批&撻專門店

Open Now

Now Closed

鮮奶TART係必食之選! TART皮係牛油皮, 岩晒我呢啲中意食牛油皮多過酥皮既人。而且TART皮好薄, 淡淡既牛油香, 唔會搶左奶味。 鮮奶TART最不得了緊係啲奶, 好滑! 又香又重奶味! 朱古力TART要小心, 因為唔係日日整得好食, 買之前睇下係深啡定淺啡, 淺啡又好似好水既話即係朱古力落得唔夠, 會食唔出朱古力味。見到深啡先好買!

經過港鐵站，就比pie and tart傳出黎ge香味吸引左。最後我買左個鮮奶撻同雞批食。無論係個批定個撻，我都覺得好好食。先講個雞批，都幾足料，食落去淡淡雞肉，而且入面d肉餡唔太硬同唔痴牙另外，個鮮奶撻層皮幾脆，而且個撻ge鮮奶味唔太濃唔太淡，恰到好處。但係，無論係個撻定批，都好易散，所以好易食到成地都係碎

今日特登出黎買野過年，又再次經過哩間批&撻了，6點幾喇，約咗人9點晚飯，哩個時間唔食又餓，食又怕飽，真係食件撻呀，都要想清楚食邊樣望下再講啦，食有餡批又太飽，甜品又唔想食，突然俾我見到個熟識嘅名，就要哩件啦，【Milk Tart 鮮奶撻】～我喺南非10幾年，除咗唐人街之外冇【蛋撻】買架，一般超級市場bakery賣嘅就係milk tart。南非賣標準size嘅milk tart大概有8吋左右吧，預咗人買返屋企切黎食的家庭裝。一般都會喺表面灑些許玉桂粉，自細屋企人都有教啦，玉桂粉有安神作用，夜晚訓覺之前飲杯暖嘅加咗玉桂粉嘅牛奶會好訓啲嘛～咁milk tart嘅味道就緊係帶甜味架啦，我地會加糖落奶茶度調味，但從來唔會加鹽的，食食飲飲關於奶嘅野，帶甜嘅味道對我黎講同常識冇咩分別 而蛋撻印象中就可以配搭唔同嘅口味囉，鹹甜皆宜～我特登講咁多就緊係有原因啦，原因就係件撻皮好重牛油味，撻皮同整蛋撻嘅皮係同一隻，牛油味其實係好動物feel的，偏油的，配合蛋就冇問題，配合奶哩種好甜品feel嘅飲品嘛，唔係話唔得，可能係我先入為主啦，我覺得奶撻應該係甜品嘅感覺，而唔係咁油膩嘅感覺囉。。。 整體味道其實唔錯的

住在九龍灣附近，閒來就經過哩個門口，但總提唔起興致買個批食下，今日又再經過，忽然覺得有少少餓，適逢其會，就行近啲睇下啦。我喺南非住咗10幾年，批已經成為生活中嘅一部分了，周圍都有批賣，連鎖超級市場呀，連鎖批專門店呀，部分咖啡店西餐廳呀，factory shop呀都有得賣，即食嘅，冷藏嘅都有，屋企同辦公室嘅雪櫃都可能擺咗啲喺度，餓嘅時候就可以放入微波爐叮下就食得，守門口嘛 味道由chicken & mushroom，steak & kidney，feta & cheese，pepper steak，beef curry，lamb curry，roast chicken，連將塊漢堡肉放入批裡面加番茄醬芝士嘅cheese burger pie都有，真係食到厭，所以經過咁多次哩個門口都冇行過去睇下。。。 行過去一睇，真係大開眼界，咩螺絲粉肉汁批，粟米薯蓉批，海鮮批，南瓜批真係咩都攞黎整批，雞批，蘋果批算係最平凡架喇，最後我揀咗一個幾親切嘅名【鴕鳥肉批】。來自南非，鴕鳥肉當然係閒來就接觸嘅食物，隨便一間超級市場都買得到，咁當然就係一分錢一分貨喇，woolworths賣嘅質量算唔錯架喇，已經用醬汁

成日經過kowloon bay既地鐵站都會發現隔離間pie and tart好鬼香, 今日我忍唔住平平地食左個肉醬薯蓉螺絲粉。佢其實都唔細舊, 入面有好多螺絲粉都幾飽肚, 而且有焗過,所以d薯蓉都幾香! 不過個人黎講好中意食肉醬, 所以覺得肉醬有D唔夠, 如果可以有多D肉醬就好喇! 不過平平地又飽肚好抵, 下次要試埋其他批!

