Outback Steakhouse (翡翠明珠廣場) (Closed)

今天約了一班朋友下午茶聚，其中一位指明要去Outback 吃它們的下午茶餐，原來大家都未有吃過，於是齊齊一致通過了。Outback 的下午茶時間是由3點到4點半，款式多樣化，價錢也有平有貴，全部都包了一杯咖啡或茶的餐飲。我們點了燒肉醬味燒肋骨、番茄肉醬意粉、香辣燒蝦飯，及澳坊芝士漢堡。份量足，味道很好，特別是燒肋骨，燒肉醬很惹味，肉質鮮嫩，現在仍回味無窮啊！另外，餐廳座位寛敞，環境寧靜，很適合朋友聚會，大家都約好下次再來呢！

黑糖麵包熱辣辣好好味，送來的磨菇湯好濃好香，點了澳洲羊架配食龍蝦仔，羊架不是太酥可以接受，再點了牛排，味道非常美味，最後也有甜品，咖啡一般，可以不要，對食物來看是取滿5分，但是服務扣晒分，隔離張枱離開了，遲遲唔抹枱，好dirty

湊巧到達吃晚飯的高峰期，取飛排隊少不免。雖然見到餐廳內依然有空枱，相信是留給已訂座或侍應人手不足而暫不開放，最終等候約20分鐘便可入座。一接上menu後，就急不及待點餐，點了慢煮牛(12oz) 及蟹餅，每樣主菜可各自揀選分別兩種及一種的配料，最後點了炸薯條、焗蘿仔及甘藍沙律。最先上枱的當然不是主菜，而是招牌黑糖麵包及跟餐的蘑茹湯。招牌麵包風采依然，軟熟微暖，不得不讚。男友鍾情於牛，五成左右熟既慢煮牛上枱時呈粉嫩色，肉質較軟身，不知道是調味的關係，還是慢煮的烹調方法，牛肉味較淡，味道並不突出。另一道菜則不錯，蟹肉豐富，烹調時間剛好，配合加有明太子既醬汁更為香口！

去翡翠明珠廣場揾食，見到佢地有lunch set而價錢都唔錯，就試下吧，我只食過佢地dinner。lunch set都幾多選擇，要肉有肉，要沙律有沙律，要意粉有意粉，份量都唔細，菜式總有一款岩你吧。雖然係午市但都要拎飛等候，等左15分鐘到。整體食物唔錯，環境舒適，員工有禮。

《大眾化的西餐廳》同男朋友大大紀念日😍，想搵間舒服啲嘅西餐廳食飯，所以就揀銅鑼灣outback。可能撞正晚飯時段又星期五，所以都等左45分鐘。🙈🙈一坐低，就會送你黑糖麵包🌭，呢間餐廳嘅黑糖麵包非常好食，好甜，好脆，而且新鮮出爐👍🏻兩個人點左兩個餐芝士白汁燒蝦闊麵$148芝士好濃，有至少8至10隻蝦，麵嘅份量都好多，所以好飽，好creamy ！美國西冷牛扒$198叫咗五成熟，但肉質有啲鞋，不過配菜好好，有兩款配菜可以選擇，我們叫咗薯條和焗薯仔，而且可以另外配一個餐湯或者沙律，所以非常之抵食👍🏻可以免費申請做會員，出示會員卡，可以有九折即係免加一，所以已經平好多。今日可能人手不足，所以服務有啲慢，但係食物嘅份量係咪質素一如既往，份量多，味道亦都好，環境都坐得舒適。餐牌⤵️

