瓜破菓子店 (Life@KCC)

Open Now

Now Closed

呢間店係為食妹最常去既甜品店之一，由網店食到佢實體店，因為佢既蛋糕真係好好食👍🏻👍🏻又好特別！ 舖頭賣既係🇯🇵日式洋菓子同日式茶飲，岩晒鍾意日式食品既朋友。🍰禪 + 🍵抹茶拿鐵 ($78包一件蛋糕及一杯飲品)🍰禪呢個名同件蛋糕好襯，望住呢舊「石頭」，心情有莫名既治癒感🧘🏻。禪其實我食過幾次，店入面亦有好多款蛋糕想試但未試過。之但係，今日呢件「石頭」不斷係我腦海浮現💭，所以一心只想要佢，別無他選。🍰禪，最吸引之處係佢既外剛內柔，外表是一塊石，吃一口先發現佢既幼滑細膩，心入面頓時平靜了🥰🥰。雲呢拿既甜中帶有微微麵豉既咸，兩者相融得岩岩好，唔會有半點過搶❤️。縱使食完，但好想再黎多件！❤️❤️💭💭🍵抹茶拿鐵，抹茶味夠濃，唔會被奶搶過👍🏻👍🏻。入口會發現好香既芝麻味😳，有別於一般既抹茶拿鐵。對於抹茶控既為食妹黎講，好滿足！😍😍😍雖然位於商場，但人流唔算多，如果想搵個地方一個人坐下飲杯茶食件餅，過一個輕鬆既下午都幾舒服架！🍰🍵

由網店發展至開設實體門市 而店名取自於大阪市地下鐵谷町線嘅車站<瓜破> 係大阪嘅一個小社區 二字非常特別 象徵幸福嘅追求 食完之後覺得自己無嚟錯地方🥰抹茶尽し $¹²⁸食完呢個甜品set 相信自己對宇治抹茶嘅品味同追求再提升😂整得真係好好食 勁有抹茶嘅味道 超正宗👍完全啱哂我呢啲抹茶控 超級滿足🤩😍呢個宇治抹茶卷蛋上面加咗抹茶水饅頭🍃⚪甘露寒天💠低糖度十勝蜜漬紅豆🔴🥔日本北海道中沢忌廉🍶同埋高知柚子皮🍊而木盤再配上宇治抹茶曲奇🍪加埋一杯熱騰騰嘅極上宇治抹茶拿鐵🍵不過呢杯極上宇治抹茶拿鐵 無想象中咁好飲 每啖飲落去係有抹茶味 但係有好重黑芝麻味 好似蓋過咗本身嘅茶味 感覺上爭咗啲少少咁茶の可頌 $⁶⁸呢個set係有三個燒菓子🥐🥐🥐分別配上三款和風奶醬 抹茶🍵玄米🌾焙茶☕進化為一道和洋合一嘅燒菓子 烤成酥脆嘅可頌 配一杯極上和束焙茶拿鐵☕三款口味一樣咁好食🤤🤤奶醬超特濃又好流心 真係好正❤️而焙茶拿鐵亦都沖得幾唔錯 飲落去好有茶味又濃郁👍

。抹茶尽し。抹茶控注意⚠️, 係會流心既抹茶卷蛋, 切開有驚喜😍! 抹茶味香醇濃厚, 完全滿足到我呢個抹茶控, 充滿日本風味🇯🇵宇治抹茶卷蛋面層鋪上北海道鮮忌廉、甘露寒天、十勝蜜漬紅豆, 旁邊仲有抹茶曲奇及抹茶粉。卷蛋質感濕潤軟綿, 抹茶味香醇, 茶味濃度、甘甜度適中! 卷蛋裡面係滿滿既抹茶流心醬, 口感幼滑細膩, 令整體既抹茶味更加濃郁, 食得到日本抹茶微甘微澀既茶香韻味!食抹茶蛋糕當然要配上一杯宇治抹茶拿鐵啦🍵~ 用上丸久小山園抹茶粉, 入口除咗有抹茶味及奶香, 仲有黑糖蜜既甜味, 淡淡既黑芝麻味。整體奶味比較重, 偏甜。

一 feat 京都 Dari K🍰 $42呢件蛋糕係可可蜜糖、白朱古力焦糖忌廉同比利時黑朱古力及牛奶朱古力嘅配搭🍫根本係朱古力x朱古力 朱古力味極香濃😋白朱古力焦糖忌廉幼滑 亦唔會太甜黑朱古力就一直受偏愛 點都係咁正呢件完全啱曬小編胃口啊🥰花 Hana🍰 $40外表好靚 係一朵粉玫瑰🌹聞落都有淡淡嘅香佢有好幾層 分別係櫻桃酒慕絲、74%朱古力忌廉、雜莓果醬同海綿蛋糕呢個配合食落酸酸甜甜 一啲都唔會漏 口感仲好有層次💛但敗筆係佢個海綿蛋糕中心位濕到溶🥺

