炳記西餐館

Open Now

Now Closed

為食兵團組出現啦。一齊出發去食搵好嘢食。今次有朋友介紹啊去食煲仔飯。一諗起煲仔飯梗係油尖旺㗎啦！但朋友話可以去荃灣試吓喎⋯⋯想一想.🙄諗一諗.🤔出發🏃‍♀️🏃🏻🏃‍♀️🏃🏻🚘幾個人嗌兩個飯兩個餸，試一試佢先。佢仲話要焗一焗，唔好即刻開蓋住。想食飯焦就要焗耐啲。鳳爪排骨煲仔飯好正啊！排骨好入味。臘腸臘肉煲仔飯個菜都唔錯，我覺得油左少少姐椒鹽鮮魷，食到唔停口。

琴晚成10:30先翻到荃灣，但又未食晚餐，諗住係眾安街求其搵一間食少少野就算，點知原來好多都係10:30啱啱截單last order(見有D寫住營業到11:30以為有得食)之後都見到呢間，竟然營業到兩點，心諗實無死就走左入去食。叫左個宵夜鐵板餐(肥牛肋骨+吉列龍脷柳)，配西湯餐包餐飲，可選薯菜/飯/意粉，小弟好肚餓要左飯，另外配黑椒汁。一個餐$85，鐵板嚟講算平。整體嚟講，味道唔差。湯同餐包無特別。鐵板好夠熱，吉列魚柳外脆內軟無問題，牛柳夠諗(可能加左粉?)。講下衰野先。衛生唔好，食嘅時候一路有蚊飛嚟飛去，餐廳入面無滅蚊燈，食到有少少燥。另外佢個飯無分開上，就咁倒落鐵板上面，最後痴塞底，原先ok嘅飯變到硬身唔好食。(另外個人覺得汁可以多D)不過咁，講真，夜晚接近11點有$85鐵板食，夫欲何求? 我又見佢地服務態度幾好，會講多謝，會小心幫你整好張枱先放鐵板(莎XX餐廳可以學下)。同埋檸水有驚喜，檸檬好靚，無落糖都有少少甜(雖然好小事但係都想贊下)。結語：其實可能係因為我飢寒交迫，兼搵左好幾間都無得食，心情差嘅時候見到曙光，先對呢間餐廳有好感。服務態度好，食物ok，衛生唔得，會翻兜。

天氣突然轉冷,即刻諗起食煲仔飯啦~行經荃灣區,見到門口已經有一排排煲仔。就入去試下啦.一行三人叫左,蠔餅,土魷肉餅飯,北菇滑雞。蠔餅脆卜卜,粉槳唔厚煲仔飯~肉餅肥肉太多土鱿唔夠野味。滑雞尚算合格,飯蕉不太多。煲仔飯提味既豉油唔夠咸味整體一般

初三赤口，同老大去完林村諗食去荃灣覓食，見今日已食足全日飽飽地，諗住晚餐份量都唔好食得咁HEAVY，無奈荃灣食開好哋既食肆仲未啟市。行下行下，見到好多間都係有人排隊等食，唔想排既情況之下，經過呢間標榜食煲仔飯既標記西餐廳(其實同一般茶記無咩分別既裝修，自稱西餐廳係咪有點兒那個) 。 同老大入到揀左個卡位坐，望完餐牌，諗住穩陣D呢間野未食過，就揀左個晚餐A. 蒜蓉雞扒炸帶子飯(一心諗住應該難食極有個譜吧)，老大想食煲仔飯就叫左個咖哩牛腩煲仔飯。首先好快速地黎左個羅宋湯，一望見過紅湯我已心知不妙，不甘心下一沉，個湯成陣油浮游係面既，飲左兩三啖試味，噢雪，淡到以為飲緊係紅色溝油再加水開稀既湯，個湯似係翻煲再煲左唔知第幾轉加D茄膏落去整到紅色色水咁就當係羅宋湯，最後放棄左無謂勉強個胃 。點知個羅宋湯先係成餐晚飯惡夢既開始，我個飯(晚餐A. 蒜蓉雞扒炸帶子飯)由落單到飯到上枱前後唔夠3分鐘，行動非常迅速，但係我心不甘一沉再沉，因為見到碟飯上枱無煙既，我食左啖個炸帶子，哇靠，個蒜汁暖既但舊帶子裡面係凍架，我好禮貌地叫個侍應埋黎同對方表達個帶子係凍架，佢面黑黑無出聲成碟飯扲起，行左埋一邊同另一個

外遊回港，時差效應，胃口未開，所以落街求其食一些作充飢。行過就入了這店，剛巧下午茶時間就點了一份下午茶餐，紅腸太陽蛋出前一丁配鴛鴦走，紅腸薄薄三片，入口肉質頗削，太陽蛋煎得尚算有靈魂，有蛋香，入口嫩滑，出前一丁就淥得過了火，略嫌太淋，但全個餐最差算是杯鴛鴦走，茶啡味都不濃，入口不順滑，味道如糖水，但在荃灣區大街，只收三十三元一個下午茶餐，又可以要求些什麼呢

