太平洋咖啡 (Closed)

今日PaPaccino上網見到Pacific Coffee官網有一版介紹一款叫Latte Macchiato o既咖啡，以為佢地出左新款諗住試下啦，點知去到唔見有，問埋店員都係冇！原來佢真係純介紹黎架咋！因為想飲咖啡一場去到Pacific Coffee，冇理由就咁走人架嘛！於是PaPaccino一於叫返杯Hazelnut Latte彌補下受創o既心靈！因為臨近食飯時間，PaPaccino只係叫左Tall size份量。（不過飲完已經有少少飽^q^）有時覺得咖啡店分三隻size真係好體貼！雖然三個字都係形容高同大。一飲落口，好有咖啡味，再飲多啖就開始有榛子味，搖勻再飲又飲到兩隻味平衡返。但係飲飲下又覺得有D唔對路…望下張單，我係叫Latte架喎！但真係冇乜奶味，於是繼續飲埋杯Hazelnut Latte。既然咖啡味濃，就算啦。今次盛惠$31，仲要搵到個靚位坐，真係好彩! 最後，如果大家對飲飲食食有興趣，可以黎我個Blog 睇下架。http://hk.myblog.yahoo.com/call-freebreak

趁手頭上有Pacific Coffee買一送一的優惠劵,於是試了這裏的咖啡。咖啡方面:由於上星期在這裏喝過Iced Hazelnut Latte, 很不錯, 對這間coffee 也頗有信心。先說Hazelnut Latte, Hazelnut的分量控制不錯,沒有蓋過咖啡的味道,也沒有被咖啡的味道掩蓋。不過由於是Iced Coffee,沒有真正品嚐到咖啡的香和滑,下次還是要一杯熱的hazelnut Latte!!這次點了Iced Vanilla Latte, 喝了一口後,真的非常後悔….完全沒有Vanilla的味道, 也沒有咖啡的香,只是很甜很甜,好像在喝糖水所以千萬不要碰這裏的Vanilla Latte!!環境方面九龍塘這分店所佔的面積也很大。坐位也頗多,並提供舒適的沙發,很適合談天。可能是因為優惠劵的關係, 當天的人流很多, 有點嘈吵, 而且要找到坐位也比較困難。

聊聊天, 喝咖啡。睇睇書, 食甜甜~~ 星期日...超級難搵位...叫了最簡單的 Hot Latte, Iced Cappuccino.朱古力批 ($27)專為愛朱古力的豬, 唔係, 人, 而設。Chocolate mosses+ cream+ 酥皮。 Coconut egg white Macaron ($5)我影到好似菠蘿包咁, 其實真係macaron 咁大! 好似椰撻, 好味~~

咖啡朱古力批沙冰叫左tall size, 睇落唔算大杯但飲完已經好飽, 佢其實係咖啡朱古力批加奶加冰再打碎, 我叫staff加埋cream就令杯飲品更加滑一飲有d咖啡朱古力批既粒粒,有d野咬下幾好 朱古力味好重但好不幸蓋過曬咖啡味, d冰打得好幼滑, 夏天飲消暑一流!!!Iced latteeD 奶落得太多,咖啡味淡, 我叫佢唔駛落syrup飲落都已經甜甜地了短頭髮個cashier個態度麻麻, 串串貢咁…………..

Rocky road 沙冰叫左tall size, 之前飲過咖啡朱古力批沙冰覺得朱古力味好重但冇咩咖啡味, 呢次Rocky road就唔同, 佢d朱古力同咖啡味balance得好好, 兩者都唔會蓋過大家既味, 仲有d打碎左既綿花糖同朱古力粒粒咬下, 軟綿綿幾得意~我有叫staff加埋cream, 雖然係肥d, 但飲落會更滑! 值得ga haha~

