樂天經典 (Closed)

其實我本來是想食以8色小籠包聞名的樂天皇朝，但是訂錯了旁邊以南洋中菜為主的樂天經典😂😂 據介紹，南洋中菜的源起，是20世紀20年代，一部分的中國人移民至東南亞後，慢慢把中菜融入了南洋風味，演變出帶南洋風味的中式菜餚，看著餐牌也覺得頗吸引，便將錯就錯了。-餐廳環境以綠色同白色為主，感覺舒服，卡位極多，感覺朋友/家人聚餐或公司同事多人聚會都係一個幾好嘅選擇。-菜單選擇好豐富，除咗有南洋風味的特別菜式之外，燉湯、肉類、素、海鮮、甜品等，應有盡有，價錢都算貼地，一百蚊樓下都有不少選擇。-平時屋企少湯水，就點了一個乾貝菜膽竹笙燉湯（$168）材料有乾貝、竹笙、菜膽、排骨、老雞、雞腳，非常豐富，功效有抗壓、強身、排毒養顏，一盅已夠三至五個人享用，喜歡等還可以食埋湯渣。-點了一道脆醬美人魚（$58）作開胃小食，鹹鹹甜甜，非常香脆，食左成晚，香脆度都不退減！勁！-呢度其中一個賣點，是有好多種螃蟹嘅菜式，我們選了都幾多人推薦的星洲黑胡椒中蟹（$368），大大隻，好好肉，黑胡椒香氣滲進了蟹肉，很惹味！-另一道推薦必點是古早魚香老鼠粉煲（$118）賣相不特別吸引，但味道的確有驚喜兼唔常見😍店員在我們面前把鹹

約了廣州來香港的朋友食飯，朋友想食中餐，我就想起了來自新加坡的樂天經典！樂天經典地方大，坐得舒服，適合傾計！每枱都有一碟仔栗子花生做小食，經炆煮，好入味！這裡大部分菜式份量都有大中細，這樣即使二人來吃都不會浪費，又可以食多幾款，幾好！金牌脆皮燒雞點了半隻脆皮燒雞，差不多每枱都有點，伴碟有大大塊的炸蝦片！一直很喜歡食各種煮法的雞，這隻燒雞炸得色澤金黃，外脆內嫩，肉質又肥美！黃金蝦鹹蛋黃控總是不能錯過任何黃金菜式！用鳥巢裝住已經剝了殼的黃金蝦，非常吸引，散發出陣陣的咸蛋黃味，整只蝦都鋪滿鹹蛋，因為已經去殼，實在太方便，令人忍不住食完一隻再接一隻！海鮮皇炒飯點了一碟細份量的海鮮皇炒飯，二人來說都不算少！炒飯粒粒分明，加上蝦、帶子、雞蛋及蟹子等等令味道更豐富！海鮮的味道完全融入到炒飯之中！酸甜生魚片醬汁和咕嚕肉的差不多，糖醋汁包裹著外脆内嫩滑的魚柳，搭配青椒、黃椒和洋蔥，好開胃！另外，這裡也有宵夜時段限定特色小菜，性價比都好高，可以一試！

不得不認既係樂天經典令人有一種中國風和質素十分穩定。所以今日約左以前既老師係呢度聚舊，裝修和食物水平高，我地今次點左個燉湯，螺頭雞腳湯，一大煲分到六碗左右，飲完好滋潤同冇味精，大家都大讚呢種湯。泰式抄米，呢個係有少少辣既南洋菜，我覺得很惹味，因為材料很新鮮，米抄到乾身，再加個青檸汁可以帶出成個米既鮮味。咕嚕魚塊呢個魚塊有好多舊，先炸完再加咕嚕醬，酸酸甜甜咁好美味呀，仲有菠蘿係入面，我地幾滿意呢個菜。我地仲點左個蟹，d蟹肉勁多勁新鮮，肯定係用新鮮蟹煮成。前菜係花生，很入味。叫左兩杯飲品，分別係apple荔枝茶同凍檸賓。

環境大方四正，座得舒服，離地鐵站不遠，只是大廈只一邊出入口電梯能到達，需注意出入位置食物 叫左一碟炒菜 脆皮燒雞 海蜇頭 魚同 鐵板豆腐甜品叫左個椰汁西米湯圓｡ 老老實實正餐黎講錯以上所有菜式一啲驚喜都冇，唔難食但係又唔喺好食，好普通｡ 成個餐入邊我覺得最好食嘅係嗰甜品，椰汁味道濃郁，西米有咬口，湯圓餡滑唔膩。服務服務態度良好,老人家食唔慣嘅食物願意幫手更換。節日使用75折優惠，需於7點半前結帳，店員主動提早結帳，等我地慢慢食埋個糖水先走 總結 如果節日book唔到其他餐廳都可以黎呢度,起碼坐得舒服，平日就。。。都係留番個機會食其他野啦😂

