Outback Steakhouse (Moved) New Location

服務幾好, 個waiter 由頭跟到落尾(得閒就過來問下o吾ok呀). 個飽真係好好食. 最搞笑係件牛扒, 我地要medium, 佢煮到10 成喎, 連切都切吾落, 佢重話係5 成喎. 不過佢都肯換.

早前與女友慶祝生日揀左尼度。閒日都差不多滿人，因為見到卡位環境好指定要左卡位，不一會便安排入坐。入到去先知原來價錢都唔小野，扒$120-$200不等，小食$50起，意粉都過百蚊碟，但生日一年一次豪俾佢啦。是次點了芝士薯條加芝士($6X)，鐵板牛柳粒($14X)，重量級肉眼扒($16X)，青檸特飲一杯($28)。頭盤黑色甜包，配合埋牛油，甜甜地好好味，賣相亦特別，值得一試。芝士薯條，點果陣問加唔加芝士好食D，盛惠$10，入到去算啦都預左俾佢。薯條芝士味香濃，份量大味道亦好，只煙肉粒略硬，但兩個人食實在太多，4-6人吃會比較合適= ="洋蔥湯，又問加唔加$10改周打魚湯，今次無加，後悔中.... 個湯極鹹，幾難飲下，早知俾埋果十蚊佢飲番個正常既湯，O念緊薯條唔加芝士會唔會只同麥記差唔多...青檸特飲，味道特別，原來加左鹽，味道不俗但不解渴。主菜鐵板牛柳，因為牛柳關係份量較小，食落肉質與味道俱佳，但配菜薯角正好與薯條相約，感覺浪費。肉眼扒，份量極大，七成熟但已經比較鞋身，不知是否扒太大....汁超小，要補一杯才夠，除了份量大夠睇頭外不見得太有過人之處，伴菜甜番薯則很美味，牛油雜菜普通無特別。

今日做做吓野,想起媽媽,好想見她之際,哥哥來電,話今晚同媽出來同我食飯,真開心!!!越期待著今晚餐飯局就越想快啲放工!知道媽媽喜歡吃黑芝麻,一放工即去買餘下的三個黑芝麻砵仔糕,分別比爸媽哥,但我實在肚餓得滯,愉吃了一個,剩下的,應是媽媽及為食的哥哥.爸媽哥輝我五人點了20安士T骨牛扒,豬肋骨(全份),羊鞍,芝士薯條,日式吞拿魚,甜品及兩杯凍檸茶.20安士T骨牛扒,後悔要T骨,因舊骨太大舊,已佔去一半重量之餘,癡住啲筋位,好韌!豬肋骨(全份),好入味好腍,不過又係有一大條骨,唔能夠啖啖肉.羊鞍六件,又係有條骨呀!羶羶地,媽媽不吃得羶.但真的好腍,好有肉汁.芝士薯條,好大碟,好脆好好食,連爸爸都食,不過芝士蓉唔夠多.日式吞拿魚,原來好細條,得六舊,吞拿魚好腍,唔會有筋,不過拈上黑椒等香料,媽媽話都有陣羶味.甜品係唔知乜Thunder,有三層,忌廉,雪糕及蛋糕.哥哥話冰火,因為凍雪糕加上微熱的朱古力果仁蛋糕,真好吃,我還在一邊吃一邊玩遊戲呢!兩杯凍檸茶Refill咗三次.其實爸爸好似冇乜野食,媽媽就更加,因為洋蔥湯又鹹,牛羊魚又唔吃得,唯有吃豬及薯條.埋單$950,慶祝工作一星期有點那過,不

早前與朋友到此聚會，叫了一個沙律，一個牛排，一個豬肋骨，一個湯，一個魷魚圈。餐包，黑色一條，好搞笑。周打魚湯好味，我們四個人分享~很多蜆，可是有點杰。豬肋骨不錯吃，牛排因為太生了，我吃不了，朋友說不錯吃。魷魚圈味道普通服務OK

今日同女朋友去左e 間餐廳食晚飯，開頭都算唔錯既，服務態度好好，不過上菜既速度真係好慢，由點菜到上菜等左差唔多成個鍾先上，我同服務員講，佢\次次都話黎緊，黎左成30min都未黎到，之後同經理投訴。味道真係好好，但係上菜速度好慢，服務就一般啦，可能聖誕其間兼顧唔到太多客人啦。環境開頭好正，但係坐得太耐會頭暈，因為俾頭頂支燈射到對眼好痛。

之前黎過好多次lu, 而家寫返個食評支持下荃灣outback 先.試過好多菜式同steak, 我都係最鍾意係芝士薯條, 薯條外脆內軟有薯味, 加埋d芝士同煙肉碎, 好香, 諗起都好想食. 第二係漢堡包, 漢堡包係我食過咁多漢堡包之中最鐘意0既一間, 真係太太太好食(不過係最貴0既一間, 八十幾蚊未計加一, 但一分錢一分貨.). 塊漢堡好厚有牛肉味, 而我就一定要加芥醬.次次同bf都係入去第一時間先叫一人一杯可refill 0既野飲, 最高紀錄係一人refill 4次(即係一人飲5杯) , 成個月冇去, 搵日要去破紀錄!!

