大戶屋

Open Now

Now Closed

前幾天到銅鑼灣時代廣場行街，順道再訪大戶屋❤️依舊環境幽靜舒服🥰服務員態度友善👍🏻大驚喜價錢平民化🤩 ～牛肉壽喜燒定食 🔺熱辣辣🐮嫩滑😋 ～醬油麴五花腩拼牛扒定食 🔺🐷比🐮更勝一籌🤣有機會到銅鑼灣一定要去試吓😋

人生遇到一大難題，就係朋友生日揀邊間餐廳慶祝好我個朋友唔食辣、炸、生野🧐真心難搞驀然回首，諗起以前中學我地補完習最中意食嘅餐廳 - 大戶屋咁就不如趁機會回味吓😛以前我哋最鍾意去太古Aeon 果間，價錢適中，味道唔錯，唔多味精，又大大份，啱哂我呢啲大胃王而今次我就揀咗銅鑼灣，三人以上先可以book位，所以唯有walk in難得730pm都唔洗等，可能星期一比較少人👹環境幽靜，好啱傾計🤗個menu同十年前無乜變過，只係價錢貴咗20%，我今次就叫咗銀鱈魚套餐，唔算好大驚喜但都維持到水準蒸蛋略為有啲鹹😵‍💫講真$188 銀鱈魚都比到三舊，算係足料，最正係白飯無料任加，啱晒我呢啲餓鬼🤫我朋友就叫咗個燒豬腩肉套餐，呢個就麻麻，有啲根🤢都係魚好食 😋以前最鍾意叫花魚，下次都要再試下整體: 7/10

同朋友相約食飯，佢就話哩間好好食就介紹左比我我地2人嗌左你秋刀魚刺身、豆腐魚仔沙律同埋一個定食。秋刀魚刺身朋友表示現時秋刀魚系當季，非常可口，食落口感有即溶感覺，亦無醒臭味反而口中帶住好香口的新鮮魚味，非常好食另外，食左個豆腐魚仔沙律🥗平時好吾中意食魚仔 但哩個沙律食完之後完全吾覺自己食到好乾好硬既魚仔，豆腐亦夠滑吾會乾爭爭。最後個定是系有牛同埋五花腩，燒到5成熟配埋日本粒粒飯，哩餐飯真系食得好滿足

被收購後，食物質素同之前差天共地，用嘅牛扒喺茶餐廳梳打粉牛扒，完全冇肉味，好軟好林back back嘅牛扒炸豬扒用嘅豬扒都係梳打粉醃製，好似食啫喱咁，上網睇佢比其他公司收購咗，話要行中低端路線，但收費又同以前一樣wor如果係行平價路線就唔應該收呢啲價錢啦我未試過喺日本餐廳食到茶餐廳質素嘅牛扒真係好離譜以前都好鍾意黎食呢次之後唔會再幫襯好失望得知收購嘅公司都係日本公司，點解咁冇heart將所有食材壓到最平最cheap，日本餐廳嘅價錢，茶餐廳嘅享受

-行開銅鑼灣想食日本料理時間尚早應該未使等位就揀咗大戶屋去到已經超過一半座位有客人之前食過一直都keep到水準💕/「燒鹽麴牛脷飯」 配 熱蕎麥麵套餐加配份量好多，有飯又有麵牛脷軟腍，醬汁好配合好送到飯👍🏻熱蕎麥麵係另一個食法，食唔停口😋/「燒鹽麴牛肉盒子飯」 配 冷蕎麥麵牛肉唔係全熟，保留返肉汁醬汁又係可以送到成碗飯冷蕎麥麵好食，夠煙韌好食👍🏻/成個套餐唔加配蕎麥麵嘅話都已經有主食，茶碗蒸，前菜，夠晒豐富👍🏻唯獨餐廳內部冷氣不足所以要慢慢食如果唔係可以好易食到出晒汗🤣

做嘢做得咁辛苦，終於去到星期五，梗係食餐好對自己好啲，同同事行咗去大戶屋食日本嘢，佢最好就係，想食熟嘅又得，生嘅又得。想慳錢啲淨叫main course，想豐富啲轉做套餐又得。我叫咗個午餐，有牛肉飯，又有冷烏冬，個烏冬真係好煙韌好好食，個飯我就覺得少咗啲啲汁， 整體味道相當不錯，100蚊左右，交足貨。不過佢個冷氣真係唔夠勁，成間餐廳都擺咗好多風扇，都幾細心，但係都真係好熱。

