平記麵家

Open Now

Now Closed

心血來潮想走一趟大埔的鐵路博物館，從火車站步行過去的途中會經過大埔墟熟食中心，是日第一餐就決定在此吧!2樓很大、食店很多，下午茶時段依然有不少在營業。話說很久沒吃傳統的麵食了，之前曾經看過報導介紹這家平記麵家，簡單的餐牌，主打撈麵，照片看起來頗吸引。雖然價錢不算便宜，還是決定坐下來一試。點了蝦籽雲吞撈麵，實物如圖，滿滿的蝦籽幾乎鋪滿整碟撈麵，連雲吞都不太能看到。先喝一口湯，味道清甜，沒有味精的感覺，再挾起一小撮麵條放入口，軟硬度適中，帶淡淡蛋香，鹼水味極小，和味道濃郁的蝦籽是好搭檔。雲吞小小一粒，聽說是傳統的份量，不過仍能吃到裡面蝦與肉的香味，也是不錯。吃到最後，剩下不少漏網之籽，把它們通通掃進湯裡拌勻然後喝光光，嗯~真的好滿足吶!日新月異，菜式不斷在進化，嚐新的同時，也不要忘了累積無數前人經驗而成的傳統滋味啊。

傳說中既竹昇麵，係師父每朝用碌竹哽足幾個鐘壓成，完全手做鴨蛋麵，比一般機製既更彈牙嚥韌，每日限量發售。事隔一年重遊舊地，食得蔡潤記、洪記魚蛋鴛鴦多，都想食下其他野啦。試新野先，未食過豬油撈麵，就揀您。豬油撈麵走蔥，豬油撈飯食過幾次，好好味！撈麵都係第一次。豬油及豉油份量由師傅安排，撈撈撈，有咁均勻得咁均勻，要每條麵都佔上豬油豉油，咁先試得真麻！豬油撈麵走蔥，第三次食傳說中既竹昇麵，最正今次！堅嚥韌到不得了，蛋味特濃！撈上豬油令麵條更爽彈、減低黏黏感覺。掛上大量辣椒油，好辣啊！出晒汗！但越辣越想食，豬油香加上辣椒，good good 好食！淨雲吞走蔥，豬肉雲吞是也，不是鮮蝦雲吞矣。大大啖湯將鮮肉雲吞直沖入口，大量湯汁跟肉汁打成一片，足夠的甜美香肉。雲吞麵，傳說中既竹昇麵都唔係傳聞中咁神乎其技啫，嚥嚥韌韌有點咬口，微爽而有點漿口，淡淡蛋香，幾有趣特別，功夫麵來的。一口鮮肉雲吞湯外滑而裡面結實，肉味香濃，連湯齊齊食非常清甜，唔錯唔錯。蝦籽雲吞撈麵走蔥，首位招牌係手打竹昇麵，微爽嚥韌黏口而有蛋香；次位招牌鮮肉雲吞，結實味濃帶香甜肉汁又彈彈的，乾食比送湯既肉味更濃。落少少清湯將蝦籽跟竹昇麵撈得均

一碗好好味的雲吞麵，雲吞細細粒，一淡一個，—雲吞有肉味有蝦味有湯的鮮味，那種甘香鮮美是一般的乒乓全蝦肉(雪藏)雲吞不能相比的。最抵讚的係d麵，很爽脆，唔似外面的像橡皮咁，而且平記的麵一d鹼水味都冇，真係要寫個服字俾佢。竹昇打麵，的確唔同！

