樂天經典 (奧海城二期)

Open Now

Now Closed

✅阿婆苦瓜炒蛋苦瓜切得細薄，保持佢脆爽嘅口感，同炒蛋完美融合。蛋汁滲透到苦瓜嘅細縫間，帶來一絲絲嘅鮮美。呢道菜不止色香味俱全，而且口感豐富，每一啖都感受到苦瓜嘅清香同蛋嘅柔滑。✅手剁馬蹄鹹蛋蒸肉餅肉餅質地細嫩多汁，咬落去口感實在。手剁肉餅更能展現傳統手工技藝，質感獨特。馬蹄同鹹蛋嘅組合為菜式增添了鮮美嘅風味，令成道菜更加滋味。蒸得啱啱好，保持肉餅嘅原汁原味同濃郁嘅肉香。✅蒜茸炒菠菜非常清新嘅菜式，綠色嘅菠菜散發住自然嘅香氣。蒜茸嘅香味同菠菜完美結合，散發出一種誘人嘅香氣。菠菜保持佢爽口又脆嫩嘅口感，呢道菜不單止色彩豐富，而且營養豐富，係一個健康又美味嘅選擇。✅香酥雞扒蛋炒飯(小）雞扒炸得香脆，搭配蛋炒飯口感十足，每一啖都可以嚐到香酥嘅雞肉同鬆軟嘅蛋炒飯。這道菜嘅味道十分濃郁，加上適度嘅鹽味，令人欲罷不能。

放工去奧海城買嘢，經過樂天經典原來係食星馬粵菜，決定去試試。星馬金磚豆腐 $68————————————外皮極度鬆化，獨特嘅調味料包括味椒鹽、少少芝麻，入口超香脆，炸到金黃嘅外皮，一咬落去包住非常滑嫩嘅豆腐，層次感好分明，係我食過最好食嘅炸豆腐🤤古早魚香老鼠粉煲(S) $78————————————同朋友兩個人食飯，好多餸都可以揀細中大份量，真係非常貼心。濃郁嘅海鮮高湯令銀針粉入晒味，配搭咗酸柑汁同鹹魚末，所以帶點鹹香同少少酸味，非常有特色嘅老鼠粉煲🍲新加坡海南雞(半隻) $138————————————皮嫩肉滑，採用走地雞，配上餐廳自家製薑黃醬同辣椒醬，昇華咗雞嘅鮮味。招牌酸柑香茅凍 $36————————————夏天最正嘅甜品，唔會太甜，淡淡嘅果香，酸柑嘅味道好Fresh，少少嘅香茅甜味，成個配搭真係剛好，食完正餐，食埋依個甜品，真係好滿足。冇諗過星馬粵餐廳嘅甜品可以咁好食！

欣賞這裡的點菜設定，分為大、中、小碟，能適切食客的人數和喜好，點選不同的多少份量作為配搭。環境整潔，每枱都能保持一定的距離，光線也適中，唯一要改進的是後方近窗位置，略嫌冷氣不足，可能吸收了日光的熱力吧！若能有些抽風小電器幫助，那就能解決這個問題了。服務員亦有禮貌，要求冰塊和換碟都非常樂意及快捷。推介的食物包括：辣椒蟹多汁肉厚肥美、海南雞嫩滑、星馬金磚豆腐外脆內軟。都是直得再來品嚐，可惜太飽，不然的話就會進攻甜品了！

樂天經典奧海城2期UG坐低睇吓menu 有咩好食先。大蝦米線蝦湯個蝦湯熬足6粒鐘。咁真係要叫個食吓有幾蝦先😄大蝦米線蝦湯一上枱已經聞到好香濃既蝦湯味😋大大隻蝦球。食落肉質爽口彈牙。蝦湯真係好濃，果然係慢火熬足6粒鐘。真係飲得出好濃蝦味。米線掛埋啲蝦湯一齊食好好味😋海南雞飯套餐有湯同油飯海南雞肉鮮嫩滑溜，食落啖啖肉，雞味濃😋金銀蛋浸時蔬蔬菜爽口柔軟配埋啲鹹蛋、皮蛋同雞蛋，肉醉高湯好味道😋清心丸綠豆爽粒粒綠豆食落真係好爽再加埋清心丸真係透心涼。夏天消暑必食。