話說之前同朋友食過呢間覺得唔錯。今次同女友係尖沙咀見到原來都有一間所以決定中午就食佢！餐廳環境唔錯，服務員有善地帶我哋坐低。之後發現原來喺Facebook讚佢哋專頁，就會免費送荔枝蘋果凍茶！正！涼拌海蜇頭個人推介，海蜇頭非常爽口，好味到食極都唔停酥炸豬肉蝦棗有驚喜，炸得好脆，加上入面啲餡好豐富，有蝦，豬肉等等嘅材料。金銀蛋浸時菜（細）上湯非常濃郁，味道剛剛好，唔會太咸。油浸銀雪魚（細）賣相好似好乾身，原來食落勁多汁，同埋好嫩滑，雖然個菜名話係油浸，但其實一啲都唔油！家鄉海鮮炒麵線（細）超大碟，叫咗細份，但份量都足夠三個人食，麵線好爽，唔會炒到淋晒，而且配菜非常之多，啱晒我

泰式炭燒豬頸肉$88豬頸肉用炭火燒，吃下充滿炭香味，邊緣焦脆，帶點蜜甜。入口軟嫩，沾上泰式醬汁，甜甜酸酸，開胃惹味。金牌脆皮燒雞半隻$188燒雞的雞皮油光亮澤，令人垂涎，皮脆肉嫩，連雞胸肉都嫩滑多汁。有七彩繽紛的蝦片作伴碟，新鮮香炸脆卜卜，好有南洋風情。櫻花蝦四季豆(中)$132櫻花蝦份量很多，入口啖啖鮮味，鋪滿在四季豆上。四季豆炒至乾身、爽甜， 鑊氣十足，加上櫻花蝦點綴，增加了四季豆的質感和香味。楊枝甘露(溫)$38芒果打成汁，真材實料，一絲絲酸甜柚子，配上香甜芒果粒粒，出奇地搭配，別有一番滋味。椰子西米露湯圓(溫)$38湯圓皮薄、軟糯，大口咬下去，芝麻流心洶湧流出，迷人的芝麻香，配上椰香和奶香，最喜歡濃稠西米露，口感豐富，啖啖窩心。

裝修華麗，寬敞舒適，侍應殷勤有禮， 不時主動替我們加水， 餐廳主打南洋風味菜式。 飯前先送上午餐前小吃，花生栗子，味道不錯，炆得好夠稔和入味。金牌脆皮燒雞半隻$188燒雞燒得外皮色澤金黃， 還 有七彩脆卜卜蝦片伴碟， 賣相吸引， 雞皮香脆 ， 雞肉嫩滑， 充滿肉汁， 做到皮脆肉嫩， 舐舐脷爆燈。排骨王(中) $32排骨大件厚切，而且無骨， 啖啖肉 ， 醃製十分入味， 排骨入口鬆軟， 醬汁甜甜酸酸， 送飯一流。淮山杞子螺頭湯$188螺頭湯原煲承上， 材料豐富，有淮山、杞子、螺頭、排骨， 冇味精， 足四人份量， 打開湯煲蓋， 香味撲鼻而來 ， 螺肉滋補，杞子明目， 好味又滋補的養生湯， 飲完成個人暖笠笠。臘味炒飯(小)$92炒飯用上冬菇、臘味， 香蔥粒 ，賣相油亮亮，油香十足， 炒飯粒粒分明 ， 軟硬適中 ，入口煙煙韌韌， 唔需要餸， 都可以食上兩碗飯 。三色桂花班蘭糕(冷)$45三色糕有六件， 每件有三層， 每層有不同口味 ，分別桂花、班蘭、 椰汁口味。桂花杞子糕， 清透可以看到 一朵朵淡黃色的桂花， 鮮紅的杞子， 賣相精美， 入口啖啖桂花幽香， 班蘭糕清香微甜， 椰汁糕 ， 煙煙韌靭

