半島冰廳

Open Now

Now Closed

今晚諗住好耐無幫襯就去試吓，卒之中伏。叫咗兩個餸，川味回鍋肉／節瓜蝦米粉絲煲，兩個人夾硬食，兩個餸都食剩大半，以前食過都係唔錯，但今次真係好差．早知如此我寧願堂食兩餸飯。

今天早上入咗呢間茶記食早餐，當時個場吾係好爆，甘我直接揾位坐低，即時有位肥男人婆侍應叫我坐另一張枱，我冇理會就點餐，後來發現冇人肯為我落單，於是我問他們是否要報警先可落單，我特此聲明，全場我沒有跟他們嘈吵過，最後我越諗越不合埋，我叫負責人來查詢原因，她強詞奪理説假日要職員安排坐位，但是又沒有明文告示，於是我真的氣憤報警求助，想了解有什麼真正原因或是否涉及歧視因素，最後警察到場聽完我陳詞之後，告訴我這樣紏紛無法處理，衹是記錄在案後離開，我深感莫明，覺得呢間茶餐廳名符其實為的代表，強烈影響香港人有禮的文化，更令香港形象損毀，特區政府真是多得佢吾少。

疫情期間都有光顧，好似是買外賣扒類？焗雙扒應該係，但唔記得了，今日特意再去試：蒜茸汁合格正👍👍👍👍雞比就過左D火同放得太耐，得個鞋字，豉油味都唔錯，茶味都有，杯茶合格，加油

晚飯唔知食乜，最後入咗街市茶記，諗住用較抵價錢可以坐好D又食得平凡D。兩個願望只中其一。入坐卡位，研究咗一輪餐牌，揀咗咖喱雜菜，因為N年前係鏈鎖快餐食過好食，所以見有就點咗！另外點了常餐，心大心細唔知叫薑絲牛肉定叫叉燒一丁好，問侍應有咩好介紹？見佢知唔以對，最後都係穩陣起見叫牛肉一丁。咖喱雜菜，真係第一次食咖哩菜芯，白菜仔同芥蘭，濕撻撻嘅菜芯加上咖喱，真係fusion 到不得了！至於薑絲牛肉，真係薑絲加牛肉，兩者毫無關係的結合！再回想侍應知唔意對的冇介紹！無錯，真係冇可以介紹的！

今晚晚餐係位於竹園商場嘅半島冰室嗰度食，一坐低想即刻叫咗3個菜，分別係帶子炒蛋，枝竹牛腩煲，海鮮豆腐煲，我哋三個人食每人一個菜份量啱啱好，覺得整體係好食嘅，我會再返嚟食！

今日來到竹園街市哩間餐廳食早餐 環境好有懷舊風味  感覺回到80年代 好有特色 多卡位又坐得舒服 侍應好足夠 服務都好親切 來餐都好快 早餐叫咗個招牌雞扒意粉 拼雙太陽蛋🍳多士 凍奶茶 雞扒煎得外脆內軟 大細適中 味道👍🏻👍🏻凍飲用金屬杯十分抵讚 同埋餐廳仲有個好抵食嘅早餐 非常適合鍾意食出前一丁嘅客人就係Morning 餐 日日唔同餸 中點係全使用出前一丁價錢貼地 唔想諗食咩嘅人嘅好選擇 大家有機會就真係要一試哩間餐廳😋😋

佢其他食物都可以既，尤其是常餐麵餐，豬扒夠淋都有味，麵身也不太淋剛剛好，之前食過咖喱同炒公仔麵都好食，不過非常失望係杯熱奶茶竟然冇奶茶味，咁普通的一杯茶可以冲成咁，希望真的要改善。

今日行完山，黎到呢間半島茶餐廳，嘆個下午茶。見到下午茶紙，有支裝可樂同枝裝維他奶，真係懷念細個讀書係小食店買野飲，都係一支支野飲。不過到落單個陣，原來可樂已經變晒一罐罐，侍應姐姐話已經改左好耐，但無轉餐牌。最後我地兩人叫左個鮮茄焗豬扒飯，頭抽乾炒牛肉意粉，飲可樂同熱檸水。頭抽乾炒牛肉意粉，就無咩太大驚奇同特別，牛肉都合格，唔諧口。味道未算好咸，都合格。而鮮茄焗豬扒飯，Ｄ番茄味相當濃，好味。豬扒就都大塊，但有小小肥膏。飯就有炒底，有心思。最上面有芝士，整體焗既時間剛剛好。以下午茶既質素，都係高於合格水準，讚。

