Outback Steakhouse (MOKO新世紀廣場)

Open Now

Now Closed

近排都好忙 但岩岩撞著正紀念日 諗住搵個西餐食下啦 冇book到台 等左一個鐘都還算可以接受啦 由拎飛到入到去坐低侍應都有強調不限時任坐 本身都冇咩特別 點知係因為每個餸之間等好耐好耐好耐🤣我哋叫左匯豐卡既二人餐 再加多個炸洋蔥花（主要係想黎食佢🙃同埋黑糖包） 咁好快有湯飲同我最愛既黑糖包 湯唔係好好飲 普普通通啦 包就都係keep到水準既 個餐包左沙律主菜同意大利飯 我地仲加左甜品 個炸洋蔥花真係好靚呀 不過真係唔好食 食個心還好 食外面完全感受到好老🥲真心得個靚字最大問題都只係個主菜（主要係因為佢差到個情況係 我男朋友依家每日食一餐我話好食 佢既回應都會係 咁點都好食過outback既🙄） 我地叫個牛扒5成熟 係5成熟嫁拿 個牛鞋到我形容唔到 我地係要切到好細好細先食到 最後個甜品我地等左差不多九個字先上 成餐灰到暗左 建議大家真係想去食包既 就咁買條返去食吧啦（我同自己講🤦🏻‍♀️）

平時lunch最鍾意約人食outback，因為近公司，環境舒服，選擇多，有lunch set抵食好多，同埋最緊要係，有免費麵包食🤣🤣真係好鍾意個黑糖麥包，加埋牛油，真係好鬼正🥰今次除咗set lunch之外，仲叫咗香脆薯條混芝士，好邪惡，但係真係好好味，好多好多芝士，好正呀另外叫咗個扒餐，美國頂級肉眼牛扒，408包湯同飲品，仲可以揀2樣配菜，雖然貴貴地，不過都平過夜晚食好多，肉眼揀咗7成，雖然肥咗少少，不過好夠牛味，肉眼相對容易入口，牛扒冇加太多調味料，原汁原味食得出牛嘅香味。另外叫咗肉醬意粉餐，不過唔記得影相，呢個勁抵，因為肉醬入面勁多肉又係好開心嘅一餐🥰

又再次黎食...個黑糖麵包係我主要黎之一.....今次食左3個、好滿足...另外叫左豬肋條同芝士雞肉簿餅.....薯條好出色....熱辣辣....最鍾意新鮮炸起既薯條

上次嚟食扒嘅經驗唔太好，但真係好鍾意佢地呢個品牌，所以決定比多次機會佢再嚟食。今次同樣叫咗個慢煮安格斯牛扒配焗薯，medium， 同上次唔同，今次服務員主動問我使唔使煎一煎，亦有提我可能咁就會熟少少，所以今次塊扒好明顯比起上一次白雪雪嘅靚仔同香口。一開頭食都滿意，有medium個種外脆內嫩嘅感覺，但食到後尾開始多筋，愈來愈生，好韌，完全係考驗我嘅牙力，真係唔好食。最遺憾，其實佢嘅coleslaw同焗薯係做得幾好，coleslaw酸度岩岩好啲蔬菜都夠爽脆，焗薯有芝士同煙肉成個上幾有誠意，但最主力嘅牛扒屢次係咁，以後只會食佢嘅lunch，唔會再食扒了。

outback嘅黑糖麵包一向都好食， 鬆軟而且食到黑糖香🤩另外粟米湯我就覺得偏甜咗少少，但係裏面都有唔少粟米🌽好有咬口澳坊芝士漢堡麵包烘過，表面微脆，飽體都唔錯😬可惜就漢堡扒比較熟，食落去會相對乾啲同埋少咗啲肉汁🥸旁邊配有少少酸菜幾開胃，另外有好多薯條，薯肉飽滿🤤香辣燒蝦飯香辣燒蝦飯有三隻燒蝦，全部都夠新鮮🤓硬嘅調味比較清淡，帶少少辣味。整體裝飾相好色彩繽紛，亦都清楚食到一啲三色椒嘅味😆

😚😚每次黎都要食番最少兩個黑糖包，hahaha，因為佢嘅黑糖包真係太出色，所以每次都係為咗黑糖包而走入去餐廳食嘢😚😚😚😚😚炸洋蔥圈，炸得好脆好香，而且炸粉唔厚，食得出好薄嘅炸粉同厚厚嘅洋蔥粒，好正😋😋😋😋安格斯牛扒，5成熟😛😛😛牛嘅味道都幾好，不過叫咗5成熟，到咗變咗7成🤨🤨🤨哩個位就差啲，有啲過硬忌廉白汁雞肉意粉😜😜，忌廉汁啱啱好，好香，不過都係小食為妙🤣🤣因為真係會好漏

