Peloton (Closed)

睇個門面就知真係好CHILL好正~ 非常WELCOME 小動物來訪!!!勁正~ 吹住微風，真係咪話唔正~咁因為我係平日黎既關係，人就少D~ 聽講星期六日好多單車友同埋帶埋小動物的朋友仔到訪~入面BAR枱真係好舒服~ 我ORDER左呢個Fresh Bake French Apple Crumble, Ice-cream (Chocolate)呢個 Apple Crumble因為係即叫即整即焗~ 要DD時間去整既~~~我想講~ 真係好食到痴左線!!!上面脆脆，蘋果粒甜酸度岩岩好!!! 成個味道好夾!!!不過美中不足既就係如果配搭係雲尼拿雪糕就好了因為畢竟，朱古力雪糕個甜度同APPLE CRUMBLE個味道唔算太夾但佢呢度個朱古力雪糕都好OK~!!! 唔錯~之後飲品方面我叫左杯EXPRESSO SUNRISE杯野個味道幾得意~ 應該係橙汁加SHOT EXPRESSO?我覺得杯野好鬼夾，勁有個種檸啡感覺XD咁由於因為呢度1月的時候做梗優惠叫第2杯飲品，會送多杯比你所以我就叫返杯熱飲~ 就係CHAI LATTE唔係好多地方有呢杯野飲就真既我個人就覺得佢未係我心目中最好飲個杯CHAI LATTE可

星期日晏晝去到見到室內室外都滿座，好好生意～入去餐廳問一問，知道大約要等多6張枱，嚇一嚇！喺附近行一陣，感覺又唔算等得太耐。本身想食安格斯牛肉漢堡，不過當日已經賣哂。叫咗黑松露煙三文魚手打意大利麵 $88汁醬同埋手打意大利麵都好好味，黑松露味可以重多啲😋LATTE $38啡底唔錯$68牛角包窩夫有雜莓＆朱古力雪糕自己好鍾意牛角包窩夫，真係好好食！班戟都係跟雜莓&朱古力雪糕尊重食物，清哂碟，好飽～寫呢篇食評係想讚一讚呢間餐廳每個崗位嘅店員都服務態度良好！用心既餐廳值得繼續支持！

以單車同露營為主題的餐廳，提供西餐同咖啡☕️我地果日walk-in有bar枱可以坐，落地玻璃面向大街及輕鐵，玻璃下方有板防走光👍🏼🔆香煎刺身帶子野菌黑松露手打意大利麵$𝟙𝟛𝟠雖然外表沒有很精美，但真係幾有內涵😳黑松露味香濃，兩大粒帶子略煎後肉質仍軟嫩🤩重點係意大利麵質感超彈牙✨富有蛋香🔆牛油香煎美國頂級Prime肉眼$𝟛𝟜𝟠 叫左5成熟，好似比預期中熟左少少🤏🏼但食落肉質又恰到好處而且無筋，醬汁幾香好似帶少少酒味🍷配菜焗薯同大啡菇都好喜歡💕個菇超juicy😳🔆Match latte$𝟜𝟚沒有什麼特別🤣有美美的❤️拉花🐰餐廳環境幾舒適，叫左嘅兩款主食都好滿意😬店內仲有單車同露營相關產品可選購，有興趣可以望下😝另外雖然我係夜晚黎，但相信下午採光應該相當唔錯，影相會好靚😌

星期日拜訪Peloton，預咗要排隊，但比想像中快可以入座，同侍應留低電話之後周圍行大約半個鐘就收到電話有位啦～店舖分室外內位，室外位係寵物友善，但只供應即棄餐具；狗狗雖然可愛，但見幾隻都凍到打噴嚏，所以同侍應remark咗坐室內。飲食記錄：All Day Breakfast欣賞Sourdough暖上，同埋薯餅外皮唔會好實幾酥脆（有麥當勞薯餅嘅感覺）牛油果芝士安格斯牛肉漢堡bf話都唔錯Long Black蔗糖味頗重，一飲就令我諗起麥當勞嘅香濃即磨咖啡Black Sugar Latte好甜而且唔熱，所以嗌多杯espresso倒落去，但都救唔返Espresso整體而言，食物正常，咖啡就麻麻，侍應服務質素參差，有位叔叔好有禮貌，好主動問啲嘢食點呀咖啡點呀，有位姐姐就比較無禮貌，我地話想要double shot嘅espresso，提一提要熱啲嘅用嚟溝杯black sugar latte，佢態度就比較唔耐煩～結論：試一次就夠，唔值得排隊食～