之前一直食開，覺得小抄係好味，但昨晚食晚飯小菜，叫了兩個餸，一個蝦醬白菜仔炒牛肉，算正常，至於另一個係黑椒豬手煲，無黑椒之餘又咸到食唔到，向姐姐反映佢叫我哋換另一款，話轉了大廚近來好多投訴，咁心一沉諗下叫咩菜式會比較穩陣，最後諗因為叉燒係交來無得輸啦，就改了碟韮黃叉燒炒蛋，等再好耐送上一碟賣相已覺得不炒，蛋炒得幾老最過分係成碟得三條韮黃只見葱花，無料用左葱代替咁都得，幾離譜吓，蛋又炒得老，真係不了，近排要轉場了

嚟到竹園，係街市裡面竟然有間茶餐廳，餐廳花了唔少心機裝修。啱啱好2點半下午茶時間，一於幫襯食個下午茶。炸脾幾岀色，唔會話炸到乾晒。但西多士冇花生醬饀，就略為失色。豬扒芝士撈丁，芝士味不夠，不過不失。呢度最特別係罐裝可樂唔使加錢。

第n次食，次次無舒服坐都唔緊要，醫肚je今次我坐低後無人落單，你地傾偈ok，但我叫3次先有反應...想食吉列蠔叫H餐，點知10分鐘後嚟嘅係帶子...無蠔咪講囉我可以唔叫! 完全失望，日式咖哩我都ok，如果我對帶子敏感咪浪費食物囉！ 好在食完敏感無發作，不過佢哋有樽裝維他奶係ok，可以飲返回憶味道嘛！ 但回憶嘅嘢過去就算，做人睇依家嘅！ 點解變成咁呢？ 初初好多人食，變到我可以慢慢打文唔係無原因，希望會改善啦！

Lunch 黎食半島冰室，睇完menu感覺個XO醬豬扒炒烏冬好吸引，就叫左呢個出到黎好夠鑊氣，XO醬好夠味，加埋個烏冬好好食不過就感覺有少少油，而且豬扒有d硬身，唔夠淋同埋可以加多少少配菜會無咁油膩但呢個價值黎講都算好味

都知道茶餐廳唔會有咩好服務，都唔想咁受氣囉!問完要火腿絲通粉，再問扒餐點叫，就問我火腿絲要唔要先，我要兩個餐姐姐，到底你要唔要火腿絲先。真係九唔搭八，最後問有冇八達通，淨係收現金喎，阿茂消費券都唔使有生意啦，我咁耐冇寫食評，估唔到就寫腐皮，所有餐廳以後我唔會幫襯原因，都係員工態度，唔想再受氣!

早午晚餐都可以自己煮.. 但下午茶，唔知點解總係覺得要hea下，搵啲餐廳嚟幫襯下😆兩大一細，兩個下午茶餐.. 呢間嘢嘅份量就真係唔係太夠🙄個餐都唔算平架，不過味道就唔記得影我個炸脾餐.. 隻炸脾都算幾迷你下.. 但生炸脾好惹味，叫咗收貨啦，如果份量可以再多一啲，咁就100分不過杯美祿恐龍🦖 真係伏！又貴又冇味，情願叫杯阿華田或朱古力好過🙄

竹園街市裝修以來都大係獲好評，而街市內有這一家茶餐廳 - 半島冰廳。呢期大部份新開的茶餐廳都係以懷舊為主題，呢間半島冰廳也不例外。之前到過半島食過早餐同晚餐，今次過黎試午餐。我地揀左（C）紅咖哩薯仔牛腩飯，同（G）蒜蓉豬扒煎蛋意粉，最特別係可以配支裝凍維他奶同凍麥精，係無熱的。先黎（G）蒜蓉豬扒煎蛋意粉配支裝可樂，蒜蓉豬扒好薄好柴皮，只係一個普通的豬扒都整成咁😨，意粉就冧嘅，係個汁同雞蛋比較正常，成碟野都好求期。再黎（C）紅咖哩薯仔牛腩飯配熱檸檬茶，呢個餐比個豬扒好，紅咖哩有d新意，牛腩正常。整體而言，比起早餐同晚餐，午餐真係好差好失望👎，同樣差的出面個間茶餐廳，半島可以儲街市分，係一個優勢。