紙飛機親子空間

Open Now

Now Closed

抓住暑假既尾巴，星期一黎郵輪碼頭親子餐廳玩平日比週末少好多人，有唔同既玩法😊小朋友有入場費，成人都有最低消費$150 佢有分開用膳區同遊樂區上面係d 飛機裝飾，有符合到佢個餐廳名叫做紙飛機😝😝佢有個煮飯仔區，蔬菜生果都好真，亦都排列得好整齊，除左小朋友，大人都覺得好好玩，仲有個收銀機可以玩收錢遊戲😍😍有個適合小BB玩嘅區域，可以照顧到唔同年紀嘅小朋友😊有小朋友BB車，可以俾小朋友玩照顧，亦有啲衫係俾啲大小小嘅小朋友Cosplay有彈床，仲有d 小木馬去playhouse 當然要玩波波池啦波波池一定係小朋友最愛玩既野😍食物方面係中式食物為主我地叫左一個兒童餐，個包小朋友好鍾意 麵同其他食物麵係原味道，好岩細既小朋友，個餐仲配左個蘋果汁，係健康既選擇我地仲叫左雞翼，菜同牛肉燈炒年糕，味道都幾好，親子餐廳黎講，味道算唔錯呢日小朋友都玩得幾開心，環境都乾淨，下次都會再黎玩😊

呢間真係數一數二好味嘅親子餐廳成人沒有入場費，但係冇位成人最低消費$150@ 價錢非常合理，而且食物質素很好我哋叫咗超凡黑松露炒飯$98 好大碟，粒粒分明，黑松露醬不吝嗇，青檸杏仁蝦球聽個配搭好似好奇怪， 但是非常惹味😘蝦🦐非常之彈牙好味🤤 醬汁非常清新外層香脆可口❤️$168但有好多件蝦球👍🏼仲有呢度必食嘅麻辣雞煲，即叫即整，所以需要25分鐘❤️出到嚟新鮮滾熱辣，辣味香濃適中。呢間餐廳好impressive 好少搵到一間咁好味，而且又多嘢玩嘅餐廳，岩晒小朋友。而且亦都照顧到大人嘅需求。👍🏼

今日帶小朋友去左九龍灣郵輪碼頭嘅紙飛機親子空間又食又玩，好開心呀， 可能我係平日去，係比較少有吾算多人又乾淨又有秩序嘅一個親子玩樂餐廳，十分欣賞。嗰度有好多嘢玩，最好玩就係波波池瀡滑梯！！另外仲有個廚房煮嘢食，又有得換衫扮靚靚影相，當然仲有好多車仔，彈彈床，圖書，lego砌模型等等。收費唔算貴，平日$138一位小朋友，大人就唔使收費，只係要最低消費餐廳150蚊，我覺得好合理，而且有得玩兩個幾鐘，所以都會玩到肚餓嗰度，而嘢食都好好食。點咗兒童餐另外就叫咗個甜品好好味呀, 兒童餐都好大份，有2款選擇，揀了紅米飯，水果，可愛熊仔包，獅子頭， 海鮮豆腐羹，健康果汁。 獅子頭好嫩滑，紅米飯啲飯軟身，好岩小朋友食，熊仔花好吸引，打卡一流，入面係有薯仔， 仲點咗個熔岩吐司！！小朋友見到真係好開心，好大碟，一齊分享好味，佢係雪糕，有草莓， 賣相好靚，而且味道又好，唔會太甜好好味。就咁就用左一個下午，大人細路都好開心。

襯住小朋友仲放緊暑假，帶佢嚟到呢間親子餐廳，真係超正超好玩呀，有得食有得玩，佢仲比我感覺很乾淨，小朋友玩左2個幾鐘都吾捨得走啊！先講地點都幾方便，好適合揸車嘅朋友，因為樓下就係個大停車場，一定有位泊車啊，去到有好多玩樂設備，波波池， 瀡滑梯 ，好多車仔比小朋友揸，射籃球，扮靚靚， 模擬街市同廚房煮嘢食，圖書角，桌上足球機，砌lego等等，勁多野玩，大小朋友都玩得好開心。另外價錢仲好合理，只收小朋友入埸價138元1位，就可玩2。5小時了，大人不用收入埸費只需買野食150元就可以了，所以真係買來食的，又不算貴。我地點了兒童餐，比小朋友開心一下，同一碟 黑松露旦炒飯，價錢吾貴，而且份量很多，我仔都食吾晒佢嘅兒童餐，個餐有個好可愛嘅熊仔包，雲旦蝦仁，水果，鮮茄蘑菇燴麵， 乾貝海鮮豆腐羹，bless健康果汁，好多啊。整體感覺都好好，會襯暑假前帶小朋友嚟多次先。

