歐陸冰室

Open Now

Now Closed

服務員態度差到不得了，食物難食，牛扒衰過橡膠，價錢又唔係平，未試過要食到咁嬲，服務員唔知已為欠佢錢，一句講晒，唔會有下次又其2位男服務員，從未試過咁差的服務，食物又難食

來到大元邨, 就記起當年被領匯(現稱: (好)領展)掃走哂既廉價小餐廳. 於是就來試一下所謂高級了的餐廳.來到這間「歐陸冰室」,看到餐廳內外環境都不錯,對menu的食物也感興趣, 就走進去了.我和女朋友各叫了下邊兩個(102&103)以及即磨咖啡及熱朱古力一杯先送來了餐包及淡而無味的雜菜湯.再等了15分鐘, 發現落錯單, 送上來的是下邊兩個(111&112)要求更換後, 再等了15分鐘.共等了半小時後, 終於可以開始食了.驚喜的是即磨咖啡的味道相當不錯, 天使麵的味道亦不錯.但員工的服務態度比普通茶餐廳的更差勁.感覺就是咖啡室的環境, 西餐廳的味道, 卻碰上茶餐廳都好過佢既服務.

兩點多三點，來到這裡侍應放下兩個餐牌：午餐同下午茶的。好奇的問了一位女侍應午餐同下午茶嘅焗豬扒飯有咩唔同。午餐叫鮮茄蓉厚切豬扒焗飯；下午茶叫茄蓉焗豬扒飯。佢表示午餐大份啲。我問佢係咪午餐用厚切，下午茶冇咁厚，佢就支吾以對。咁算啦肚餓就照要午餐。點知佢嚟到，塊豬扒一啲都唔厚，遲到過我哋嘅隔離枱個女仔叫嘅下午茶豬扒飯帶豬扒仲厚！而且份量一樣咁大！即刻覺得有被騙嘅感覺。服務員俾人嘅感覺一啲都唔專業，兩個餐牌嘅食物有咩分別都講唔出。廚房又漏單，隔離枱遲過我哋嚟嘅人兩個下午茶餐都黎晒，我哋仲差個天使面，追咗兩次先至到。奉勸大家，有下午茶食下午茶，嗰啲多咗嘅份量真係肉眼睇唔出。

  今日星期日，我做左早起的鳥兒，由元朗出到大埔都係未完早餐時段。事不宜遲，嘆個早餐先。相信早餐時段非常爆滿，好好彩我一到就有一枱走啦。睇到menu蛋沙律加番茄牛角包好似好吸引，可惜賣曬、唯有叫的有肉既餐之後將肉夾走。  我既係all daybreakfast，炒蛋、茄汁豆、蔬菜沙律、包同紐倫堡腸，另外我加多6蚊要個番茄火腿通粉。  雖然30幾蚊一個all daybreakfast真係平到冇得再平啦，但個餐其實真係唔太值。首先我唔明白通粉點解唔可以走火腿？！據我所知啲火腿應該係煮完先切上面、唔係同啲通粉一齊煮既，搞到我要逐條夾返出黎=.=。番茄湯不夠番茄味，只有紅色及咸味但沒有酸。沙律只有兩三條菜同幾粒粟米，炒蛋又係得一兩啖…如果我唔加通粉其實真係完全唔夠食囉….

落寞寂寞的一個夜晚⋯ 今晚屋企無飯食，當然要自己浪漫下，去歐陸冰室，感受下歐陸的寫意😂😂餐廳坐位舒服，人不太多，可以慢慢享受晚餐👍🏻order了一客carbonara, 味道及賣相不錯👍🏻咖啡無乜歐陸味😂奶味較重，但我鐘意👍🏻晚餐$52，價錢可接受！環境也舒適！要求唔太高既，可以來試試

去開大元街市買餸就到樓上搵野食，見到歐陸入面都幾多人同下午茶食物款式都幾多就試下燒雞凱撒沙律，$33，一見到已經打個突，一心以為會有雞扒，結果只得5小粒雞肉，雞扒無咩味，只是加了少許黑椒及鹽，沙律醬過多，食到尾段已經漏到唔想食，麵包多士焗到好乾，真心的唔覺得好食餐飲熱咖啡，一望就知奶太多，無咩咖啡味，又係飲唔落補充，我們要求先有水及餐具供應，希望改善一下這方面的服務質素

附近反工， 但好少出街食lunch, 今日突然想出去食lunch, 同事介紹呢到， lunch set選擇都幾多, 有至少十幾款， 我order左黑椒汁芝士一口牛焗飯賣相幾吸引， 有大概十粒左右牛肉粒， 口感幾軟又唔痴牙， 牛味就比黑椒汁蓋左， 黑辣汁夠晒撈飯食， 好開胃，芝士份量再多少少就perfect喇， 跟餐飲熱檸茶， 茶味幾香淳。。另外聞到同事杯coffee好香， 佢話好唔錯

星期六的5点多來到大元村, 很久没來, 平台的歺廰全部換掉了, 逛了一圈, 選了歐陸來一个下午茶。点了朱古力西多士, 蕃茄海鮮湯烏冬, 凍奶茶及熱朱古力。烏冬本來就沒期望, 很多魷魚仔/鬚+1只青口, 只是湯底偏淡。西多很有趣是4粒炸西多, 淋上朱古力&煉奶, 賣相好, 只是西多很油, 切開已見不到白色的麵包, 因為已吸滿油。熱朱古力來的時候, 待應杯未放下, 眼已望其他地方, 所以打側了杯, 飲品傾倒碟上不止, 枱亦濕了, 但她完全没發現。再者, 新的歺廳, 但杯邊已傷㾗累累, no good 飲品不合格關係, 我想下次會試試其他歺廳。

我同男朋友去試呢間野，11點去到 早餐完左，午餐11點15先開始，我地唯有等下。到左11點15都冇人理我地，我地先叫人泥，d人既service一般，要睇下邊個啦。有d好好，會即刻幫您，有d就話知您。原本心情都幾差咖，不過d野食又幾好食，平均每人都係$48.5。一開始會覺得貴，因為大埔d野食都係around30至40玩，但佢呢間就多數over40既。事後食完就會覺得物有所值!!