麵包司

Open Now

Now Closed

這間新開的麵包舖真係好吸引！平時啲包一係空氣包，一係冇餡，一係造型求其，一係成$30-40先一個。佢哋的麵包不單止用料高質，仲平易近人，平均只需$20以下，令人好想打包試下。🌟有餡包1. 芝士箭豬包 - 造型可愛，外皮脆香，內餡是甜乳酪，帶來濃郁的芝士風味。2. 抹茶紅豆包 - 紅豆餡味似紅豆樂雪條，奶香味十足，適合喜歡抹茶和紅豆的朋友。3. 開心果麵包 - 餡料偏甜，開心果碎香脆，帶來豐富的口感，令人愉悅。4. 紫薯包 - 紫薯餡香滑，結合健康的清甜感，適合追求健康的食客。🌟足料大包1. 五穀裸包 - 鬆軟的質地，五穀帶來的口感豐富，健康又美味。2. 開心果扭扭包 - 開心果的濃郁香氣，配合輕柔的麵包質感，令人一口接一口。3. 紅莓合桃包 - 紅莓的酸甜和合桃的香脆交織，帶來獨特的風味。4. 蝶豆花水果包 - 色彩繽紛，水果的清香與蝶豆花的香氣相輔相成，口感清新。5. 紫薯抹茶核桃包 - 紫薯與抹茶的搭配，再加上核桃的香脆，既美味又健康。這些麵包不單止好味，仲有趣味的造型，真係值得一試！如果有機會，不妨親自去品嚐一下！

我們一家人在荃灣吃完下午茶後, 見到呢間店好似新開, 款式價錢也很合理, 重要的是寫用日本麵粉所以每人便買了2個麵包, 因為我們全部都是麵包控結果每人的感覺都一樣想法, 好味, 不甜我們共點了開心果扭紋包, 這款合淡口味的, 大大隻, 差點大個 bb 頭開心果菠蘿包, 我是第一次見到有這類包, 當然立即買, 內面的開心果流心很好味, 重要的是不甜, 讚因為店員推薦開心果系列, 所以我也買了一個開心果麵包,以為是一個普通的包, 怎知一咬原來有開心果夾心的我兄選了紅莓合桃包, 賣相滿分 , 大師傅用麵粉灑成一葉子圖案, 此款非常健康, 而且很新鮮,因為我們見到職員是不停幾個幾個地出爐, 所以一定熱和軟軟的另外他選了一份顏色繽紛的紫薯抹茶核桃包, 呢款賣相很好, 味道也好, 因為原來紫薯和抹茶是極度夾的, 好像是一倘彩虹咁美的顏色到我媽媽是吃最簡單的牛角包, 她說也是很軟, 吃得出師傅是大師級至於我爸買了麻糬菠蘿包, 平凡中顯出不平凡, 因為我們未見過內有麻糬的麵包, 相信是一款日本的款式最後我們 一人一隻麻糬蛋撻做飯後甜點, 酥皮實在好吃, 加上幾粒麻糬, 很特別, 盒子也是花了心思去選購

尋日喺荃灣行街就係比佢哋啲🍞🥐🥯麵包吸引住, 因為近期我好鍾意食💚開心果, 見佢哋有好多種唔同開心果嘅💚🥯麵包我即刻入手左買咗幾款, 除咗麵包之外佢哋仲有好多唔同款嘅🥐可頌, 賣相又靚味道又好味😋而且價錢相當親民,  10幾蚊就有交易, 除咗開心果同埋可頌之外佢哋都有好多款唔同嘅🤍麻薯，連我最鍾意嘅蛋撻🍳都加入咗麻薯🥳我都買咗個試吓， 平時食菠蘿🍍包裏面係冇餡㗎我買咗兩個開心果💚🍍菠蘿包裏面係有餡仲要好濕潤， 所以食嘅時候唔會乾爭爭， 味道又唔太甜我都好鍾意❤️🫶🏻