其實我好怕嚟Outback,唔係因為佢唔好食,而係因為次次嚟親都飽到頂上心口好辛苦不過見阿肥今晚難得想食,咁就免為其難遷就下佢啦銅鑼灣百德新街呢間分店地方超大,座位充裕,晚巿時間嚟都唔需要等位直接入座。Outback賣點之一：無論客人點乜嘢食物都好,只要坐低之後職員一定送上呢個餐前黑糖麵包,另配忌廉牛油沾點。啱啱焗起嘅麵包微暖,包皮韌脆,內裡鬆軟,黑糖味道只有點點甜味,搽埋cream butter味道一流,口感舒服,一向都係所有客人誇讚嘅一節。最重要嘅就係我食完都飽咗一半,聽聞仲話個麵包可以無限添食,真係聽見都覺得驚恐😂😂😂我就真心覺得自己食唔哂一份扒餐架喇,諗住點個頭盤小食應該應付到喇呱(?!)呢份烤肋骨雞搥芝士薯條拼盤($168蚊),估唔到嚟到之後都係king size咁大份,烤肋骨已經切開咗所以進食嘅時候非常方便,味道酸酸甜甜十分開胃,肋骨嘅肉焗到好腍,真係好正。而炸雞搥都香口惹味,算偏向咸一點,適合鍾意重口味嘅人士,仲有熱辣辣嘅炸薯條,都咪話唔熱氣~另外仲有一小兜沙律醬,用嚟沾點就加一份清新嘅感覺。本身仲以為小食會唔夠食,所以就嗌多個蟹肉釀蘑菇($82蚊),好彩呢個小食身型較細

Blue Monday, 我地拍下拖決定食好啲去好耐冇去既outback食飯。果然真係好耐冇去，所有野都唔同晒，有少少唔抵食。我哋嗌左一個肉眼扒， 12安士，我真係嬲到冇影相，我叫咗五成熟，但係我諗上枱其實得三成左右，都唔緊要，嘩，我初初以為我係咪因為譯文切，所以塊牛肉先咁硬，原來唔係，佢返又真係好難食，就係咁浪費左我三百幾蚊，算數，我叫意粉食。我諗佢唯一冇變嘅就係佢嗰個餐前包，熱辣辣，軟林林，我覺得我唔需要俾錢去食佢嘅牛扒，我不如淨係比杯飲品錢，然後食包包食飽算☹️

今日同朋友黎到銅鑼灣食outback 既tea 雖然款式吾多但都好抵食👍🏻先黎個「忌廉磨菇湯」個湯好濃好好味朋友讚口不絕叫左1️⃣「肉醬意粉」個意粉超多洋蔥好香😋意粉好彈牙 ，2️⃣burger 就麻麻，下次可以吾洗叫，3️⃣重有個豬肋骨配薯條🍟，豬肋骨一d都吾似tea ,有成9條骨（超級抵食）朋友一個人食左6條骨就知幾好食😂😂😂總括黎講係抵食既埋單$300都吾洗，但個果到冷氣超大，野食放低無耐就凍凍地如果去食記得帶定件外套穩陣😆😆

放工後有來到銅鑼灣，今天選擇了一啲平時很少食的食店，最後就選擇了裝修完一段時間的 outback。兩個人入座，店員安排我們坐了一張卡位，但張卡位太深好難坐😅😅。兩個人嗌左一個餐湯、一個扒（會配埋一個沙律及一個甜焗薯），再嗌左杯 smoothie 食物未到時已經到咗呢度最出名的黑糖麵包👍🏿👍🏿👍🏿忌廉粟米湯，凱撒沙律，coco berry smoothie😍😍😍，好味😋😝個西冷扒叫左7成熟，都好淋好有咬口👍🏿埋單都係 $300 左右 2個人，都👌🏿

因為同事推介話outback lunch set抵食, 所以就黎試下先~晚餐就食過, 知道佢地d份量幾大下點知 lunch set d份量都唔少架, 包埋餐湯, 沙律, 麵包同埋餐飲~頭先黎既就係我好鍾意食既~黑糖麵包 (仲可以添)主菜我同友人分別叫左: 芝士白汁我燒雞雜菜寬條麵 同豬仔骨!味道好好, 不時晚餐好少會叫意粉, 原來意粉都唔錯架!rib就烤得好香口, 肉味香濃!