星期六，十一點幾，未到十二點，大埔泊車難度都好高，沿途的咪表位，都冇可能啦，直趨市政大樓排隊入停車場啦！這個時段，第一批買菜的，已經打道回府，吃午餐的隊伍，還未殺到，那條車龍不算誇張，龍尾在火車橋底，十五分鐘之內一定可以入場。之前離開香港往上海公幹，離鄉別井，需要一些comfort food！泊好車，馬上衝上二樓，魚蛋粉未收檔，不過無位，趕時間，立即去平記。點的當然是我的最愛，蝦子云吞撈！美味撈面，好快就送上。湯夠熱，蝦子夠多，夠香，麵條爽滑，軟硬適中，云吞小小的，皮很薄，咬下去，有豬肉的香味。這是傳統的好味道！回想在上海遇見的上海餛飩，就更覺得我今天在天堂！在上海住的英國品牌五星級飯店，早上有菜肉餛飩。餛飩是一早已經焯熟的，客人自選食材後，交給“服務人員”放鍋里燙熱。最後，我得到一碗皮破、露餡的東西，咬下去，餡不夠熱，而且那餡的菜和肉都是機器攪爛的，像一“pat”糊，這碗東西，我不敢繼續了。這餐廳的廚子大概不吃自己出品的東西，否則沒有可能弄出這么沒有水準的上海家常點心。用心做食物，才可能有好的出品，我喜歡堅守的小店、小攤。興幸大埔有好幾家這樣的食肆。同桌的是樓下賣魚的查理士布朗臣，老

大埔墟街市，算係近月比較常去的lunch canteen。之前食左兩間豬扒麵都覺得ok，今次一於去各大傳媒已經介紹到爛嘅平記啦。自己叫左一碗蝦子雲吞撈麵。本來諗住撈麵冇湯麵咁易浸淋，不過上枱一夾，已經大失所望。首先麵條猶如"一住菜"咁黏身，好似漿糊咁杰撻撻，似係煮到過晒時，更枉論筋性、彈性。細粒雲吞尚算正宗，不過蝦肉似乎就一般，不太爽彈。蝦子份量多，唔太覺豬油香，湯頭可以。另外亦叫左一碗魚蛋粉。價錢非常合理，河粉唔錯，幾款魚蛋都ok。不過整體而言只算中下水平，大埔墟街市仲有更多好選擇。

隨着光顧平記的次數增加，漸漸發現老闆所製竹昇麵的質感，跟天氣潮濕與否有莫大關係。遇上乾燥天，麵條入口時倍覺爽口；若是潮濕日，則變糊口。手作麵如同手功麵包都懂呼吸，然後釋出不同的味之體驗。平記的麵，是寶號的靈魂，雲吞及蝦子才是配角。麵食的份量較一般麵店小，正好表現少吃多滋味的道理。怕腸胃空虛，加一客薄身魚皮也不錯，再在熟食中心茶水店點一杯熱茶，頓時大滿足。可讓貪吃的你一次過品嚐中心內不同美食，這亦是光顧平記的好處呢！

第二次黎食竹昇麵，上次食已差不多兩年喇，麻麻地，今次真係要試真啲。 蠔油生菜，白烚生菜都好淡口吓喎，無菜甜味既？烚得太耐？ 雲吞撈麵走蔥，蝦籽清湯好味 ﹗撈麵放左一陣已有點熔熔地既感覺，好糊口，完全無彈牙同嚥靭感覺，發覺竹昇湯麵比撈麵更好。竹昇的彈牙只活在傳說中，不過無可否認係中國傳統功夫菜。雲呑都幾好食，但 size 特別細既？蝦仔半口雲吞。 水餃麵，都無話走蔥呀，依碗係要蔥架。水餃比雲吞好食，蝦、肉、菇比例剛好，豬肉味香濃，湯麵較撈麵爽滑，滿意。

