Panash

Open Now

Now Closed

Panash Bakery是我最喜愛的餅店之一閒來沒事也喜歡到此兜個圈 看看會不會甚麼心水當中 我最常買的包就是這款五穀全麥包$9(特價$8)這款包已由$8加價到$9很久了今天如常的走到這餅店裡閒逛 發覺它正在做特價心想 機不可失 於是便買了它作為今天的午餐一袋有五塊 說真的 作為午餐不太夠飽加盒牛奶也只叫可勉強填肚 不過為了省錢 沒計了但勝在穀物多 有咬口 而且包身軟熟有麥香塗上牛油和花生醬 再拿到焗爐焗熱 配搭起來真的不錯~

Panash is a subsidiary of Pasco Bakery in Japan. From their selections you could probably tell that they offer authentic Japanese bakeries when compared to say Hong Kong bakeries like Hoixe (凱施). Most of the items that I tried (at various locations) have been great and true to Japanese styled pastries, and the price is relatively reasonable when compared to competitors Little Mermaid.Some of my favorites are:鄉村軟法包–As long as you focus on the word “Soft”(軟) and NOT “French Bread” (法包), this bre

買了一裝紅豆方包給媽媽和自己, 和一個牛肉包給妹妹做早餐,紅豆方包細細塊方便食, 甜甜地又有紅豆香, 好味道!牛肉包之前食過, 印象都係一好吃之作, 喜濃味的一定鍾意, 不過就比較油膩。

因為近派合桃楓樹糖包做特價, 所以昨日買左個來試..估唔到一試就愛上...個包面有好多合桃好香好好味, 內裡仲包住d楓樹糖漿好好味好清甜...如果喜歡食nuts既話大家都可以一試

四月十八日(星期六)去牛頭角下村前,到panash買個早餐!丹麥忌廉酥:麵包是鬆脆的酥皮!很香!panash做的丹麥酥牛油味香濃!內的忌廉很香呢!北海道煉奶包:我在panash的首選!果然是首選中的首選!吃完後奶味仍然留在我的口中!!雖然比較甜,但是富奶味!我喜歡!其他的推介有丹麥包!每次吃到不停口!

我都算得上係一個麵包迷 一日三餐食包都唔係問題而我最鍾意既包鋪之一就係 Panash不過我都好耐冇去Panash買包食囉今次經過 又比佢迷人既麵包香吸引 就入去睇睇 結果買咗法國丹麥方包$22買方包都買$22 真係好貴本來我諗住買芝士包 但我見到佢由$13升到$25 就買唔落手一排方包有八塊 我食咗五塊做Lunch就已經夠飽味道好似牛角包 好有牛油香 我焗熱食重外脆內軟 真係好正雖然好貴 但好好味 我好鍾意 我諗我會再買!

今日好趕時間但又成日都無食過野經過panash拿拿聲入去買個飽咬住走~~唔係好諗到食咩見佢有個新出品，楓糖蘋果飽...就求其買左試下啦其實我覺得麵包點都唔會太難食所以呢個都ok~D蘋果好大粒，同D楓糖好夾下 =)不過個麵包都好凍下而且SIZE幾細....幾啖就無哂$8.5 我就覺得貴左少少

二月十八日(星期三)今日早餐是昨晚買的提子直燒,本想買北海道煉奶包,不過只剩下次貨,所以買了人氣number 3 的提子直燒我們兩個吃一條,提子多而且比較軟,不似出面一般提子包的提子死實實的加上包鬆軟,panash出品果然有品質保證!

