好？好到唔需要尊重客人？你啲態度咁趕客真係好差，都唔知係咪因為服務態度差，所以店名叫隨你鍾意，咁嘅服務態度，真係俾錢都俾得唔舒服，其實每個人都係平等，尊重人都係其本做人應有態度，態度咁差，對生意都有影響，希望呢位男仕可以反省自己態度

係咁的 - 哥仔其實唔想賣/唔想番工，你係可以閂門唔做。心情唔好，人人都有。但唔搞死多年老店。大學時代，隨你鐘意陪左我過好多餐，連那些年的浪漫刺身也是光顧你的。價錢如舊，性價比高。如今工作多年，尋晚上霎東街chill一下。到滿載回憶的小店食個窮l手卷 。之下係尋晚對話：「唔該，一個三文魚一個雜錦手卷」「睇字啦，手卷要買同款兩件」「好，二件雜錦手卷禁」拎住一張一百蚊比錢「我地只收散銀。你有冇呀」態度你地feel到，嬲到想去生果店，兌到張一百蚊做毫子比佢，唔洗找。但心諗又何必。結果一肚走了，少佢都費時。價錢你定，鈔票係法定。一百都唔收，其實嚴格上係違法。唔夠價，你加番，人少d好做d，或許可用。但我只想講我鐘意尼間平刺身壽司，回憶滿滿。但態度根本係趕客，唔係澳牛既神快神效率。其實，寫尼篇又費時又心痛。

從來未去過呢間壽司外賣店嘅，不過真係只此一次，味道吾特別好，款吾特別多，價錢吾特別平，但態度特別差。間壽司店自己寫order紙交嘅，咁我寫完，交張落單紙比店員時，見到有刺身，想另外叫多個刺身同小食，已經等佢㩒埋計數機 ，計好數我先講，點知一開口：吾該我想要⋯⋯佢就喝我：你一陣先講真係嚇一嚇⋯⋯佢吾係平音冇尾個隻，係真係喝我，個刻真係想吾買走人，但又應承左屋企人買壽司，吾想行去元氣咁遠，心諗:算，冇下次。呢位哥哥仔好勁，佢係keep住塊面黑色同埋keep住打機.冇人話佢㗎

兩個人收工掛住吹水吹到餓餓地同事仔就建議去隨您鍾意食🍣🍣梗係好！又近車站🚏有部自助點餐機不過唔係全個menu都有得點有三個付款方式，好方便👍點完就企埋一邊等講多兩句已經有得食手卷好抵食，餡料唔係得頂頂架十幾蚊兩個仲要咁足料大鄉里嘅我真係未幫襯過

買外賣好似受氣咁 金髮男性店員態度勁差 做服務業性行業做到咁hea不如唔好做啦 夜晚十二點幾黎買 乜都話冇咁開到咁夜為既係乜一開聲就話買手卷要禁機咁要買埋壽司 唔通又一定要禁機咩咁整啲紙黎做乜受氣既壽司鋪 唔會再有下次

今日lunch想食日本嘢，但最近又要keep fit,咁啱又落超級大雨，所以就決定去公司附近嘅隨您鍾意買盒三文魚外賣返公司食。買了盒$90蚊嘅三文魚，個瘦瘦矮矮嘅中年女店員黑住面幫我入袋。見佢擺咗兩包豉油兩包wasabi 入袋。咁我叫佢畀多一包豉油我，點知佢以急口令式嘅冇禮貌語氣話：已經跟住價錢畀咗兩包你喇。我即刻覺得自己好似乞衣乞食咁畀你拒絕... 同埋幫襯你$90，乜想要三包豉油好過份咩?一包豉油成本幾錢呢?我只係想要多一包（total 前後三包)，有冇必要同客人咁斤斤計較呢？所以我即時同佢講，咁你攞走包wasabi換豉油囉。咁講佢先畀多包我。真係覺得自己食日本嘢食得好淒涼... 因在office 吃，所以只能把兩包豉油直接倒在三文魚上面。大家可以見到，我只用了兩包豉油，其實是啱啱夠的，所以我覺得問佢攞第三包其實不算過分...這間店其實不是特別好食，今次食完仲肚瀉咗兩次（disclaim: 以前吃過四至五次都冇事）。今次經驗真的令我十分反感，絕對冇下次 🙅🏻‍♀️

行街突然口痕點算？小編經常會去位於灣仔的壽司舖🍣止下口癮😛-💓$15 兩件手卷有三文魚丶鰻魚丶雜錦魚生選擇小編是三文魚控💁🏻‍♀️當然會兩個都會選擇三文魚雖然價錢好抵但質素絕對唔差🧚🏻‍♀️啖啖肉好新鮮👍🏻而且紫菜仲好脆仲可以做下午茶添👀👅

店員態度勁差，想買野食用cash態度勁差咁同我講唔收cash wor（金毛長髮個個呀）咁叻咁好的店員仲可以生存到真係佩服貴店到極點由筲箕灣到灣仔啲服務都係咁差無下次

