1986地道越南餐廳 (Closed)

1986地道越南餐廳 深水埗汝州街249號地舖————————————————————————-深水埗平民價食地道越南菜🇻🇳呢間新開係汝州街 近地鐵站 方便抵食！下午茶 40蚊一個香茅豬扒湯檬香料夠 湯底飲落去唔會太鹹自己加少量辣椒粒 青檸呢個係越南湯底嘅基本材料如果覺得唔夠 歡迎向店員拎多少少檸茶 檸水 咖啡免費跟配另外加凍飲$9另外加咗一份小食 鮮蝦米卷行過路過深水埗可以試一試由越南地道師傅親手操刀店員都係越南人 聽佢講吓啲越南話都幾搞笑

今晚在深水埗見到一間越南餐廳，門面乾淨企理，所以入去試一試。見到餐牌都好多選擇，飯、麵、法包小食飲品都好多款。我叫了一杯芒果沙冰同埋招牌生牛肉湯河粉再加多一個小食就係，越式脆春卷。首先到了芒果沙冰，唔會太甜有芒果味，好適合咁熱嘅天氣飲，雖然係沙冰但係唔會好淡好多冰嘅感覺。爽！再嚟去招牌生牛肉湯河粉，我第一啖就就試吓啖湯，非常驚喜，湯底有牛肉味好清甜，正！真心推介而且牛肉仲要係彈牙爽口，唔係用普通嘅肥牛，所以真係好好味😋連湯都可以飲晒🥳最後到越式脆春卷，名乎其實，好脆口，入面有豬肉、冬菇、木耳絲，用生菜包住嚟食，唔怕熱氣，佢自家調較嘅汁好夾，唔係現成嘅魚露咁咸，真係好好味😋佢用嘅豬肉唔會得肥豬肉好膩，$38有4件，超值推介👍🏻👍🏻另外想讚下佢啲生菜每一塊都精心挑選出嚟，亦唔會有水滴喺面，好乾淨細心，讚👍🏻整體來講，呢間餐廳真係好值得推介👍🏻👍🏻

朋友今晚想食清啲 嚟到深水埗見到呢間食新派越南嘢食 同朋友異口同聲話不如就呢間! 佢係走平民經濟路線 入邊裝修尚算舒服 坐得好舒服最啱就係一邊傾偈一邊食野 一般選擇都好多叫咗個牛肉沙律同埋河內特色炸腍肉牛肉沙律係好似手撕牛肉 估唔到係咁配合 好新鮮食落去口感豐富 入邊有好多蘿蔔絲 青瓜絲 扎肉等等撈埋一齊 睇得出落咗好多心機切絲 另外炸腍肉出邊好少地方食到 炸得好鬆脆 打破咗我對越南嘢清淡嘅睇法 呢個真係好好食 其實佢仲有好多特色小食下次會再試

深水埗真係好多又平又正嘅美食，真係價廉物美👍 今日就去左食越南菜海防蟹膏湯檬 $70 賣相相當豐富多彩有混左蟹膏嘅肉丸爽脆嘅鮮蝦鮮甜嘅扎肉仲有瀨尿蝦添🤩 啖湯好清甜，食完都吾會好口喝😅 檬粉有啲似麵線，但比麵線爽滑，連湯一口，一口咁食，味美👍 越式肥春卷 $38脆春卷炸得真係好香脆，皮薄脆口，餡料十足🥰 包上翠綠嘅生菜更美味👍 牛油果沙冰 $22天氣咁炎熱，飲一口沙冰真係透心涼，沙冰綿密嫩滑，入口即溶，清涼舒爽，為悶熱嘅夏天消暑，真的一流～ 全日仲要免收加一，真係好過去食快餐店啦🤪

好耐冇去越南，今日特登搵越南嘢食，食左唔錯推介俾大家，深水埗州街249號呢間1986地道越南餐廳，就喺馬會隔離好易搵先講選擇方便其實都幾多元化，通常越南餐廳都係pho即係河粉，當然會有小食，但係呢度有埋法包，又有沙冰，滿足到你想食越南野不同願望小店經營樓面2個女仔一腳踢，但係非常細心，餐具幫你執埋熱水浸筷子，無得頂，其實店內環境都幾乾淨食物方便我揀咗越式特式雜錦包，個包烤得好香脆，入邊嘅料有豬干醬，烤肉，札肉，好正宗，比起之前去越南嘅法包，呢個更多蔬菜，食落健康唔會漏，正另外嗌左個小食越式蒸粉卷，呢個蒸粉卷應該係我喺香港食咁多間越南菜最好食嘅蒸粉卷，熱辣辣，個皮猜得有啲似粤式腸粉，好夠米香，加埋佢個自家調出嚟嘅魚露，甜甜地，好好味好夾飲品非常極力推薦我嗌左呢杯越式椰汁咖啡，店員好好地解釋呢杯類似沙冰，我未飲過呢種咖啡，好驚艶，估唔到椰汁同咖啡係咁夾，香滑，咖啡有啲焦糖味，大家飲時記得搞勻

喺深水埗買嘢，食埋飯先返屋企，發現依間非常出色嘅越南餐廳！除咗一般普及嘅越南粉面同小食之外，佢哋仲有供應法包同埋越南咖啡，睇嚟下午茶應該都幾正😎餐廳入面光鮮整潔，仲有少量卡位，都坐得幾舒服。炸魚湯檬粉比想像中更加好食！炸魚都厚肉，香脆，肉質比較實淨，要慢慢食，因為都有少量好硬嘅骨。除咗炸魚，仲有幾塊煎到好香嘅魚餅，少少辣，幾好食😋仲要有好多香草，蕃茄，成碗湯好清甜，好好飲。呢個越南春卷，係我食過最好食嘅越南春卷！超級有誠意，必食！除咗蘿蔔絲，仲有青瓜，生菜，薄荷葉，同埋芫荽！基本上每一件春卷，配搭唔同嘅配菜，又係一個新嘅享受，我真係未見過一份春卷有咁多配料，而且又新鮮乾淨，令食客食得開心又放心👍🏼👍🏼

外買叫咗個海防蟹膏檬粉及綜合牛肉湯河， 味道一般， 其他人話海防蟹膏檬粉有(肉丸、扎肉、 蟹膏) 但我外賣嗰碗(冇蟹膏豬肉丸)， 只有兩片扎肉、兩隻蝦、 蕃茄 一磚四方形嘅肉!! 綜合牛肉湯河只2片扎肉 兩粒牛丸三片薄牛腩!!

味道好正宗，會再過嚟幫襯，椰汁咖啡 ， 春卷撈檬係手工整所以春卷好大好多肉😋 ， 烤肉撈檬粉！重點係個汁非常好味 😋，仲有其他汁例如： 越南鹹魚露同埋豉油都係越南牌子寄過嚟，。 環境好靚，服務員好friendly仲係越南人先， 介紹啲嘢都好清楚都係越南人開，啲味道係北越嗰邊所以個味道非常好！好近地鐵站行兩分鐘就到了！ Amazing good job !!!!!!!!!!!!!!!!! Really tasty 😋 will comeback again