Outback 一定都是中等價位的西餐首選。是日晚上就同朋友再嚐美味。 熱辣香軟黑糖包吾駛特別介紹，食吾晒都打包返熱食雞肉併鮮蝦寛條麵，必食之選白汁濃稠，收汁恰當，面條軟硬適中，口感十足，加上薄片芝士鋪面，呈半融狀況，正雖為扒房，但bbq ribs都好值得一試. 酸甜bbq汁非常入味。外皮烤得香脆，肉質保持鮮嫩，好食！最愛最愛，outback 皇牌，念念不忘、吾點走寶的甜品皇者 chocolate thunder 不吝嗇果仁的熱騰騰brownie 配上 大大球的雪糕，加上香滑朱古力醬加以點綴，畫龍點睛。在口中冰火交融，滋味無窮！！

同兩個朋友行完每年一次動漫展後即興据扒休息下友人提意行去銅鑼灣間outback，都話說翡翠明珠裝修完都未去食過，記憶中係好食我地一行三人九點去到唔使等位即刻入得一打開個menu見有個二人set即刻諗都唔使諗，再加個小食拼盤先黎個著名黑糖面包呢個水準依然，食完諗住叫多個食，點知叫完成晚都無黎過跟餐沙律，不過不失個湯有啲驚喜，好濃蘑菇味，忌廉唔會太濃跟住上個肉眼（次序好似錯左！小食未上）以前用碟唔知幾時轉左用鐵板咩叫左五成熟，上到黎即切目測都已經最少七成感覺有啲似花x咁味道好咸，一淡牛一淡水跟餐第二主菜：芝士雞肉薄餅。開頭點芝士醬食係幾好，點知越食越辣(小食仲未上)最後上小食（可能係依家最新上菜次序，只係小弟見識小）芝士薯條ribs雞錘跟餐甜品：藍莓芝士餅正常無咩特別係咪太耐無食同以前差咁遠，無論係服務同食物質素兩杯跟餐凍檸茶叫左三次先有，食物味道遍濃味尚有改進空間。

哩間位於銅鑼灣既outback steakhouse，環境很有格調，落地玻璃風景很好，哩間餐廳既特色菜式就係「炸洋蔥花」，超級特別，但係就係覺得太油了，而且好熱氣，所以我最終都係無點到。午餐套餐大概HKD88蚊左右，一份意粉，一份黑糖包，有一份湯仲有一份沙律，都幾抵食噶。餐湯係蘑菇白湯，味道好濃郁。沙律菜都幾新鮮，開胃前菜。仲有香脆鬆軟既黑糖包，夠新鮮又夠熱，配忌廉芝士，非常之唔錯喎！上菜時間都幾快噶，值得一試。

一塊肉眼扒、一塊紐約扒，我就比較喜歡紐約個件，因為又大又厚又juicy，仲好林身， 鐵板上都唔乾身，真係好難得控制得咁好。 仲有呀，你睇下扒上面紅色嘅粒粒?! 原來係叫做紅波椒粒，味道係酸酸哋 又有辣椒香的，好醒胃，真係從來未食過。 outback真係冇得頂、冇得輸!另外唔洗多提佢嗰條餐包啦，人人都話好食，全因佢有一種好特別嘅香味，包面好脆，裏面好鬆軟。另外個cheese panini 好得，芝士美味又多，個包焗得好脆，份量亦都係好大至於個pasta同burger屬正路，我覺得佢可以提升一啲個包嘅香脆程度同埋牛肉既質地，令到餐廳既所有食物都咁完美!

定期都會心痕痕嚟食Outback，最愛當然係呢間嘅黑糖飽啦！一坐低最餓嘅時候就會有條又暖又軟嘅黑糖飽，係我定期會嚟嘅原因。今次都係叫咗我最鍾意嘅炸蘑菇，味道都好好。另外叫咗個匯豐二人餐，西冷牛扒七成，肉汁同塊扒都唔錯，配菜又夠特別，可以一試。跟餐仲有個OK嘅蘑菇湯、普通沙律同我叫咗個海鮮長通粉，長通粉係OK嘅。另外叫咗個三文魚扒七成，但已經係用碟上，但一切開已經九成熟，鞋、乾、鹹，失望。仲叫咗鮮蝦意大利飯，蝦燒到乾爭爭，飯就最後至到，都已經唔餓，加上個飯好飽肚，好似一般般好味。