北京水餃店

Open Now

Now Closed

好耐冇食呢間，有日突然想食，就外賣返屋企食，我叫咗酸辣湯雲吞，配豆漿酸辣湯味道啱啱好，濃得嚟唔會太酸或者太辣，湯料好足，啖啖都食到豆腐同木耳等等嘅料，而且佢好大碗，不過今次個湯好似稀咗少少，雲吞仲要有六大粒，雲吞皮唔會太厚，但又好咬，肉同菜嘅餡都好多，本身已經好味，配埋個湯好夾，成碗嘢份量夠食飽兩個人，豆漿就正正常常，唔怕太甜，整體嚟講幾抵食

豬扒菜飯 🍚 $46 呢度嘅豬扒好𣺉好入味，咬落去有啲香口嘅感覺，但係又唔會好油膩！好食！菜飯菜嘅比例亦都好多，啱晒成日都出街食飯既大家💓不過豬扒同飯嘅比例就唔係好成正比，好快就會食晒個豬扒剩返好多飯😂😂如果可以加錢要多塊豬扒就好啦🙈雪菜水餃麵 $42記住要叫店員多雪菜！！呢度嘅雪菜幾入味，幾好食㗎！另外要特別推介下呢度嘅水餃，餡料係韭菜豬肉，配上佢哋特別嘅腌料，味道非常出色，無論係湯餃定係煎餃一樣咁好食，咬開水餃仲有啖啖肉幾汁添！💓💓便宜又好食，大推！豆漿🥛 $8 呢度嘅豆漿唔會太甜，平平地嗌番一杯配菜飯或者上海麵都幾唔錯㗎！

好日都唔會入元朗，公事就無辦法，同事話元朗西巴士總站附近有間食拉麵餡餅，我行咗幾個圈估可能係呢間。一般街坊小店，任你有位就坐，見到佢北京水餃店有日式拉麵覺得有啲攪笑，不過做生意艱難，客人啱食就得。我見佢幼麵粗麵米綫粉絲同價，即係啲麵可以轉粉絲(最愛湯粉絲）！我叫擔擔麵轉粉絲加豆漿，落單嘅提我午餐抵啲，仲有水餃！我見隔離枱轉乜要乜走乜都冇話唔得，客人話走雪菜佢哋主動話比返啲椰菜，客人想轉素餃又好細心問清楚係咪湯都要素。午餐豆漿轉奶茶咖啡汽水加$4，冷熱同價！中午時間忙到團團轉，我見啲員工都好好態度，員工之間又好和氣，我都食得好愉快！講返食物，擔擔粉絲睇個湯似好辣，食落少辣，唔覺有花生醬，不過有花生，肉碎充足！水餃係韭菜餡。豆漿好味，不太甜！期待下次入元朗返工再試下其他食物！

非常熱鬧的北京水餃店尚未入到店內，在遠處就已經見到北京水餃店外排滿長長的人龍。但慶幸的是，堂食竟然有位食。今次我哋嗌咗豬扒菜飯同埋鎮江排骨雲吞麵。鎮江排骨雲吞麵的鎮江骨，炆得相當之林及非常之入味，加上3隻體型龐大的雲吞，而雲吞內餡包裹着白菜和豬肉，雲吞的味道十分之好，再加上粗粗的麵條，麵條有點住鎮江骨的汁，令成碗麵都好好食。豬扒菜飯是店內的人氣之選，豬扒配上濃郁豉油香味，加上淡淡嘅菜飯，令整個豬扒菜飯味道更顯突出。還有他們的招牌豆漿，他們的鬥爭口感順滑，而且帶有濃濃的，香味令人畢生難忘。

今日坐968巴士回家，在元朗西巴士總站下車，想想晚餐食咩好呢？左看看右看看，有決定了！就係酸辣水餃！$51 外賣已經包括一碗酸辣水餃及一杯豆漿。份量大，味道也ok，幾抵食嫁！特別喜歡吃韭菜的朋友不要錯過啦！除咗呢個之外，北京餡餅也是不錯的選擇！另外這店還有生的北京水餃和上海雲吞，可以買回家自己煮又得！$45 /盒，1盒12 隻，大大隻！可能是北方餃子，所以皮比較厚，吃上幾隻就好飽。

