牡丹咖啡

Open Now

Now Closed

喜歡吃蛋糕的人一定要來試試，因為老闆自己親手做的，款式亦多到你都估唔到！今日有個蛋糕都會特別放在這裏給客人選擇。多到簡直無語！咖啡當然好，美女朋友則選擇薑汁檸檬蜂蜜。我勁喜歡這款朱古力蛋糕。美味柚子芝士蛋糕

最鍾意捐窿捐罅搵好嘢食尤其是老城區尐轉角小店舖位門面雖然不及大餐廳奢華但小店人情味、實用潔淨環境、手藝一流！不知不覺已經幫襯咗十年員工服務態度好親切食物及蛋糕選擇款式多士多啤梨蛋糕絕對一值得一試！咖啡出色！價錢約4*，但分量、味道值回票價！

由中學開始一直有幫襯，咖啡很好、老闆以前都好親切，但唔知係咪生意好左唔憂做，d人的態度愈來愈差。餐廳係忙，座位不夠好多時都要等，等不是問題但都不用呼喝人吧？同埋成日等等下又被人打尖、想落單就要你等但另一個人遲過你入來叫落單就即刻有得落，仲有好多不同的差劣態度無法一一列舉。以上事件不是一次而是十次有八次都係咁，其他朋友去都話有同樣經歷，個個都話十多年的感情都被呢d咁差的代遇磨滅晒啦，就算咖啡再好都不會再幫襯，俾錢食野仲要受氣被埋d不公平對待

一間小小但係呢區原來好有名既咖啡店，門面不起眼，舖頭好細，難怪我係呢頭打滾左咁多年都一直無留意到，座位和員工都不多，假日去食真係要d時間等位話明咖啡店，咖啡一定唔少得，佢有多款咖啡選擇，但我就叫了玫瑰朱古力同花茶，因為我地都唔飲咖啡的😅，結果係好伏，雖然叫了走糖但兩杯都好甜，朱古力味道欠奉，玫瑰味好artificial，同埋真係好有住家感覺，隻杯d漬嚇到我呆一呆😖，我屋企隻杯都無咁恐怖，好失望飛碟味道正常，不過不失呢度蛋糕都有十幾款，最後我揀了香橙朱古力蛋糕，味道不錯但較鬆散，對比其他食物，蛋糕算係我最滿意既一款

飲咗呢間都大概有七年嘅時間。最鍾意飲裏面嘅榛子咖啡。連咖啡豆都會喺呢間買，因為沖出嚟嘅咖啡都覺得可以有個浸特別嘅香味。即是而家唔係呢區住同埋返工間唔中都會專登返嚟飲一次。

身為九龍人，每年只有數次到西灣河工作才順道幫襯，可幸每次都滿足而回。論環境，這裡確實比較遜色：店內空間非常小，高腳吧櫈，窄身吧枱，令人坐得不太舒服；不過，這裡食客早晚都絡繹不絕，反正也不可久留，還是將焦點放回食物本身最實際。試過不同咖啡，飛碟，主菜意粉類，正常水準，在此略過不提；反而蛋糕類就令人非常驚喜，不但種類超多（以一間小小 cafe 來說），而且水準也高，就好似這次叫的紅棗蛋糕，市面較少見，一咬入口，濃濃的紅棗香氣在口腔內爆發，蛋糕本身不太甜，質感亦算軟綿，吃罷一整件也不覺膩，反而好像吃了件健康食品，自我感覺良好😆

一間毫不起眼的咖啡小店，但無論咩時間去，都係座無虛席，只因⋯用心製作！幫襯牡丹冇10年都有8年了不過近年搬左，所以少左機會去食，今日得閒決定要去食下回憶的味道，果然冇令我失望，冇去一排，味道依舊叫左茄汁司華力腸意粉同薑汁咖啡（$57），意粉不太淋也不硬，口感剛剛好，配埋甜甜酸酸的醬汁，好味薑汁咖啡的咖啡味香，配了黑糖薑汁，薑味唔會搶左咖啡味，味道剛剛好，好味小店坐位不多，座位也不是寬敞，經常會與隔離的陌生人肩並肩坐但一入店內，聽著播放中的音樂，總是有種令人放鬆的感覺，還有就是店裡的姨姨們，總是親切有禮，遞上食物時總會親切提醒你小心熱，慢慢食，好像媽媽的感覺！

從前在附近工作，很偶意人才會到此小店買飲品，蛋糕或飛碟！由於店鋪十分細小，平日多數會外賣！近日有機會返回附近工作，在下午茶時段，終於有機會來這裡坐坐！店內的座位不多，幸好這天店內只有我和另一名客人！所以並不覺得很迫！店內的店員很親切，不是一般咖啡店行文青的路線，店內的姨姨感覺很親切，很家庭式，很媽媽的感覺！店內亦播放著柔和的音樂，是午後休息的好地方！這天點了肉醬意粉，雖然是把已煮好的醬汁淋上意粉面，再放入微波爐加熱，但意粉軟硬度適中，醬汁亦合味，不會太濃和淡！十分配合這店，給人很舒服的感覺！餐茶點了蜜蜂生薑茶，所家中水杯裝著，感覺很溫暖，蜂蜜清甜，不會過甜，薑味亦濃！整頓飯感覺亦很舒服！是休息的好地方！這種小店實在需要多多支持！另外，平日亦會點粟米芝士飛碟，同樣十分推介，即點即做！芝士豐富，粟米新鮮，麵包烘得暖暖的！