同朋友帶埋兩個小朋友一齊嚟玩，每位小朋友淨係玩收198去過坊間不少親子餐廳，呢個價錢絕對唔平但去到個場係超逼，小朋友推住車喺食飯嘅區域穿插，一時推到椅腳，一時撞到人。地面亦不乾淨，feel到踩落去痴笠笠，玩具嘅Conner 都有唔乾淨嘅氣味。另外有個中年職員好似風紀咁，一時叫小朋友擺返啲玩具去原位，一時叫小朋友唔好拎住啲玩具周圍去。衰啲講句執嘢係你嘅責任，收得198淨係嚟玩你啲又霉又舊嘅玩具？唔想執咪問好開親子餐廳囉

暑假期間經常帶小朋友周圍玩。上OpenRice見到呢間餐廳有得食有得玩，就同佢哋講呢間餐廳幾正幾好玩，興高采烈一齊出發。好可惜有一位年約60嘅亞姐，長期躁底。我覺得佢叫人哋唔好喺玩樂區食嘢，同埋唔俾人攞玩具入廁所都係啱嘅，但係態度可以好些。但亦唔俾小朋友攞住啲玩具周圍走，小朋友玩車車又叫佢哋要泊返好。然後自己執嘢又粗粗魯魯，執到蹦蹦聲，覺得人哋整亂佢啲嘢，一副嫌棄咁嘅樣。其實我有個疑問，佢呢間餐廳好明顯係target 1-6歲小朋友，試問這個年齡嘅小朋友又點可以玩玩具得來keep住好整齊呢？其實總括啲嘢食都OK，除咗呢個阿姐之外，其他員工都幾好。好可惜我哋今日遇到佢。我啲小朋友返到屋企話以後唔去呢度玩，仲話自己第時生咗啲小朋友都唔會帶佢哋嚟。本身有諗過打去投訴反映下嘅，但係嗰條友其實有啲似老闆娘，或者老闆個阿媽咁樣。估計投訴都係廢，所以忍唔住上嚟打篇嘢話俾大家聽。另外，波波池同廁所衛生都一般般。環境又細，交通已經不太方便，咁嘅服務繼續落去一定捱唔到。完。

想約朋友同她個BB一齊去玩近來天氣又熱又下雨於是我地揀左一間playhouse又有得食又有得玩❤️ 黑松露炒飯炒飯放在紙飛機型的三角碟子份量大份👍黑松露炒飯一上檯就傳出很香既黑松露味，一粒一粒炒飯幾乾身不過可能係親子餐廳味道會淡味D😝❤️青檸杏仁蝦球蝦球炸得好脆，肉質又爽口加上青檸汁同杏仁片，酸酸味味十分開胃🤤推介推介☺️❤️口水雞口水雞就相對十分濃味☺️辣中帶香，香中又有麻辣味雞肉肉質嫩滑，份量都挺足的

朋友生左BB之後都未見過佢個BB今次約埋一齊去親子餐廳邊玩邊食呢度都幾大幾多野玩有唔同類型嘅車仔、波波池、跳彈床、廚房等等雖然朋友個BB只係9個月大但係都有BB玩具可以玩如果小朋友大個啲爸爸媽媽可以一邊食一邊俾小朋友放電🪫😛😛🩵青檸杏仁蝦球🍤蝦球炸得好香脆，粉漿唔會好厚蝦肉彈牙大大舊上面有少少青檸沙律醬加杏仁片味道超夾，推介推介👍🏻👍🏻👍🏻🩵口水雞🐔份量都好多，雞肉都大件佢嘅辣係偏向麻辣對我唔食得辣嘅人黎講都有啲辣但係好香口會好想繼續食😋😋😋🩵超凡黑松露炒飯🍚雖然係黑松露炒飯，但係唔會太濃味係一個健康炒飯，小朋友都食得而且仲好大碟😊😊😊🩵熔岩吐司🍞個樣好靚呀，有一粒粒嘅香脆吐司喺底再有雲呢拿雪糕同朱古力醬小朋友一定最鍾意🤩🤩🤩