今日又係食在元朗，呢間位置元朗廣場附近既北京水餃店行經過好多次，門口擺在d餡餅出黎外賣，而門口餐牌都列左d上海菜既餐牌，睇返門口格局都算一間老店，今日就一於試下啦。小店環境不大，但都有差唔多8-10張枱，格局都比較舊式，可見小店都有一段歷史無番新過，中午時間都有6成客人。睇過下餐牌有午市套餐送豆漿，正價餐款式都離唔開豬排，上海粗炒之類，其中一項比較特別就係日式拉麵底，但餸菜就都係上海式，小食方面有d餡餅呀，炸春卷之類香口野。擔擔水餃麵先講麵係用上海拉麵，麵量都幾多下，食落算爽口，唔會太腍，擔擔汁就比較淡d，無乜花生味只有超輕微既辣，同有d肉碎咁，比較一般，招牌北京水餃我覺得皮太厚比較硬，內餡係韮菜加d豬肉碎，都只係一般般。豆漿跟餐既豆漿，正價1杯8蚊，唔會好甜豆味都唔算濃，係口感少少濃口，都屬普通。鎮江排骨雲吞麵同事揀既餐，我試左粒鎮江排骨好腍，用筷子都可以輕鬆夾開肉同骨，味道少少酸甜，雲吞有同樣問題皮太厚，內餡事後問返佢係乜佢答我唔記得，所以收錄唔到。牛肉餡餅上枱時少少熱，餅皮都少少厚，內餡係d牛肉碎同洋蔥，都係比較一般啦。整體黎講就都係比較一般，價錢方便就中規中矩，叫做試下老店既手

9:30在元朗不知哪些地方還開門，見巴士站附近這間上海店。知道10點關門但是員工態度非常好，仍然非常歡迎我入來慢慢吃，真是要讚一下👍🏻晚餐很多選擇包飲品也只是$51我叫了鎮江排骨雲吞麵及豆漿排骨非常軟淋，雲吞很足料，豆漿也很鮮味。本來還想試其他小食，可惜沒有時間了下次一定再來。蔥油餅也很吸引，這裏也有菜飯，價格便宜。本想先付款以免阻會計埋數，但是職員催促也沒有。這個誠意小店一定要支持下，令到我很久沒有寫食評也再次提筆起來

每次經過見到都想買韭菜餅食今次終於喺附近食完晚餐，行過見到仲搓緊餅皮，於是飽住肚照買個黎食。北京餡餅🥙$15拎上手仲熱辣辣，又成隻手掌甘大塊！咬開超驚喜！皮脆得黎夠薄，又新鮮滾熱辣😍最重要個餡好夠味，韮菜又多又新鮮！真係極好味😋！下次要試埋其他野先！行過元朗又多一間小食/正餐選擇。

今日假期，一早入咗元朗諗住食呢間舖頭之前見到有人介紹，已經留咗口水好耐今朝大約10點入到去，餐廳冇客坐低後先發覺原來餡餅未準備好本身好期待，冇計啦下次再試今日叫咗三樣嘢北京炸醬麵水餃擔擔麵粢飯呢度係食黑色炸醬麵！好夠味！水餃擔擔麵啲水餃非常大隻！！一碗三粒！加埋非常大碗嘅咩，男士都夠食粢飯冇得頂，若果飯粒可以再鬆軟啲會更好，純粹個人喜好

北京水餃店地址：元朗擊壤路9號金寶大廈地下想試新餃子但又唔想成日係supermarket買? 咁就一定要去試下呢間北京水餃店，今次我要同大家介紹韭菜餃 🥟 $44 (12隻) 。北京水餃店啲韭菜餃真係好大粒，粒粒都係人手做㗎，餃子皮帶厚而黏實，餡料十足加上韮菜好濃郁好香😍，特別係一咬落去就已經會有好多肉汁哂出嚟🤩🤩🤩，真係絕對係會讓人一試便上癮，正。