諗唔到食咩就決定去大戶屋，款式夠多又好味嘛。銅鑼灣呢間六點左右到唔洗等位，直接入去。叫左個燒醬油麴熟成五花腩拼牛扒定食，大戶屋係即叫即整既，雖然等得耐左啲，但啲野食上枱個陣仲熱辣辣出晒煙架！塊石板上既肉仲有滋滋聲😆😆五花腩肥瘦適中，但我覺得偏鹹，牛扒唔錯，唔鞋！不過熟左少少😂下次一上枱要即刻將佢係石板到夾開！我地仲嗌左個牛肉漢堡扒拼雞扒定食，牛肉漢堡夠大舊夠厚，加埋啲醬汁真係一流😋😋雞扒就正正常常啦。其實大戶屋黎講我最鍾意既野食係薯仔沙律😆真心好出色💕download 佢個會員app會有迎新優惠，可以揀要薯仔沙律，真係好好味😋😋😋題外話，食到一半後面個枱客話熱，個職員拎左個風機出黎開到最大直吹住我😖凍到震🥶

第一次晚市食呢間，都full 曬場，諗住實無死。叫咗個魚生飯定食，賣相同味道都還好，但係成碗野都偏暖/室溫（一定唔係凍）唔知係咪放係出面太耐？所以唔太新鮮，食完兩三個鐘後就肚痛…no next time 都真係幾可惜，明明其他方面都做得幾好。

每次吃這店也想寫一下，但每次也忘記了影相，今次一定要分享一下，我對這店的食品。味噌醬煮吉列熟成豬扒鍋，麵豉湯咸中帶鮮味，日式蒸蛋軟滑可口，這個鍋的重點在於味噌醬汁，濃郁得來鮮味也出色，如弄開雞蛋後更會使醬汁增添另一味道，吉列豬扒嫩滑得來又充滿肉汁，還有不要忘記掛了汁的配菜。特選增量燒熟成五花腩，五花腩油脂豐富，每每在口內可使味蕾得到滿足，腩肉燒得剛剛好沒有柴的感覺，還有份量夠多，亦使人有另外的滿充。味道: 值得一試環境: 舒適服務: 周到衛生: 整潔價錢: 適中

大戶屋｜銅鑼灣大戶屋喺日本有好多間分店，主打日式家庭料理🏡雖然係連鎖餐廳，但係價位都偏高，感覺上係幾正宗嘅日式料理🇯🇵味噌醬煮吉列熟成豬扒鍋 $121上枱嘅時候仲係滾架🔥味噌醬汁比較濃稠，鹹鹹甜甜好啱用嚟送飯，吉列豬扒用上熟成豬扒🐷厚切得嚟肉質仍然keep到非常軟嫩，入口唔怕油膩，不過麵衣浸咗喺醬汁就淋咗，食唔到香脆嘅口感😢鍋入面仲有一隻半熟嘅水波蛋，可以撈勻醬汁食，底下嘅椰菜亦都好索汁，如果有多啲就好喇😭食食吓真係會飲晒啲汁，定食仲有跟埋茶碗蒸、沙律同麵豉湯，茶碗蒸入面有雞肉同冬菇，質感亦非常滑溜😋沙律酸酸甜甜，上面仲有一球薯蓉，麵豉湯就同一般日式餐廳飲到嘅無異，一個人食晒成個定食嘅話都幾飽😂大戶屋牛肉壽喜燒 $110雖然唔係最正宗嘅壽喜燒，但係一嚟到都好香，甜豉油湯底充滿日式風味🤤牛肉都有六七片，口感嫩滑唔怕太肥🐮仲可以點埋蛋汁食用，入口會更加滑，但係就會蓋左壽喜燒汁嘅味，鍋入面仲有芋絲、大蔥、椰菜、冬菇、豆腐等嘅配料，最特別嘅係有一塊麵麩😆本身塊麩係冇咩味，但係吸收左湯汁之後帶啲煙韌幾得意，湯汁味道有層次，令人好想不停飲落去😂凍咗之後反而飲得出好重酒味🍶黑糖豆乳 Free加入會員