今日天氣咁熱又有落雨☔，我地朋友一齊帶住BB嚟啟德郵輪碼頭嘅「紙飛機親子餐廳」，真係搵到一個好地方俾BB放電🤩！餐廳有好多嘢畀小朋友做，有波波池🤹‍♂️🤹‍♀️、角色扮演🧑‍🚒👸🏻、攀爬架、瀡滑梯同埋好多車車🚕🛴🏍️，BB樂到唔肯走。大人就可以放心傾偈，真係一個好家庭聚會嘅好地方👍🏻。我地揀咗BB餐$128，有香港製造無糖新鮮橙汁🍊、新鮮蕃茄🍅🫐藍莓脆卜卜、得意熊仔饅頭🐻同埋炒麵🍝，份量足夠，BB食得好開心，可以繼續玩嘅。而家講下啲大人鍾意嘅食物啦！我哋揀咗黑松露炒飯$98同福建粉絲煲$148，仲有BBQ🍍菠蘿咕嚕肉$110。黑松露炒飯一上檯就傳出黑松露嘅香味，一粒一粒炒飯好惹味好乾身，令人回味無窮。福建粉絲煲煲仔香噴噴，粉絲唔會太淋，炒得好乾身好香又入味。BBQ🍍菠蘿咕嚕肉炸得外脆豬肉多汁唔會鞋，甜甜酸酸好開胃，真係一份好味嘅菜式。總括而言，「紙飛機親子餐廳」係一個好適合家庭聚會同埋BB嘅好地方，仲有好多好味嘅菜式等大家嚟試！

上次星期日來啟德郵輪碼頭玩，因無book 位而餐廳又滿座，小朋友無得玩超失望😅今次平日陪小朋友再來“紙飛機親子餐廳”小朋友有得玩大人又有得休息吓超正👍🏻青檸杏仁蝦球$168大大隻蝦爽口粉漿好薄炸得好鬆脆😋黑松露炒飯$98每一口飯都好香黑松露味道熱辣辣飯炒得好乾身同大排檔有得比👍🏻👍🏻兒童餐 B $128餐廳好細心有齊水果/菜/面/果汁新鮮超甜藍莓和蕃茄仔，可愛公仔饅頭還有無油的撈麵Made in HK 橙汁是無糖小朋友食超級足夠👍🏻整體餐廳環境好乾淨,玩具區都好多野玩，小朋友消耗2-3小時，都吾會攰😂🛺🚙車車👗⛑️👮‍♂️角式扮演🥅波波池🎛️廚房🧸🪅毛公仔🛝滑梯服務員好細心提醒大家注意保持清潔和安全

(🇭🇰香港~啟德)👍🏻 親子餐廳👍🏻 室內冷氣空間大夏天要來了~假日想著要帶小孩去放電去公園又怕蚊子咬😣最近看到有人推薦了一間親子餐廳就帶著小孩一起去玩玩看成人是免入場費的喔！餐飲低消平日是$150@1假日則是$180@11-9歲的小朋友則是平日$138@1假日$198@1▪️#淮揚獅子頭套餐 HKD$168内含獅子頭、三色營養飯、養生湯、水果看起來就很健康😋三色營養飯是伴有紅蘿蔔絲、青瓜絲、蛋絲配上獅子頭還不錯吃略覺得汁不太夠湯品的部分應該每天都不一樣當天是紅蘿蔔豬骨湯蠻清甜的👍🏻👍🏻▪️#超凡黑松露炒飯HKD$98以紅蘿蔔、葱、雞蛋為主加入黑松露作調味黑松露味道算蠻重的喔炒飯粒粒分明👍🏻▪️#兒童餐set A HKD$128外型超可愛的😍大人小孩看著都很喜歡內含水果、獅子頭、卡通包、紅米飯、海鮮豆腐羹、果汁這都是小孩的最愛耶～雖然看上去小小份的，但小朋友一般都吃不完調味都很適合小朋友喔！個人覺得這邊食物都是配角主角是他的遊樂設施~~這個室內遊樂園真的超多東西玩的個人覺得比較適合1-6歲的小朋友像是波波池、兒童廚房、開車區平日人不算很多，玩起來很舒服價錢不貴、還有冷氣又不會被蚊子叮小朋友表

