Oliva (Closed)

行過見menu set dinner由7x到9x,唔算貴,所以同女朋友入去試一試環境不錯,由於時間尚早,冇咩人整體來說是很好的一餐, 三樣食物的水準也很高,以這樣的價錢食這樣的食物是超值的

1.餐包，有個黑醋汁點黎食的。個人認為很酸。2+3龍蝦天使麵和海鮮意大利飯都是好味之選。4.鵝干配牛排。其實毫無頭緒點解呢間餐廳唔俾鋸齒刀我地切牛排。切牛排應該唔係用餐刀嫁喎。奇怪奇怪。5.牛仔骨ok。6.Tomato Cheese Salad。這個味道好特別，佢個沙律醬係芝士醬來的。

見佢裝修幾靚, 價錢又幾靚, 咁咪諗住今晚去食餐好嘅,,,,, 點知包包+黑醋: 包包係凍, 口感好差, 一D都唔好食, 好似隔夜麵包 雜菜湯: 普普通通, 香草味重咗D炭燒肉眼扒: 炭燒味好香, 有牛味, 是整個晚餐唯一可取的食物香煎大蝦配燒牛柳: 搵笨,,,,, 幅圖有兩塊牛柳, 但係碟嘢就只有一塊細細的舊嘅牛柳, 隻蝦又係細細隻, 叫咗7成熟又煮到過咗火,,,,,, 男士的你要叫多個餐先會夠食, 因為我都覺得份量太少了餐茶: 茶太濃要加$20先會有餐湯 & 餐茶服務麻麻,,,,, 9點幾客人唔多, 4個服務員企埋一齊傾計, 仲傾得幾大聲, 嘈住晒

早已放棄了的「彩虹仙子」苟延殘喘一段時間後終於收檔，取而代之的是意大利風格的「Oliva」，應該是荃灣/元朗和大埔都有分店那間。收工偶然行過門口見裝修得幾靚，看看餐牌起碼成舊水落樓，怕且無乜機會午餐來幫襯。過了一排，同事說午市只需37元，而且閒日無加一，咁真係要試下。生意好午間12:30後不接受訂位，只好早點竄出去等位，都要等幾張檯。埋位，檯上已放了一籃麵包和黑醋，點餐後才試吧，包是夠鬆軟但不熱，免費的就由它吧。點了3個餐，分別是香草忌廉汁鮮魷闊麵、豬脾配露絲瑪莉汁和羊脾配磨菇紅酒汁(上錯了肉眼扒)。香草忌廉汁很濃，夠哂creamy，魷魚亦算新鮮；豬脾就麻麻地，可能個汁不合口味，豬脾本身夠腍，很輕易就骨肉分離，易於處理；最後係上錯了的肉眼扒，烤得表面微焦，內裡肉汁豐富，加上磨菇有咬勁，3款以這個最好。上埋餐飲埋單，凍飲都唔使加錢；雖然平均消費比同區食肆稍高，但與客源相近的「馬德里」、「椰林閣」和「牛車水」，同様價錢當然選這間。

等我比小小comment la...我唔係成日留comment , 寫得唔好, 請勿見怪.我地星期六晚去, 都無嘜人.首先叫左個 西柚煙三文魚沙律(唔係好記得個名), 好好食...西柚粒 加上 切碎左 的三文魚, 感覺酸酸甜甜, 幾新鮮.第二, 叫左個焗田螺味道ok.第三, 我自己就叫左個大蝦牛柳咁la...本身要7成熟, 不過佢煮得老左d...有少少硬...面有些少煙燻味....隻蝦...可以不理...我見隔黎台d 飯比較麻麻...可能我本人唔太鍾意食義大利飯的....

我地 2 個人去食dinner，地方幾大，裝修環境幾靚 餐包＋黑醋唔好食，隔夜餐包 餐湯好溝水feel 安格斯牛排，無牛肉味，仲哀過港式的排餐廳 辣蜆肉意粉ok算最好，意粉煮得唔淋，幾好，但是好似多了d汁 總括講餐廳裝修環境幾靚飲o野傾計幾好，但係食物一般！我林我都會再去試多一次其它意粉的！

Oliva終於在九龍這邊開分店, 我也終於有機會試試, 但是...首先, 我要說的是我愛吃義大利菜, 所以我對義大利菜的要求會比較高...環境 - 不是一般深水埗的餐廳的外表, 播外國歌和jamie oliver的電視節目, 牆上都是一些假的名畫服務 - 不過不失, 還可以啦頭盤1 - 一開始就放下一盤麵包, 外加一碟橄欖油, 先聲奪人!頭盤2 - 叫了蝦多士, 味道不錯, 真的是即做的主菜1 - 蚌肉三文魚義大利飯, 有蚌肉味和三文魚味, 不過飯不夠粘, 好像是水太多了點主菜2 - 芝士三文魚長通粉, 又是那個問題, 水太多, 不夠乾身吃過那三樣食物後, 已沒有興趣試他們的甜品了 其實是這間分店的問題? 還是其他分店也一向如此? 又或是真的是我要求太高? 當然, 將貨就價, 這樣的質素和價錢是成正比的.還有一樣可以改善的是, 如果他們在星期六和星期天也有那個加20元便可有湯有餐飲的套餐比較好, 沒有餐飲好怪...