Orange Elephant Thai Restaurant (啟德道)

Open Now

Now Closed

呢間九龍城爆讚餐廳，終於搵到機會試試佢。原本以為好多人要排隊，點知平日晚都多空位🙃，仲枉我仆過去。入到去環境正常，唔算有特色，但叫乾淨。起手叫左個柚子沙律，酸酸甜甜開胃，同埋好大份。之後叫左個咖喱炒蟹，價錢唔算平，但的確值得一試，蟹應該係菲律賓大肉蟹，好大隻，實肉，而且個汁好特別，係幾好食👍👍同場仲叫左個炒麵同小食拼盤仲有個炒菜。飲品叫椰青。 最抵係佢每日都有一個1蚊菜，我地個晚係鳳爪，好大份好抵。4人食埋單每人250，唔錯！

今次做野嚟到九龍城，知道九龍城多野食，但平衡完工作地點同openrice食評後揀左呢間，不過最後有少少失望呢🧐 一入去餐廳聞到有陣味，有少少up，但見裏面食客繼續食，諗住坐低未必有，但係我諗多左🤧叫左個lunch set 泰寶雙拼飯($47)，包一杯野飲，要左杯龍眼茶。本身以為個雙拼飯有海南雞，個飯都會係油飯，但都係我諗多左。白飯就係普通白飯，偏乾身🍚 豬頸肉同海南雞比較，我鍾意豬頸肉多啲，但都係偏瘦，無平時豬頸肉嗰種邪惡嘅感覺。至於海南雞可能因為有粉紅水門雞嘅比較，呢度的確係被比下去，不過以雙拼嚟講，佢都份量都有咁多，都叫唔錯。今餐就係諗多左嘅一餐，以九龍城有咁多間泰國餐廳嚟講，呢間位置唔算就腳，而且食物唔算特別出色，我覺得下次再嚟九龍城可以試下其他🧐

《CP值高泰國菜》今次同一班朋友去大㘭門放風箏🪁出返黎鑽石山呢個美食沙漠米樂提議搭多程車入九龍城食泰國菜😆🇹🇭Orange Elephant🐘咖喱海鮮脆包盅 $148賣相好靚 好岩打卡海鮮好足料 有蝦 魚 魷魚 青口等係椰汁咖哩 唔會好辣 幾惹味🤤用黎點麵包都好正少少不足嘅係麵包硬左啲😣椰青焗海鮮飯 $108米樂好鐘意呢個飯今次決定再encore ☺️成個椰殼上 份量好多 面頭淋左椰汁 好香🤩原來椰汁配炒飯係咁夾一啲都唔漏 一試難忘炭燒豬頸肉 $86簿切夠淋 容易入口😋燒得好入味 配泰式醬汁 好正雜錦串燒 （雞/牛/豬）半打 $83好入味夠juicy 配埋沙爹花生醬 好正而且每舊都夠大 好滿足😆米樂最鐘意牛肉串 肉碎生菜包 （豬）$76肉碎酸酸辣辣好過癮加埋生菜包住食 岩岩好份量好多 生菜用哂仲可以叫待應添黃咖哩雞因為係用一蚊加所以份量都相對細啲 咖哩好香 令人好想撈飯食Tip: 餐廳每日都有一蚊優惠價菜式 （尾圖）餐廳有電話訂位服務 咁就唔洗排隊等位😉Orange Elephant Thai Restaurant (啟德道) (九龍城)九龍城啟德道31-33號地舖Orange Ele

住左九龍城廿幾年，食左好多泰菜，但每次見到呢度多人排隊，就一次都未食過今晚7點零經過，竟然無人排隊，直接入座🤭。近期佢玩每日$1碟，所以都見到keep住有客入店。今晚2個人叫左4樣嘢，最好味😋都係燒牛肋骨肉同炒椰菜苗，平時去泰國餐廳炒嘅嘢菜苗都係好硬身，呢個反而切開先炒，炒得得好爽身但又幾好味牛肋肉本身醃得好入味，所以食落有啲似韓式燒肉咁濃味。辣炒河粉炒得真係好辣🤣，除此之外食唔到任何味道，好食得辣同埋好鍾意食辣嘅人應該先鍾意食。椰汁雞湯真係落重椰汁，所以個湯好滑，可惜味道唔係我喜愛嘅偏酸，所以對我黎講無乜特別。服務其實又正常，未係好好但未見到網評講嘅咁差，都可以俾多次機會再食下佢啲$1餸嘅。