今天一個人午餐，找到了銅鑼灣大戶屋，我手上拿着正在慢慢解凍的凍肉，詢問職員有否小籃好讓我把它放着不至弄濕客椅，誰不知職員二話不說，提議幫我把凍肉放進他們的雪櫃內暫存，實在太好了！店舖內樓面職員只有三、四個，但工作效率絕不怠慢，客人一舉手職員很快便到達了解需要。我點了醬油雞扒定食，有點菜到食乜餸上枱，等候時間可以接受，食物味道鹹淡適中，只是定食的茶碗蒸雞蛋太稀薄。枱與枱之間雖然隔着膠板（疫情期間必須要的間隔），但跟鄰枱距離感覺仍然有點近，坐在我相隔兩隻半手板位鄰枱的男士，從我坐下來一刻已不停的在跟朋友高談闊論，嘴巴沒有一刻停下來，令我這頓美味的午餐帶來了一點煩擾

共$438。兩個小菜，唸住健康d。一個炸雞，一個炸魚。其實炸魚同炸雞都幾鹹。。幾重口味下。。。有蓮藕 紅蘿蔔 洋蔥 醬汁配沙律菜 薯仔，都幾飽肚㗎。魚真係好好食。肉好淋，油脂好豐富！ 唯白蘿蔔蓉勁難食，我食咗一啖已經唔想再食。。。 隔離嘅配菜同少量椰菜加醬汁都好食。如果燉蛋係甜嘅就好，鹹嘅就唔係太想食。豬腩加雞肉飯。好豐富！有薯仔沙律， 沙律菜蕃茄，燉蛋同麵豉湯。兩個人食到好飽，豬腩，炸魚炸雞都係真係好鹹嘅，唯烤魚係啱啱好。如果d餸無咁鹹就perfect。🙈👌聽到待應同日本客人用日文對答如流，厲害！

第二次幫襯呢間野啦，好似越來越多人。 上次就試咗咖喱吉列豬扒，今次就比呢個燒腩肉吸引咗！！ 等位都唔係等咗好耐，店舖環境都舒適，而且座位好多。店員態度都唔錯，不過佢哋好忙。 燒腩肉超級香，外脆內軟，你唔係好食肥豬肉嘅我都食晒！！我跟餐set ,仲有麵豉湯同埋茶碗蒸，另外仲加咗$26個吉列雞扒飯。 茶碗蒸好滑，入口即溶整得啱啱好！菠蘿梳打特飲味道都唔錯，唔係藥水味。整體來講呢個價錢呢一個體驗，絕對係抵食*

從未係香港食過大戶屋，係因為肯定會同日本店有所比較，因為有太多呢一類經驗仲要每次多數都係失望。今日午餐好想食定食，又突然諗起大戶屋就去左永光中心，2點鐘都唔算大多人，只係等左5分鐘就有位了。點了「大戶屋招牌定食$99」同埋「燒醬油麴牛扒盒子飯定食$128」，自問不是雞蛋內挑骨頭既人，呢兩個定食就係好食，牛扒色香味俱全，招牌定食既燒豬腩肉真係好香又夠肥好多肉汁，呢個價錢係銅鑼灣食到呢個味道，我收貨有餘嫁喇。

上次去過大戶屋食晚餐，真係好回味，可以喺香港揾到好正宗嘅日本料理，所以今晚繼續encore。今次我好想試「味噌醬煮豬扒鍋 」$121。套餐仲包括味增湯、前菜、茶碗蒸、白飯。炸豬扒配上味增湯底真係一流，炸豬扒的麵衣配上味噌，味道簡直係一絕，連白飯一齊食，一濃一淡真係好滋味。今次用會員迎新優惠換左一支清酒「菊正宗」，可惜只可以選凍清酒，不可以選熱。雖然係贈品但係品質真係唔差，要讚。最後，我哋叫咗一個「豆乳雲呢拿雪糕配綠茶啫喱 」$40，相比豬扒鍋，價錢有少少貴，不過都好好味，為今日嘅晚餐畫上一個完美嘅句號。