這間cafe 有工業風，先點了一杯Hazelnut chocolate 上枱已充滿朱古力香氣，加上面的Hazelnut 讓熱朱古力更有層次時帶點口感，奶夠順滑有泡沬讓口感更佳。其後點了一個香辣虎蝦·金柚·桃·泰式沙律，整個名稱已經能介紹有的材料，加上金柚味酸酸甜甜額外開胃，虎蝦量不多，但配上泰式辣汁十分過癮。我和朋友還選了一個香煎刺身帶子野菌黑松露手打意大利麵，手打的意大利麵一般較粗，像扁意大利麵，咬口更佳，黑松露味濃郁，醬汁掛麵吃起來惹味，帶子半煎外熟內生讓膩口感覺大大降低。然後選了另一個主食煎法式鵝肝·美國安格斯手打漢堡薯條，薯條略加了淡淡梅子粉，個人十分喜歡，鵝肝不會太乾很好，漢堡份量正常。再點了一個小吃蜜糖芥末醬雞塊，有山椒粉在面，十分香口，而且即叫即炸十分脆口。此Cafe 寵物可進場，亦有露天部份大家可以一試喔！

趁住連續3日紅日，山長水遠咁入左屯門試間cafe。見到d單車架，發現原來呢間cafe係🚲單車主題，仲係pet-friendly。【All Day Breakfast • $128】呢份ADB有脆煙肉、茄醬豆、烤蕃茄、德國腸、沙律菜、大啡菇、薯餅、黑松露多士、炒蛋/水煮蛋/煎蛋(3選1)。🍞 | 一上枱件多士仲暖既，條邊烘得好脆，中間軟心，牛油搽得好均勻，建議食左先👍🏻🧆 | 唔好睇堆茄豆醬咁醜樣擺係蕃茄上面，其實酸酸地幾開胃。🥓 | 煙肉未去到脆，不過佢唔似一般煙肉咁比較多肥膏，佢只有一層幼幼既肥膏，增加肉食既口感。🥚 | 炒蛋好滑，炒得啱啱好。🍄 | 大啡菇得半個🥲，睇落好乾，但食落係juicy既👍🏻🥔 | 薯餅熱辣辣，炸得好脆。【烤大啡菇芝士安格斯牛肉漢堡包薯條 • $78】漢堡入面有大啡菇、蕃茄、洋蔥、芝士、安格斯牛肉(漢堡扒)同菜。呢個漢堡扒超厚，但咬既時候完全無散到，牛肉味好重湧晒出黎。另外，塊漢堡扒咁厚好易整唔熟，但呢度完全無呢個問題😎總括黎講，雖然山長水又遠😩，但想繼續試埋其他野，例如用東星班整既炸魚薯條同apple crumble!🤪