而家成日去地鐵站都會聞到好香既蛋撻味，所以成日都會忍唔住買個黎食！今次食左個法式粟米批，其實我由佢未加價之前已經好鐘意食，因為一個十幾蚊，已經好飽，可以當一餐lunch。不過而家加左計，啲料又縮左，外面既薯蓉愈黎愈厚，入面啲料就少，不過又唔會少得離譜，有返啲汁，食落去都無甘乾。

我買$18 嘅美國焗芝士蛋糕，返到屋企先發現佢畀咗件$10 嘅tiramisu 畀我 btw，$6.5 鮮奶撻而家好似水咁稀，我不如畀多五毫喺東海堂買北海道3.6 牛乳撻啦

經常到港鐵站都會聞到好香既奶同撻既味道，原因？當然就係因為PIE & TART 呢間專門店啦！食就食過好多次，但我覺得有時候肚餓又未食正餐可以喺度買d小食醫肚。鮮奶蛋白撻撻幾鬆脆，有少少牛油既味，蛋白幾香，亦幾重奶味，甜度適中，係幾好食，絕對係醫肚之選。

實不相暪其實宅女一向不吃撻的, 亦很少會吃批類, 所以想當年當這家批&撻開業時真的有說過一句是否全部都放我不喜歡的食物在裡面呢?其實又未必的. 雖然不吃他們的撻類, 但反而這個美式螺絲肉汁批 (HK$13), 又會時不時買來吃.其實這個也不算是批啦, 因為頂端的就是一大圈薯蓉, 而底下是混了茄汁的螺絲粉要拿去焗出來的薯蓉焗得外脆內棉, 質地雖然粗糙但吃起來較有質感.而底下的是加入了火腿絲和粟米粒的螺絲粉, 混了不少茄醬, 吃起來酸酸地都OK的.份量不是好多, 當正餐當然沒可能, 但有時太餓買來一個暫時頂肚也不錯.

買完2個撻後5分鐘到就食。鮮奶撻已經吾熱 不過味道無變 反而無甘熱既解奶味仲出d。雞批就比較熱 餡多、雞肉多 批皮好香 食落去仲有少少脆脆地既口感 但系一拎起個批就已經爛爛地 個批會分開上下2半 呢度可以改善下！

在一眾港式茶記小食當中，小弟最鐘愛的，仍要數到酥皮雞批....在一眾有雞批供應的地方當中，小弟的心水之選，仍是連鎖店"Pie & Tart"的出品....正所謂"一分錢一分貨"，將這裡的雞批與普通的茶記比較，確實是有點不公平的....不過若單論足料以及酥皮的鬆化程度，"批&撻"仍是可稱冠....相比起多年前吃到的，老實說是有些退步了，但價錢卻是一年比一年貴....用义咭開酥皮後看，餡內的切粒雞肉依然健在；白汁也不至於杰撻撻如像漿糊；酥皮厚度與鬆化度則是不及往昔....十二大洋一個，的確是貴。不過間唔中來一個，絕對是無傷大雅...

超級久違的味道對上一次吃是很小的時候了要了鴕鳥肉派（$11）Pie的樣子味道沒怎麼變〜〜因為拿回家吃所以pie crust稍微軟了，不過還是蠻flakey的，餡料不算爆滿，但剛剛好不膩鴕鳥肉不腥不怪，反而很鮮，裡面還有薯仔塊，甜甜鹹鹹之中又帶一點黑椒的辣，不錯不錯，吃完也蠻飽的

又到了鳴謝時間，早前與食友  SSG  一起往九龍灣出席活動，甜姐兒送了購自 「Pie & Tart Specialists」的咖啡曲奇給我，真是感激，謝謝妳啊！其實筆者亦曾經有一段時間在九龍灣返工，下班後間中也會到地鐵站的 「批&撻」 買些零吃，尤其喜愛它香口的酥點和熱辣辣的雞批，反而從沒試過店裡的曲奇。至於這包像闊版葫蘆造形的咖啡曲奇，大大的一袋，非常重手，分量十足。味道方面，啲曲奇質感鬆化輕身得來牛油味又不太濃，吃起來不太膩口，感覺較為健康，只是咖啡味不太明顯，稍嫌有點兒平淡，未夠突出。

忘記了自己以前有沒有食過, 有都應該好耐之前... 今日途經九龍灣地鐵站, 打算買來一試...除咗批同撻, 仲有酥餅...同埋切餅, 布甸...要買4個先有紙盒裝, 唔想整碎, 唯有買4個...到朋友家後, 將撻放入微波爐叮20秒, 熱度剛剛好...雞批 $11-- 雞肉軟腍, 白汁很香, 批皮鬆脆, 好味...蘋果批 $8-- 看外表還以為是波羅批, 原來是蘋果批... 蘋果甘香清甜, 批皮酥香鬆脆...南瓜批 $8-- 南瓜非常香甜, 味道濃郁, 很美味!!! 批皮鬆脆... 朱古力鮮奶撻 $7-- 先用茶匙吃掉餡料, 朱古力味很淡, 奶味很重, 奶香欠奉, 不太滑溜... 牛油撻皮太薄, 移除銀色錫紙杯時弄破了撻底, 撻皮沒有牛油香...款款都幾好味, 下次會再試埋其他味... .

今日經過呢間野見到個名好吸引!於是就行咗去望下點知見到有鮮奶TART,,,個樣好似蛋TART咁好令只係$6.5一個即刻買尼試下但買完先醒起自己要撘地鐵..不過唔理喇去到月台有椅架喇但係..如果呢間野有得坐係到慢慢食既就好喇打間個紙袋...有陣淡淡地既牛奶味!有匙比埋都幾好,,第一啖食落口,,,好似食緊牛奶咁好正!!!第2啖加埋D餅皮一齊食,,好似山琦既蛋白蛋TART但多咗一份牛奶香!!而且呢個仲冇咁'漏'添!仲有好多唔同既PIE&TART例如...朱古力鮮奶TART,芝士鮮奶TART,南瓜PIE,APPLE PIE....好多都好想試!!!而且唔貴..值得一試