Pause It

Open Now

Now Closed

今日放假過到嚟北角呢頭覓食，選擇咗Pause it，簡單嘅裝修，加上環境好闊落，枱與枱之間有一定距離，所以唔會太嘈。食嘢之餘，都要好好嘆番杯咖啡，因為之前一直去開旺角分店，飲開都覺得呢間咖啡非常OK，今日嚟到呢間分店試咗明太子忌廉意粉，意粉口感OK，味道亦唔錯，不過醬汁偏多，如果少啲針就完美啦，意粉上面有一對青瓜絲，個人覺得咁樣加埋，可以解一解忌廉嗰種膩，配搭非常之好，如果下次再嚟北角都會再次光顧。

Pause It serves valuable brunch in an alley of north point with a white-wood interior and floor-to-ceiling windows 🕊 known for their beautiful latte art ☕️ they even offer latte art classes 💫Pause It 係北角嘅小巷 佢哋嘅brunch 幾抵食，白色淺木簡約設計加埋落地窗 🕊 每杯咖啡拉花好有心思 ☕️ 佢哋連手沖咖啡／咖啡拉花班都有 💫🍳 eggs benedict (bacon) 斑尼迪克蛋 (煙肉) HKD$82每次brunch必叫 eggs benedict 💕poached eggs 上面有燒焦效果 🔥 好吸引 用刀輕輕一解 🔪流晒啲蛋汁出嚟 ✨ 好療癒 hollandaise sauce 比平時食嘅稍為酸啲沙律太多火箭菜 🥗 個人唔係好鍾意 🙈sourdough bread 有點韌同硬 🥖但係呢個價錢食到 eggs benedict 真係好抵🍖 all day breakfast 全日

以往喺旺角通常都係路過多過入去，今次黎到北角Pause It，唔入去都坐下（好似有啲錯亂）其實主要係想搵個地方坐下，於是就叫杯咖啡同薯條。內部環境黎講都係淺木色石水泥，雖然睇落都和諧，但係如果話用材質黎做分區嘅效果（可能我諗多左啦）好似就唔太明顯。薯條黎講無咩特別，睇落大堆頭，有sour cream同salsa醬，但係就普通啲咁啦，不過不失嘅，但係平時唔想浪費嘅我地就食唔曬。咖啡就叫左iced mocha同iced americano。Ice mocha一拎出黎見到咁淺色都心知不妙，整體偏向奶味同偏稀，好彩啡底夠撐，如果大家平時鍾意飲重奶味嘅咖啡可能會覺得ok，我就覺得一般。既然講過個啡底ok，咁杯iced americano自然唔會太差。

🍷城市中的幽靜cafe-pause it呢間餐廳有兩間分店，小編今日難得拍拖，黎到位於炮台山既分店。餐廳都有不少咖啡拉花既得獎照片，晚上時間都有唔少顧客叫番杯手工啤chill下🥗🍾🥢～明太子櫻花蝦意粉成碟都係滿滿嘅明太子汁同埋櫻花蝦，灑上是芝士，夾起嘅時候有拉絲嘅效果，滿滿嘅醬，極掛麵❤️呢碗對男士黎講都好夠份量😋😋🥢～酸辣雞意大利飯好似泰式冬陰功湯再加印度青咖喱咁樣，不過係意大利飯嘅口感，飯粒好煙韌😚另外滲透陣陣青檸清香味，口感極佳，好清新🌈🥢～黑松露薯條味道濃厚，如果愛黑松露味，記得叫黎試吓啦🍟🍵伯爵茶latte小編超愛伯爵茶，所以特意叫番杯。味道適中，好味好味🥛

OR又有好推介，簡約嘅cafe,充滿著年輕又好嘅店員今朝未出門已經諗好要食啲咩，最後同朋友想叫嘅都有9成中1️⃣蟹肉蟹籽沙律疏菜同蟹肉都好新鮮，加淡淡嘅醬汁，好開胃2️⃣牛肉煙肉漢堡 足両牛肉，脆煙肉，漢堡飽又沾上牛油再焗，非常鬆軟好食,想講仲要勁多薯條，本身想散叫一個薯條都唔使嚕3️⃣咸蛋黃單骨雞翼滿滿嘅咸蛋黃味配上脆脆嘅外皮，由於我食嘢進度勁慢嘅情況下佢都又脆唔油，肉質滑而且唔係無味4️⃣印度香料茶拿鐵睇得印度片多，成日見佢哋飲印度奶茶都想試好耐，今次終於試到呀。茶一到就聞到好香茶香味，又有好靚嘅拉花，飲落又有啲薑味咁，味覺好有層次，真係好好飲餐廳環境好，乾淨，舒服，同朋友傾下傾下又一個下午，好愉快