星期六夜晚去到OUTBACK門口見到好多人等位, 太肚餓既關係所以決定叫外賣! 外賣價錢比堂食平好多, 每個外賣均配是日餐湯&黑糖麵包, 會員仲有額外優惠添! 落完單等15分鐘左右就拎得, 非常快手澳坊芝士漢堡 $78Burger都幾大個, 麵包偏硬身, 質感厚實! 中間塊牛肉漢堡超大件, 好有牛味又厚又Juicy! 中間配菜有生菜 + 洋蔥碎, 夾埋芥末醬食一流!! 食左佢勁滿足~~ 跟餐仲有薯條, 粗薯條既口感係唔同d 烤美國帶子煙肉白汁燴飯 $98帶子有三大粒，用煙肉包住增添口感，帶子煎到好香口，食落有牛油香，好彈牙勁好食！白汁燴飯味道都好濃郁，好重忌廉味！有青豆同蘿蔔粒，飯既份量唔算好多，但因為係忌廉關係，食完都有啲滯。是日餐湯 : 粟米忌廉湯好creamy，好多粟米粒，好好飲黑糖麵包外賣都原條奉上，麵包好軟熟，好香黑糖味，配埋忌廉牛油食冇得輸，不知不覺食哂成條

因為有2張100減50優惠卷朋友成日話好好食 所以去試下outback1點幾去到叫左個burger同rib原來想食芝士烤雞薄餅🤔但係話無哂 咁奇怪嘅咁早賣哂？？個burger幾好食 值得一試豬肋骨就麻麻地 好霉 太重炭烤味 唔係太好食之後由落單就叫左個香辣炸雞搥我係用SmarTone 優惠 免費送個侍應都幫我入左code等到食哂所有野都未黎就決定吹吹佢我就問 我叫左個香辣炸雞未到 可唔可以幫我睇睇之後佢幫我check 佢答我 唔好意思 無幫你落到 但依家無哂 會唔會想轉其他？我好好奇咁答 我係換嘅 應該無得轉其他野？之後佢反覆問左我2次 係唔係有人幫我入左code架啦我答 係過多陣 佢就話 依家厨房整緊架啦 請稍等??????????咁奇怪???????無哂 又整緊?????算啦 即返整俾我地食都算好點知黎到 鹹到食唔到 超級十級鹹有8隻度 食左1隻就無再食有無人話我知 outback質素係咁？定係只係呢間難食？免費都唔想再食

Happy friday黎到outback食個豐富既lunch，作為香港其中一間最大連鎖西餐扒房，出品都一直有保證，不過近排因為疫情影響生意，menu都keep住轉，而家lunch連餐前沙律都cut咗幾可惜。 .黑糖餐包一貫係outback既signature product，今日全部新鮮出爐，上檯時火熱軟熟，將忌廉牛油塗抹上麵包，超好味。燒雞肉芝士夾餅 $88夾餅烤得有少少香脆，配合入面既燒雞肉幾惹味，畫龍點睛既係旁邊既蜜糖芥末醬汁，點完就連無味既餅邊都好食咗，通常食完有剩仲用黎點埋薯條食。 燒肉醬味豬肋骨 $128賣相唔錯，見到表面既油光潤澤，略帶焦位增添香味。當切落去時，仲有咔咔聲反映燒得非常脆皮，肉質幾嫩，落刀好快手就切開哂。燒肉醬甜甜地，食得幾順喉，肋肉好易離骨，好方便進食。

最近心思思想食肉，所以今日蜜桃小丸子嚟到outback鋸扒。餐廳未到七點都已經滿座咁濟，想坐好啲嘅位置可以早少少打電話訂枱。我地未叫嘢食，黑糖麵包已經送上，但係係凍嘅，入面唔係軟熟，呢個安排我覺得唔係咁好，好似想人快啲食嘢咁，大佬你又唔係平，我都唔要求你比fine dining嘅服務我，但都唔使好似茶餐廳咁下話...忌廉粟米湯係好飲嘅，夠creamy，都幾多粟米係入面。叫咗個medium嘅西冷，但佢整到係medium rare咁，愈食愈韌，冇返咁上下牙力真係咬唔到，仲要個黑椒汁係稀到我完全唔覺有黑椒味，件扒個seasoning又完全唔夠，成道菜都好淡口，雖然我平時都食得淡，但冇諗過食扒都要咁淡...至於另一個慢煮肉眼，要medium rare就整到係medium咁，好在個調味濃返少少，但都冇乜肉味唔係好食。整體嚟講，係幾失望，平時都有食outback嘅lunch，亦係佢嘅會員，估唔到應該要好食嘅扒反而係唔好食...