朋友用手機send左張buy one get one free既PCC coupon比我,,見呢日無野做於是就去左嘆咖啡=]呢度既環境幾舒服架! 不過會略嫌嘈左D,,但咖啡加上半價的吸引力,,真係值得=D呢日友人叫左cuppucino,,而我就叫左vanilla latte,,我唔算係咖啡愛好者,,而且我好甜的,,所以我自己就覺得好好,,反而同行既友人就覺得vanilla太甜喇!anyway,, PCC真係一個好好傾計既地方=]

hapi friday好想有個豐富早餐, 偏偏在穿過又1城往地鐵站的路途可以take away的又好像沒甚麼好選擇, 今天進去Pacific Coffee 碰運氣看看哪款包點合眼緣~ 在核桃香蕉蛋糕與野莓蘋果胡桃蛋糕2個選擇之間, 買了後暫。 胡桃碎粒密密的佈滿在蛋糕裡頭, 是甜度偏的果味蛋糕, 雖然蘋果味或是野莓味都不太突出, 但整體味道是很好的~~ 甜得有點漏, 用來作早餐的話或許太heavy, 或是配1杯濃郁咖啡會更好~~~(後話,,, 小妹沒能把整片蛋糕當作早餐,, 剩下的1半當作午餐呢= P)

今日係又一城做完野，相隔下一個工作還有一段時間，想起之前openrice寄來的pacific coffee券，就決定來這裡喝杯咖啡吃個早餐再hea下。不想吃太漏太滯的東西，最後要了個最簡單的danish。另外咖啡可以任君選擇，選任何一款冷熱皆可，不過最後我還是要了最簡單的cappuccino，因為想喝得輕巧一點。原來這杯免費的咖啡也是tall size的，所以一點也不少，不過看到店員製作時有點論盡呢，眼見她鮮奶倒得周圍也是，我還是裝作看不見好了。另外店員也很貼心問danish要不要幫助翻熱，食物飲品大概 5 分鐘搞掂，之後就去找個舒適的位置了。這裡環境真的非常舒適，很多看似很舒服的梳化位，不過全部也給人坐了，所以最後就選擇了一張較間的檯坐下。另外店內也提供電腦給客人上網，真的異常方便。所有客人也是細細聲的在談天，默默的在工作，環境異常寧靜，真的非常舒適呢。Danish弄熱了真的很好吃很多，吃下去有濃濃的牛油香味，加上酥皮鬆軟，雖不致於脆皮鬆化，可是也算是不錯的。但中間的吉士凍凍的，而且味道很甜又不滑，沒有了那些custard相信更好! Cappuccino 表面的奶泡很厚而且也滑，但喝

9-4-2010是日我校班活動, 可惜是每位都遲到, 難度12:00 也不起床嘛我早由10:00 到達, 等等等.............兩個小時...............流走搵地方等人, 我提意到Pcc, HAHA, 因為我平時補習, 也在這裹不過, 我經常認為Starbucks無論是環境還是咖啡的味道也是勝人的, 相對價錢也較貴不久, 上前點了iCE-Mocha (最細), 店員效率快, 好快就可以飲, 個人認為這個Mocha 過甜, 不知道是否朱固力跟糖加得太多, 咖啡味? 去了哪?飲下去成口漿, 這個對我來說(太甜了)雖說這樣, 但己沒其他選擇, 在Amc門口的Starbucks 較細又唔方便, 那只好幫親pcc

一直唔鍾意starbucks,原因係年前睇電視節目得知佢剝削咖啡農所以餘下既選擇就只有pacific,今日又獨自去左pacific溫書由於我超唔受得咖啡,試過中午飲左杯齋啡,當晚全晚仍然好亢奮,一分鐘都訓唔到...然後都死唔信邪,再試過飲Latte,明明已經係勁少咖啡,但我當晚都係訓唔著...睇黎我都要認命幸好我好鍾意飲牛奶以前去到pacific一直飲vanilla flavoured milk今日好聰明既我叫左杯steamed skimmed milkthen去加左大量vanilla powder...平左大拿拿四蚊雖然味道唔係一樣,但都有九成相似!!但男友得知後話我好奸乜唔係好聰明咩?DIY vanilla skimmed milk : 奶好滑好有奶味,唔似平時飲果d好似水咁淡既skimmed milk,加埋vanilla真係上癮