👧🏻😋👅🍽✨支持新開實惠麵包店🫰🏻-🧑🏻‍🍳Citywalk 2翻新後有個一門町市場, 食肆以外唔少得港人最愛麵包店, 全店採用日本麵粉而價錢非常經濟-▪️開心果系列🤤🥯 開心果扭紋包 $20 去面咁大個好鬆軟, 除左面頭開心果碎, 入面扭紋夾心果醬都好香濃💚 開心果流心菠蘿包 $15 流心質地似吉士但好重開心果味, 菠蘿牛油皮外脆內軟▫️麻糬系列🍡兩款都用左類似蕨餅既方形麻糬, 分佈更平均唔會淨係係中間🥧 麻糬蛋撻 $10 四個起有盒, 酥皮薄身好脆🤎 黑糖麻糬包 $10 一堆蕨餅係中間, 加熱後勁拉絲, 黑糖味天然好香唔會太甜▪️牛角可頌 🥐 🧀 軟身而酥脆, 牛油味重食落唔膩士多啤梨忌廉, 芝士火腿, 海鹽焦糖, 開心果味由$15到$18不等 ▫️麵包🍞🦔 芝士箭豬包 $10 好可愛, 聽到有個小朋友話要食有眼睛既麵包😂🍠 紫薯包 $16 紫薯餡幼幼一條唔算好澎湃, 但由頭到尾都有好香甜

店入邊標榜採用日本麵粉， 就係被呢句標語吸引咗，而且見到店入邊嘅裝修非常簡約 乾淨，有日本麵包店嘅感覺 Croissant 可頌賣相好吸引香濃外層、 外皮鬆脆可口， 內裏柔軟、 每一啖都有香濃嘅牛油味，食到停唔到口尤其鍾意而家大熱嘅開心果口味可頌，開心果味突出仔仔都keep住要食除咗有甜嘅，仲有咸既選擇，$18大大個黑椒芝士培根可頌都係一個好好嘅選擇,啱曬，鍾意食鹹嘅朋友♥️抹茶紅豆包 $12抹茶香濃 配埋甜甜的紅豆蓉味，口感清新，佢哋永遠係perfect match 😍同埋鍾意呢間麪包非常鬆軟 😍第2日食早餐都仍然感覺口感鬆軟喺商場入邊嘅麪包店嚟講，我覺得係價錢便宜，品質高嘅麵包店 見到價錢咁平，買多幾個翻公司俾同事做下午茶

荃新天地最近開咗間新嘅麵包店主打用日本麵粉整成既麪包🍞紫薯飽只係$16，但係非常之大隻，兩個人share都好足夠！切開入面有真既紫薯蓉，好甜好軟糯，而且麪包好鬆軟，即使過左一晚，第二朝仲係好好食！開心果扭紋包 $20同樣係超大隻，扭紋中帶有開心果粒同開心果醬，所以開心果味都幾重！開心果可頌 $18可頌層次分明，好酥脆食落重牛油香，而表面有開心果嘅cream同開心果粒！黑糖麻糬包 $10估唔到咁抵食，只係$10，入面嘅黑糖麻糬煙煙韌韌咁，整個食落唔會覺得好甜，岩岩好！芝士箭豬包個樣好吸睛，小朋友見到一定好開心！芝士好香！紫薯綠茶核桃包 $18 半隻呢個配搭有幾特別，有甜甜嘅紫薯味，仲帶上少少苦澀嘅綠茶香，麵包質感食落好鬆軟!

最近在荃灣發現一間新麵包店，店內自設工場並採用日本麵粉，新鮮出爐提供多款大大件麵包 ，而且性價比高，價錢合理。其中最令我心動的一款海鹽焦糖可頌，外脆內軟，海鹽中和了焦糖甜味，不會太甜口感特別。自己很喜歡食開心果，就選了兩款開心果製品。開心果可頌有濃郁的奶油香氣和淡淡的開心果風味，與外層脆脆酥皮完美結合，口感豐富而不油膩 。開心果扭紋包則外形獨特，麵包本身鬆軟香甜，內餡充滿開心果的濃郁味道，帶有一絲堅果香氣與口感 。麻糬菠蘿包令人驚喜，因為其他地方未曾試過。呢個外層酥脆的菠蘿包皮，內層軟糯的麻糬，口感豐富，嚼勁十足 。店內麵包選擇真的太多，要再來多幾次先可以試其他款式麵包，值得推薦俾大家！

荃灣荃新天地開咗美食廣場，最近行下搵下有咩食發現呢間麵包司！採用日本麵粉整麵包🥖而且價錢合理，唔怪得咁多街坊幫襯啦呢到多款特式牛角包都係20蚊樓下，好抵啊！焦糖布丁可頌外酥內軟，甜而不膩開心果可頌、開心果扭紋包、開心果流心波羅包開心果醬鋪滿咗係牛角包上面，果仁香氣滿滿抺茶紅豆清香抺茶與甜美紅豆的完美結合，麵包軟熟紅豆都唔會太甜芝士箭豬芝士箭豬造型可愛，入面粒粒芝士好香濃黑糖麻糬Q彈口感，黑糖甜蜜紫薯包色彩繽紛，切開麵包可以見到大大舊紫薯，營養豐富另外試咗仲有多款人氣健康麵包！Panyasan 荃灣楊屋道18號荃新天地2地下一門町市場內J31號舖