同朋友聚餐 除咗西餐日本菜韓國料理•••間中都會食吓中餐或者新加坡菜今次揀嘅餐廳除咗係中菜經典原來仲有星馬風味嘅菜式絕對係滿足晒我兩種口味嘅願望🔸蝦味魚子蝦球炒飯(例) HKD78例牌份量足夠二至三人享用🍚金黃色嘅炒飯乾身 粒粒分明 蝦球彈牙 加入蟹子口感更豐富🔹沙拉排骨 HKD108排骨大大塊又厚肉！就算經過煎炸都唔會覺得油膩沙拉醬特別開胃 餸飯一流😀🔸砂鍋豆腐蝦 HKD108豆腐一口大小 稍為煎煮後豆腐更加嫩滑再配上鮮味蝦球 醬汁加入蛋花 偏濃稠同樣係餸飯佳品🤤🔹泰式空心菜 HKD73空心菜爽脆 用泰式醬汁炒更惹味！💰人均消費大約$200/人🚩樂天經典 大角咀海庭道18號奧海城2期UG樓UG09號舖

奧海城既樂天經典一向係係奧運銀行反工既飯堂，今日同舊同事過左黎食飯，遇見唔少同事。呢間餐廳成日推出唔同優惠午市，今次見到有個新優惠，每款麵食或者飯食，都係$55一款，絕對抵過出去食茶餐廳，難怪餐廳午市生意愈黎愈好。蒜香紅海蜇頭每次都係我必點既小食，味道有啲酸酸地，口感比較硬實在，仲有青瓜配搭住食，個汁用黎沾海南雞食一樣咁合適。呢個格位係奧海城係物超所值，個茶又好飲，坐得舒服，又無時限，午市既好選擇。

上星期同老婆去奧海城行街，順便食埋 dinner，搵左樂天經典呢間餐廳，聽聞佢主打正宗新加坡南洋中菜，好似幾有特色，就決定入去試下。蝦味魚子蝦球炒飯(例)，例牌份量兩個人食啱啱好，好夠鑊氣，飯粒乾身爽口，唔會油膩或黏黏地。蝦球彈牙鮮甜，蟹子增加咗鹹香同口感，非常好味！😋😋👏🏻阿婆苦瓜炒蛋，聽個名就覺得好有家庭feel。個苦瓜切得好薄，炒得香脆，微苦中帶甘。炒蛋好香，同苦瓜夾得好好，正！😃👍🏻星馬金磚豆腐，金黃色嘅豆腐外皮香脆，入面鬆化滑溜，好似金磚咁。外面味道濃郁惹味，同淡淡豆腐夾得剛剛好，食到停唔到口！😍👏🏻楊枝甘露，食到好新鮮既芒果味、西柚爽口帶酸，同埋西米露甜中帶酸，清新又好味～椰汁西米湯圓。椰汁香甜不膩、黑芝麻湯圓煙韌有嚼勁，芝麻味香濃，而西米露同楊枝甘露一樣係入口即化，味道真係一流！👀👍🏻蘋果與荔枝凍茶，係用咗蘋果汁同荔枝茶混合，再加埋啲荔枝肉同蘋果肉，好似飲緊果汁咁，好夠水份同維他命，仲有香甜可口既味道～佢壺鐵觀音都好好飲～樂天經典嘅菜式都好有特色同水準，而且價錢唔算貴。下次仲會再嚟試下佢其他菜式 🙊

樂天經典 (奧海城) (大角咀)大角咀海庭道18號奧海城2期UG樓UG09號舖蝦味魚子蝦球炒飯Prawn-infused Ebiko Prawn Fried Rice蝦子為基礎調味，並加入魚子和鮮美的蝦球，炒製黃金炒飯，賣相光鮮亮麗。黄金魚皮Crisp-fried Salted Egg Yolk Fish Skin內外酥脆，並撒上鹹蛋黃粉增加口感，甜度高。招牌酸柑香茅凍 （冷)Lemongrass Jelly with Lemonade (Chilled)香茅和檸檬汁製成的凍品甜點，馬來風味。椒鹽香酥鮮淮山Crisp-fried Chinese Yam tossed with Salt and Pepper淮山油炸製成，撒上椒鹽調味，一道口感酥脆、味道香辣的小食。蒜香紅海蜇頭Chilled Premium Jellyfish tossed inSpicy Garlic Sauce海蜇頭配辣椒蒜頭調味，是一道清涼開胃的涼菜。

食盡奥運之小菜 — 樂天經典————————————————喺奧海城行街，同屋企人想搵間舒服嘅餐廳坐低食吓飯，就嚟咗樂天經典食lunch。入到去座位寬闊，環境幾光猛，好適合同屋企人食飯🔸 干貝冬瓜排骨湯個湯嚟到嘅時候熱辣辣，好有火候，而且入面好足料，冬瓜清熱解毒，好適合而家夏天飲🥣🔸 新加坡海南雞 （半隻）海南雞份量足，雞味濃郁，伴醬有醬油、蒜蓉同辣椒醬，可以根據個人喜好去調味🔸 金銀蛋浸時蔬蔬菜新鮮，識落清甜，味道唔錯💭Overall comment:環境舒適，嘢食熱辣辣～ 叫幾個小菜再加白飯，係一個同屋企人食飯唔錯嘅選擇