店內食物賣相新鮮， 價錢不貴， 吸引很多人排隊購買。 三文魚未切一磅$89, 色澤吸引。 經常排長龍。 唯購買不同食物要注意。前一位客人購手卷， 可惜店員態度甚差 , 用支筆打落玻璃櫃一字一下：「 手-卷-出-面-門-口-㩒-機」，那位客人無耐亦不滿。 跟著另一位客人再問買三文魚需㩒機嗎？店員不耐煩地說買手卷出面㩒機。 跟著客人立刻說不買，走了。 價錢平又如何， 以為多人排隊好生意就可這樣？！ 又一次影反揾快錢， 冇禮義。 客人付錢有禮購物， 店鋪只為賺錢， 做少你一，兩單生意又如可。

平到咁，可以係邊到搵到？我可以答你，可以係♥隨您鍾意♥搵到！鋪頭唔大，一眼睇晒。去到嘅時候差唔多七點，有好多人喺鋪頭買壽司，有啲仲係買今晚嘅晚餐添。鋪頭嘅當眼位擺咗好多三文魚刺身，每一盒就咁睇都覺得色澤都好靚好新鮮。而且係牆上面都貼左好多唔同嘅餐牌，可以慢慢揀。如果唔想排隊俾錢，佢嘅門口旁邊有部自助嘅售賣機，大家可以喺售賣機上面直接購買，不過留意番呢部機淨係收八達通。相信好多人你呢間壽司店買壽司係因為聽聞佢有啲壽司賣得好平，果然如此，最吸引人嘅一定係$12有1個手卷。不過大家要留意番，呢啲特價手卷最少要買兩個，換言之你最少要買$24。比完錢，佢會比張收據你，收據上面會有輪候編號，可以留意番佢電視機上面去到咩Number。佢另外仲有唔同一盒盒嘅壽司買同埋其他刺身，大家都可以任意選擇。而且佢仲有日本嘅酒賣，有大支有細支，價錢仲要唔係好貴添。佢隔離有個大廚房，而且仲係透明玻璃，可以望到師傅係入面親手整緊壽司。鋪頭入邊仲有一個小小嘅一張長枱，擺咗啲豉油，可以比客人企喺度食。新鮮海膽手卷大概等左15分鐘，終於輪到我個Number啦。今次我嗌嘅手卷就係海膽手卷，$12有一個海膽嘅手卷，真係覺得好抵

原來在上環上班的朋友都認識這店，主要因為營業時間長，夜班放工都有得食，而且手卷的價錢勁抵。其實之前也幫襯過，知道魚生屬「大件抵食」之類別，但原來手卷才是最抵！今天與朋友晚上約8:30來到，決定堂食，朋友是熟客，跟我說這裡的店員很有性格，覺得是有實力的店才會有如此「有性格」的態度。所謂有性格，其實就是店員想杜絕一些無謂的問題，例如店面其實已有告示寫明只點手卷就不用填寫order紙，但仍有部份客人沒有留意填了而被責怪。雖然不知者不罪，但我與朋友衷心覺得店員做得很對，正正就是有實力的表現！由於此行的目的是要吃特平手卷，所以我們二人目標為本，只點手卷。手卷即叫即造，紫菜還是脆的！最平的鰻魚手卷和雜錦魚生手卷只售$15兩個，即只是$7.5一個！比起在便利店買的肉鬆飯團就要便宜！而長腳蟹肉手卷只售$10，海膽手卷也只售$12！雖然料不是十分多，但已覺十分抵食。

去開灣仔，行開個條路，咁岩見到有間手卷店好多人排隊，見到15蚊2個咁平😳同朋友又肚餓，就順便試埋嚕～👉🏿✨特價手卷 Hkd 15/2 💸📌我就揀左鰻魚同三文魚😆老實講食之前我真係唔抱任何期望架下！不過，事實永遠相反🤦🏽‍♀️係超好食呀！識我既人都知我唔好三文魚，一舊起兩舊止，但係呢個食左一啖，係真係會好食到我想食晒佢😫三文魚夠肥美但入口又唔會好膩，唔加wasabi 同豉油就咁食都好正！堅正👍🏿個鰻魚就麻麻地喇！鰻魚好彈牙好爽😂不過都係有啲啲腥，但份量係多既，算係咁啦！👉🏿✨軟殼蟹手卷 Hkd 18/2 💸📌食完覺得唔夠，又再加碼😝軟殼蟹炸到岩岩好，好酥脆，食完係有啲啲乾，但可接受☺️

食了這舖多年，由之前有舖可坐低有人招呼慢慢食，到在外賣舖只有幾個位的立食，到外賣，真的可以用平靚正來形容，平時都係食魚生壽司手卷多但今日好想食炸蝦，所以lunch 外賣自取了吉列蝦飯配芥末沙律醬及麵豉湯 （$38）先打電話落單，15分鐘後去取電話中落單姐姐好仔細落單，連麵豉湯要唔要蔥都有得揀落單15分鐘到舖已經有得攞入到公司一看，原來吉列蝦飯係有兩隻蝦，及一些蔬菜，包括紅蘿蔔、大蔥、青椒及茄子，雖然覺得蝦少了一點，但也好爽口鮮甜，蔬菜也好好味，不得不提個芥末沙律醬，夠濃味，估唔到食個沙律醬都會嗆到，咳死左我覺得算是'清清地'的一餐，呢個價錢算不錯而個麵豉湯也很有水準，果然有好點題的蔥，好夠味同事話鰻魚飯都好食㗎，下次要試下