最近在荃灣出沒，發現了這間麵包店日式風格，很多款式的軟歐包，而且標明用日本麵粉感覺全部麵包都好軟綿綿，但完全不空氣，好重手!!😳 換算下來，比一般的店鋪出品，抵食好多幾乎試均了全店各款麵包🤣 尤其喜歡大大隻軟歐包系列小顆麵包都不錯，只是個人覺得他們的麵包本體出色，所以更喜歡沒有餡料的軟歐包系列，而且更抵食😎簡略介紹，總括而言，都推薦!✿ 蝶豆花水果包 $20淡藍，蝶豆花的顏色，不是色素的刺眼看似很plain，但其實每口都能咬到一些水果乾當中還有檸檬碎(? 超香🤤 紅梅核桃包 $20 | 五穀裸麥包 $20 | 小法包 $12開心果扭紋包 $20 | 紫薯抹茶核桃包 $18 | 開心果麵包 $10芝士箭豬包 $10 | 抹茶紅豆 $12 | 紫薯包 $16 |

呢間麵包舖真係好吸引，全部都係用日本麵粉整嘅！🍞🥐 一入去就見到啲款式超多，價錢仲要超級，抵性價比超高～可頌系列🥐 焦糖布甸可頌上面有好多布丁醬，外層酥脆！海鹽焦糖可頌都好正，鹹甜平衡，焦糖香出眾！🤤最特別嘅係開心果可頌，喺社交平台開心果群組見到有人出post，可惜今次六點嚟到已經賣晒，下次再試！軟法包成個頭咁大都只係$18，半份$10，一面仲有牛油夾心，鬆軟香口。菠蘿包系列🍞 都好正，忌廉菠蘿包入面超級多餡，又香又滑，外面層菠蘿皮又香脆。麻糬菠蘿包都幾特別！💖重點係咁多餡都只係$10！！！除咗麵包之外，仲有有幾款唔同嘅蛋糕。🍌 香蕉蛋糕、紅絲絨蛋糕🍰 、🧀藍莓芝士餅等等。我買咗鹹味焦糖芝士餅，鹹甜啱啱好，焦糖香得嚟又唔會太甜，$25 真係抵到爆！💸

今日經過荃新天地見到有間麵包鋪好多人排，麵包款式亦好新奇，就買左幾件返去試下睇睇下忍唔住就買左好多牛角包系列選擇非常多，每款都充滿特色。牛角包上面鋪滿豐富嘅醬料，好吸睛，咬落去更加滿足，好香牛油味外層酥脆，內層鬆軟，上面嘅醬料唔會過甜，拎到返屋企都依然keep到脆身開心果菠蘿包真係一大驚喜！勁有特色！首先上面啲皮真係做足傳統菠蘿包個啲脆皮，中間原來仲有開心果餡料，食落一啲都唔會覺得dry白乾果蛋糕同紅絲絨蛋糕都好出色。白乾果蛋糕帶有淡淡嘅果香同紮實嘅口感，面頭加左勁多乾果，每一啖都品嚐到乾果嘅自然甜味，健康之餘又不失美味。紅絲絨蛋糕比較細膩濕潤，帶有微微嘅酸甜味道，層次感十足。最後要提嘅係紫薯抹茶合桃包，呢款真係養生又好味。紫薯餡甜而不膩，抹茶味道濃郁但唔苦澀，仲加埋啲合桃粒，增添咗香脆口感，絕對係健康同美味嘅完美結合。

呢日行過Citywalk 2發現地下食街開咗間日式麵包鋪賣相款款都好靚 全部都係用日本麵粉 價錢又唔算好貴 於是買咗一堆返去俾屋企幾個麵包控試吓呢度淨係牛角包都已經有6款$15-16就有 打卡勁靚 整得好有心🥐海鹽焦糖可頌牛角包好鬆脆 咬落去好酥好香牛油味唔會太油膩 海鹽焦糖咸咸甜甜 夾埋一齊食好正😊🥐黑椒煙肉可頌色香味俱全 黑椒好惹味 煙肉少少咸 正🤤🥐焦糖布丁可頌又一推薦大家食😚冇想像中咁漏咁甜 味道剛剛好 上面仲有杏仁薄片 增加咗口感🥐士多啤梨忌廉可頌好出色😍士多啤梨好甜忌廉唔會漏 淡淡地襯托出士多啤梨嘅鮮甜🍞紅莓合桃包健康養生之選 健康嘢都可以好好食入面有紅莓粒同合桃粒 增加咗口感👍🏻🍞黑糖麻薯包黑糖甜度剛剛好加埋麻薯 正😋🍞麻薯菠蘿包菠蘿包都可以有麻薯☺️港式名物新食法創新得嚟又真係幾好食外表鬆脆 裡面煙韌綿滑口感豐富🍞紫薯包勁大隻 全隻都係紫色💜入面紫薯蓉好rich 紫薯控必點🍞紫薯抹茶合桃包2層顏色好特別 紫薯同抹茶意外地又幾夾加埋合桃粒幾有咬口 好香口😝🍰鹹味焦糖芝士餅芝士味道濃郁 少少咸咸甜甜餅底酥脆 好食😌