同屋人去樂天，唔食胡椒蟹，唔食喇沙，試下家常小菜及老火湯，兩餸一湯，另有一番風味。乾貝冬瓜排骨湯$155靚湯特質色水清澈而濃味，哩嗰湯入面有大量排骨，冬瓜及乾瑤柱，每啖湯盡是濃郁及精華，整個湯連材料都可以食，3-4個人飲都足夠。 星馬金磚豆腐$60十分推介這個金磚豆腐，外邊炸得酥脆，而且表層脆薄，外面灑上了七味粉及椒鹽等調味料，咬下去，裡面嫰滑而濕潤的豆腐充滿豆香，令人食完一件接一件，停不了口。手剁馬蹄鹹魚蒸肉餅$85想知一間餐廳烹調及材料是否馬虎，叫一個肉餅就呼之欲出。肉餅係我其中一個最愛嘅小菜，基本上如果餐廳有提供，我都會落單。呢個蒸肉餅都食得出有誠意，食得出喺用人手剁嘅肉餅，因為真係剁到有起膠，所以食落去口感帶點彈牙，半肥瘦嘅豬肉，有少少肥脂，食落去好香唔會太乾，而且烹調時間剛剛好，粉嫰色上台，單是哩個肉餅已經好好送飯。蝦味魚子蝦球炒飯 (例)$78有大或細份(例)選擇，呢個炒飯絕對能突出到星馬菜嘅味道，炒飯炒得乾身且粒粒分明之餘仲好惹味，幾粒大嘅蝦球爽彈飽滿，魚子穿梭喺炒飯之間，喺口腔咀嚼時逐粒爆開，口感層次好刺激，亦都食得出個炒飯好夠鑊氣。酸柑香茅凍餐廳好好，飯後送左個甜品俾

同友人放工去奧海城買嘢+食飯，好耐冇嚟奧海城多咗好多舖頭勁多嘢行😝淨係諗食咩都諗到頭痛，呢排日本菜食太多，好想食中菜😝最後揀咗呢間星馬菜，因為感覺座位好闊落坐得舒服同乾淨。油浸鰈魚：認真極好食🙌🏻完全冇諗過個外皮可以做得咁出色，外面酥脆裏面嘅魚肉肉質軟硬適中，咬落去仲有油香，再加埋佢嘅醬汁唔會鹹，我比滿分💛黃金蝦球：係預料中嘅味道💛份量足料鹹蛋黃嘅濃度好高，一上枱已經好香💛古早魚香老鼠粉：友人非常鍾意食特別嘅菜式，所以order老鼠粉😆原來老鼠粉即係銀針粉，好驚喜💛將冬菇絲肉絲蛋黃香蔥所有配料撈勻做出嚟嘅口感勁豐富好似食緊湯羹💛招牌扣肉包係佢哋嘅期間🫧限定最少要order兩個以上，蔬菜雖然中和左扣肉嘅油膩，不過個人口味都係鍾意食再肥啲嘅扣肉😝總括嚟講呢一餐晚飯我非常非常滿意，價錢唔貴，而且兩個人食仲可以食淨打包😆最重要係所有菜式嘅味道都唔會好鹹，調味仲調配得好好。

天氣太熱，想留返係商場入面食lunch，去左呢間位於奧海城二期既樂天經典。呢間樂天經典係新加坡菜，有招牌蝦湯，叫左大蝦米線湯同大蝦河粉，河粉雖然無蝦湯，但有好濃蝦湯醬，啲河粉炒到好乾爽，又炒得獲氣，撈埋啲新鮮蝦湯醬，十分好味。個米線配上兩隻大蝦，米線份量岩細食既女生，而兩隻大蝦好大隻，啲肉好實正，係新鮮既蝦，個湯好鮮甜，忍唔住飲晒個湯。最後我地仲想悢個甜品，叫埋清心丸綠豆爽同椰汁西米湯圓，細細碗適合天氣熱食啲清涼野。