今日姨甥要食扒,呢間啱晒,牛扒大大件,重有炸薯條添,整多杯凍Drink,一次過滿足晒佢3個願望,後生仔發育時期食吓無防,成日食就唔喺太好嘞,如果唔喺超重就出事.

第一次去lee 度食!!首先氣氛好好~waitress 同waiter ge 服務態度都好好好詳細講解~我同bf兩個人去食嗌左兩個扒餐再加個芝士薯條估唔到咁大份量...所以到最後其實食唔晒....但芝士薯條同扒餐都係咁好味我地一定會再去!!!

去過呢度兩次!!真係好好食~第一次無估到佢\\\咁大份量沂多o左~第2次同媽媽去就醒o左啦~咁好味既野~份量咁大~真係會覺得好抵~佢\\\跟扒果個黑糖包包真係超好食!!!!!!!!!跟餐\\\要既忌廉湯都有芝士!!!好味!!!!!D扒真係好鮮.. ..waiter都好好人咁介紹~又會晝定你坐邊等你有朋友黎淨係講個名佢\\\就會帶你去!!但略嫌佢\\\燈光太暗...睇menu睇到眼痛!!!

之前食過幾次，都係荃灣分店，食完第一次之後就愛上左羊架：一定要叫，勁正，辣辣地（薯菜一定要揀甜薯，正！）雞肉併鮮蝦寬條麵：開頭以為好普通，點知原來係芝士白汁，好好味，d雞亦十分好味，辣辣地的chocolate thunder：好味，大份，因之前已經食得好飽，所以我地3個人食岩岩好＊鍾意食芝士既朋友食麵既時候記得問waiters 拎芝士粉，食麵既時候落，勁正～次次去親都要拎４兜，好味～

食過兩次, 兩次既service都好好.食物份量size偏大亦幾溜... 牛扒既味道好好, 真係做到5成熟, 但配菜(菜salad & 雞飯) 就麻麻地... 芝士薯條好好味, 必食之選! 有d遺憾兩次去都試唔到烤牛扒.

見未食過咪入去食囉!男朋友叫左個自選漢堡,個包烘左好味,不過我覺得個牛肉煎得老左D,但整體都OK,著條未免硬左D,如果俾佢掟到都應該會痛,哈哈!個菜絲沙律唔得,個味好HEA,好似O係旺角D CAFE 食果D SALAD咁到我果個洋蔥牛排,咦,乜係牛柳粒黎架......加左$10要個忌廉洋蔥湯,好CREAMY,好味;牛柳粒都係整得太老,可能個人比較鍾意6成熟吧=-="......仲有個包,好味道;我估佢O係中間滲左玉米粉O既黑糖麵包???新鮮,暖同脆,勁柑牛油!!不過因為漏左單,所以等左40MINS先有.......仲要落漏左個CAESER SALAD =_=".算喇,我排都食完唔鬼要喇~

見食評呢間都唔錯,所以約朋友去試下...食左:1. 餐包- 唔知叫咩包,不過暖暖地又軟綿綿咁,幾好食...2. 芝士薯條- 粗身薯條熱辣辣,又多芝氐,好好食,食完飽左一半! (仲有會肥幾磅!!)3. 公司沙律- 跟牛肉餐既沙律,車厘茄好鮮甜,菜又新鮮,我冇落醋都食到...好好食!4. 唔知咩地方既牛肉配甜薯及焗薯- 我冇食牛,不過朋友話幾好食,不過份量太多,食唔晒,配菜既甜薯同焗薯都好好味... 不過好飽! 但飽都唔捨得唔食埋佢地!5. 煙肉燒雞胸- 雞有點辣,肉有少少"偕",不過味道都唔錯... 冇食薯條喇,已經飽到唔郁得,份量太大!3個人唔可以叫3個course,一定食唔晒!

Went there on 15 November 2007 to have dinner at the command of my little princess. She likes the bread there very much...Just my little princess, my maid and myself went there, as the "she who must be obeyed" was not at home and we could not eat too much really. We ordered deep fried mushroom (forget the name), rib and wing combo, shrimp pasta, soup and salad.The pasta, soup and salad are of normal quality. The deep friend mushroom, and the rib and wing combo were great at the spot. However, af

放半日假訓醒就起身食晚飯,今晚揀係呢到食飯,一來方便二來好想食美國菜;點左半份ribs,雞肉白汁寬條麵和凱撒沙律,每樣都咁好食,但沙律就麻麻地咯!入面塊麵包干好多油.成晚無點俾人騷擾都算好好.員工serve得好好.和ruby tuesday相比,大家都一樣咁好!兩間都可以間中試試!