尼d天氣整到個人好攰好攰，真係懶得去煮飯，甘一定要出去食泰國菜抖抖先黎到九龍城泰國菜實在太多選擇，最後揀左Orange Elephant前菜叫左生蝦刺身，柚子蝦沙津生蝦刺身：擺盤十分精緻，加分，加分，生蝦刺身肉質爽口，加上泰式酸辣汁，蒜片同苦瓜一齊食，層次感好足，味道討好柚子蝦沙津：蝦肉彈牙,沙津汁調得剛剛好，酸酸甜甜，十分開胃泰式明爐烏頭魚🐟：魚肉質結實甘香，加上泰式香料一齊煮，酸酸甜甜一d魚腥味都冇食泰國菜又點少得生菜包，肉碎仲可以比你揀（雞，牛，豬），最後揀左豬肉碎，肉碎少肥多瘦，微辣，香口好味咖哩海鮮脆包盅：入面嘅海鮮料多，咖哩香濃，撕開麵包沾咖哩一齊食，非常惹味好好味吖，我要再黎食食食

九龍城好多泰國餐廳, 朋友食過覺得唔錯，所以就去試下。【 蒜蓉法包】雖然法包本身偏脆，除但依然烘得相當鬆脆， 牛油和蒜蓉的比例剛好。【 泰式鳳爪】泰式鳳爪的醬汁相當辣，但亦都很惹味！！！ 會想食完繼續係咁食😋😋【 海鮮濕炒河】濕炒醬汁傑度剛好，而且蝦夠爽口， 發現用濕炒解泰式鳳爪的辣很好功效，哈哈。【生菜包】生菜包的肉很多，味道偏酸，沒有泰式鳳爪那麼辣， 但對比其他食物，生菜包算是不過不失。【 星期二的一蚊雞菜色】炸豬排！ 看似並沒有因為是一蚊而偷工減料， 但擺盤麻麻， 豬扒炸得脆但不是很多汁， 但點醬汁食依然好食，1蚊的話是抵食。回頭指數：🐒🐒🐒.5抵食指數：🌕🌕🌕🌕🌑

九龍城可謂周街都係泰國菜 都有試過幾間步伐唔好比佢停 今日又試下呢間 假日差唔多午市尾先黎到 但係門口依然有四組客人等緊位 唔緊要啦 我地未餓 等下都得 最後大概等左15分鐘左右就可以入座泰式蝦膏炒通菜- 超級惹味 平時大多叫飛天/ 馬拉盏通菜 但今日見到呢間好特別有泰色蝦膏 無理由唔點 通菜炒得好好 唔會大出水 而且仲保留到一絲既爽口感覺咖哩海鮮脆包盅- 呢個拎黎打卡真係一流 而且一個份量已經夠晒兩個人食 餐廳好貼心 唔駛問已經提供埋鉸剪 方便大家剪開個包享用 不過可惜既係 雖然入面既海鮮好足料 有蝦 魚 青口等 但係咖哩偏淡 點包食的話 唔係好夠味如果當日其他泰國菜館都大排長龍 呢間少人啲的話 都可以考慮下既

識我嘅人都知我好鍾意食泰國菜，九龍城嘅泰國菜幾乎都比我食匀咁滯…嚟緊會陸陸續續同大家推介唔同嘅九龍城泰國菜😋今日介紹呢間CP值都算幾高😛-冇立場資訊👀-🍲椰汁青咖喱 ($76)+牛油薄餅 ($36)嗌咖喱一定要叫埋餅點嚟食😙牛油薄餅嘅size啱啱好，幾方便食，可惜唔夠脆亦唔夠牛油香🧈講返咖喱，味道夠濃，唔會太稀而且雞肉份量都足夠，雞肉可以滑啲，入面嘅茄子冇overcook，口感唔錯😚-🥘冬陰功湯 小 ($86)辣味啱啱好，而且夠酸，飲落幾順口!!入面有四隻大蝦，夠晒爽口彈牙，不過可以入味多少少😛如果有埋魷魚就最好喇~入面都幾多菇同洋蔥，都幾足料🤍-🐽泰式香茅炸豬扒 (逢星期二$1)呢個真係好抵，orange elephant唔同日子會有唔同嘅$1菜式，我地食嗰日係豬扒，所以叫咗一碟試下🙉豬扒炸得幾脆，肥瘦比例都唔錯，食落好香，豬扒都好軟熟😋不過肥肉可以少啲啲，咁就會冇咁膩🧐不過跟豬扒個醬都夠酸辣解膩，以$1嚟講真係一百分💯-🥥椰青焗海鮮飯 ($104)椰汁味幾香，不過比想像中清淡，而且味道偏甜😗入面嘅新鮮椰絲同椰肉，口感幾豐富，都好足料，有齊晒青口魷魚蝦同魚柳🐟可惜食落唔太方便，要拎個