四月七日 (星期六)時間過得真快上年的復活節老公仔買了班龜圓圓，一年後的今日，牠的體型已經由五蚊銀變成一隻手掌般大!還記得上年還帶圓圓和牠已死去的同伴一起到黃金海岸哂太陽的情景，希望它能繼續快高長大今日的復活節，老公仔說要探探圓圓，所以在沙田做完運動後就回到大埔先上大埔墟街市及熟食尋尋美食行了一個圈，見到平記有雜誌介紹過，於是坐下來，吃第一餐(因為我們已經預計不夠飽，會到另一家再吃)雖知道店子出名的是豬油撈麵，但一向對豬油沒有好感，而且老公仔也不太好竹昇麵，就點了大路的粉麵魚蛋的質地較為粗糙和嚡口，鮮魚味卻十足魚片口感亦欠彈牙，略為硬實炸魚皮香脆，但卻較碎整體只是一般雲吞是一口一粒的，沒有鮮蝦，用上豬肉作餡口感不錯，豬肉味香濃，就是欠了一點煙韌口感兩者均是清湯底，不過不失在大埔的魚蛋麵檔，做得較出色的始終是欽記,學利和海達

大埔墟街市覓食第一站：平記雜誌介紹大埔墟街市好多好嘢食，由於要入大埔，於是提早出門先去覓食。大概十一點三、四去到熟食市場，環境好大，亦好多人。揾呀揾，終於揾到平記，人唔算太多，即時有位。要左個蝦籽雲吞撈麵，$33，街市黎計唔算平。蔥花清湯先來，熱到燙口，清清地無味精。撈麵也接著送來，份量不多，但蝦籽就反而好多，灑滿成個面，而且蝦籽好香，味鮮，蝦籽比劉森記做得更香。雲吞細細粒，一口一粒…蝦同豬肉比例相約，肥肉不多。至於個麵身，同劉森記嘅好似，好爽，但有微量鹼水。整體不錯，可一試！

在吃完陳漢記和阿婆豆腐花後,轉戰第三站.聽說平記得有名,當然也要來試試了.無做功課的公關,即席看完OR,又看到貼在牆上蔡瀾的介紹,平時唔特別好肥的公關,扮晒學蔡生,勁點了碗豬油撈麵.阻住參詳了一輪,點了一個雲吞蝦子撈麵.兩個麵也來了,當然公關又再次覺得隔離飯香,看著自己什麼餸都沒有,阻住的看上去卻極之豐富,公關即時扁咀.阻住笑說:"其實我這個,都有豬油,不過沒有你那個多而矣.."唉,公關又就咁燒焦了!吃下去,雖說是自家製的竹昇麵,可惜,麵很"笠"口,不夠爽,黏在一起.蝦子,不夠咸香.不期然又將它和深水埗的劉森記比較.我問阻住:你覺得哪間好味些呢?(其實公關心目中也有答案了)阻住話:劉森記.公關所見略同!不過,平記的雲吞,我們卻十分欣賞.它是小小的一隻,一啖一口,不是蝦多大過雲吞那一類.一咬下去,肉很多,肉味香濃,而且自己製的皮也很香蛋味,細細隻,大家想吃完一隻又一隻呢!吃了不久,旁邊坐了一家大小.貎似媽媽的說:聽講旁邊的那間奶茶很不錯.公關偷聽到,馬上點一杯.YO!又真的好好味噃!奶和茶的比例剛好,也很滑,是一杯好奶茶!接著,又聽到旁邊的媽媽問:你覺得這間好吃還是深水埗劉森記好呢了?我

今次介紹的是daddygaga喜愛的麵第一回合,叫了雲吞撈, 可惜放落口時已經凍晒, 而且因為用豬油, 一凍就唔係幾好喇....my fault.太油膩,有點不服氣... 再來多個,蝦子雲吞撈....今回一上即食....麵好有蛋味, 又爽口, 不過豬油多咗d, 再加上落咗辣椒油, 多咗.... 如果換上辣椒漿唔知會唔會好d....雲吞只是一塊皮加少少肉,無特別...for me 依度主要食撈麵 ..下次試下先