第一次寫食評想講下新出既甜品抹茶可可磚 (Matcha Slice)因為本人會試任何抹茶既產品可惜呢個真係令人好失望口感好sticky,實的的,怪怪地抹茶味好淡,中間果層so-called朱古力亦非常薄弱最重要係過甜,甜到令人一啖起兩啖止雖然我中意食甜野但係受唔到太過甜唔好食唔值呢個價($28)*SORRY冇影到相!BTW,其實仲叫左blueberry cheese cake同vanilla latte味道正常,唔錯拉均比ok啦淨係抹茶可可磚就實喊!

最近Pacific Coffee都幾多優惠,先係買一送一,再來買一,+$1送一.(2者差不多啦")平時都係拎走飲,早2日難得有時間可以向店入面,諗住慢慢歎.點知就遇到不快經歷...由於試過其他分店的Mochaccino,心想翻炒實無死,就2個人都order左ALTO(大杯)Mochaccino.等候的過程,友人已經留意到D咖啡殘渣未係點清除就沖下一杯,相信會影響到我地飲ge咖啡.等左唔係好耐,一試.......幾乎無古力味,朱古力粉唔係好貴姐下話?收我$38一杯WOR平時!泡沫亦少得可憐.這杯只能叫做 "Fake Mochaccino"吧?很同意友人說:"好ge咖啡係享受,難飲ge咖啡係難受"!十分同感啊!果刻完全係無左歎ge感覺!而且,部份職員3-5個掛住圍住向counter傾計,有d就2個自己向個場度傾,有d雖然自己一個係度好似做緊野咁,但係就十叫九唔應,隔離枱直情要衝出去截佢先得.以呢間野ge brand name,今日之行,真係"新奇"!虧佢係最多好評ge Pacific Coffee分店.........以後黎,都應該唔會'堂食',亦都唔會叫Mochaccino.

還是飲品好.Mocha: 咖啡味夠香, 本身夠滑, 少甜是最大優點. 但有時巧克力味道會不甚明顯.Latte: 少甜香滑, 香草版本會更好.Cappuccino: 好多好多泡, 味道也不錯.最後一定要說說巧克力......真的可以用"熱朱香濃美味, 凍朱淡薄如水"來形容PS: 最近他們似乎改用了Green Fields牛奶......個人認為這個牌子真的不怎麼樣啊.

4-1-2010考試期間, 到九龍塘補習, Pacific Coffee 係坐低溫書 / 傾計 / 飲野 既好地方E到星期六/日根本唔洗黎, 次次黎都爆哂位, 要等成粒鍾先等到, 好彩今日星期一, 無乜人, 溫書一流坐低後叫左杯Espresso Chillino 姐係Starbucks 叫既Frappacino, 個人喜愛飲D有質感D既咖啡, 因為有咬口, 叫左杯最大的, $38 蚊, 好像比starbucks還要平, Starbucks要$41 蚊,anyway , 今次飲E杯好香滑, 要佢加多左忌廉, 好香口, 簡直係我的最愛

　　在九龍塘工作，最不方便的就是找吃的地方，因為選擇有限又貴，一般都是自備午膳的。但今天想和朋友好好地聊天，於是選了Pacific Coffee. 這次用餐經驗實在很愉快。在輕音樂和柔和的燈光裏，我們選了一個角落，坐著輕鬆地聊天。是日精選是Mocha Java，可惜味道有點淡，咖啡味不夠濃；還要了一個菠菜芝士卷，芝士卷的皮層厚薄得宜，質感幼滑，嚼下去更是壓碎了菠菜，平衡了芝士的濃味，做到濃淡得宜。　　可惜價錢有點貴，只要了一杯特飲和一盒芝士卷便已花了六十一元了。有點奢侈呢，不過適逢週末，有好心情，就不想計較了。