行過見到這間新開的麵包店見到寫住用日本麵粉，但係價錢又唔貴，就買幾個試下一開始畀呢個軟法包吸引咗，咁大隻都只係十蚊裏面仲好似有牛油呢個軟包係有驚喜， 拎上手係有重量嘅 面有少少微微帶脆 ，質地好鬆軟， 但係又有煙韌感， 筋度十足 ， 有食麵包的滿足感蝶豆花水果包，好大隻，廿蚊覺得可以試下店舖有好多牛角包， 鹹甜都有，只係15蚊睇落都幾鬆脆仲有一啲年輪蛋糕做緊特價寫住made in Japan雪櫃仲有蛋糕都只係25蚊一件最後我就買咗兩隻呢個個樣好可愛嘅芝士箭豬包, 蝶豆花水果包同埋軟法包即刻就坐喺公園食咗呢個芝士箭豬包個面好已經好重芝士香味，微微帶脆麵包覺得好鬆軟，唔係一陣風嘅感覺裏面個餡仲有軟芝士，10蚊嚟講真係覺得好抵食而且外表好可愛食完再返去店舖補購多四件年輪蛋糕作為朋友的冬至禮物整體覺得這間店舖同平時連鎖麵包店好唔同有日本麵包店的感覺

今日冬至去荃灣行街，係荃新天地2見到有呢間新開無耐麵包舖，見到舖頭係用日本麵粉製作，信心大左，即管入去睇下有咩好嘢食一入舖頭就見到好吸引嘅可頌仲有六款唔同味道任你揀，最吸引我就係開心果可頌，見到梗係即刻買來試吓la，用咗日本麵粉製作嘅麵包，依個價錢算係好合理佢哋嘅可頌食落去，唔會好似一般牛角包🥐好重牛油味咁Heavy，平時食一個就好膩，呢間嘅日式麵包完全冇油膩感，感覺係行健康路線嘅日式麵包另外仲揀咗鮮牛油軟包，紅莓合桃包，開心果扭紋包，最值得一讚係鮮牛油軟包，麵包好軟熟牛油味好香，但食落又唔會好油膩麵包size好大絕對唔係美X嘅空氣包紅莓合桃包係酸種麵包，相對地較健康，紅莓同合桃份量都好多，呢個價錢冇投訴開心果扭紋包size好大，開心果味好香，麵包上鋪咗開心果碎搣開仲見到一絲絲咁舖頭亦有其他健康嘅選擇，裸麥包同蝶豆花裸包喺出邊麵包舖都少見最後要讚吓呢個紫薯包，一般麵包舖嘅紫薯餡都係加咗好多糖同奶去整，易入口但食完會無意中吸收咗好多糖分呢間麵包舖嘅紫薯包係直接放半條紫薯好食之餘，亦都會健康啲用咁足料成本一定高啲，好欣賞佢嘅專業同堅持最後見到佢凍櫃有蛋糕，賣相正常，試左個紅絲絨蛋糕，唔會太

新麵開嘅麵包店有包出爐啦，期待左好耐，終於有得食日本麵包啦！使用日本麵粉製造，有多種口味的ccroissant還有法式麵包，餡料甚至包括麻糬以及開心果，都是最近大熱的款式！就連蛋塔也添加了麻糬喔，於是我都買了來試試看，回到家迫不及待試一下，蛋塔相當酥脆也不會很甜，Croissant也好脆喔，我最喜歡培根的那一款，整個搭配起來好濃郁！特別是麵包體好鬆軟喔！以後下樓就有好麵包吃了，也不用專門跑尖沙咀啊！好開心喔！#香港美食 #周末探店 #香港美食 #日本麵粉製造 #荃新天地2期 #荃灣麵包店 #麵包控 #荃灣友 #日本麵粉使用 #日本過江龍 #日本飲食文化 #荃灣麵包烘焙 #荃灣麵包舖