太平洋咖啡 (Closed)

飲完茶同女仔朋友兩個行街. 又一城行到咁上下, 大家坐低飲杯野. 入到Pacific Coffee. 冇諗到咁大地方, 地方大到成間茶餐廳咁. 叫了Cafe Latte 同Mocha. 朋友仔少飲咖啡便順道教教咖啡文化. 去個咁多間Pacific, 呢間感覺好舒服.

要係Salon 坐幾個鐘, 唔想食Esprit 既杯麵, 最好梗係買定蛋糕, 對上一次應該係城大進修時, 晚黑趕上堂, 總會來個hazelnut latte + muffin! 今天只買了個合桃香蕉鬆餅, $14, 初頭搵唔到, 原來個樣變, 無端端加香蕉片係蛋糕面, 麻煩了Salon 亞姐幫忙叮熱, 件蛋糕勁熱, 不過好似無以前咁香, 香蕉片一都唔好食, 有點失望添!仍然保持的是服務, 侍應生很有禮貌!

為了趕工,又不愛到圖書館,故這星期去多了咖啡室。在九龍塘辦點事後,便去又一城找個地方趕工。人總是怪怪的。在外凍得手腳彊硬,一心諗住飲熱飲,卻次次都點杯凍飲。買杯iced mocha,找個位坐下,埋頭苦幹。面積大人也多,各有各做不同的事,有幽閒的三五知己一起聊天、有埋頭溫書趕工、有上網...做一陣飲一啖,幾冰凍,朱古力味較淡,咖啡味較朱古力味重一點,勝在少甜,cream也幾好味。可能是融冰關係,味越飲越淡。不知不覺坐了個幾鐘,人客都走了一半,係時候回家了。

一向覺得要飲好咖啡唔應該響Pacific同Starbucks，不過呢兩間無疑就腳又多分店，喺咖啡店嘅fastfood 家住Kowloon Tong，最常到這間Pacific，其實一向覺得Pacific好味過Starbucks(雖然我有Starbucks Card 同at work嘅時候通常去Starbucks)，而最愛則是Americano。不過，我鍾意自己落skimmed milk黎合符自己口味，因為佢唔似Satrbucks放咗D non-fat milk出黎任落，唯有次次叫佢skimmed on side，再要捧過隔離搞，有D煩氣。呢到最好喺地方夠大，sofa又多，空間感大D，好hea 同relax D。但喺唔知喺咪因為咁，吸引咗好多中學生，尤其是D鬼仔同ABC，有時搞到好嘈，煩死，不想久留。此外，有時cashier 同on the bar 嘅哥哥姐姐就比起Starbucks嘅無咁friendly，有時仲會大聲傾計，忘哂形，搞到唔知我企咗喺到等緊落order，不過，generally speaking，都算好有禮貌。食物方面，又喺typical嘅American“fat food”

以前放學好鐘意幾個人一齊黎呢度吹下水，溫下書，可惜往日情景已不復再，經過呢度，都不禁回憶起舊時既一點一滴。功課測驗接踵而來，好想休息下，有日唔多想返學，於是一個人黎坐。今次冇飲咖啡，只飲左枝裝橙汁。橙汁酸酸地，而糖水份量落得唔多，唔太甜，內裡有唔少橙渣，雖知係用水溝稀過，但感覺健康。ｎｅｗ　ｙｏｒｋ　ｃｈｅｅｓｅ　ｃａｋｅ：幾大件，芝士味濃亦算滑，但餅底淋，令成件ｃａｋｅ差左。環境好好，有雜誌同圖書供應，特別係平日朝早冇咩人，坐係梳化位靜靜地睇下書都夠過癮。

好耐無飲過咖啡la...因為之前太多經驗係飲完之後會肚痛...咁當然la...呢個只自己問題,對咖啡敏感,唔關舖頭事...不過就係諗住間中一次應該ok...所以都係照飲...咖啡味唔係好濃,所以都無乜事...雖則唔係好濃味,但又唔會好似出面d cafe咁,連少少咖啡o既香味都無law...所以都幾好^^

食完Queen's Cafe, 轉到呢度飲0野, 順便俾個surprise 另一位舊同事同佢慶祝生日. 我本身唔係好鍾意PCC d 0野飲, 但5 個人捧個外來生日蛋糕入0黎, 仲坐人咁多櫈, 唔買0野好似唔係幾好意思, 結果買了個Strawberry Banana, 加cream.飲落又幾好飲喎... 唔會太甜, 幾creamy, strawberry 味幾搶而banana 味就唔多夠. $33 杯, 都算係咁啦.環境唔錯, 好舒服, 原來間0野咁大, 都唔覺tim. Counter 個男仔都幾有禮貌.一直對PCC 印象唔係咁好, 不過相信又一城呢間會係例外!