想食新加坡菜嘅地方唔係話太多，呢間係其中一間安坐於舒適卡位中，一路飲啖茶，食下炆栗子花生，一路打開餐牌睇下食咩首先出場嘅係，每日靚湯 ($55)(今晚係菜胆排骨湯)都上枱啦，大量湯渣，啖湯幾清甜又夠熱，岩晒呢排轉季天氣飲，清潤一下!係準備飲靚湯嘅時候，原盎上嘅酸辣素羹 ($48)亦都出場啦，材料有紅蘿蔔絲，木耳絲及蛋花，酸辣度唔太濃，反而略帶點甜味，飲完成身有點暖!多款小食中，最歡喜呢客蒜香紅海哲頭 ($78)，賣相晶瑩剔透，有種透心涼嘅感覺爽脆海哲頭浸於紅醋當中，甜味重過酸味，加埋有蒜粒嘅香味，作為冷盤有開胃作用!開始識得欣賞苦瓜嘅甘味，苦瓜又唔一定要配牛肉嘅，試下排骨啦!  就係呢客苦瓜排骨 ($95/小)以一字骨代替牛肉，同樣都係啖啖肉，加埋惹味醬汁，苦瓜炒得仍維持爽口感，食完口中仍留有回甘味，送飯一流!呢客砂煲黃酒鷄 ($96/小)，煮法係先清蒸鷄件再放入黃酒湯煮，原煲上夠晒熱度未入口先聞到好香酒味，啖湯略帶天麻味，唔算油膩，即時飲半碗先!  鷄肉唔韌亦唔嚡口，夾埋少少薑絲食都唔錯!我會稱呢個古早魚香老鼠粉煲 ($118/小)為呢度嘅名物，小嘅份量都足夠3-4人分享，煲中有隻鮮

今晚約咗閨蜜喺呢度食飯，係閨密提議既😊 因為佢覺得樂天係咁多連鎖飲食集團之中水準幾唔錯，而且我哋兩個都好鍾意食中菜😁呢個閨蜜係一個湯精，一個人飲三四碗湯都絕對唔係問題😂 我哋叫咗一盅藥材走地雞湯，臘味炒飯(細)，金銀蛋浸時蔬(細)，香酥南乳五花肉(細)同一片招牌扣肉包😋個湯好足料，店員幫我哋倒出黎仲“不”埋湯渣，其實真係有五碗， 好香濃嘅雞味同藥材味😋 感覺好滋補個臘味炒飯雖然叫咗細size不過都幾多😅 粒粒分明，食落唔會好滯好油膩，仲有好多嘅臘腸，味道剛好😁金銀蛋浸時蔬係菠菜黎既，我好怕食嚡口既菠菜，但係呢個一啲都唔會👍 仲有啲鹹蛋同皮蛋要嚟送飯好好～香酥南乳五花肉真係好香酥😂 唔會肥膩，裏面嘅肉幾鬆化喺個餐牌見到招牌扣肉包就即刻一定要叫， 因為本身都好鍾意食台灣嘅刈包， 呢個都幾似，裡面嘅扣肉肥瘦適中，肥肉入口即溶🤤 外層嘅包新鮮蒸起厚度適中仲好軟熟，正！呢度嗌咁多嘢都係嗌最細size不過份量都唔少，下次要叫多幾個三五知己嚟一齊開心share😂😂😂

同朋友去食午餐，我地去左一間食經典中菜同埋懷舊南洋菜既餐廳。餐廳既裝修好精緻。小食方面，我地點左特選溏心皮蛋同埋脆醬美人魚。溏心皮蛋既係流心既，好正。脆醬美人魚就好脆好香，食唔停！仲有呢個招牌扣肉包，大大舊既肥豬肉包入包入面，好juicy!主菜方面，我地叫左家鄉鹵元啼 元啼既肉煮得好腍好入味，而且超大隻，抵食！仲有呢個金銀蛋浸時蔬，清清地同時又有金銀蛋既香味！仲有呢個正宗既星洲炒貴叼。最後，我地點左個充滿南洋特色既甜品-三色桂花班蘭糕，層次豐富！

近來出外吃飯訂位容易多了，星期四訂星期五的也沒問題，網上訂位有注明用餐90分鐘，心想如沒人等位應該唔會被趕走卦！地方都幾大，連同隔離的樂天皇朝，全層都係同一集團的。呢度食粤菜（呀，好似有講星加坡菜）基本上大部分熟悉的廣東菜都有，菜牌照片精美，好多都有大、中、小size 選擇，到底什麼是大什麼是小？係唔知嘅，侍應也無法准確說明，按正路思維，三人應該可以小，或者揀多D其他，結果，是對的，小的分量正好，唔會太少。小食海蜇頭好爽口，有好多青瓜（即係海蜇好少）有大量醋浸住，多到可以當湯飲。小食椒鹽淮山炸得好脆，𥚃面的淮山薄過1mm, 師傅刀功唔錯。脆皮雞半隻照片比較深色，深色感覺會入味D（可能視覺影響味覺），實物淺色D，真係唔多覺炸子雞果種香脆，伴有彩色蝦片，唔脆嘅蝦片，可以慳番。蝦仁豆腐煲呢個好味，豆腐好像有加入蛋，所以味道無咁單一，蝦仁大隻爽口，Good 金銀蛋波菜好多金銀蛋，一D都唔孤寒，波菜仲好青綠， LIKE咸魚雞粒炒飯個飯較濕，唔通炒王無用隔夜飯？好多鷄肉（我想食飯呀！），夠咸魚味，以小size 黎講呢個好大碟。甜品桂花斑蘭椰汁糕再次證明唔好貪靚，呢個造型係無得等，一碟6件又好似幾扺