第一次食呢間嘅蛋糕仔，係同事琴日last day買嘅散水餅～據說係同事訂完之後送貨到公司樓下拎的。每盒蛋糕盒有約6-8件蛋糕仔，每件個托底都有用膠紙痴實個蛋糕盒底，盡量確保每件餅喺外送途中唔會有太大嘅移位或者撞到～幾細心～然後每個蛋糕紙盒都設計咗個邊邊位係可以置有幾包環保冰包，咁啲餅就冇咁快融cream，影響味道啦～好喇～講吓舊餅啦！我食果款係【閶 yami】一見到就係成件好豐富嘅朱古力蛋糕！中間係一堆朱古力醬，周圍係好cremy嘅朱古力，最外面就有啲朱古力碎圍一圍個邊～第一啖食以為會成口全部都係朱古力味！點知有啲酸酸的，食唔出入面加咗啲咩。令到個蛋糕唔會好單一好漏咁。同同事一齊試，估以為係熱情果味？後尾上官網睇答案，原來呢隻酸酸味係日本醡橘～～成件餅食晒一啲都唔漏～👍🏻

間鋪喺KCC商場入面，另外仲有outdoor位地方唔大，我去時人流唔多，可以好chill 咁食餅hea 下第一次黎，叫左兩件cake果度既cake口味好特別，呢款係又有柚子，又有玄米茶，個人食唔出玄米茶既味，整體ok 既，唔太甜，但因為第二款太有驚喜，所以呢舊變到有d 普通就係呢件令我地充滿驚喜，外表真係似一磚豆腐加豉油，其實入面係仲有黑芝麻mousse抹茶布朗尼，我先試唔加醬油，質地好滑，唔會過甜，質地好清爽再試下加埋醬油，完全唔同左味，但重點係都好夾，係好味呢間野味道真係唔錯，可以再去試埋佢其他款!

早排屋企人生日🎂一直想試瓜破既蛋糕😍特登走左去KCC買.因為個樣最靚同口味算大路 所以揀左桃momo🍑 ($298)個cake非常之清新🍀入面有幾層: 山形縣白桃慕絲 x 伯爵紅茶慕絲 x 山形縣白桃 mousse唔會過甜👍🏻一人一件好快食晒🤣.推薦指數: 8.5/10P.S. 門市取早一日訂定會有95折

又係介紹葵青區「想到訪」食肆時間，今次是介紹一間甜品店，它由非門巿擴屋至多一間地舖店，一切也非容易之事。開放式的門面，一室和風式的設計，設有兩個用膳區，一是對着店員製作的吧枱，另一是對着電動樓梯的單人枱，座位不多。每次來到，第一時間總會走到到滿蛋糕的凍櫃前欣賞一番，見到就開心。看看menu，每張插圖都好吸引，分別有飲品、蛋糕套餐、卷蛋套餐和可頌套餐。******************第一次(04/06/2020)來到，飽飽地，所以只點了一杯極上和束焙茶拿鐵 ($38)，店員仲付送再塊試食曲奇。嘩! 好可愛的貓貓圖案。的確多一份心意，客人當然多一份開心，加分!入口微溫，口感糼滑，奶味唔會太重，茶味做主導，啖啖焙茶的甘香，最特別是帶有少許黑芝麻香，還配上黑糖蜜，好喝!至於那兩塊曲奇，不太香脆，茶味亦不濃，未能吸引我。******************第二次(26/06/2020) 來到就唔係齋飲唔食，今次點了一份可頌套餐($68)。老實說，我並非可頌愛好者，但點解會選擇它呢? 皆因可一次過嚐到三款茶味奶醬，大滿足!一邊等待，一邊觀察店員的製作，好興奮! 先見店員翻焗三件迷你可頌，再用三

中午外出工作，因為天氣勁熱，而時間未到既關係唯有同同事去飲杯野傾埋公事~ 咁經開就是但搵左呢間瓜破菓子店行入去都有量體溫，同埋有酒精搓手液，唔錯!整體上店面都乾淨! 另外店員態度都唔錯!咁就叫左coffee tonic同埋氣泡荼Coffee tonic因為我要求左走糖，所以味道偏酸，雖然店員事先都有講明，不過同時反映左店鋪用既咖啡豆唔係好靚，可惜! 但整體黎講杯野都消暑解渴既，不過可能已經飲慣左一眾高質既Cafe，條脷已經寵壞左啦haha!氣泡荼茶味都幾出，同埋因為係有少少梳打水既關係都好解渴，不過如果奄尖地講，氣泡密度唔夠高，反映鋪頭用既梳打水唔係靚貨喔! 不過間野既蛋糕都幾靚，下次有機會再試!整體黎講，店員服務態度好，飲品質素尚可接受，期待改善用料!

