順。越南牛肉粉

Open Now

Now Closed

依間鋪入座安排真心唔掂，我仲有幾個站到叫屋企人拎定飛，叫三個人位有兩個嚟到都唔俾入座，最好笑係聽我兩個屋企人講後面又係得兩個人叫三個位，仲有十分鐘到泊緊車就俾佢入先，點知要我哋拎過張飛排隊尾，更過分係我哋好耐入到座，見之前個兩位入座先佢家人都仲未到，邊有咁唔公平

今日同同事去咗間越南餐廳食午餐，想試吓新嘢。我選咗個越南豬頸肉湯檬。整體來講，湯底味道都幾正，清爽又唔油膩，令人感覺舒服。不過，檬粉就有啲碎，可能影響咗食嘅口感。而且，份量方面有啲不足，食完之後只係七成飽。至於豬軟骨，味道正常，冇咩特別之處。總結來講，如果你想試下越南菜，呢間店都可以考慮，但如果對份量要求高，可能要留意一下。

天氣太熱，緊係揀返啲酸酸甜甜嘅嘢嚟食，行過好運中心仲見到呢間越南餐廳有下午茶食，價錢唔算太貴，就唔諗咁多嚕！.➜串燒雞肉撈檬熱辣辣嘅串燒雞肉估唔到都幾嫩滑，檬粉份量都好夠，唔會因為茶餐份量變細。有埋醬汁喺枱面自己落，鍾意酸甜口味嘅豬太郎梗係落多啲汁啦.➜牛油雞翼牛油味超級香，外皮香脆，熱辣辣嘅雞翼超吸引呀！.➜話梅咸柑桔水唔想飲汽水又想清涼啲，話梅咸柑桔水就啱晒啦！.#msmessypig_food .

天氣鬼死咁熱🥵想搵個坐得舒服嘅餐廳慢食慢hea熱到冇乜胃口所以想食啲湯粉類嘅嘢出邊睇見呢間餐廳個環境幾舒服 又有卡位所以就入咗嚟真係冇揀錯 冷氣好夠怕熱人士啱晒🤤見隔離枱下午茶份量都好大碗👀食麵食飯都有得揀侍應仲擺低埋本main menu夜晚食嘅話都有好多嘢揀講返自己碗麵先叫咗生牛肉牛腩湯粉有河粉檬粉或者金邊粉揀我揀咗金邊粉湯底好夠熱！影相都見到啲煙😂啲金邊粉唔會煮得太腍而且份量真係好足🙊個湯底飲得多都冇涸喉🙈鍾意飲湯人士可以試吓佢嘅湯粉🤣值得一讚係塊牛腩肥瘦適中有牛味又唔會騷叫咗個小食牛油雞翼炸得好香脆但係又唔會太油飲品叫咗杯薄荷青檸梳打好清新😌略嫌細杯咗啲😛如果可以大杯啲就perfect啦🫶🏾總括而言餐廳個環境真係幾闊落食物質素亦對得住個價錢

D間餐廳接近做咗我飯堂， 有時做嘢遲咗放lunch , 通常都會去d 間餐廳食下午茶，下午茶2點鐘開始，價錢又唔貴，份量同午餐咗唔多， 抵食.餐廳環境衞生整體乾淨， 位置算寬躺，座位舒適，有梳化，職員有禮貌，上菜快，整體感覺良好.特色綜合牛肉湯河粉： 鍾意食牛可以選d 款，有生牛肉， 牛腩片和牛肉丸， 食材新鮮， 金邊粉份量算多， 湯底又係唔會好咸， 清清地，健康之選蒸粉包： 下午茶餐另加$28， 抵食， 有二大件， 餡料多， 一咬就爆餡， 皮夠薄清檸紅茶：跟餐送， 幾好飲