(7/7/07)平時行過,都無發現入面原來咁大咕喎!老公飲番石榴檸檬汁,兩樣味都算平均,果汁很fresh。叫錯左,叫左杯tall mocha,好彩選左豆奶,如果唔係都飲唔晒。無咁漏,豆奶加咖啡,咖啡味更出。summer berry pudding,酸酸的雜莓汁浸透麵包,再夾雜莓果肉,其實一點都唔可以說是布甸,而且口感怪怪。建議不用嘗了。

雲尼拿拿鐵之連奴= vanilla latte chillino初喝沒特別, 淡淡的,味道不像vanilla 又不似latte只當作解暑,喝剩三分二後, 發現味道竟似咖啡甜酒bailey,一杯普通沙冰突然upgrade了.....^o^

The enviroment of this cafe is deperately nice, free internet, free novel/ megazine, and there is some tables which seems specificily was designed for guys to study, it got a super light installed on those desk. And i love their soft sofa as well. Compare with starbuck, both of their ice mocha are a bit different, the layer in starbuck is more thick, but u can say pacific coffee is more easy to drink out... The only point is their sandwiches are not too fresh, bread is over dry. But i do like th

想溫功課時有咖啡提神，但又一城starbucks枱矮沒那麼好坐，所以來這裡。要了一杯特大的cookies n cream。有點淡而無味，而且cookies全拌碎了，吃不到應有crunchy的口感，比尖沙咀那間pacific coffee做的實在差太遠。期間發生了一件令人極度驚訝及不快的事。我買了咖啡坐了一小時左右，咖啡喝完了，剛被收去後不久，有個大概是manager的人走過來問我還會否再買點東西吃喝，他說因為快到繁忙時間，如果我不再幫襯就不能在這裡坐。那時還是下午2點半，未到下班下課的時間，環顧四周還有一半的座位未滿。manager這樣跟我說話，全cafe D人都望住我。我實在很驚訝在cafe會有這樣不歡迎客人的措施。其實我並不打算死賴不走，只是因為上一杯咖啡喝完不久，有點飽，想過一陣才再買多杯，但受到cafe職員如此趕客的對待，令我不想再光顧這裡了。我還有三年會在九龍塘上學，本來大把機會幫襯pacific coffee的，但經此對待，令我完全失去了對這裡的信心我不會勸人不要幫襯尼間pacific coffee，因為這次可能只是個別員工的失策。但我已向該公司作出反映，且看會不會有人回應

睇完世貿中心.....走左黎呢度hea 下...我同老公叫左個mushroom panini and bacon panini...前者好好食...因為我每次黎都係叫呢個...不過...以前用香草包...煙un ....而家用蕃茄包...散(鍾意以前多)! 後者似柴皮...塊肉好un...不過..芝士味搭夠! 老公唔飲咖啡..叫左支橙汁...我就叫左杯Tall hazelnut latte...好香hazelnut 味...不過...都幾甜下, 如果可以自己加糖會好lor! 我一路睇書...老公訓左成個鐘....明顯地梳化坐得佢好舒服! 而家仲畫左地方俾學生溫習....食物雖然係貴..但地方真係幾好!

又一城要tea都幾貴架，pacific算係比較抵，所以都幾多人。我地叫左兩杯chillino，其實佢唔係乜野咖啡，係香蕉味的飲品，學麗梅姐咁講，杯香蕉飲品好有香蕉味呀！我地仲叫左個菠蘿味lamington，好香，但又唔係好甜，另外個蘑菇批都幾好味，起碼好食過美心好多。個度又有得MSN同玩webcam，環境都唔錯。

咖啡店之中這間都可說是城中數一數二最豪華的一間，難怪被稱之為太平洋咖啡的旗艦店。還記得最初好像未有現在的規模，不知從何時開始這裏變得一應俱全，令顧客有種樂而忘返的感覺。這店的設施真的一應俱全，雜誌棋類應有盡有，連電視遊戲機等都有提供，因此一家大小都會不捨得走。以往裡面還有一副真人大小的國際象棋，我常常見到有些男女附庸風雅在下棋，但認真觀看才發覺他們只是在做樣，其實根本不懂得下棋。近來或許因要騰出更多座位，所以己不見了那副棋。這裏還可以見到各種千奇百怪的人，儘管有時比較難座位（因很多像我的人賴死唔走），但店員也樂意為你留意是否有空位。本人喜觀相約朋友來這店喝咖啡玩棋，尤其愛玩那兒提供的DELUXE版SCRABBLE。雖然論咖啡質素他們及不上星巴克，但他們勝在環境舒適，兼設有上網服網，再者可以儲印換免費咖啡也貪小便宜的我。

約了朋友又一城踩冰，1:45pm到達吃午飯又怕太飽，吃茶又未夠鐘，結果來了這裡點小食。　說起來好像還未寫過這間店。旗艦店即是旗艦店，設備非常齊全，由基本的電腦，以致書架、16x9 plasma、PS都有，足夠你hea足一日。　是日點了一杯chocolate paradise碎冰加cream($35)，一份Salami Mozeralla Puff($20)及Apple Strudel($15)。Chocolate paradise有超多朱古力碎，幾似Godiva Chocolixir，當然滋味有所不及。Salami Mozeralla Puff叮熱後吃，有芝士味，味道一般偏上；愛甜的我覺得Apple Strudel會較好味，又大份。　食完這幾件東東飽哂，可以在店內慢慢坐，真的非常寫意。絕對會因環境而愛上的一間店!