河內越式湯粉

Open Now

Now Closed

I just used certain delivery platform pick-up service to order from this restaurant. It was an ABSOLUTELY BAD experience and I would recommend NO ONE to go. At first I asked my fiancé to pick up the food for me. The lady at the restaurant told him this was not the right restaurant. Indeed, my fiancé doesn’t speak Chinese really well, but he can 100% read the restaurant name in English??? He still politely asked where Pho Ha Noi was. The lady LITERALLY POINTED AT A RANDOM DIRECTION. This behavior

今日lunch time 去佐試越南野，下午茶2點半開始，佢下午茶同lunch tiE 都差10幾28蚊，通常我哩d打工仔一定係等下午茶，叫佐個香茅豬扒湯河！大大碗，湯非常入味而且個豬扒炸得好入味個下午茶一定夠飽！係附近翻工既人都可以去試下

今日去食lunch個時，發現佐重慶運動城下面有間越南野食，而且有下午茶，，食佐個香茅豬扒河，都唔錯，而且唔貴，都係@48蚊，豬扒炸到剛剛好，雖然係下午茶，但分量非常足！而且味道好正宗 睇黎哩個禮拜既lunch都係佢

好耐冇食過越式湯河，行過見到有間鋪仔，唔洗等位，開放式既格局⚠️食物：⭕️香茅豬扒湯河粉*2 $46豬扒煎得超香，份量都好足，落單唔夠10分鐘就上菜，效率👍⭕️生熟牛肉湯河粉$50雖然寫住生熟牛肉，但上到枱好似得返熟牛肉，唔多覺有生牛肉，⚠️環境：細細間既開放式餐廳，見到隔離特價場⚠️價錢：$47/人 合理，可以接受

我好喜歡吃越南菜，但係好多越南菜都失去原有味道。 今日誤打誤撞又找到間幾好味越南餐廳，最緊要又在尖沙咀又唔貴又好味。見到有好多款式選擇，越看越吸引。更有下午茶優惠，可加配小食及飲品。好多細餐廳也慳掉提供紙巾，要客人另行購買，但這間就每枱也放了一包紙巾，方便客人，夠細心。一放上枱已看到好ok ，香料夠足。湯底夠濃，帶香濃牛肉骨味，䶢度適中。下午茶價錢也有多片生熟牛肉，非常足料。朋友要蝦餅撈檬，份量比湯粉細，不過擺碟十分整齊。蝦餅新鮮炸起夠熱，不過蝦餅口感差，唔彈牙又粗糙。不過熱檸茶也有4片檸檬，都捨得落本。

相約兩位朋友去打乒乓球，之後口渴，去飲嘢，店員積極推介小吃，中伏了。餐廳位於尖沙咀一家大型運動用品店內。點了椰汁珍多冰26元，已售罄，轉為椰汁三色冰，內有紅豆和兩款啫哩，椰汁味淡淡地，甜味適中，很適合夏天飲用。凍咸檸七喜26元，咸咸地，酸酸地，甜甜地，味道層次豐富，透心涼。法式牛油雞翼4件48元，外層脆漿太厚太硬，牛油太多，很油膩，雞翼肉味淡。順化炸蝦餅58元，外層很硬，內層少少硬。總結：飲品款式多，越式小吃味道欠佳。

好鍾意食越南菜，但好怕湯河類因為係香港好多時候湯底都會好鹹好多味精而今次係同男朋友一齊去試食呢間，咁岩見到二人份量既火車頭湯河！碗粉出到黎仲可以見到新鮮既生牛肉，食落去都唔韌。湯底味道都尚算ok，落埋甜酸醋一齊食更加惹味！牛肉丸味道普通，無咩特別驚喜。扎肉既厚度係岩岩好，唔會好似其他餐廳切得太薄完全無味。最鍾意係芽菜同洋蔥，因為索曬d湯汁！但如果二人份量黎講，湯河份量對於男人黎講就唔好夠食，但兩個女仔食就啱啱好！