呢度嘅甜品永遠都係行精緻路線，好睇之餘亦都好食😋。啲款式你喺出邊絕對食唔到，喺KCC商場入邊周圍圍繞着工廈。商場人流唔多都算清靜係傾偈嘅好地方，不過呢度嘅座位得好少

呢度係朋友介紹佢話試過係度買蛋糕好好食叫我黎試下 所以就黎左門市堂食啦門市得5個位 好似bar台咁坐呢個叫麴睇落係咪好似豆腐咁呢佢好得意 比埋個豉油仔你倒落去一齊食其實一啖食落去佢係分開三層：豆腐 抹茶 芝麻呢三隻味其實係好夾每隻味都好濃厚 又唔會比其他味蓋過而且佢整得好滑好嫩 好似真係食緊豆腐咁所以呢款真心有驚喜 好出色 北海道豆乳野飲叫左呢款佢係用北海道既忌廉 煉奶 黃豆 整成既豆漿味道係重豆味 但偏甜都唔錯架👍👍👍我有感受到呢度對食材既執著，好多野都係用日本材料整而d甜品亦都真係好高質 絕對對得住個價錢

肺炎疫情下相約朋友交換物資， 約定周六下午人流相對較小的葵興。難得有藉口外出見見友人，最好不過去食下甜品開心一下。其實冇諗過一間全日式甜點會响鶴立雞群嘅工廈區KCC 貿易中心内出現。店中餅櫃擺放著精緻的糕點，不過最後都係 order 咗 menu 封面嘅抹茶蛋糕；抹茶尽し 套餐 加 牛角包 抹茶蛋糕夠鬆夠軟，蛋榚內藏嘅香滑抹茶忌廉提升蛋糕美味程度；蛋榚頂上幾粒點綴嘅綠茶啫喱同樣香濃美味；整份套餐唔太甜，加埋杯抹茶 latte 真係啱啱好。三份牛角包內分别加入 抹茶、焙茶、綠茶忌廉 只嚐了抹荼味道，不過依個甜點要好味一定要由新鮮牛角包，食用時加入各式忌廉。其實疫情期間可以出外走走，有甜點食巳經算錦上添花。最遺憾係甜點店傍邊嘅開揚平台未能享用堂食，可選食嘅糕點即時少一半，無得同陽光玩遊戲。

A little Japanese cake shop in the middle of an industrial Kwai ChungEnvironmentLocated within an open area in Life@KCC, it sits a small number of customers. There is selection of cakes visible from outside and staff on the other side waiting to serve you.ServiceOnly came here for a take away but the staff aren't over friendly. nothing special to comment onFoodThey have a large range of cakes available with unique tastes and designs.I ordered the B. The design was cute but the taste was disappoi

瓜破菓子店過往係網店，專賣日式甜品，後來累積到有一定顧客量，回應客人需求，終在葵涌設實體店！​呢度店面不大，只設有5個堂食座位，主要做外賣生意為主，最出名係抹茶/焙茶尽しT-set、德島和三盆芭菲及一系列嘅和洋菓子。​今次我就試咗焙茶尽しT-set，一個餐包含一件焙茶卷蛋＋一杯焙茶latte～價錢少貴，不過份量for一個人真係超足夠！​焙茶卷蛋比出面食到嘅卷蛋大啲，大概係我2個拳頭加埋咁大，中間係焙茶忌廉，上面舖咗焙茶啫喱、寒天、蜜豆及金箔，用料好豐富！佢哋嘅卷蛋，質地好鬆軟，忌廉好順滑，入口即溶，不過茶味就比較淡，但因為咁，反而唔會搶咗配料嘅味，整體味道較平衡。​至於焙茶latte，其實係隨機，不一定會中龍貓拉花，真係想要龍貓，可問一問店員。對比卷蛋，我更喜歡杯latte，茶味及奶味好濃郁，質感順滑。我好驚出面飲到啲焙茶latte，飲到底，成日飲到茶粉，呢度飲晒都無呢個情況，焙茶跟奶融合得好好，職人手勢幾好，抵讚！​

B🍵 柚子忌廉 x 南山園玄米慕絲 x 榛子脆脆以柚子味為主，玄米味較淡，起初未見特別，期後榛子脆脆為味蕾作了一個驚喜的sum up，濃郁脆口，豐富咗成件cake嘅口感。花 HANA🌸 櫻桃酒慕絲 x 72%朱古力 x 雜莓醬 x 海綿蛋糕我哋今次就係中咗花HANA。外層Mousse 入口時覺得味道好熟悉，原來係Cherry Wine混入玫瑰花，依個既配搭真係好有feel，為件Cake加上咗淡淡嘅香氣，又唔會喧賓奪主，令到件cake好有character。反之內層既朱古力同mixed berry十分突出，主角之名當之無愧。焙茶拿鐵 🐻拉花係「廚房發板」，每次不同圖案，今次係一個熊仔頭嘅細路仔，好QQ。奶同茶嘅比例啱啱好，焙茶唔苦又唔澀，好易入口。