太平洋咖啡 (Closed)

放工跟男朋友去了Moko行街，由於要等餐廳吃飯，所以去了Pacific coffee飲住咖啡，食住cake等。因為夜晚個雪櫃已經冇咩選擇，所以就揀左最大路既New York cheesecake同一杯Mochorange同Latte。點知個New York Cheesecake好伏，佢唔知係咪雪得太耐，成個cale勁硬，用叉吉落去都好難吉倒，咬嗰陣都痴實隻叉，然後個餅底幾厚幾鬆軟，但完全冇味，成$30一個cake確實令人失望啊

這一天打算去太平洋咖啡之際,突然想起去取回小米平板,於時去了小米取好了後才去太平洋咖啡在這裡有一個清單,於是選了凍紅茶加檸而可以選擇多糖或少糖,然後選了標準份量,這杯凍紅茶既味不錯,只是感覺有點濃,不過這些都不是缺點,於是繼續喝,奶量也適中,紅茶份飲到最後底還有點渣,或許是打氣泡進茶內時間不夠,店內看到有滅火筒在當眼處,萬一有火就可以噴,通風還可以,而且還有點冷,食客人流比較適中,位於新世紀廣場內,大約上3-4層就到,接近下午時比較多人流光顧,而好的地方是環璄夠寧靜,較多人在那裡喝及溫習,多數外賣拿走,今次我用了MUG減三元的優惠,總算響應了環保,地方總算容易找到,在旺角地鐵站行20分鐘左右到

約埋病房嘅戰友一齊放工， 落街抖下先返屋企啦。身為pacificcoffee嘅會員，我又點會放過有得飲pacific coffee機會呢。。。。 Iced tall latte 😘都係一個唔錯嘅配搭，，， 聰明如我就梗係會轉skim milk,健康好多

星期六的下午，想在coffee shop搵個位，真係唔容易，好多人買杯嘢就坐好幾小時。特別是旺角地區，人特別多。但今天真幸運，買完杯橙汁及朱古力批，想搵個位時，就有食客示意我坐下，因為佢已用餐完畢，快要離開！很喜歡高質素的食客！講返食物，我唔喜歡咖啡，但我喜歡悠閒嘅氣氛，慶幸coffee shop也有不同種類的果汁，可供選擇。再配以一件cake，真係賞心樂事。於是我便可以在這少少的角落，享受一頓寧靜的下午茶時光！

行到攰去咖啡店坐下回一回氣，點了杯拿鐵，改脫脂奶冇咁肥，飲落咖啡味幾香，囗感幾滑，一杯細size都好夠飲；另外點了呢個清新檸檸撻，圓圓的好可愛，入口有檸檸味，酸中帶甜，非常紮實，吃完相當飽肚！

Pacific coffee 比我既感覺，咖啡比較淡味。當然d 人實話識飲唔會飲星x克 太x洋。不過買保險送左張咖啡卷就試下。 今次可能無期望，飲左啖有驚喜,估唔到依間pacific 沖得咁有水準，溫度夠熱之餘，咖啡香濃，朱古力又夠味。大家去開附近都可以試下

等入場睇戲, 先叉叉電, hea 一 hea .... Iced Americano $32 飲落順喉 , 咖啡味道濃郁, 既芳香又帶有中度的果酸 , 還算不俗, 略嫌冰粒偏大而且比較多 ~本篇完 ~

今朝比較遲起身 無足夠時間去食個proper breakfast先再出去所以就同肥仔去左pacific coffee買小小野食我買左杯Matcha Latte + Ham & Cheese Croissant肥仔就叫左Cafe Mocha + Salt Caramel Orea Cheesecake意想不到烘熱左既Ham & Cheese Croissant芝士溶曬 同個Croissant合為一體 連埋Ham一啖食落口濃濃芝士味道加咸咸地既火腿同Croissant一齊食 原係好好食早餐食左Ham & Cheese Croissant好滿足 不過Matcha Latte今日就淡左少少 無咩Matcha味

