古早味台灣原味 (Closed)

係好正宗嘅台灣嘢🤤牛肉麵必食! 湯底濃郁，而且啲牛好嫩一啲都唔韌。最正係個刀削麵掛湯一流。另外叫咗鹽酥雞同雞軟骨，嗰皮脆得嚟香口，配埋杯烏龍茶唔會太油膩!會同朋友再返嚟食😎

係好正宗嘅台灣嘢🤤牛肉麵必食! 湯底濃郁，而且啲牛好嫩一啲都唔韌。最正係個刀削麵掛湯一流。另外叫咗鹽酥雞同雞軟骨，嗰皮脆得嚟香口，配埋杯烏龍茶唔會太油膩!會同朋友再返嚟食😎

同朋友到銅鑼灣行街，行到食飯嘅時候，我們就一邊走，一邊找地方吃飯。剛巧遇到一位小姐派傳單，推介我們到樓上食店。故此，我們就到樓上經營台灣菜的餐廳 「古早味台灣原味」試一試。餐牌上，有很多不同種類食物可供選擇，價錢相宜，算是平民化，買相也相當吸引。我們三人，點了台式滷肉飯，黑糖薑豬手，醉雞卷，炒四季豆及番薯葉。這個「台式滷肉飯」的白飯份量也很大，滷肉味道香濃。「黑糖薑豬手」味道獨特，黑糖薑的甜辣配以熱騰騰的嫩滑豬手，是一種很特別的味道。而且不太辣亦不太甜，份量很大。「醉雞卷 」每個雞肉卷都很結實，而雞肉卷酒味濃烈，但是雞肉是沒有鮮味，份量也是很大。「四季豆」很爽口，也炒得非常入味。「番薯葉」十分新鮮，但是較為油膩。全部菜色份量都很大，價錢相宜，買相也相當吸引。

事源想去既幾間餐廳都關咗門，誤打誤撞嚟咗呢一間～ 可能係早咗少少嚟，所以被安排坐係窗口位，非常舒適🥰如果你要見客食飯，不妨可以嚟依度古早味牛肉牛筋面 （$65）好有台灣風味，朋友盛讚湯底係台式牛肉麵嘅味道。😘牛肉都唔錯，厚切，有肉味。面係手工刀削麵，有誠意👍🏼好滑好彈😋份量都比較大，合格，但未必會回頭。紅燒豬軟骨面（$65）豬軟骨比較un 同老，食落真係有少少鞋😣 但係好彩個湯底都搭救番。都係叫返牛肉麵好食啲😛台式小雲吞（六粒） （ $18 ）蒸得耐左少少， 而且皮太厚鹽酥雞軟骨（ $15 ）台灣特色小食，當然要試吓。份量唔算多，不過不失。

兩點半進店，剛好可食下午茶餐。我點的刈包有紙包著，進食方便：不沾手，而且餡料不易掉出來。店員同時提供筷子，我不嫌多餘，原因是方便我夾出芫茜。雪白的刈白新鮮鬆軟，夾著肥肉吃一點也不膩。只吃刈包有一點單調，便加了一份九層塔手抓餅。餅皮鬆軟，每一口都充滿著香草味，挺特別挺香口的，不過未必合大眾口味。入座時桌上分別有三個餐牌，一個是飯餐、一個是麵餐，最後是「輕食下午茶」。後來我才發現原來還有第四個餐牌，寫著「輕食下午茶」以外的茶餐均附送一款小食。即是，「輕食下午茶」全都是三十幾元，看似比其他至少四十幾的下午茶餐便宜，其實份量少很多，一點都不抵。像我這樣點，已盛惠$50，比一個飯或麵餐還貴。