今日黎荃灣同friend聚下，出到去成兩點幾，想求求其其食個下午茶餐，荃灣一向出名多野食，我地係城市中心行開，就去左附近既眾安街搵野食，經過呢間門口好似都幾旺就入左去試。去到既時候已經兩點幾，於是就食下午茶，我地叫左兩個焗豬扒飯，凍OT同熱菜蜜，有幾個下午茶menu，中西式粉麵等等，都幾多選擇，但因為好肚餓，所以求其叫左黎食。等左5-7分鐘左右，野食終於黎到:個飯都好大下，頗為多汁，鐘意食汁加飯既我當然非常受落，豬扒有一塊半，下午茶黎講算係幾多，側邊竟然仲有配菜，宜家好多茶記為左節省成本而冇落，而且飯仲有炒埋底!出面炒底一般要加幾蚊，佢35蚊有咁既份量真係稱得上為足料。味道方面就中上，豬扒冇雪味而且冇鬆肉粉既味，冇其他雜味蓋過茄汁既味係呢碟野既精髓!食食下仲見到有兩塊鮮蕃茄menu上面既'鮮茄'真係冇呃人，加埋面頭既芝士真係好過某知名連鎖快餐店大X樂Orz。凍OT就一般般，同普通茶記差唔多，$35係旺區食到咁既質素真係好抵!推!

西冷牛扒、文也石斑塊、薯菜(白菌汁) : 西冷和魚塊是早餐或下午茶餐那種薄牛扒和魚柳 , 薄之如質地亦差 , 這樣的鐵板餐沒有意思 , 白菌汁反而被襯托成為主角 , 因為有不少白菌 , 味道亦可以 ,相對上來表現得老實 ! 因為是中午時段 , 我看見單是西冷或肉眼的鐵板餐 , 只見雙拼的那個菜單 , 我想也許單一的會好些罷?!熱奶茶味道淡 ; 酥皮海鮮湯 :  湯味道不错, 濃稠適中, 湯料多, 有小蝦、玉米粒、蟹柳 , 而酥皮一般 , 不酥化沒有牛油香 !

去到荃灣眾安街，好多西餐廳都執晒，見到間炳記比較老字號，入去光顧下，叫左個小菜套餐，西芹腰果蝦仁65蚊，要熱飲+5蚊，碟餸黎到腰果仲大過隻蝦！離晒譜！居然甘既質素，可以夠胆比客人食，以後吾會再光顧，劣評！

上回提到，在炳記西餐館開餐，吃過咖哩，今勻又係獨自去搵食，又係再去炳記西餐館。今次不吃咖哩，卻食焗飯。再看看餐牌，西餐很多，焗飯也不少，就連煲仔飯煲仔菜都有，總之大包圍，喜歡吃甚麼就是了。今次吃焗飯，有湯又有飲品，都算幾好了。羅宋湯基本上是在下不變的餐湯，除了蔬菜夠腍外，還有的是湯底的酸甜味，不過今次卻較上次淡味了，沒有上次的濃郁，而且沒有辛辣味。西班牙焗豬扒飯。話就話是西班牙，老實說，是蕃茄焗豬扒飯。蕃茄剛剛好舖滿了豬扒，一點蕃茄汁也沒有滲入炒飯裡，炒飯也黏黐著蛋絲，也炒飯均衡。豬扒鬆化得來，邊位有點帶靭，是美不足道之處。凍阿華田本身甜味已經足夠，加上冰塊，使之甜度溝稀，不會太甜。其實味道與上次大致相約，只是略有偏差。

每一次行經眾安街，只是行了三分二，餘下的卻未走過。但是近這兩三個月，連餘下的眾安街也行過，目的就是要看看另一邊的眾安街有否食店。也許因為荃新天地的開幕，也令在下要走到眾安街的另一邊，到了這邊，才發現了原來有好幾間食店，也讓在下遠離地鐵站一帶，也未到荃新天的地點。雖然如此，但是在下所選的食店也靠近街市，因此下班時間來買餸的人也多了起來。每一次來這街，在下不只一是看到炳記，招牌是西餐館，但是門外的餐單招牌，卻有著西餐，中式小菜和飯類，好奇心下，忍不住要入去看過究竟。入到餐廳裡面，才發覺原來是一間茶記格局的食店，而非西餐廳格局的食店，一邊是二人卡座，另一邊是四人卡座，中間是六人的長方坐位，店內深入之處仍有卡座供應，看來似乎很大呢！詳細研究餐牌，不乏有茶記的小菜，也有西餐供應，除此之外，還有咖哩飯呢！然而在下正想，如果吃一客西餐，倒不如去莎槳美好過，因為炳記的鐵皮餐價錢與莎槳美的差不多，如果點一客，不如去莎槳好過，因此在下還是點算一客咖哩飯好過了。湯是點了羅宋湯，湯裡色澤對辦，蔬菜也足夠，喝一口是典型港式味道，有辛辣味道，但未見油膩，也未見牛腩在內。不點豬扒也不點牛肉，因為早前已吃得多了，雞扒