一講到咖啡呢兩個字我諗一般香港朋友都係第一時間諗起綠色LOGO人樣 個間無他既 佢個巿場推廣又真係做得幾鬼突出 無論係週邊產品定係門巿數量 都有佢一套法側曲奇朱古力咖啡 滿滿的忌廉 灑上oreo曲奇餅碎 黑白分明見到都開心 太平洋咖啡佢最令人覺得一絲不苟既地方就係佢沙冰凍飲 每一粒沙冰都係大小一樣 唔會有忽然大粒堵塞飲管既情況出現 朱古力味重之餘 唔會失去奶香味 全脂奶令到整個口感更creamy 咖啡味又唔被蓋過 剛剛好每粒顆粒都夾雜著曲奇碎 十分香口😍😍另外要提及就係太平洋咖啡既用餐環境係優質舒服 無論佢既整體用色 燈光以及梳化椅既質感 都好顧及客人既需要

新年又就快到喇，Pacific 最近做優惠買一送一，為番條數$20都唔洗，梗係要試試喇!!桃花牛奶咖啡...以桃花冠名，但並無花香味，咖啡比較偏甜!飲落同平時既牛奶咖啡無咩分別!!桃花牛奶抹茶入口香滑，抹茶味香濃，抹茶控必試!!!

睇戲前唔可能唔買杯ya飲入去飲的。已經有成年無去過呢間買green latte 了，因為唔多店子，通常係去另一品牌度買！今日嗰杯照舊叫左走cream，double shot green tea power 味道不錯，十分解渴，順喉回甘，啱啱開始睇戲就已經俾我啖啜曬lu，即使最大杯都！

不嬲都係pacific coffee fans.....飲開咖啡覺得都吾錯既（大型連鎖）...見佢原來有乳酪當然要試試啦一買覺得得半杯已經覺得仲咩咁少，想或者味道好呢。點知一食落去有蜜糖味。要另外多盒仔蜜糖先有返其他大型連鎖店既味道。已經失望。香蕉得果4舊....冇味又少，今次極度失望我寧願去返星巴克多幾蚊但起碼材料足。Pacific coffee 只可選擇咖啡好過..！

最近食咁多熱氣又油膩既食物有時想飲下果汁清清味蕾只係好多售賣Detox飲品既店鋪都位處港島，特別是中上環有時突然諗起想飲，點顧得到去咁遠？結果還是投向連鎖店的懷抱了！Orange, Carrot & Ginger先前路過見過呢款果汁，當時俾佢既「薑」成分深深吸引好了，雖然不會期望太多，畢竟是連鎖店貨色，唔會諗住味道十分自然清新及突出但……薑味何在？入口同平日飲既橙汁相約酸甜開胃，味道甚濃加入甘筍後味道沒有淨橙汁咁酸咁刺激，增添清甜及清香這樣就完結了，薑味真係一絲絲都不出來……

最近因為要趕稿，比較多去咖啡室，連鎖位集團中，個人一向較喜歡Pacific Coffee，旺角新世紀上面那家，在旺角區算是容易找位置，店員服務也算不錯，久不久也會去一下。飲品方面，我其實很少在Pacific Coffee飲咖啡，最愛還是草莓香蕉冰雪，甜甜又不會太甜，有點果香又不會太酸，炎夏來一杯，相當爽，幾乎是我去Pacific Coffee的預設飲品。(笑)這天有閒情就再試試麵包布甸吧？看樣子挺OK的，店員加熱後，味道還好，軟軟甜甜，但又算不上很好吃，二十多元，不算抵吃。

看完牙醫後等朋友一起午餐, 就來了這裡坐坐吃點東西, 順道找個地方坐下打文章還記得之前pacific coffee是在外面的, 搬進舖位裡面之後反而沒有那麼吵也沒有不是光顧的人坐要了一杯skimmed milk cappuccino, 可能太久沒喝咖啡, 覺得特別好喝自問對咖啡要求不高, 不是酸的然後夠香的我就可以接受杏脯酥翻熱了就不過不失啦, 吃點東西止餓就可以了