銅鑼灣嘅京都廣場有好多嘢食，呢間古早味就係其中一間。上到去見到裝修係以黑色為主，燈光比較黑暗，感覺私隱度都幾好。➡️ 蚵仔煎 ($52)見咁多人介紹當然要試吓啦，攞到埋嚟已經聞到好香嘅蛋香味，睇落仲有好多蠔仔。食落口蛋味好香，個外皮煎得好香脆，撈埋面頭啲辣醬一齊食，辣辣地咁樣真係好惹味！➡️ 古早味牛肉麵 ($65)牛肉麵嘅牛肉雖然睇落厚身，但其實整得好淋好入味。麵條嘅煙韌度做到好好，只不過份量就少咗啲。➡️ 花枝蝦排 ($38)新鮮熱辣炸出嚟，食入口超熱，炸粉唔算太厚，咬落好脆，蝦肉亦都整到好彈牙，好好食！推介！➡️ 黑糖珍珠奶茶 ($22) + 牛奶咖啡 ($20)飲品方面就正正常常，幾好味。古早味台灣原味地址📍: 銅鑼灣駱克道491-499號京都廣場5樓.............................. 味道😋: ⭐️⭐️⭐️💫環境👀: ⭐️⭐️⭐️💫服務👨🏻‍🍳: ⭐️⭐️💫抵食💰: ⭐️⭐️⭐️⭐️

要搵個地方同生意夥伴傾野唔打唔撞嚟咗呢間台灣野出乎意料地好環境係呢個價錢嘅餐廳來講算真係唔錯嘢食真係一流台灣滷水非常入味仲有佢嘅炒蝦都盡顯功架絕對有喺大排檔食到嘅風味下次會再返嚟幫襯

明明是出名的但比想像中的味道失望。。牛筋麵 湯幾有味 牛筋都算好食呵仔煎 味道都好食 但唔夠熱最嬲既係個魯肉飯🤦🏻‍♀️🤦🏻‍♀️魯肉係肥 味道ok但個飯係勁硬 又唔熱好似隔左夜甘 完全食唔落無下次🤦🏻‍♀️好失望

今次又食古早味台灣原味，上次食左尖沙咀個間既下午茶，今次試下銅鑼灣呢間晚餐，格局、裝修兩間分別都差不多，但好似銅鑼灣較大同埋較多位，個日去都幾多人食.1. 鹽酥雞 7.5/10鹽酥雞同紫蘇葉都炸得幾酥脆，加左七味粉調味，惹味得黎唔算油膩，不過雞肉有點紮實，有點乾同埋唔太嫩滑，有一兩舊係炸粉黎😖2. 綜合芋圓 5.5/10同想像中太大出入☹️我期待既芋圓係煙煙韌韌同埋彈牙，但呢到既芋圓係硬身，咬第一下已經唔想再食，口感似糕狀，不過食到地瓜圓既甜味，除左芋圓之外，仲有紅綠豆、珍珠同仙草，味道正常，但芋圓口感太衝擊

台灣菜餐廳係香港真係愈開愈多，古早味台灣原味都有幾間分店，價錢相宜，都幾平民化，而食物種類都幾多，牛肉麵、蚵仔煎、芋圓、蔥饀餅，滷肉飯等等，全部都好吸引🤤.鹽酥雞扒湯麵 7.5/10賣相吸引，鹽酥雞扒都幾大塊，炸得香脆之餘肉質鮮嫩，唔會好乾，亦唔會過咸，幾好食👍🏻不過可能會有點熱氣，而麵條係比較寬身，彈牙同有咬口，不錯.台灣刈包 7/10刈包包住舊肥腩肉、花生、酸菜、芫荽等等，口感幾豐富，但我覺得腩肉有點膩，試過就好了

做完野超肚餓，唯有食埋先番屋企啦。招牌古早味牛肉麵，個湯底係車仔麵牛腩味，牛肉都有三舊厚切的，有肉味。而個麵底有少少驚喜，彈牙！不過得好少份量咋！朋友食酥炸豬排魯肉飯，朋友話一d都唔似台灣風味，而我就覺得個味唔錯既，又唔算乾，唔會過鹹，合格既，但唔會掛住！小食叫左黑糖薑雞翼，$28 有4 隻，呢區以呢個價錢有呢個水準係上上之作，皮脆多汁內嫩，真係好好味，感覺有幾多隻可以食幾多隻甜品要左個$35 竽圓，店員話係自己做的，真係同出面唔同，三款都食得出食材味道，而粉較少，比坊間的少了一份Q口感，但我鐘意呢個呀！我鐘意Q既話我可以直接食小丸子，我食呢間竽圓，真係分別食到地瓜，竽頭同蕃薯本身既甜味，很讚喔！

