Outback Steakhouse (德福廣場2期) (Closed)

晚上比較像街市，低中產居多，大部份用某銀行優惠，如果左近大檯人，嘈音更嚴重。食物方面，女兒點了燒雞薄餅，份量足，味道也好，我點了藍芝士漢堡，十成熟，竟然不錯，肉不乾，配菜也好食但一定不會回來了，服務實在太差，從門口到代位，點菜，送餐，等等，全程每一個人面黑黑，找侍應幫忙時，每人盡量低頭或望開，每人想工作，加上實在太嘈吵了，一次就夠。

每次黎Outback 都會俾果個黑糖麵包吸引，最正係無限refill 。今次叫左個燒汁豬肋骨，西冷，特製洋蔥花球。燒汁豬肋骨個醬汁偏咸，但個味道唔錯，另外，洋蔥花球好香脆，最正都係個西冷，夠晒juicy ，Outback 最值得推介既係黑糖麵包🤣入黎outback 一定會食得飽，因為有無限refill麵包😂

Ordered a medium well iberico pork chop and it came well done. The pork itself was fairly good but a lack of juiciness and tenderness discounted the taste.

黑糖麵包好好味，最正係可以無限任叫。侍應服務拍得住澳洲牛奶公司嘅職員，老人家用安心出行慢，門口帶位員就先畀一個面色。收碟多數都要叫佢哋先會嚟收。其他食物性價比比較低。分隔板下面有前幾手嘅食物殘留⋯

Outback Steakhouse 真係就嚟區區都有分店～唔知大家又有無食過呢？今次兵仔同娘娘就嚟到德福試下呢間分店～（唔同分店價錢餐單可能有出入⚠️）💂🏻‍♀️《美國精選肉眼牛扒(10oz)》$238記得之前食過都冇咁平～仲要有埋薯條真係好抵食！😚大大塊十安士，兩個人都夠做！無論點汁定係鹽都好味，扒夠Juicy又有肉味，正！評分: 90/100💂🏻‍♀️《芝士白汁燒蝦寬麵》$128呢個闊條麵食落去夠晒飽，啲蝦都唔少，仲要大大隻好彈牙🦐～個意粉Creamy，如果一個人食晒嘅話就會太膩，Share就啱啱好喇！評分: 88/100💂🏻‍♀️《香辣炸雞搥》$72炸雞鎚皮脆內軟，並無好厚嘅炸粉，而且食落去感覺唔會好油，但又好香脆，配埋嗰醬真係食完一舊又一舊。評分: 90/100總結：最尾仲叫多一支紅酒🍷Chill下～九龍灣呢度近窗位其實都幾有情調，質素唔錯可以試吓！係一個晚餐嘅好選擇。頒發軍階：上將🎖🎖🎖🎖

特價餐有包有湯十主菜夠飽黑糖包加牛油好食。如果晚上糖食就免費任食！湯不過不失，夠濃 澱粉質類意粉和飯偏鹹豬仔骨不錯，必食疫情之下之佳品，唔想餐餐食兩餸飯整體不錯.我一星期吃一次！

行完個靚山當然要補充體力，係九龍灣揾地方食early dinner，想食西餐又想食炸雞，一定要黎Outback Steakhouse！今日叫左燒肉醬味豬肋骨 配薯條（$128），本身每款主菜已包是日餐湯、黑糖麥包、茶/啡/汽水，另外加$25可以加配公司沙律或凱撒沙律，黑糖麥包仲任你食添！新鮮出爐熱辣辣既黑糖包又軟又香，加埋邪惡牛油，係完美既starter。是日餐湯係蕃茄忌廉湯，香濃蕃茄味加上香草，酸酸地幾開胃，不過我最鍾意嘅都係Outback嘅薯仔湯。凱撒沙律太多醬同芝士，有少少太鹹。主菜燒豬肋骨好大份，有一條既肉好嫩滑，但另一條好乾，醬汁唔算太多但夠味。個人強烈推薦香辣炸雞搥（$72），總共有8件，配伴菜同超好味芝士醬，個芝士醬入面仲咬到一粒粒芝士，另外仲有外賣派對版本，作為party food送酒送汽水都超正！

唔好講咁多，整條黑糖包攝牙罅先喇🤗 ❐ 芝士白汁燒蝦寬麵完美地演繹左圖片只供參考，有相為證😌味道唔差既，落左唔少cream，白汁相當膩，食多幾啖都覺得滯，我唔鍾意咁膩，而另一半都覺得膩但又食晒🤣 ❐ 加拿大無激素黑毛豬肉眼扒 睇個名好似好勁好大支野，實情塊扒係乾既鞋既😌啲飯都係偏硬，我呢啲呀婆胃搞唔掂，連我都無食晒就知出左事，呢個認真麻麻地！總結平時食開一向幾唔錯雖然今次踩到咁order既野係有啲唔岩心水😞但我都會繼續幫襯既！🤣🤣🤣

最近附近很多餐廳暫時唔開，外賣選擇唔多，但返工仍要開飯所以叫外賣有五次。有三次係冇餐具既。第一次唔講，返上寫字樓先見冇，櫃桶有存貨就算數啦。第二次問先答返冇晒，一兩次都算，再用住櫃桶存貨先。第三四次有返，諗住佢應該都上足貨。結果第五次又黎唔出聲唔比餐具，又係問先話冇。今次好彩櫃桶仲有最後一套餐具，用埋呢份真係冇啦，如果唔係都唔知點算。同埋一次冇茄汁，兩次盒牛油得幾滴咁大把，一次炸蘑菇冇跟醬，唔係咁密我本來都想算。如果係附近返工叫外賣，記得每次都問清楚有冇餐具先落order，唔係等完大半個鐘先發現要手拿真係多得佢唔少，各位小心中伏。