每個星期日若冇特別節目，和家人總是要躊躇着往那裡吃早/午餐。而"牡丹"通常是我們在没有更好選擇下的選擇。不是說它食物不好，只是牡丹的位置對筆者來說是比較不就腳，但偏偏它那簡簡單單卻又絕不馬虎的出品永遠有股特別的吸力。不經不覺已光顧了十多年的牡丹，普通如一份"飛碟"三文治，每次均烘得香脆、加上色澤金黄、內裡的饀料又份量適中，配上一杯香醇美味的咖啡，從沒有一次令我失望。順道一提是牡丹的蛋糕款式亦十分多，每次我與家人不論吃得多飽，都要order一至兩款蛋糕為簡單的一餐作個完美的終結

西灣河有一間唔係好覺，但係好多人都識嘅咖啡店，就係牡丹咖啡！佢喺西灣河文娛中心附近，真係要錄大隻眼先至搵到。可惜我唔係好飲到咖啡，同埋我都唔係一個識嘆咖啡嘅人。但係我就好欣賞呢度啲蛋糕，因為真係整得唔錯！件件都是homemade! 我最鍾意食佢呢度嘅芒果芝士蛋糕，同埋朱古力雲石芝士蛋糕！另外仲要講下佢嘅飛碟，雖然唔係咩特別野，但你會感受到老闆娘用心去整，唔會欺場！如果呢度可以再大啲，多啲位，咁我就可以帶多啲朋友嚟呢度一齊食嘢！

住了多年, 都沒發現lee間小店, 門面不起眼, 驟看名字以為只喝咖啡.後來經蝦子餅路經,見門外咁多人等,好奇望一望先發現在門外等了45分鐘, menu花多眼亂, 款式太多了最後入到去, 點了:芒果拿破崙, 芒果鮮甜, 酥皮香脆左: 玫瑰朱古力, 只聞到玫瑰香味, 但飲唔出玫瑰味道, 失望, 同agnes b個杯比, 差很遠右: 棒子奶茶, 茶香滑, 夠熱

小妹不嬲對呢間小咖啡店情有獨鍾。。每逢放假一定會落嚟飲咖啡，食個小食飛碟餐諸如此類。。有時仲會加多件cake添。但係我今次叫咗個意粉食，其實之前不嬲都見有人點開，不過未去到真係好肚餓，我又費事食成碗意粉咁大碗啦。。但係今日入到去見到隔離有兩台都食緊一個腸仔意粉，所以我今次都決定試吓，飲過幾款唔同嘅咖啡，呢款始終都係我最愛，一般平時出面嘅mocha就係朱古力咖啡嘅意思，但如果要來呢度點的話，呢度係有莫卡咖啡，同朱古力咖啡，而我平時就係飲開朱古力咖啡啦都未講完個意粉質素，本人都幾鍾意個味道， 佢個sauce好濃郁好香，好味到我成個食晒牙最後，下次過嚟又會試吓其他新野la~

小妹習慣每日都要飲咖啡，難得呢間近屋企，又有多種味道選擇，一放假就會自動過嚟飲咖啡食個Tea，今日一去到門口好彩啱啱好，全間鋪有一個位，咁我就有位坐，今次叫咗杯泡沫咖啡，好大杯，同埋叫咗個菠蘿芝士吞拿魚飛碟，啲吞拿魚勁多，咬落口必晒出嚟再加上柔和嘅音樂，真係會令人覺得有relax嘅感覺，本身仲想食多件cake，不過飲完杯咖啡已經飽左，但個人口味比較鍾意飲朱古力咖啡多啲，下次過嚟想試吓玫瑰味，一個Tea set都係50靚蚊左右，小妹會繼續支持呢間，亦係我會成日去嘅心水咖啡店☕️不過如果地方再大啲，可以坐得舒服啲就好啦

在中環收工 附近都有唔少高性價比嘅coffee shop最後諗住試小店見咁多好評結果 沒有如好評般好玫瑰鮮奶咖啡 不過不失原本想叫個隻cake無就食應該安全嘅藍莓芝士蛋糕 可惜無咩味 芝士味或是藍莓味亦不太有 有待加強

今日瞓醒覺已經覺得周圍好涼，真係好想去飲返杯咖啡，之前朋友已經介紹過。。但親身黎都係第一次。舖頭細細，由外面望入去已經人頭湧湧，企喺出邊等左一陣，等有人離開我先至入去，急不及待因為全日未食過野，所以首先叫左杯朱古力咖啡，波蘿芝士火腿飛碟食住先贊口不絕，姐姐態度親民，咖啡種類太多，總有一款適合你口味，唔怪得俾人叫街坊的心靈咖啡館嚟得呢度佢哋最出名嘅係蛋糕，我又點會唔試，所以叫姐姐介紹俾我，我話我鍾意朱古力同芝士味 ，姐姐就介紹咗我食朱古力雲石芝士蛋糕，真係好好味呢間係我自己打從心底覺得非常值得推介嘅一間下午茶咖啡店，埋單都係80幾蚊，鍾意飲咖啡嘅朋友一定要試