與仔仔搵食，見到這間餐廳，𥚃面有𣎴少人，於是走入去試試。叫了一個芝士黑松露薯條🍟，－個鮮茄龍蝦汁香煎大蝦扁意粉和一杯凍桂花培茶Latte。意粉🍝「林」度剛剛好，汁濃度可以多啲龍蝦味就更好，碟薯條好大碟，芝士黑松露醬好香，不過要快啲食，如果唔係會「林」哂，個醬凍哂會「傑」咗，至於個Latte，有淡淡桂花同培茶味，唔會好甜，因為不喜太甜，所以幾滿意。唯一是店員的服務態度，如果多少少笑容和誠意我相信就更好了！

去年在旺角分店食過，印象不是太深刻，只記得中午時段很多人，要等位，而且環境擠迫，坐得不太舒服。今日途經餐廳的北角分店，從外面看見到座位開陽、樓底高，感覺挺舒服的，決定進去chill一下。餐牌很多選擇，三個人，點了很多食物！All day breakfast：豐富，每樣少少但款式多，有沙律菜在底。酸種包又脆又有口感，好味。香腸微煎不夠香口。Baby Spinach, Bacon, Salmon, Eggs Benedict：加配煙三文魚，蛋黃醬汁好味，不過蛋煮得過熟，切開沒有蛋汁流出來，失去了精髓。鹹蛋黃單骨雞翼：好味，香脆，每口充滿鹹蛋黃味，配有沙律菜，食完炸物清新一下。榛子牛油汁配香煎帶子天使麵：帶子煎得美味，天使麵煮得剛好，不會太淋或太硬，但份量頗多。

平時去開旺角分店，由於今日要去東岸公園影聖誕裝飾，第一次到北角舖，原來餐牌嘢食係有啲唔同㗎，今次試咗鮮茄龍蝦汁大蝦扁意粉，龍蝦汁味道唔夠重，其實我覺得似食茄汁大蝦扁意粉多啲，不過超多意粉，基本上係食唔晒嘅。另外點左漢堡，漢堡冇乜肉味，反而係芥末沙律醬好食，整體味道只屬正常，另加一大堆薯條，不過唔脆嘅，有啲失望，還有鹹蛋黃單骨雞翼，呢個相對來講比較出色，同旺角分店味道差不多。總括嚟講比較喜歡旺角店，無論食物質素同環境都比較好。

嗰日行過炮台山食街宏安道，身為咖啡成癮者嘅我，完全比依間嘅咖啡味同透過玻璃窗見到其他客人嘅拉花所吸引！即刻衝咗入去。白色配木色無印文青風格嘅裝修加上斯文有禮嘅店員令人留低咗耳目一新嘅好印象，一直相信環境好，食嘢都好味啲嘅大道理！仲有一浸靚豆沖出黎嘅咖啡味真係幫依到加足分。不過由於晚餐時間去，就廢時夜晚時間再飲咖啡，坐係近窗位置幫住街道特別多放狗嘅人幾寫意。經店員推薦點咗杯中西fusion嘅Black Sesame Lattle，味道良好，不過未到驚為天人。不過個大象拉花就真係令人嘆為觀止，打卡一流！另外點咗兩個晚餐：龍蝦汁大蝦意粉同忌廉帆立貝蟹棒意大利飯，份量偏細，味道一般，少少唔抵食，不過係合格之作黎。下次會再黎試下佢個咖啡！

✨ 法式多士配楓糖漿（$98）多士混合咗蛋同香蕉，兩者味道都突出，食落幾鬆軟，唔錯 ☺️，拌碟嘅水果有藍莓、香蕉、無花果、紅莓，都幾豐富 😝。✨ Hojicha Latte（$42）拉花係獅子，打泡做得唔錯，放咗一陣拉花只有微微散，飲落焙茶濃度適中。✨ Black Sesame Latte（$42）海馬拉花幾精美 💕，入口順滑無黑芝麻顆粒感，濃度適中。·最近發現北角都幾多餐廳 😆，今次就嚟到以拉花精美出名嘅Pause it 😝。店內以淺木色為主，氣氛輕鬆柔和，整體嚟講餐點都唔錯，店員服務態度亦幾殷勤。除北角店外，旺角都有一間分店。·🧾 免加一服務費💰 $182❤️ Follow @852foodietraveller ✨