發現好耐無追新cafe，難得入屯門，當然要一訪開業僅三個月嘅Peloton。新店以單車同露營做主題，設有室外茶座，好歡迎大家帶同寵物到訪呢~特別鍾意對向輕鐵站嘅窗邊位，望住輕鐵來來往往，再嘆返杯啡，認真夠晒chill~▪️炸雞牛角包窩夫 $78牛角包窩夫 𝘊𝘳𝘰𝘧𝘧𝘭𝘦 👉🏿 𝘊𝘳𝘰𝘴𝘴𝘪𝘢𝘯𝘵 𝘹 𝘞𝘢𝘧𝘧𝘭𝘦 顧名思義就係牛角包同窩夫既混合體！將牛角包麵團放入𝘞𝘢𝘧𝘧𝘭𝘦機之中，壓烘而成。可以話係窩夫形既牛角包，表面酥脆富牛油香，略嫌表面脆得刮口唔夠鬆。炸雞調味十足！其表面嘅炸粉味道似層相識。亦保留到肉汁，不過炸皮偏硬 肉偏薄。旁邊仲有沙律菜配蜜糖芥末汁、脆煙肉、薯餅。▪️東星班炸魚薯條 $128WOW係用東星班整嘅炸魚薯條！新鮮炸起熱辣辣，一切開岀晒煙，炸皮薄身香脆唔油膩，東星班厚肉魚味重，啖啖肉都幾爽。薯條粗身，飽滿酥脆唔會太油。▪️香檳忌廉汁煮法國藍青口 $88大大塊Sourdough放係藍青口表面~ 酸種麵包經牛油烘過，邊邊位超香脆，略嫌牛油味蓋過左麵粉香。特別鍾意佢個香檳忌廉汁，帶青口鮮味 蒜香 忌廉香，濃得黎又唔會覺得好膩，用麵包蘸一流！▪️即焗法式蘋果金寶配雪糕 $68即焗嘅

🍔烤大啡菇芝士安格斯牛肉漢堡薯條💵78🍀🍀🍀🍀🍀🍀🍀🍀🍀🍀漢堡包經烘過，帶有脆脆既口感，亦有牛油同芝麻既香味，入面有巨大安格斯牛肉排，口感唔鞋但無咩牛味，配水狀既醬（似沙律醬）無咁乾，大啡菇🍄都有汁，而薯條就無咩等別，都係脆脆地～🧇即焗牛角包窩夫、榛子醬、雜莓、雪糕💵68🍀🍀🍀🍀🍀🍀🍀🍀🍀打卡一流既牛角包窩夫🧇焗得硬左少少🤏🏻，有啲難切，外帶啲燶味，內就好多層酥，配埋朱古力雪糕一齊食，好滿足～🍨即焗法式蘋果金寶配雪糕💵68🍀🍀🍀🍀🍀🍀🍀🍀🍀🍀擺盆好岩打卡影相，apple crumble 外鬆脆，而底有蘋果片，又有啲果肉，唔夠肉桂味，雪糕🍦勁重朱古力味，好味～🌼🌼🌼🌼🌼🌼🌼🌼🌼🌼☀️整體而言，屯門西鐵轉輕鐵屯門游泳池站就搵到，可惜既係無得試咖啡，因為咖啡機壞咗🥲，環境有啲狹窄，店內有聖誕氣氛🎄，食物就甜品較主餐出色～

          我好少寫食評,，一嚟因為工作比較忙，二嚟自覺文筆亦唔係出眾。          但今日我真係唔瞓覺住都要同大家講一講我係Peloton遇到既一件非常令人氣憤既事。          Peloton呢間餐廳係朋友係網上見到既，因為可以帶狗狗一齊用餐，而且大家都話食物味道好，所以我地一直希望可以約到時間帶埋狗狗去食好野。          9月既時候，我地趁住中秋節，預訂左尼間餐廳，點知就收到餐廳whatsapp通知因為餐廳未能攞到政府既批文，所以要即時暫停晚市。於是我地既第一次試新計劃就咁胎死腹中。          今日，我地終於又夾到時間，而且係慶祝朋友既生日，大家都盡早放工，準備好蛋糕，車埋狗狗，準時去到餐廳。結果，迎接我地係：唔好意思，因為今日天氣既關係，我地其實已經取消左你地既booking。而且你地帶左狗，我地餐廳受牌照所限，係唔可以帶狗入室內用餐既，所以你地如果想用餐既話，只可以坐係出邊既露天位。           喺果一刻我地嘅心情簡直就係晴天霹靂！餐廳單方面取消左booking，但無一個人諗過要通知客人。咁都未夠，仲要客人係室外氣溫只得十零度，又濕