屋企人生日，媽媽話想食牛扒，咁就梗係帶佢去食牛扒最出名嘅outback啦👍🏻餐廳環境好舒適，有個落地玻璃可以望到出面嘅街景，感官非常之好不過因為我哋人多嘅關係，所以就坐咗喺入面，不過都唔緊要啦好舒服☺️叫咗呢個芝士煙肉薯條做一個頭盤，芝士份量啱啱好，薯條藥都係好大份量，如果擬小食來講絕對係夠食，同埋佢都係60幾蚊，所以性價比非常好😆所有食嘢嘅人都會送呢個黑糖麵包，應該係呢度嘅招牌菜，呢個麵包非常鬆軟，而且黑糖味好十足，甜甜地，好好食😋叫咗呢個美國西冷扒，口感算幾好，而且好重嘅牛尾

今晚終於食到了我期待已久隔咗幾個月的生日飯了， 經過一輪篩選最終揀咗旺角新世紀的outback， 貪佢食物份量夠，坐得舒服冇限時。朋友推介了匯豐信用卡的一至四的優惠，叫咗兩個特價set， 貪佢唔使諗咁多，乜都有啲。一個set包咗餐湯、黑糖麵包、公司沙律和主菜， 而嘢飲同甜品要另外加錢。黑糖麵包一如以往的好味， 公司沙律都好新鮮。美國穀飼斧頭豬扒足18安士，份量十足， 肉質都可以不過略嫌煮得太熟，有啲韌。燒肉醬味豬肋骨拼燒雞半隻豬肋骨都好大份，肉質幾淋，但醬汁味道咸了一點點，蓋過了豬肋骨的味道。 燒雞就不過不失。 要讚吓的是個薯條，炸得好鬆化，好好味熱辣辣。帶子煙肉白汁燴飯煙肉捲住啲帶子， 把煙肉的油香滲在帶子內但又唔覺得油膩， 這個配搭得唔錯，白汁燴飯烹調得味道剛剛好。香草蕃茄海鮮意粉海鮮配料分量都唔少，感覺新鮮， 整體味道不錯。

24-02-2021 等了很久開放晚市4人枱，今晚終於可以同2位12月份生日壽星女補祝生日，所以在這兒環境好同不嘈吵，談得開心，我們4人叫你2個Set餐，扒大塊，吃得飽

約左朋友係新世紀廣場食Lunch，因為我同佢都帶住小朋友，想坐得舒服d乾淨d，我哋最後揀左Outback Steakhouse，星期一的Lunch Time人流都唔多，唔使等位就可以入座，佢哋安排左窗邊沙發位置俾我哋，仲好細心俾多個籃子我哋放袋。我哋兩個小朋友都好鍾意食Outback的黑糖麵包，次次都會抹好多幼滑的 Cream cheese一齊食，黑糖麵包保持一貫的水準。我哋仲叫左豬肋骨併薯條，肉醬意粉和兩杯凍檸茶，餐湯係粟米忌廉湯，香濃又多粟米，好好飲。豬肋骨併薯條真係值得一試，豬肋骨好大條，d肉勁林又夠入味，薯條外脆內軟，卜卜脆好香口。肉醬意粉夠大碟，味道酸微微的好開胃。

係政府防疫措施之下已經好耐無係街到食晚飯啦，今日終於可以啦，我地幾個就大約七點半左右去到，可能剛剛回復晚市冇耐都幾多人等位，我地都等左三個字左右先入到去。我地睇左一陣餐牌就決定用滙豐信用卡個優惠叫左一個四人套餐，好似有8折優惠。咁套餐都包有包餐湯、前菜、主菜同埋可以用優惠價加甜品。當然就唔少得最出名嘅黑塘麵包，雖然咁岩果時岩岩冇晒要等一陣，但係都值得等因為新鮮出爐暖暖地好好食。而主菜就當然要食戰斧牛扒啦 ，仲要員工幫我哋切埋，只係需要就咁吉尼食，味道都唔錯。