▫️聽過呢間cafe好耐，發現原來仲曾經舉辦過拉花比賽😯 好似好犀利咁😆👏🏻 ☕️ Iced Americano $34▫️揀左nutty啲既咖啡豆，真係飲得出有果仁香🌰😋🍵 Hojicha Latte $42▫️係樹熊bb拉花🐨🌴 超級可愛😍 真係望左好耐先捨得飲🥹▫️焙茶味好香好濃郁，飲到最尾會想將個杯底舔乾淨👅▫️拉花黎講暫時覺得係最靚最有驚喜🤩 幾期待下一次去又會有邊款得意拉花😝

今日去咗北角呢間餐廳食light dinner, 呢間餐廳喺炮台山地鐵站入兩個街口一個叫咗忌廉汁蟹肉意大利粉, 一個細細的碗仔有勁多忌廉汁, 都有唔少蟹肉㗎, 撈埋一齊嚟食幾好味另一個係人人都有嗌嘅黑松露芝士薯條，我本身以為啲薯條係粗薯條，但原來係幼既，如果係粗身嘅應該會好味好多但佢都有勁多芝士，好濃味的，上高就有好多黑松露食下食下都好滿足跟住我就帶咗一個芝麻鮮奶上面嘅拉花好有心，係一隻馬飲到佢最尾好似食緊芝麻糊咁樣係一間值得推介嘅小店

𝟚𝟠.𝟘𝟠.𝟚𝟘𝟚𝟚📌Pause It (北角)北角炮台山電氣道183號友邦廣場地下18號舖💸人均消費: $60-150🌿評分: 4/5🈚️加一服務費Pause It喺山東街嘅小店嘅時候已經同朋友試過一次🍁記得嗰陣嗌咗一份芝士黑松露薯條同一份紅菜頭xxx意大利飯(圖四)🇮🇹自此之後就對佢個薯條念念不忘🥹最近突然心血來潮就搵吓佢係唔係仲喺原址🛣意外發現原來佢哋已經將業務擴展到港島🌟於是今日帶媽咪去試吓佢哋嘅薯條🍟❦ 忌廉菠菜蟹肉扁意粉 ($98) 外表平平無奇所以一開始唔係好勾起到我食欲🤧不過意外地幾好食😋意粉硬度適中同時幾乾身🍝醬汁好奶油味重之外磨成小塊嘅帕馬森芝士亦為卡邦尼醬嘅鹹味多咗啲層次🧀夾緊面嗰啲意粉唔太覺有蟹肉🦀只係見到好多小撮嘅菠菜🍃原來蟹肉喺哂底🌻所以建議食之前撈勻先食嘅話就可以每啖都食到蟹肉🌷❦ 芝士黑松露薯條 ($62) 以前食嗰陣係粗薯粉但依家變咗細薯條🥺本身有少少失落因為我鍾意粗薯條多啲🎃但今次嘅poutine比以前嘅份量多而且喺冇芝士醬嘅位置亦灑滿七味粉🪴好可惜嘅係芝士醬份量少咗而且有點過鹹🧂不過對於好似我母親大人咁嘅濃芝士愛好者應該都會幾鍾意❤️如果嫌唔夠芝士可以

專登拎咗一日weekday假，因為好想平日去一啲weekend唔會有位嘅cafe! 今次揀左拉花冇得輸嘅Pause it!今次晏晝14:45黎到，嗰陣掛緊3號風球🌬舖都有幾枱客，不過都有好多位。★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*☕️Latte $38今次就嗌普通嘢先 嗌其他特別嘢唔知做唔做到一個好靚嘅拉花家嘛😌今次唔想再有面對核突拉花嘅失望🥲於是的起心肝問店員可唔可以揀拉花圖案🐻真係好厚面皮好大勇氣🙈！最後我就揀左應該好少人揀嘅松鼠拉花🐿🥹🥹一放到上枱 我超開心！！！我超喜歡松鼠🐿️🥺！到而家都成日睇返張相🐿️☕️講返味道…係好香嘅Nutty咖啡☕️香滑感很好！好嘆啊！！🌮煙雞肉墨西哥餅 $68分了4小份，但餡料係爆哂的😀有雞肉同洋蔥🧅有少少辣🌶好鍾意配上嘅sour cream! 令墨西哥餅齊哂酸甜辣，好正！

等等….嘆番杯先啦 芝麻Latte 好Rich好Creamy，感覺好似食緊芝麻糊咁，仲要係超級靚嘅🦄拉花，真係好有surprise 👀見都😍😍次次都係齋飲唔食，成日見到隔籬枱啲薯條好吸引，今次仲唔輪到我😏薯條真係好吸引、熱辣辣，加埋松露芝士真係夠晒惹味，不過要趁熱食先好食Crabmeat Salad 好fresh，仲好多蟹肉添Lobster Bisque Risotto with Grilled Sea Bass 相當有份量，意大利飯軟硬適中，粒粒好入味