元朗站📍北京水餃店-呢間上海舖都食左好多年，細細個已經屹立喺巴士站旁邊。酸辣湯麵拼豆漿（$45）呢個酸辣湯麵夠酸夠辣，湯唔會太稀，材料十足，有木耳絲、紅蘿蔔絲、豆腐。麵條唔會太幼，連埋酸辣湯食吸晒d湯😋😋之前食晚餐嗰陣，佢呢個餐貴少少，但係有多三粒餃子🥟食完之後更滿足😎北京煎餃（$22）呢款餃子皮比較厚，餡料係韭菜豬肉，咬落去都仲係好多汁，略略煎香，唔算太香脆，不過都好好味。如果餃子皮薄身少少會更好。牛肉餡餅（$14）呢個牛肉餡餅唔算太熱，暖暖地。餡料有牛肉同埋洋蔥🧅，個人覺得牛肉唔算太多，北京餡餅比較好食（韭菜豬肉餡）。環境方面，環境比較一般，係舊式裝修，但富有濃濃嘅人情味。

前幾日去幫襯，叫咗上海粗炒和煎餃，煎餃凍的，粗炒上碟顏色不對好似烚完落豉油攪拌一下上檯，賣相之差從未見過，向店員查詢，回答服務態度極差，真不知呢個時代，仲有咁差服務和食品。去元朗想食上海嘢朋友，吾使試...走

呢間北京水餃店🥟應該好耐歷史了（估計十年以上），地點好便利，就係巴士站隔離，而且應該係一間幾有人情味嘅舖頭，次次經過都見到有熟客幫襯，店員又會記得老顧客想食乜嘢。店舖外有一個位置煎餃子，餡餅，葱油餅等小食，買外賣亦很方便。餐廳內佈置簡陋，有一張枱係員工包餃子用（餃子一板一板疊起，應該很好賣🤭），算係一間很平民化的小店。今次揀咗兩個午餐同兩個小食😋酸辣湯麵➕豆漿酸辣湯有驚喜，一啲都唔稀，好濃，仲大大碗好夠飽🍜北京淨水餃➕豆漿水餃好大粒🥟牛肉餡餅🥢好香濃，肉汁滲哂入餡餅好入味小籠包🥢皮薄，即叫即蒸好新鮮呢個價錢呢個質素的確好抵食👍

男朋友細細個住元朗，佢話呢間一定要帶我去食，一早已經長註咗張To Eat List上面📝話佢細個個陣媽媽成日帶佢黎食，佢食左成20年都有（佢話）🤣必食鍋貼同餃子🥟大大隻，仲有北京餡餅全部人手包，一路食隔離職員都一路包🙌🏻鍋貼入面沖滿濃郁的韭菜，味道好夠又多湯汁不過油份較高⚠️北京餡餅都好juicy架，又足料，好多葱，仲有牛肉同羊肉揀架👏🏽👏🏽👏🏽不過食咁多都好濟下🤣🤣，所以飲番杯豆漿就岩岩好！如果想買生餃番去，自己煮都得架🤩另外佢地既豬扒菜飯不得了，但食唔落咁多野，下次再介紹比大家睇返OpenRice 原來尖沙咀都有分店😲😲方便返唔係住大西北既朋友仔👏🏽👏🏽但唔知味道會唔會都係一樣呢….📍 北京水餃店 (元朗)元朗擊壤路9號金寶大廈

尋日經過附近有啲餓，就入左呢間小店醫肚～雖然係星期日但我黎到已經兩點幾，全場依然坐滿人😮我叫左個豬扒擔擔麵($50)同北京餡餅($14)～呢度嘅擔擔麵同我期望嘅有啲唔同，佢係用豆瓣醬，蝦米，肉碎同蔥蒜自家調配出嚟，而唔係我心目中想食果種濃郁花生醬味既擔擔麵😅味道都幾濃，唔算辣，但係略嫌鹹咗少少，麵條都爽口唔會太淋～塊豬扒黎到個樣覺得濃左啲唔太吸引。。食落簡直令我驚艷！！😱😱香脆！唔油膩！似薄皮吉列但唔會太硬！肉質岩岩好，有趙口得黎唔韌，亦唔係靠鬆肉粉令肉質變到太淋！呢個口感對我黎講係完美！😱北京餡餅上檯時溫度岩岩好👍都幾足料，juicy，不過如果底層既皮再薄啲就更好😁呢間小店有驚喜！下次會試埋牛肉餡餅，羊肉餡餅同鎮江骨😍