每片方包有少少紅豆茸及紅豆皮碎, 但見不到完整紅豆粒 包甜甜地, 但吃不出有紅豆的甜味, 只像普通加了糖的方包, 若不講出來無人食得出這是紅豆包 包軟熟, 新鮮

走到德福廣場就看到裝修很精致的PANISH, 走進去之後麵包蛋糕的種類真是多，而且很漂亮。正好提子包剛剛出爐，熱哄哄的，抵不住誘惑，就買了一個，還買了朱古力冬甩。店員還提醒我別把兩樣放在一起，因爲提子包太熱，會使朱古力溶化。冬甩得味道不錯，朱古力味道也濃。但是提子包就，可能因爲沒有切開，結果外面的那層根本咬不動，硬邦邦的似石頭一樣，要用手用力拽才能撕開，恐怖。還好裏面的還算軟。但是總體來說痲痲地。

今日得我一個人食晚餐 唔想出街食 又唔想煮就去咗Panash買包食Panash係我其中一間最鍾意既包店最鍾意食既就係人氣No.1既芝士包 不過而家已經冇得買既然冇得買 就退而求其次買人氣No.2既鄉村軟法包$11冇咗芝士包 佢自動升為人氣No.1味道果然唔錯 好軟熟 好香牛油味 又唔會好似蒜蓉包咁溜我買既時候新鮮出爐 所以真係名乎其實既外脆內軟 正冇晒芝士包 就買芝士波黎頂下癮佢唔似其他芝士波$20For8咁軟熟 佢有少少硬 又帶有煙韌好香芝士味 暫時係我食過最好食既芝士波就算一次過食晒8粒都唔會覺得溜雖然今餐只係食包 但好飽好滿足

睇完日式麵包王漫畫後, 一直很想試試蜜瓜包, 一日途經Panash, 忍唔住買一個日式蜜瓜包($6): 面層很脆口, 但頗甜, 可能落左唔少糖同煉奶, 個人認為甜味太突出, 遮蓋了蜜瓜的味道, 喧賓奪主, 是一敗筆; 整體俾我的感覺只是+左砂糖食的菠蘿包, 可能睇完漫畫對此期望太大

依度d朱古力冬甩真係好好味面頭既薄薄朱古力唔太甜仲有少少脆脆既nuts成個冬甩都好軟熟雖然而家krispy kreme執左笠但食住panash既冬甩都得$5.5一個咋!

搭電梯時四圍望，赫然望見「Panash」既廚窗的 朱古力牛角號 ，所以又忍唔住要入店內睇下有d咩包包好食喇~ 真係花多眼亂 好多包包都好靚、好吸引呀~ 最後我就揀左以下最吸引我既款式﹕朱古力牛角號﹕就係佢喇!!!!!就係佢引左我入黎個囉~ kakaka~~~ 佢唔單只個樣靚，味道仲令我難忘~ 第一口咬落去就有齊哂香濃既朱古力味，口感是比麵包硬dd﹔麵包係香軟的，富有麵包味﹔軟軟滑滑的吉士，甜甜地，不會甜到漏~真係好好味呀!!!丹麥忌廉酥﹕揀呢款包，係因為我鍾意食 cream 囉~ 點知食落去......估唔到個酥咁好食架~ 個酥好脆，面層甜甜地，未食到d cream已覺得個酥好味，好正~ 食到d cream 就仲無得頂~ 因為d cream真係好滑好正~ 唔係實古古果d cream 黎架，搞到我都唔知點講...總之就係好好味啦~炸咖哩肉碎包﹕揀呢個因為睇得出佢係剛剛出爐之作，睇落去漲卜卜的，未食已知道一定係脆脆的，所以又買埋~ 食落去...d咖哩好香好濃，真係好味~個包真係幾脆架，咬下去時，口感一流呀~唔知好彩定唔好彩...如果我附近有 Panash 既話，我一定會變埋 肥豬

Doughnut highly recommended!!!!!原味超正,雖然我食果陣已經凍左,但都好好味!!!就咁睇個外層好似硬掘掘咁,但原來一d都唔硬!!好鬆脆!!一咬落去,第一秒:個皮非常鬆化; 第二秒:入面非常鬆軟甜度非常適中陣陣鮮奶mix牛油味雖然細細個,但當tea都有d飽肚感唔會好漏真係yummyyummy回味無窮