All day breakfast🥗 $128呢到嘅all day breakfast同出面嘅都幾唔同🤔佢個多士係黑松露多士 好香又烘到外脆內軟🤤冇稀嘅酸甜茄汁豆 有稠嘅偏酸茄醬豆🍅仲有第一次見得半個啡菇嘅all day😂睇返相先發現直頭影唔到嗰半嚿仔菇🤦🏻‍♀️個蛋炒得恰到好處 仲好滑 菜夠fresh但個薯餅同煙肉都好乾好硬 食到懷疑自己啲牙😬炸雞牛角包窩夫🥐🧇 $78中意牛角包又中意窩夫嘅人要試下佢將兩者嘅優點組合咗一齊 有酥軟又實在嘅咬口🤣炸雞同煙肉都係偏乾身 但有蜜糖芥末汁配返個雞就好啲分量都幾少 只可以做下午茶🙈整體嚟講唔係好抵食

經開屯門去試下唔錯喎！推薦🙈🔹忌廉汁法國藍青口🤤 ▷ 隻隻都好入味！個汁好味到不停點😂🔸虎蝦蟹肉手工意大利面🍝 ▷ 汁超多啖啖蟹肉好滿足！🔹炸雞牛角包窩夫🧇 ▷ 好欣賞個窩夫係牛角包🥐食落無咁邪惡😆🔸ᴅɪʀᴛʏ ᴄᴏᴄᴏɴᴜᴛ ☕️ ▷ 意外地好match!! 環境好舒服💯依家仲有啲聖誕擺設🎄大概下午茶時間(3-4)去個日光超靚📸(有日系感覺😆🐶寵物都可以去 有戶外位！🚲有單車同露營用品買都幾多元化

阿拉斯加蟹肉、虎蝦、蟹膏手打意大利麵 ：蟹膏同蟹肉同啲麵均勻撈埋，可惜蟹膏既蟹味唔太突出，淨係食蟹肉其實都係冇咩味蝦方面，就有3粒雪藏蝦，但係都冇咩味道，同其他餐廳既虎蝦黎比較，都真係差左啲（或者會懷疑唔係虎蝦黎）意大利麵就最失望，麵質黎講，係有啲彈既，不過整體係似唔淋（彈彈地）既車仔麵油麵。可能本身期望係意大利粉既麵質，而加變左食油麵咁就幾失望。碟麵既份量適中，但"油麵"既飽肚感大，再加埋啲蟹膏就真係幾膩下總括黎講，雖然成碟麵既味道唔係濃，但係食完膩既感覺持續左好幾小時。以碟麵既味道同質量就唔係好值呢個價錢，雖然餐牌上都有寫dinner / lunch ，但係都係似 a la carte 而唔係set，而"LUNCH"同"DINNER"既價錢仲差足幾十蚊，如果唔係品質有唔同，係唔值夜晚去食既 。

成日係IG見到有人係度打卡帶屋企人一齊試吓去到睇到餐牌先知原來係飲食集團新line一向喜歡食手工意粉🍝蛋麵好食老人家原本怕手工意粉會硬 食落覺得幾好兩款意粉都creamy 美味唯一唔好係飯後會覺得口渴另一款Fish Burger 魚柳很好有鮮味Fruity Latte 嘅豆都係好味嘅係啡味淡左啲 下次可以轉叫Flat White

等漢堡要等30分鐘以上，店員堅稱落單時有提及要等25分鐘，但根本冇聽佢有提過。 menu上都冇寫要等25分鐘。兩次向店員問都話張單排緊隊，一早講咗要等咁耐。 一句唔好意思都冇講過，一副堂堂正正，鐘意等就等，唔等就唔等既樣。隔離枱起碼遲我地15分鐘入座，最後兩枱既burger同時上。咁其實係要唔要等25分鐘去整個burger？服務態度有待改善，講句唔好意思，條氣都順啲。星期日食野都預咗要等，催單既時候講句唔好意思等咁耐，可以解決好多問題，唔係係到話一早講咗你知，但其實又冇講！野食唔差正常，但服務同安排真係不敢恭維。

love the food , the pork is tender , chicken is juicy and crispy and the prime steak is tasty 😋 good coffee 喜歡這裡的食物，豬肉很嫩，雞肉多汁酥脆，上等牛排很好吃😋 white coffee 拿鐵藝術引人注目😅 coco dirty ：好不太甜😋可以嚐到椰子的香味long black : 果味豆很好提神，適合搭配肉食 總體非常愉快🙏