越南牛河店在香港沒有停止過，開完一間又一間，青檸汁，撒點指天椒，湯頭鮮甜濃郁，令到好多人逐漸都鍾意食！門口聞到好香就衝左入去食😂因為唔食牛，所以叫左豬扒熱辣辣，仲見到d油彈下彈下，好滑。河粉量超多！夠彈牙！一定夠飽，另外配料青檸同指天椒是另上的👏🏻但青檸冇切開🤷🏻‍♀️

重慶運動城竟然有間高水準的越式餐廳一次無意中的發現，成就了無數次的光顧他們是正宗的越南廚師煮的，主打湯粉🍜但我基本上，每次都係點，越式豬扒湯檬十級推介豬扒啖啖香茅！食落非常香一個湯粉餐，他們還會跟一杯生芽菜，新鮮青檸和辣椒絲。個人很青檸的味道，每次都即刻落入湯粉，另外，我會重手落魚露整碗湯粉，鮮味即刻十級提升就是這碗湯，一次又一次吸引我回頭另外，越炸蝦餅也是必點小食。香口彈牙！加上泰式酸辣醬，真係好滋味。如果跟餐只需加$26。另外，重點推介的是，香茅雞翼撈檬。撈檬，配有大量花生碎，青瓜絲，紅羅白絲。拌勻後，重手落魚露。絕對是夏天的必食推介。

嗰日見到重慶大廈隔離有個賣運動用品嘅商場，原來下面仲有幾間餐廳，本身諗住食蘭X園，但係超多內地人，要等好耐，所以就去咗另一間越南餐廳。🇻🇳見到門口嘅餐牌寫住價錢好似OK，又唔使等位，就食呢間！🐽豬肉米紙卷（$48）🌟因為朋友唔識得蝦所以揀咗豬肉比佢🌟足料之選，點埋魚露好正🦐炸蝦餅（$28）🌟炸蝦餅份量夠🌟雖然熱氣，但唔油膩🌟切條形式幾細心，容易食🍜雞絲湯河（$55）🌟估唔到呢個價錢都咁大碗🌟雞絲有好多，配料亦都好夠🌟加埋另外比嘅辣椒同生芽菜非常好食🐽香茅豬扒撈檬（$58）🌟落完魚露就食得🌟好多蔬菜配菜，好清新健康🌟豬扒好林好入味like左fb仲有九折，三個女仔最後都係食咗50幾蚊，晚餐來講真係好抵！而且老闆好似係越南人，好有禮貌，我會好想成日嚟食。💓

香港人食午餐最緊要::快狠準。上次行過見到好似幾吸引既越南野，今次專登行過黎。。點知中曬伏!!今次同朋友黎到，安排座位都算快，叫一個扎肉湯濛，一個牛腩湯河好簡單講左一次，當單黎既時候好彩瞄一瞄!!!! 牛腩湯河冇錯，但扎肉變左生牛肉!?!舉手叫返侍應改單，侍應竟然對住我地講普通話!喺香港飲食業對住香港人講普通話完全係大忌!都算，當改單上枱，扎肉湯濛冇錯喇，但牛腩湯河變左湯濛!忍唔住叫返落單個侍應黎睇覆單時都仲係錯既。仲要因為隔離枱冇筷子用，侍應過後一手拎走一堆筷子，留返3隻喺我地面前，真係百無禁忌終於改好曬單，侍應話會俾既辣椒青檸到最後都冇出現過。喺短短半個鐘既食飯時間，單都錯3次，仲要見到廚師行左幾次出黎對單。。食物方面，除左湯底油份高啲，其他都還可以，份量都夠大。。真係辛苦曬廚師了如果用呢個價錢，我諗我食隔離街魚蛋粉會開心好多。

星期日一家大細行開尖咀附近，係重慶運動城行到餓餓地，見到間越南湯粉，老婆大人話好耐無食越南檬粉，話入去試下。入到去，環境好新淨，座位亦好闊落。我叫左個生牛肉湯河，賣相好靚，份量好多，大大碗，個湯夠濃👍🏻。老婆叫左個雞翼撈檬，一樣大大碗。越式春卷新鮮炸起，香脆可口😋，仲有青木瓜沙律，同樣好睇好食。見到隔離台叫左個火車頭，超大碗，2個人都應該食唔曬。難得搵到間咁有誠意既越南湯粉，下次一定同老婆再黎試下。