柏林冰室

Open Now

Now Closed

近來香港經濟差，冇辦法。要食返一般水平嘅。本來我成日去佢隔離嗰間食，近來我就食佢比較多，因為做餐牌，先唔好論師傅功夫。真係好有心機做。當然好多環節都有改善空間。但唔緊要啦屋村快餐店係咁㗎啦。我今次本來想推介佢有個餐係有黑松露蛋。但我今日唔記得影相，下次再寫食評會有埋相講認真色香味係一般，但設計餐牌嘅人係有心做餐廳。在累積一下經驗，一步一步會改善。講認真睇到文章，盡量唔好繁忙時間嚟，大家要明白佢唔係殺檔。我講完隻黑松露蛋多士連豬扒麵凍檸茶。$50我覺得抵食囉！

差唔多每日都食呢間，或者隔離嗰間。今日想食豬扒包，咁就叫下啦。佢豬扒包都唔係一般交來的。粉面包，都唔錯，你咁樣講我上次介紹過，活水亭好食啲，由於佢個塊豬扒比較薄，咬落去整體比較淡，建議佢件豬扒一係濃味少少，咁就非常好，等我重新呢個水準真係出唔到去旺區...我想讚下佢啲餐，幾靈活！豬扒包餐可以加珍珠加幾蚊！如果旺區嘅餐廳，都有人學佢咁就好，以前係佢冇隔離嗰間咁好食，依家佢進步左我覺得佢哋好食啲添，繼續努力💪🏻

呢頭都冇嘢食，係得兩間。唔係就要落大坑，落大坑嗰部升降機又講左30年都未整....想講下呢間衰嘢，又開始時都幾難食...或者用水準很一般啦....後來見佢慢慢慢慢咁變好D.當然呢啲水準就唔好去旺區啦，不能逐鹿中原。今次我想講，佢係屬於屋村人情味類，係好好口就好口，係X就X，至少我感覺到嗰種「真」。有時去食好嘢，我見到果d服務員，嗰種係佢明知掙到你死，佢仍然笑笑口，由於我心眼強（小心眼🤣🤣），所以我睇到好驚....唔評論佢啲餐好唔好食，反正都係一般水準唔難食。

諗住叫個外賣簡簡單單求其食就算啦，一打個電話無人聽以為關左門，唯有落樓買啦。點知經過又見到有開門嫁喎，望完餐牌就入去落單啦，見到個帶眼鏡的男老闆手忙腳亂咁執外賣(大約有6個飯盒)，堂食得2枱客3-4個人。咁照計應該好快就執完啦，點知望住佢幾分鐘都無反應，不特止好似無視你咁。人地堂食埋單就收錢，收完望你一眼就繼續執。。。最後搞左成20分鐘先拎到個外賣翻去，仲要翻去見到個外賣蓋無合好，整到啲汁成個膠袋都係。。

我今天到勵德邨做嘢，午飯時間一定要到樓下午飯，食港式茶餐廳,有好多午餐款式揀,我叫左個二哥焗豬扒飯跟凍檸茶,個豬扒飯勁多芝士焗得好香，豬扒又唔會太干，又多肉汁，即叫即焗要俾啲耐性。

《柏林冰室》 #食在大坑📍大坑勵德邨勵德坊地下28號舖.今日中午去佐勵德邨的一間茶餐廳，中午時段去都幾多人，大概等位等了10分鐘，地方都幾大。.叫了中午套餐 - 菠蘿咕嚕肉飯 $50 菠蘿咕嚕肉飯份量都幾大，而且睇落顏色好吸引，咕嚕肉每一粒都睇得出炸得分明，菠蘿仲有好多粒添，但食落好酸，愈食愈酸😑.時日例湯-菜乾湯 一碗湯入面有好多白菜，菜乾，飲落好香，唔覺好重味精味.5.5/10

柏林冰室食得屋邨茶記，都無乜期望，只求正正常常，食個早餐！呢間位於勵德邨嘅茶餐廳，個裝修比隔離果間新淨，所以諗都無諗走入去，邊有人會諗到咁一般嘅早餐，都可以咁難食ga jie 😒😒😒😒😒😒雞扒，凍嘅🤮🤮🤮🤮多士，淋嘅😒😒😒😒隻蛋，煎爆咗🤣🤣🤣🤣條腸無咗，要問阿姐拎返😂😂😂😂😂得啲罐頭豆係正常😂😂😂有無咁叻呀！？人生最伏早餐之代表作！究竟要去到咩境界，茶記D早餐先可以整到咁難食呀🤦🏻‍♀️🤦🏻‍♀️🤦🏻‍♀️🤦🏻‍♀️