一向都少選擇越南餐嘅我，今次家人出到聲話想食越南撈檬，當然立刻安排🏃🏼‍♀️‍➡️🏃🏼‍♀️‍➡️🏃🏼‍♀️‍➡️🏃🏼‍♀️‍➡️今次揀咗喺沙田搵餐廳，但沙田越南菜唔算多，最後揀咗依間順。我下午茶時間嚟到，大概等咗5分鐘(兩張枱)，都算好快☺️☺️（下午茶2pm開始）今次分別叫咗👇🏻👇🏻👇🏻👇🏻🦐扎肉蝦餅撈檬 - 蝦餅同扎肉都出色，配上撈檬汁好開胃😍🍜扎肉雞絲湯河 - 河粉夠滑但湯底偏鹹，尤其食到最後🫣🐽香茅豬扒飯 - 正常茶餐廳質素🫔越南粉包 - 粉皮唔算厚，裡面全部都係蔬菜，口感豐富🍹話梅鹹柑桔水 - 鹹甜適中🍊香茅鮮橙茶 - 冇諗過香茅同橙咁夾👍🏻👍🏻🩷🩷🩷☕️滴漏咖啡 - 咖啡味道唔算香濃，倒入冰杯嘅時候要小心，好容易會滴出嚟🐝—————————我是分隔線—————————🐝總結：整體食物不過不失，經過沙田可以一試，下午茶會平少少，每人平均消費$80🫵🏻店名：順。越南牛肉粉 (沙田分店)地址：沙田好運中心3樓3007號舖

【沙田•順。越南牛肉粉】 —————————————————————好運中心翻新完多了很多食店林立，當日2點吃午餐也座無虛席。食物方面除了粉面外也有多款越南小食，並設有下午茶時段優惠。 🍯｜河內蕃茄蟹檬｜HKD 72設有幾款粉面選擇,今次揀了金邊粉。這款配料豐富，少不了蟹、札肉、蝦丸、蕃茄等等。湯底濃郁鮮甜，酸味味，食落都開胃。。☕️｜越南老薑蜜｜女士恩物🥰最適合手腳冰凍的人，非常暖胃，老姜更加對身體有益。

呢間越南牛肉粉喺中環街市見過，原來沙田都有分店。下午茶應該又唔貴就走入去試吓啦，一碗生牛肉河都係$52，包普通嘢飲。但係我見佢有個特別嘅雞蛋咖啡就一於叫嚟試吓。雞蛋咖啡係一種源自越南河內的咖啡飲品，傳統上是用蛋黃、砂糖、煉乳和羅布斯塔咖啡粉製成的。當時咖啡被法國人引進越南時，因為越南的牛奶較難取得，當地人想要在咖啡裏做出卡布奇諾的泡沫效果，於是就拿蛋黃當作替代品，而形成獨特的越南咖啡。呢度嘅雞蛋咖啡面層嘅雞蛋醬非常香滑同埋甜，撈埋得極濃嘅咖啡一齊飲就真係一絕。而家唔係度度有呢一款咖啡飲，過嚟試吓都唔錯。

餐廳兩排主要係卡位，中間既位置都有半邊卡位，座位寬敞，枱與枱之間都有足夠空位，坐得都幾舒服。餐廳提供街頭小食、湯粉、撈檬、飲品等，選擇豐富。特式綜合牛肉湯河粉有生牛肉、牛腩片同埋牛肉丸，生牛肉厚薄適中，湯夠熱，所以浸熟咗啲牛肉就岩岩好，牛腩片煮得好淋，幾重牛味，湯底仲有啲香料、炸蒜、芽菜同埋洋蔥，份量十足。西貢三色撈檬三色指蝦餅、扎肉、胡椒豬肉串，配料有大量既青瓜絲、蘿蔔絲、生菜絲等，蝦餅食落去彈牙，而佢既扎肉同坊間唔同，入面有豬耳好有咬口，加埋醬汁酸酸甜甜，食落去好開胃。

🐧🐧好喜歡食越南嘢 ，呢間響沙田好運中心嘅［順•越南牛肉粉］就係第一次食，真心幾有驚喜💕❣️❣️❣️首推嘅生牛肉湯河嘅湯底超級正，香濃不膩有鮮味，河粉索晒啲湯汁夠滑好食，牛肉香嫩細緻，浸兩三秒就熟得啱啱好，肉雞翼同豬扒都炸得香脆但吾乾身，蓮藕炸蝦餅真材實料，食得出係用鮮蝦嚟用心打，好香蝦味，結實爽口，配酸辣醬特別醒胃，推介！👍🏻呢度食物選擇多，價格相宜，位置又就腳，環境闊落舒適，食得好滿足🤤