唔知係咪疫情少咗人每碟菜既份量都好大份，食到好飽意粉同盲嘈魚都勁大份好滿足味道又唔錯喎意粉creamy 得嚟都有咬口個魚煎得好靚又唔散，仲好香口叫多左個薯條chill 下硬硬der 既感覺超爽如果凍檸茶好似有d店舖咁可以refill 咁就好喇

通常都會去呢間outback分店食，店員全部都好友善，所以每次去都會覺得好有親切咁。坐得好舒服晏晝又唔算多人，好鍾意食佢個黑糖麵包，而家飲同埋麵包都可以再refill，每次都有唔同嘅湯^^黑糖包即刻整熱辣辣真係好味，個蝦飯有好多料，蝦又多，入邊又有腸仔，仲有上面嗰啲炸番薯屎好好味，蟹肉沙律冇得頂，好fresh,本身自己好鍾意食沙律加埋佢又有西柚真係好健康，分量又係好多，有三大舊蟹肉餅，仲有牛油果全部都係我最鍾意食嘅嘢所以好鍾意去呢度午餐

OUTBACK有好多連鎖店，但一直都冇食過，見到OpenRice嘅食評全部都話必食係佢個黑糖麵包😂😂😂今次一於就試一試！見到Lunch set $98-$238，都真係唔平，不過就包湯，包黑糖麵包(任食)，主菜，嘢飲。🍴餐湯 (7/10)係粟米忌廉湯，超多粟米粒粒入邊有啲豆，鹹鹹地，似罐頭濃湯，正正常常咁啦🤣🥖黑糖麵包 (10/10) 可以無限refill之前真係未食過黑糖麵包，見到網上啲人好誇張話好好食，仲話要買返屋企😂😂係成條咁上，啱啱焗起熱辣辣，外脆內軟，麵包入邊比較濕潤，好香濃嘅黑糖味，甜甜地，加埋牛油，真心係好好食！黑糖麵包係可以無限refill，只要同店員講就會俾你~真心好食都refill咗一條！利申平時都唔係好好鍾意食麵包，但呢個真係好香好好食！🍴芝士白汁燒蝦闊面 $128 (9/10) 需另收加一面嘅份量都好多，有蘑菇，洋蔥，碎芝士係面，芝士味好香濃，好creamy，真心係好濃郁，芝士控嘅最愛，闊面煮得啱啱好，唔會太淋，都好掛汁，蝦都爽口嘅，有大約六隻，真心好食！🍴燒肉醬味豬肋骨 $128 (7/10) 需另收加一本來係配薯條，但唔想食太Heavy，欣賞佢有得轉菜！原來

  今天中午經過德福廣場，見到outback，鍾意食牛扒羊扒嘅我梗係馬上入去啦， 因為時間 都早，我好快就有得入座。我首先食黑糖麵包，烤焗得啱啱好，外脆內軟 。 另外我就嗌咗羊扒餐啦， 羊扒有三塊， 肉質鮮嫩， 口感非常好， 薯菜都好新鮮爽口，另外，我最鍾意食嘅就係佢嘅大大條嘅薯條啦，配合埋蕃茄醬好滿足。 因為覺得食物水準有保證，我一早做咗會員，平時行開各區見到有outback，我都會過去食㗎。 

通常假日諗唔到食咩 我都會選擇outback， 因為我覺得佢既食物質數都唔錯!今次見到有喱個2 人套餐都幾抵食咁,就叫左嚟試！頭盤有兩樣選擇,我選擇左黃金脆炸蝦配蛋黃醬，而主食有西冷配帶子煙肉串同龍蝦海鮮蝴蝶粉頭盤既黃金炸蝦，炸得好鬆脆，配埋蛋黃醬味道十分夾!!而西冷扒都好大塊，不過我今次叫左7成就好似老左小小，但個肉質都好juice，原本食完個扒已經有啲飽意，但個蝴蝶粉十分吸引，好大隻龍蝦入面仲有帶子粒同魚柳，加埋佢係蕃茄醬汁，超級開胃！🤤

去Outback 通常係掛住佢嘅黑糖包，熱辣辣上枱夠鬆軟，切開一人一件巳經清左一條，4個人起碼食兩條😂雖然話可以Refill,但都要適可而止,唔好做大嘥鬼，滿足就夠☺️燒肉醬肉豬肋骨$128-份量夠大夠長冇縮水，切開有成十幾條，夠入味，肉味夠濃，配埋一籃粗薯條，加杯凍檸茶，爽爆😊芝士白汁燒蝦寬麵$128，材料十足，起碼有6-8隻蝦，嗰醬汁好creamy👍美中不足，依家8個人要分兩枱，如果食Dinner 可以慢慢嘆，叫埋洋蔥花球同甜品😋中午繁忙時間，一次過叫埋嘢飲係常識，員工服務態度好，食物保持水準。Comfort food ~ Brown sugar wheat bread~refillable Lunch set~ With day of the soupMain Dishes choices:Baby Back Pork Ribs$128Toowoomba Pasta with Prawn $128Drink ~Iced Lemon Tea