因為見唔使等位先會入去。肉碎牛扒飯 $45唔錯。牛扒細細塊，都有6,7塊左右。肉碎都好味，有少少汁好餸飯。萄汁焗雞飯 $53餐牌上的圖顯示係原碟焗飯，誤導我以為係炒底那一種。來到竟然是萄汁焗雞+ 白飯，同餐牌上的圖原全係兩回事，都算。食落發覺雞完全入唔到萄汁味係白切雞+椰奶+ 粉勾芡，再焗下個面層。最重要係連白飯都又乾，又嚡。

歐陸早餐炸魚柳煎蛋索價已接近$30連熱飲乙杯就是眼前咁多......根本吃不飽原本都無乜事, 怎知道食到炸魚柳就出事, 味道酸酸地, 就叫一叫女侍應生, 問問是否調味新配方: 着重檸檬味道?女侍應生第一句就答: 「成朝都無人投訴過炸魚有事喎!」我就以不慍不火的聲調向她說:「咁, 我呢嚿無食過, 不如你試吓~」女侍應生無試到但就答:「我擰入厨房俾厨師睇睇。」隨手就把我碟早餐拿走......不消一會兒, 她就換了塊煎雞扒給我, 當然連我剛吃剩的食物雞扒是有用重鬆肉粉鬆過, 肉質鬆散亦唔見得煎香煎雞蛋有少許脆邊, 蛋味亦輕麵包不暖, 軟熟度有限茄汁焗豆是冷冰冰的早餐......咪預我了~

於店外望入去，感覺幾Okay，於是薯片妹同蝦餃仔就走入去，黎個下午茶入到去，服務員叫我哋坐埋—邊，原來天花頂滴緊積水時間係5點55分，下午茶lastorder，揀咗兩個茶餐;1)星洲炒米，跟凍奶茶2)西多士拼泰式春卷跟紅荳冰叫服務員落單時，佢哋嘅眼神唔願做咁，推黎推去，可能阻住佢哋用膳吧，而蝦餃仔就話阻住佢哋鋤大D(玩啤牌)就真唔係太多客，只等數分鐘就黎咗杯凍奶茶及紅荳冰，再過多六分鐘就黎埋西多士拼春卷…西多士:外表似西多士，食落口感似食花生醬包係因為油温唔夠做成，就算之後幾猛火都補唔翻，已經索晒油，唔掂泰式春卷:好睇唔好食，問題同西多土—様索油就連最普片嘅泰式雞醬都無，何來泰式(⊙o⊙)？凍奶茶:用黑白奶冲嘅，有小小茶香，但鞋口，勉强可以！紅荳冰:一見到杯野，感覺上好正，奶水、紅荳及冰嘅比例好正確，不多不少，點知一試之下，極度失望，紅荳無甜味之餘更有雸櫃味，應該係無蓋好就放入雪櫃才導致如此，飲咗三啖就頂唔順無飲喇，可惡隔咗無幾耐，就上埋碟星洲炒米喇星洲炒米:有好濃香嘅咖哩粉味，材料十足，小油，可惜唔夠咸，建議加適量黃薑粉炒會更香由於炒米唔夠咸，於是蝦餃仔就叫服務員攞鼓油，同様攞過黎時

六月五日 (星期日)由於買了戲票,所以要趕快吃個午餐,再去找龜店老公仔之前做過資料搜集,附近這家茶餐廳的食評不錯在趕急的情況下,就選擇了這家點了十分鐘有多才上菜,以茶餐廳來說的確比較慢呢這個是從餐牌內選的黑椒雖然比較辣,但是很香很惹味烏冬比較碎牛肉絲倒有水準,富牛味,肉質算煙韌是日午餐之一不是講下的,真的頗富紅酒味酒味融入了雞扒當中雞肉嫰滑,以茶餐廳來說是高水準了唯獨意粉做意較馬虎,似乎煮過濃了

今次依然是下午茶當晚餐, 因為已經5:00pm。有乜改變? 就是上至午餐下至下午茶焗飯餐都不再有湯供應, 款款至少$3X, 送熱飲但凍飲及冰類都是加$2紅荳冰的紅荳無煲淋, 所以無驚喜椒鹽豬扒飯$33就肯定防不到輻射, 所以用豉油汁搭救。 豬扒有被揼過的跡象但就硬掘掘即係無被生化過。上年我嘅食評講過呢度嘅焗葡国雞飯有我兒時吃過的味道, 也有用椰絲去焗。 今次依然有用椰絲去焗, 不過雞就無去骨, 而且應該是用冰鮮雞呢。 碗底有大量洋葱及青椒去令葡汁也重甜度但係現在葡汁的味道已比以前mild了。 下午茶焗飯索價$35。不知道半年後會否有另外的轉變?