九龍城🍊橙象泰國菜長期都見到好多人排隊今日行過見唔使排隊就試吓啦咖喱蜆肉配蒜蓉包同薄餅咖喱汁稀咗少少蒜蓉包好好味薄餅一般泰式芋頭魚熱辣辣🔥蛋包金邊粉雙色芒果糯米飯整體來講一般試一次就夠

今日去到見門口有幾個人排隊等位，我攞左飛仔等位，等左半個鐘，見到很多人食完走但都無叫飛仔，於是入去問有位未，結果有四，五張枱空的，妖，有位都唔叫飛，浪費時間，以為間野味道好，點知都係十分普通野，服務差味道無特別，下次唔去食

黎到九龍城當然要吃泰🇹🇭菜😋呢間成日有人黎排隊假日早啲黎就無咁多人如平日就可以唔洗排隊店舖比出面一般的泰國餐廳面積大，而且坐位舒適、冷氣充足。是一家大小經常來吃的原因！而且餐廳還有每天不同菜色的一蚊一碟！真係好抵！我地點了：超級冰凍椰青雞肉、豬肉沙嗲串燒 （半打）泰式炸蝦餅馬拉盞炒通菜肉碎生菜包鮮菠蘿雞肉炒飯菜色繼續不失水準☺️😋不枉我們一家大細經常捧場🤘🏻掛住泰國既都可以黎頂下癮啦😆

朋友六點幾去等位，等咗兩個鐘終於有得入去食冬陰蝦炒飯 $86第一次咁食又幾特別酸辣去骨鳳爪 $72呢個好食😋，都幾辣下不過好惹味泰式炸蝦餅 原價$73 特價$1 超抵食皮唔會炸得太厚，脆卜卜，好味😋肉碎生菜包 $76鹹肉椰菜苗 $68椰汁青咖喱 $76青咖喱唔好食，冇味焗蒜蓉包 $36都幾脆

屯馬線通車後特登嚟九龍嘅，除咗傳統嗰幾間之外，唔駛等位今晚就試吓就來試下呢間Orange Elephant椰青 消暑解渴 大大個 好細心咁配埋匙羹仔可以刮椰肉椰汁珍多冰 椰奶味夠 珍多好滑一蚊蝦餅 星期一至日都有一蚊Menu今日星期五就係泰式炸蝦餅 （三件）同餐牌size係一樣，雖然係一蚊但係一直都冇減少份量，抵讚青咖喱雞配薄餅 極度推介青咖喱好香，雞柳條好滑放埋泰式茄子同金不換再加薄餅係不二之選泰式酸辣去骨鳳爪沙律好開胃但對住我哋講真有啲太辣，唔食得辣嘅朋友要留意泰式辣椒膏炒蜆夠惹味 唔係太辣 有鑊氣，但係大蜆可能部分唔係太新鮮，還有爛貝殼….整體都可以，買家唔使$400兩個人，性價比高，下次有機會試吓冬陰功湯同埋甜品

星期四今日黎到九龍城食泰國野。openrice見到呢間有1蚊野食wor, 緊係黎試下。今日1蚊係馬拉盞通菜，唔大碟架啦，預左，但一蚊姐，而且味道都幾好。之後就叫左半隻海南雞HKD118，幾滑，又有雞味。再叫左椰汁青咖哩牛腩hkd86，好食，但牛腩唔太多。仲有生菜牛肉包hkd76有小小spicy架，但量夠多，抵食最後叫左蒜蓉包hkd36，唔錯，又唔貴。賣350蚊，算係咁啦，下次會再黎食，星期一黎食仲有一蚊魚tim, 邊到搵。

因為之前食過，所以冇得book枱要等位都照嚟食，結果等咗20分鐘左右，入座嘅時候雖然限座個半鐘，但係後來冇人等位，我哋都坐到最尾。呢期做緊優惠，一蚊一條明爐魚，魚嘅湯直情可以飲，旁邊嘅蔬菜及晒魚汁非常鮮甜。泰國啤酒$25一支來講真係抵飲。因為叫咗黃咖喱雞，所以點左個薄餅襯嚟食，第一轉薄餅因為凍咗所以有啲硬，但點咖哩都OK，感覺煎得急咗啲，第二轉再叫薄餅，可能因為餐廳人少左，睇得出係慢慢煎，鬆脆熱辣辣，點埋咖哩好好味。