Panash

Open Now

Now Closed

假期前夕﹐行經此處見到有不同種類新式的麵包﹐所以進店內看看有什麼麵包買來作為假期中的早餐。 這店鋪位細細﹐但麵包款式算多﹐大部份看名字﹐賣相以及價錢似走中高檔路線。聽說還是壇島老闆開的﹐但不能作實。因見到麵包袋內還有水蒸氣﹐摸落麵包還暖暖兼軟熟﹐所以最後買了這提子直燒。提子直燒 $11 –本人最不喜歡出面所為的提子包。 因包大大﹐但提子只零零可數。心諗他們批發買來的提子乾有幾貴呢﹐不用那麼暴利吧! 但這裡的提子包不但賣相不像常常買到那些普普通通一舊枕頭形狀,而是有扭紋跟有大量提子﹗包的味道不甜﹐很好很好。每一咬都有很多提子令淡淡的麵包有濃烈的提子味道。真材實料﹐味道好﹐一分錢一分貨。

上堂前必經之路,赫然發然星期三是他們的麵包日,所謂的麵包日是所有麵包九折酬賓.入夜了麵包的款式不太多,找不到鄉村軟法包,但卻仍然有數個北海島包,而且還是"本週優惠",由原價的$14->$12.5.以為已經有優惠就沒有九折?錯了,付錢時還打了一個九折,最終只需$11.2做成交,大喜!!!這個大大的麵包,其實比較似蛋糕,因為內裡很鬆軟,而外皮有點脆,甜甜的,不消多久便可吃掉大半個.好滿足!!!!

買早餐, 時近收鋪麵包選擇不多, 最後買了番薯栗子包顧名思義個餡係番薯加栗子, 番薯幾香滑, 有番薯香而唔太甜, 很不錯栗子粒就硬左d, 可能叮返熱會軟d好食d$7.5一個, panash黎講算合理

愛芝士愛到發燒的我一見到芝士包諗都唔諗就會買, 好在呢袋方包都無令我失望。片片都有芝士粒, 麵包隔左兩日都仲好軟熟, 不過人都係貪心的, 可以再多d芝士就好了。自從得知星期三有10% off, 就會揀呢日先黎買包呢!

好耐冇寫過麵包類了, 先由這兒做個開頭。打從 N 年前開始吃她的包, 多年來除了價錢貴了, 份量少了之外, 從沒令我失望。其中一個原因是她不斷推陳出新, 又有不少經典之作。以下介紹的兩款不算最經典, 但都是我近來的最愛。1, 合桃車打芝士軟法包 ($8): 軟身得來有嚼勁又不肥膩, 有脆口的合桃又有香香的芝士味 (已融於包內), 吃一個已夠飽。2. 合桃提子法包 ($13): 又是有合桃的一款, 配合甜美的提子又是一絕, 之不過牙力不足的人要小心別太勉強, 扯甩了牙可不要怪人! 如今通脹厲害, 這兒的東西都起價不少...即使好吃都不好吃太多, 留點錢捐給四川的災民好了。

次次行經panash, 都好自然咁行入去睇下d麵包。 今次買左3款包1) 五穀全麥包 第一次試佢d包裝麵包, 麥味好濃, 又有好多種子, 口感唔錯2) 焦糖丹麥條入面夾住一層焦糖醬記得逢星期三都有10% off

不久前，奴隸獸在Panash 旺角店買了一件藍莓芝士撻包（HK$8.0）做早餐，雖然芝士的味道不算濃郁，但與藍莓Jam 的味道十分相配，口感Creamy 又Juicy ，麵包軟綿綿的，好好味呀！今次在灣仔店再遇上，當然要買一件給主人試試。怎知一試之下，除了麵包軟身之外，完全沒有芝士味，更不用提Creamy 及Juicy，味道及口感與印象中的相差甚遠，非常失望。

Panash一向都是我喜愛既麵飽舖之一，無他既，因為d麵飽幾好食，雖然價錢係貴咗d，不過，一分錢一分貨嘛！今日買了一個北海道煉奶飽做早餐，九折後都要六個七，係貴咗d，不過都幾好味，麵飽軟熟，面層脆脆哋，甜甜哋，食得到有煉奶味，正。

下晝路過買個包食，揀咗好耐先揀定了這款─芝士雞肉包，四方型，見面頭的包面發起咗，想必一定香脆可口。但其實只有面頭那幾片是脆的，內面的麵包一樣鬆軟，鬆軟得來沒有餡，因為大大片的雞肉與芝士餡只在面，底的，除了麵包之外，還是麵包！這不是麵包本身的問題，而很大程度上是設計的問題。

食完白碗鬆糕...唔太飽....經過時見有好多靚仔包....一望...見到一種叫...芝士金巴利莓鬆餅, $6.5, 質感類似starbuck 既scone...好鬆化...中間夾住一層芝士...溶溶地....有cranberry...微酸...最唔喜歡係個面多了一些糖粉....甜左少少...但係都好正!

呢排直頭忙到天昏地暗, lunch只可以係電腦mon"送"麵包, panash o既藍莓芝士撻包, 香甜軟滑忌廉芝士配上藍莓醬, 再加牛油軟包, 好味到停唔到口, 不過如果份量大d就更好! --兩個鐘後就肚仔餓啦@_@

昨午我去灣仔上街走見panash買芝士忌廉梳厘充$8.5-吃得ok,咬得上面內很美味,下面尾很唔好味

最鍾意食呢度的紅豆包同埋芝士包,先講紅豆包,紅豆包做得好軟,都算幾幼細，但係食唔到紅豆味!食下食下可以一個人食晒全包!而芝士包就係熱辣辣出爐時就最好味,佢面頭舖左d芝士,而麵包裡面就有一粒粒的芝士粒,不過要趁熱食；凍左冇咁好味架!另外佢個朱古力泡芙都幾好味架,細細過,食完都唔會好濟!

聖誕限定-- " 朱古力曲奇包". 名副其實, 圓圓o既咖啡味軟包, 上面鋪上較一般墨西哥包厚一倍o既朱古力味曲奇皮, 內餡係一整團特濃朱古力, 感覺好似將一塊麵包夾住一大磚黑朱古力食咁, 感覺幾漏. 我覺得內餡換作朱古力忌廉會更為適合.

宜家四圍都開左好多喱類麵包店,麵包整得靚一靚,價格相對又貴D,攪到"美心"之流都要推出D特色麵包應付.今次買個"朱古力酥"同埋"迷你北海道"."朱古力酥"比A1或者yamazaki同類朱古力酥o既size細好多,而且"酥"o既層數亦小好多.一咬就扁晒,朱古力醬幾好,冇變硬到.整體都ok,但始終比較鍾意yamazakio個隻朱古力酥."迷你北海道"外皮較硬,裡面有層白色類似忌廉o既"函".然從就係一個大窿,有D怪.兩個飽每個$6.5,咁o既質數應屬偏貴.