這家親子餐廳已經聽說了很長一段時間，據說環境和食物都非常美味。我的朋友陸續成為父母，所以我特別約了男友來試試這裡的菜式！餐廳位於啟德郵輪碼頭內，不僅是假日親子出遊的好去處，也是約會聖地，可以一起走到碼頭欣賞海景，感覺非常浪漫，還可以拍照留念！進入餐廳後，我們感到非常開心，環境非常寬敞，佈置非常豐富多彩，對小朋友來說是個放電的好地方。我們品嚐了超凡黑松露炒飯和台式滷肉手工麵，他們都非常美味！炒飯不會油膩，黑松露的味道也很濃郁。而手工麵非常讚，口感彈牙有嚼勁，豬肉的肥瘦恰到好處，讓人一口接一口，回味無窮。

呢間親子餐廳已經聽咗好耐，聞說環境同食物都好好味，身邊都有好多朋友陸續成為咗爸爸媽媽，所以今次就特登約埋男朋友黎試菜！間餐廳喺啟德郵輪碼頭裡面，除咗係假日親子好去處，都係拍拖聖地，一齊行下碼頭望下海，感覺都好浪漫，仲可以打下卡！去到間餐廳真係好開心，環境好大佈置好colourful而且都多野玩❤️係小朋友放電既好地方。超凡黑松露炒飯食落口唔會油，而且黑松露味都好濃！台式滷肉手工麵好喜歡呢個手工麵，咬落去煙煙韌韌☺️啲豬肉肥瘦適中。乾貝文思豆腐羹平時好鍾意飲湯羹既我，估唔到呢度會有得飲🤭畢竟係比較中式既菜，所以諗都冇諗就試左，口味屬於清淡，岩飲食清淡人士。熔岩吐司今次黎到其中一個必食甜品！大人細路都岩食！唔會死甜得嚟賣相都好靚☺️

同媽咪黎到啟德郵輪碼頭既呢間親子中菜餐廳撐枱腳😋入面既裝修設計都好新淨，而且有好多小朋友遊樂設施，媽咪黎到都即刻返老還童，係咁叫我幫佢影相😆😆🌟 青檸杏仁蝦球蝦球炸得好脆，肉質彈牙爽口加上青檸汁同杏仁片，有口感之餘亦好開胃！😋🌟 開胃檸檬酸菜魚酸菜魚份量非常多，魚片好嫩滑入面仲有寬粉，芽菜，酸菜，花椒八角等配料越食越滋味！😆見到餐廳工作人員不斷消毒啲小朋友玩具，作為家長都可以方心！絕對係帶小朋友黎放電既好地方呀！👍🏻

有小朋友的媽媽通常都要搵地方比小朋友放電，所以最中意就系有得食有得玩嘅親子餐廳，一次過滿足兩個願望！阿女細細個時已經中意同一班朋友去紙飛機親子餐廳，現在大個咗，諗唔到佢都仲玩得好開心~~▶️1-9歲小童入場費($138)空間內乾淨企理，入場先脫鞋，玩具分區擺放得整齊，無論系男仔或者女仔嘅玩具都一應俱全。女仔仲可以變裝玩煮飯仔遊戲，大量迪士尼角色公主裙任君選擇。波波池區都夠滿足，阿女表示個滑梯真系好滑🤣。而中意睇書嘅小朋友就可以靜靜地去閱讀區睇繪本，一餐飯嘅時間話咁快就過去~▶️兒童套餐($128)內容豐富，有主食麵、生果、湯、蒸包、炒蛋、飲料等。最中意佢嘅飲品系bless嘅新鮮果汁，很受小朋友歡迎。而柴犬形狀嘅奶黃包都好好味！▶️菠蘿咕嚕肉($108)menu選擇都多元，雖然系親子餐廳，但系因為碼頭搵食都唔容易，餐廳好貼心做咗唔少外賣選擇，滿足在哩頭返工嘅職員。所以會見到有唔少大人合適嘅菜色。我哋叫嘅咕嚕肉系新鮮炒起非常有鑊氣，相信廚房其它出品都唔會差~