.‼️❤️ 記得CLICK我PROFILE關注我呀 ❤️‼️.🇸🇬 A͎u͎t͎h͎e͎n͎t͎i͎c͎ ͎S͎i͎n͎g͎a͎p͎o͎r͎e͎a͎n͎ ͎D͎e͎l͎i͎g͎h͎t͎s͎ ͎t͎o͎ ͎S͎p͎i͎c͎e͎ ͎U͎p͎ ͎Y͎o͎u͎r͎ ͎T͎a͎s͎t͎e͎ ͎B͎u͎d͎s͎ @ 🌟 樂天經典《👽食神大媽食星馬菜》.💁‍♀️ 圖片展示美食為：Braised Big Prawn Hor Fun with Prawn Broth HKD 78Crisp-fried Salted Egg Yolk Crystal Prawn HKD 168Sweet and Sour Sliced Fish HKD 118Sambal Kang Kong HKD 78Signature Braised Pork Belly Bun HKD 64Lemongrass Jelly with Lemonade HKD 36.🇸🇬「樂天集團」係新加坡過江龍就係人都知，不過原來好多寶寶都淨係停留咗喺佢有八色小籠包呢個印象，其實佢仲有另一個品牌「樂天經典」係專門做星馬菜，仲要係非常好味，非常值得推介俾大家。以前大媽去開青衣嘅分店，不過好可惜疫情期間就關閉咗，依家就無限翻兜奧海城呢一間。.😍 晚餐時段座無虛席，仲要好多人

我今次的目標是吃炒蟹，見到星洲蟹宴有二人套餐 $588，不用多作考慮立即點餐😎👍。星洲特色拼盤一共有四款小食，“黃金魚皮，金磚豆腐，椒鹽香酥鮮淮山，脆皮蝦醬雞中翼”。分量一點也不孤寒！黃金魚皮很酥脆沒有油益味，富有咸蛋黃香氣。金磚豆腐外脆內軟，也是非常出色，如果可以加多少少椒鹽相信會更好。椒鹽香酥鮮淮山食起來像天婦羅，我本身不喜歡鮮淮山的，因為不喜歡黏黏滑滑的口感，但這樣製作我可以♥️，因為外皮的粉漿太出色了。我尤其喜愛雞中翼，不是說笑的，真的超級巨型！外皮超級脆，帶有淡淡蝦醬味，非常惹味！星洲黑胡椒螃蟹今晚的主角！我真的愛上了♥️♥️♥️。這道黑胡椒蟹充滿星洲風味，微辣而帶胡椒香，咸咸甜甜的很好下飯。肉蟹巨型又新鮮，鮮味無比，啖啖蟹肉，黑胡椒的「香」&「濃」，令蟹味昇華更高一班！ 這隻蟹蟹至少450g，分量十足，要知道這只是2人餐呀。馬來風光其實是馬拉盞炒通菜，很有“鑊氣”，加了馬拉盞和蒜粒爆炒，和通菜真是絕配，好吃好吃。馬來海鮮麵友人表示是他的最愛🤭。海鮮炒麵的醬料是用來自馬來西亞道地的參巴醬，帶點微辣。麵條口感柔軟微彈，份量還滿多的。海鮮份量不算多，大蝦頗鮮，也很爽彈，特別在於加入了龍躉

之前家庭聚會到奥海城晚餐，今晚再次光臨，選了一家中菜餐廳用膳。香酥雞扒酥脆得來不過膩，外皮香口，有微微辣的雞肉挺嫩滑，大大件上甚滿足，邪惡到不得了的炸物。黃金魚皮再下一城又叫了名物炸魚皮，技勝一籌比上一道炸得更脆卜卜，每一面都沾到咸旦黃，咸咸又帶少許甜，相當酥香，兩下子就吃清光。臘味炒飯鑊氣十足，醬汁調味香噴噴，飯粒炒至企身，配上臘腸冬菇蔥花齊爆炒，不算油，蠻飽肚美味。蝦湯大蝦滑河粉見到餐牌介紹蝦湯十分吸引，抵抗不了誘惑要了這碗河粉。份量大方，有雞蛋菜心豬肉片等，蝦🦐大湯多而且口味香濃不過杰，邊吃撈上汁料也不口乾，食味不淡亦不過咸。炒過熱騰大塊的河粉吸收了湯頭，滲有滿滿的杰身湯，鮮艷橙色像蟹羹，叫人看吃都滿足。楊枝甘露本夜最驚訝的一道，甜品顏色美麗，入口清涼，柚子肉甘甜，西米細嫩滑溜，芒果汁香甜濃厚，甜度適中，冰凍怡人。椰汁西米湯丸暖笠笠的椰汁湯配上大大顆黑芝麻湯丸，很中式，質地細又滑，甜而不濟。食後感：食物東南亞及小炒均齊全，環境亦不錯。