今日夜晚，一行二人去到銅鑼灣古早味用膳， 人流唔算多，可能因為肺炎問題，但餐廳衛生都做得很好，有職員會探體溫和噴消毒搓手液， 因為太肚餓，我哋叫咗一碗古早味牛肉麵和雞扒肉燥飯 ，肉燥飯聞落好香，亦都冇一啲好嚡口嘅感覺，之後仲嗌咗一碟小食，醉雞卷， 如果喜歡酒精就岩晒啦，一上碟就有大大陣酒味湧上嚟，食落去都啖啖肉幾飽肚，最後我哋仲嗌咗兩個甜品，紅豆燒餅和炸地瓜圓， 可能天氣有啲凍，一上台即嚟食落口，好香脆又內軟，凍凍地食真係一流，個人暖晒。

而家冇得去台灣 唯有食台灣野回味下朋友推介食呢間 咁就一於試下今日閒日 黎到都唔洗等位一坐底侍應就同我地探熱同埋俾消毒液我地噴雙手我地3個人嗌左4樣野呢個古早味嘅鵝做緊特價78蚊 好抵食隻鵝肥瘦適中 底下仲有麵根同花生好入味柯仔煎 好多柯仔 煎到好薄 煙煙靭靭又甜甜地好正呀滷水拼盤我地揀左細嘅 自選三款腩肉三舊 好厚切 肥瘦適中豆腐三塊 同埋豬肚 滷到入晒味新竹炒米粉 好足料有蛋有蔥有菜大蝦米仲有肉 米粉好幼細 好夠火喉呢度服務態度好好 食物又好味而且又唔貴一定會再黎呀

成個農曆新年大食妹都同屋企人食住家飯...好耐冇出過街食啦 今日就約咗朋友仔去銅鑼灣食台灣菜 朋友仔同大食妹不約而同地揀咗呢一間古早味台灣原味果然係接觸的越多嘅人會越嚟越同步呢<酥炸鹽酥雞>鹽酥雞嘅份量唔係好多, 但勝在新鮮炸出來 外面脆卜卜, 裏面保留咗雞塊鮮嫩嘅肉質 調味方面偏淡... 食完唔會口渴<九層塔手抓餅>另外大食妹仲揀咗個九層塔手抓餅 酥脆嘅外皮, 裏面加入咗九層塔香料, 特別得嚟又好味 發現台灣料理裏面好鍾意加入九層塔呢種香料呢<古早味牛肉麵>嚟食台灣嘢, 點可以唔叫返個牛肉麵呢~古早味嘅牛肉麵湯底酸酸地, 面底應該係手工製嘅刀削麵粗幼不一, 但食落非常煙韌, 係大食妹鍾意嘅口感而朋友仔就盛讚佢嘅牛肉, 既厚身又嫩滑<乾貝櫻花蝦荷葉飯>最後我哋仲叫多咗個乾貝櫻花蝦荷葉飯 飯底係糯米飯, 面頭落咗好多嘅蝦米同櫻花蝦, 中間埋咗一粒乾貝 蒸嘅糯米飯偏軟爛, 雖然好足料, 但大食妹就唔係咁推介啦

銅鑼灣競爭咁大想搵平嘢食都唔係太難，上樓舖通常抵食啲，今日搵到間台灣食品有飯有麵下午茶餐包飲品，仲可以優惠價錢加小食添檸檬冬瓜愛玉飲-檸檬味飲唔出，冬瓜味淡淡地都有嘅，愛玉偏小叫左小甜都覺得甜珍珠奶茶-奶茶茶味算唔錯同奶比例都平均，珍珠唔算好新鮮但都有煙韌哨口，叫左小甜甜度都可以接受新竹炒米粉-米粉炒得好好唔油得唔會漿埋一齊，配料雖然小但食米粉已經好滿足古早味牛肉牛筋麵-湯底太清飲唔到牛味得蔬菜味， 牛展炆得好林但唔入味，牛筋林得來仲保留到彈牙但都係偏淡，麵係刀削麵好滑好彈牙索汁宜蘭蔥饀餅-饀加左粉絲肉比例好小，皮夠薄身但覺得太油膩鹽酥雞-8蚊有咁多好抵食，而且炸得香口脆身唔油膩，調味剛剛好雞肉仲滑總結:主菜同小食都不過不失，但價錢真優惠，小食有特價可以小小份量試多幾款，我真心覺得唔錯係未寫完食評時我已經晚餐又幫襯左一次啦