今日帶長輩慶祝生日，同事介紹呢間okay, 所以book左枱，試過之後覺得裝飾同食物唔錯。佢既裝修幾華麗，長輩見到很喜歡。我地點了個海鮮抄飯同龍虎燴，兩樣都很好食。海鮮皇炒飯 細 96 啖啖蝦仁帶子蟹籽，抄到金黃色很吸引。龍虎燴海鮮煲，有大蟹、蝦、青口、魷魚、魚片、蜆，蟹勁多肉，蝦就一般，魷魚同魚片都很正很新鮮呀。個湯不停咁滾所以個湯勁鮮甜，呢個煲係有米線既，所以又好食又飽肚。Apple荔枝茶少少甜，好重既水果清香，值得叫酸辣湯呢個有冬菇絲，蛋絲，肉絲等好足料，但係唔夠辣。見到好似星期一至五午市有折扣優惠，好抵

本來是想到樂天皇朝吃小籠包的，看到旁邊同一集團的樂天經典主餐牌有折扣，便轉移陣地。點了荔枝咕嚕肉和雲耳蒸魚片，另加白飯一碗。荔枝咕嚕肉的醬汁調得很好，酸酸甜甜的最適合配合白飯，咕嚕肉肉質柔軟，好吃，配菜有菠蘿、青紅椒和紫洋蔥，可惜紫洋蔥炒得不夠熟，很辣。雲耳蒸魚片味道清清的，也好吃。這店環境好，服務也不錯，可以考慮再回頭。

放工同朋友來到尖沙咀加拿芬廣場的樂天經典。餐廳主打南洋風味的菜色。這次我們主要想吃海鮮，思考過後決定點一份 海鮮湯龍虎燴。龍虎燴意思即一大鍋海鮮，還有米線麵底。龍虎燴一上枱我們都不禁驚嘆了一下，因為十分大鍋!鍋裡有一隻青蟹，很多隻蝦，還有魷魚，花蛤，魚片等等的海鮮。蟹已經斬好件，十分多肉，肉質鮮甜。除了龍虎燴之外，我們還點了一份砂煲黃酒雞。上枱時依然熱辣滾起。雞件份量多，雞的酒味十分濃郁，很惹味。吃過鍋和雞，我們兩人都飽到不得了。

樂天經典 久別樂天經典尖沙咀搵食遊記樂天集團,呢幾年都間中都會同朋友去食佢有八色小籠包既皇朝,打邊爐既粉紅美滋鍋樂天經典食精緻小菜,呢度晚上都爆場一定要預訂座位先好花生小菜$15一碟暖食既小菜花生,有栗子粒,好食！明顯有誠意好多～自選茶，每位$10合理,不停會有專人加水人數不多,今次就唔食大菜叫返一些家常味道先來一客金銀蛋浸時蔬 再來一客 干貝菜膽竹笙燉湯 燉湯色清味甜,原煲上,飲到最尾都係熱既半煲係食材有雞肉,雞腳,瘦肉,菜膽,干貝粒有專人代為分上裝湯竹笙,菜膽喝起來口感滑順、香而不油膩,提起食慾白飯一個$15秘製燒汁排骨王用上無骨厚豬排先走油再上醬汁汁底甜香,肉質鬆化不油膩,沒有汁,全部掛在肉排上加入鹹蛋、皮蛋作金銀蛋莧菜消暑清甜美味又清爽的料理佢既大廚手工極好肉排不會太多汁,碟上連油都不多~厚身豬排,肉質鬆化有一點脆感,好吃!食飽主菜,稍坐半小時後就再睇餐牌叫甜品楊枝甘露 招牌酸柑香茅凍 芒果打汁,酸酸甜甜,非常美味再飽都可以食得下的甜品招牌酸柑香茅凍 味道獨特清新淡淡香茅味在口腔中久久不散~甜味輕盈,像果凍一樣的質感好滑嫩