平記，幾十年老店，飲食男女都報道過幾次。傳說中既竹昇麵，係師父每朝用碌竹哽足幾個鐘壓成，完全手做全蛋麵，比一般機製既更彈牙嚥靭，每日限量發售 ~帶友人專程去試林記排骨飯，我咁大食一碗飯點夠飽，咁啱發現原來平記就係正對面，多年前已經想試吓竹昇麵係點樣，咩咁巴閉架喇，擇日不如撞日，就依家叫碗麵試佢一試，無做定功課，無去調查吓佢地咩出名，咁是但叫個魚蛋麵啦 ~同位妹妹落單要魚蛋麵走蔥，送去林記第一張枱。五分鐘後有位口黑面黑既阿姐攞碗魚蛋米多蔥比我，吓？我係叫魚蛋麵走蔥架喎。阿姐黑住面用不滿既聲線回應話如果真係落錯單，仲錯得咁離譜，就要炒魷魚 ﹗就掉頭走左去。嘩，依啲咁既服務態度真係要嚴格地改善囉 ﹗之後另一位四眼阿姐有禮好多，攞碗正確既麵比我，但係都無走蔥既，唉。。。魚蛋麵，傳說中既竹昇麵，所謂完全手做既全蛋麵，唔知係咪剛食左碗林記排骨飯同啲點心，所以飽飽地而影響左我既味覺呢？成世人第一次食竹昇麵，外觀好唔同，係麵球而且係麵條全部分散，唔似得麵餅咁癡埋一舊。但口感無咩特別，只係比一般既全蛋麵彈牙，而且蛋味較濃，遲啲要再試多次，試真啲。叫錯魚蛋，原來招牌菜係水餃同雲吞，魚蛋大大粒，味道普通基本

由光顧平記那天起,我再沒有在香港其他食肆點雲吞面/水餃面和蝦子撈面.我想,能和平記匹敵的面家,只能在澳門找到(如沙梨頭的陸記). 師父用竹昇打造的銀絲旦面,在香港幾近失傳.面條沒有令人嘔心的梘水味, 咬勁恰到好處,不會硬得像吃橡筋.雲吞皮/水餃皮也是師父親手炮制,很薄很滑.雲吞和水餃餡的豬肉很香,但我比較愛水餃,因為加了木耳,很爽口. 每次光顧,我一定會將湯水喝光.喝起來像很清淡,但細心品味,便品嘗到當中的清甜,真材實料,不加味精 ! 面檔很早便開門, 我試過七時半去吃早餐, 那口面湯是最清徹最好味的 ! 冬天寒冷時,吃一碗熱辣辣的細蓉才上班,多溫暖多醒神 !打竹昇面耗用佷多體力,師父畢竟年紀大了, 有時水準不穩定,希望大家體諒.他五十多年來堅持用竹昇打面, 沒有貪方便或想賺多些而改用機器,這份堅持,很值得我們尊敬.

This is the the third time that I come to Pai Po Complex .The previous times were either too late or the seats were fully occupied with people Finally , I have the chance to taste it . However , I really don't recommand ppl to come to Tai Po , just for eating the noodles. Honestly speaking , it just don't worthy . 蝦子雲吞撈麵There are sufficient amount of shrimp roes & five pieces of small 雲吞 .The taste of 雲吞 & noodle are just very common , nothing exceptional.The flavor of the soup was rather pale

中午和朋友來到大埔; 心想, 都有一排冇食平記, 今日又夠時間, 食返碗麵先!都好懷念幾年前在大埔返工的日子呢.28蚊個雲吞水餃撈;雲吞水準保持, 雖幾細粒; 但豬肉夠味, 好香,水餃也不錯, 但都係雲吞好食d.麵加了豬油, 勁香勁滑, 唔太大注, 男士可能要食兩碗呢...隔離的大叔都食了兩碗之前有人同我講, 老闆揾的食材幾講究,豬肉只用豬比的靚肉, 自家製的麵等等....是間幾有誠意的小店.但是都係做到4點便收工, 大家別晚上來呀!哈, 又見到蔡生的相片....