坐低叫左落單三次都無人應，好啦，終於落左單又落錯，都費事叫佢換啦，費事俾人加料啦！叫個牛河湯底鹹到喊，牛丸又細粒又無味，牛腩又鞋又韌，杯飲品仲甜到不得了 。服務又差，食物質素又低，試一次永無回頭！

順。越南牛肉粉 今次要介紹喺沙田好運中心3樓平台大裝修後，依家多咗好多間新嘅餐廳，而今次揀咗呢間餐廳叫「順。越南牛肉粉 」，佢哋最出名就係生牛肉，未到兩點我就開始攞籌，有個男店員好好人，叫我哋入去坐住先！我哋早咗大約10分鐘入去坐，開始睇menu有咩食，睇睇下有位女店員催我哋落單，我話你問男店員先啦，諗緊食咩都唔得，我諗女店員未識咩叫做「好客之道」，比面男店員算啦！1.生牛肉牛肉丸湯粉（河粉）$62+三色咸檸七$12（9/10）叫咗一碗生牛肉牛肉丸湯河，揀咗河粉，河粉量都幾多，牛味湯底都算濃唔會油，生牛肉薄切唔肥，牛肉大約有10片，仲有4粒爽口彈牙牛肉丸，其他配料有芽菜、洋蔥同青蔥等！飲品揀咗三色咸檸七，入面真係有三種檸檬，再加一罐7UP汽水！2.河內蕃茄蟹檬（金邊粉）$72+紫米乳酪沙冰$26（9.5/10）叫咗一碗河內蕃茄蟹檬，揀咗金邊粉，金邊粉好爽滑，份量都算多，至於配料十分豐富，包括有四分一隻蟹，蟹肉都算ok多，仲有其他配料包括有2粒好彈牙嘅蝦丸、4塊扎肉同幾舊蕃茄肉等，湯底係蕃茄湯底，完全無味精，唔錯唔錯！飲品就揀咗紫米乳酪沙冰，乳酪沙冰唔會好甜，不過好快飲哂，好難飲到紫米，

話說喺呢幾個星期 啲天氣真係熱到一個點呢個商場開放晒正式啟用 有好多新餐廳進駐啊今次又嚟呢度食好西 環境夠明亮又夠舒適啦呢個天氣最啱食越南嘢 酸酸甜甜真係好開胃-Phớ Thập Cẩm (Tại Viện Nam) ($88)Street Combo Phở ($88)特色綜合牛肉粉 ($88)賣相相當豐富 牛肉湯底濃郁薄切嘅生牛肉 比想像中大塊牛腩片好稔 牛肉丸爽口彈牙河粉份量適中 而配料都好足包括洋蔥芽菜 炸蒜同九層塔仲可以 加辣椒同青檸作調味-Bún Trộn 3 Mau ($92)SPECIAL Combo w/ Cold Vermicelli ($92)西貢三色撈檬 ($92)係我最愛嘅撈檬 中意撈幾多檬汁都得呢蝦餅夠晒彈牙 而扎肉咬落有啲軟骨口感胡椒豬肉串夠入味 仲配埋青瓜絲生菜絲蘿蔔絲花生碎 食落酸酸甜甜咁好開胃啊

原本已經光顧了好幾次，生牛肉河的性價比高。 但是有位名Hong的女員工態度十分惡劣！黑口黑面！好似欠佢幾百萬咁！嚴重影響食慾及心情！而且相比起第一次到店，食物也有些許退步，特別是牛柳，沒有158蚊的水準！

今日跟朋友入咗沙田逛街覓食……..行到沙田好運中心見到越南餐廳「順．越南牛肉粉」Pho Nho …….就來一個late lunch 🤭⋯⋯餐廳環境衛生整潔…….坐得也舒服……因為好好多卡位😂😂IT06順化湯檬粉（牛額終、牛肉丸，扎肉）雖然是Tea Set 但份量也不少，湯夠熱亦夠濃味，不錯！E01 順化豬頸肉湯檬粉，同樣不湯底亦OK豬頸肉略略煎過，口感有彈性而且是厚切！跟餐送一杯飲品或另加錢轉特飲🥰🥰